適來園

營業中

休息中

入到呢間店，有點時光倒流的感覺。原因係店裡面的裝潢好舊，門面亦唔算光鮮，但越係咁就越想試下個魚蛋質素如何。魚蛋米加腩汁（$26）都幾大碗架wor，魚蛋果然係有魚味，爽口彈牙，冇乜腥味，似係自家製，個人喜好食魚片，不過我叫魚蛋米，佢真係全部比晒魚蛋我，都可以接受啦。牛筋河（$31），牛筋炆得幾淋呀，亦夠大舊，唔會散收收，我本身好少食都覺得幾有質素。有趣係店內其他食客，有d會叫碟頭飯，餐牌上亦有多士可以選擇，今晚幫襯仲見到導演林超賢黎食wor，有趣有趣。