越萊 (廟街)

營業中

休息中

冇諗過成條街咁多餐廳居然得呢間要排隊,好彩唔係排左好耐已經有位👍🏽 舖頭唔大, 但係都會盡量善用每一個位置, 所以係會坐得有啲逼🙈 食物以撈檬同湯河為主, 配搭都幾多, 所以揀到頭都大埋😂越式自選湯河($46)湯河都幾大碗, 可以揀一至三款餸, 因為唔太肚餓, 所以只係揀左一餸☺️ 湯有兩款我就揀左清雞湯加雞絲, 清清地幾好食, 另外當然有唔少得既香葉, 青檸, 辣椒🌶️ 河粉都幾爽身, 完全唔會係油淋淋果隻👍🏽 越萊經典撈檬($66)呢個撈檬真係勁大份, 有大量香茅牛肉, 厚切豬扒, 豬頸肉, 份量完全同張相一樣咁多😲 三款肉入面個人覺得豬頸肉燒得最香最好食😋 我諗女仔一個人未必食得曬, 男仔食完應該都會好飽😂
越萊炸春卷🫔(+12)跟餐加$12就可以食到呢個小食, 春卷炸到勁鬆脆, 肉餡好豐富, 仲要新鮮炸出黎真係特好食😍大部分既粉麵都會跟一杯免費既熱柑桔蜜🍊 呢間越南野真係勁抵食, CP值勁高, 大大碗又高質, 黎開佐敦既話一定要食🤤

佐敦不嬲多抵食又好食嘅野，今日咁岩經開呢頭。呢間下午茶呢間性價比好高，四十幾蚊就食到超飽，估佢唔到。.下午茶餐有小食、主菜加飲品。小食係炸蝦餅，不過不失。主食我叫左扎肉包，個豬肝醬油香好足。個包好大個，足料，飽感十足。飲品就係椰子水，同支裝飲品一樣味。.估唔到會飽到咁，我仲另外叫左個米紙卷，入面有隻蝦同粉絲。.整體黎講，大件夾抵食，又幾好食，坐得企企理理，呢個價錢無咩可以批評。下次經過都會再食呀。

之前都冇乜俾過食評 。以前都唔係太鍾意食越南嘢 ，最近幾個月開始鍾意咗食越南嘢 都比較清淡唔油膩 我鍾意食一啲開胃嘅嘢 。啲份量都幾足 味道幾好！不過味精好似重少少 ，因為個人比較鍾意清淡 。同男朋友食過兩次都係叫外賣，一次係下午茶一次係夜晚 ，呢一次就係喺尖沙咀海港城買完野跟住揸車過去都係一兩分鐘超近，外賣有九折都幾抵 。加上OpenRice有啲積分可以扣 ，餐廳食物價錢相宜 呢間係抵食所以之後都會幫襯。希望可以保持到水準！

佐敦出名多嘢食，同朋友做完運動想食啲清清地嘅嘢，就諗食越南嘢。星期六 大約13:15去到要喺門口等兩張枱，不過好在啲人就嚟食完，等咗10分鐘左右就可以入座。座位有少少迫，不過啲嘢好食大家都係唔太介意。叫咗兩個全日餐share。好想食蝦餅所以叫咗 豬扒拼蝦餅撈檬 + 三餸一湯河:牛筋、豬軟骨、生牛肉。豬扒仲係熱辣辣個蝦餅好脆，食落令人諗起炸蟹鉗自己就好鍾意啦(雖然唔肯定蝦餅係唔係應該個味道咁似蟹鉗)加$12有一個小食好吸引，叫咗 蝦仁米紙卷 + 潘良明蝦帶子伴茄子。個餐送熱柑桔蜜, 其他飲品就要加錢。可能眼闊肚窄，又可能個三餸叫得太多肉，兩個女仔食到中間投晒降。再睇下隔離塊廣告牌寫住「唔止好食仲食得飽」 真係好飽

前幾日去左佐敦拎証書，之後就係附近揾間餐廳嘆個下午茶醫肚，行行下就見到呢間食越南野既餐廳，見有法式豬扒包就入去試下。 下午茶餐算幾低食，一個豬扒包加一款小食再加埋飲品都係$42, 轉特飲先加$4, 真係平靚正。法式吉列豬排包： 吉列豬排炸到好香脆好香口，唔會油淋淋又唔太乾身，配生菜蕃茄沙律醬好夾好惹味。越萊自制手工春卷：春卷皮咬落去脆卜卜，餡料足，配埋酸味味既汁好開胃。青檸梳打： 正正常常，酸酸的，十分醒神開胃解渴。

運動課完了以後，第一件事就是去吃好東西😂同學推介下，吃了久違了的越南菜🇻🇳果然是好介紹呢！❤️ 照燒豬扒蝦餅撈檬 $58 豬扒咬下去，很易斷開，還有點肉汁香茅味很香，外層燒焦香了，惹味香口 😁 蝦餅厚厚的，彈牙非常，味道較淡也好吃。檬粉的份量不少，肯定能吃飽 🤣(差點忘記拍照，太餓了😂) ❤️ 蒜香牛油雞翼 (套餐+$12)"咔！" 像厚身薯片，實脆的外殼，咬開蒜香，牛油香爆出，雖然略油，但很！香！雞翼醃得有點久，肉略實，但充滿肉汁 😋 會再光顧 👍 味道: 8/10 環境: 7/10服務: 8/10性價比: 9/10

🥢越萊小火車頭檬粉 $58少見一人份量火車頭，啲餸多得好誇張🤩。生牛肉、牛丸、牛筋、牛腩、扎肉、豆卜、雞絲、豬軟骨，每樣有1-2件。牛肉湯底肉味唔算特別濃厚，比一般餐廳清甜，食完唔口渴。牛丸彈牙濃郁，牛腩唔會太肥。豬軟骨炆得軟腍又入味。🥢法式吉列豬扒包 $42+越萊自製手工春卷法包同吉列豬扒都好香脆，豬扒冇骨啖啖肉。沙律醬唔算好酸，減低咗油膩感，味道又唔會太霸道。春卷餡料紮實，充滿蔬菜嘅清甜。🥢越式傳統豬肝醬手切扎肉包 $42+越萊蒜香牛油雞翼豬肝醬鮮味幼滑，食落去似淡啲嘅鵝肝醬，配埋扎肉嘅胡椒香都幾夾。加埋車木瓜沙律味道更清新。雞翼好香脆，牛油味同蒜香都好重。一咬落去肉汁加埋牛油爆晒出嚟🤭。

喺仲未有堂食嘅日子晚餐唔想煮就要靠外賣了好耐冇食越南嘢經過見到全日餐都係50幾蚊仲有杯嘢飲外賣自取仲有九折一於試吓睇吓個餐牌原來仲可以$12加配小食 二人晚餐叫咗F. 照燒雞扒撈檬 + 越萊蒜香牛油雞翼 雞扒煎得唔錯 不會外油內乾食越南野一定要叫牛油雞翼呢度嘅牛油雞翼 炸粉唔會太厚 勁香牛油味拎到返屋企仲好好味G. 照燒豬扒撈檬 + 越萊自製手工春卷豬扒香茅味幾重 淋得黎唔會韌食到春卷入邊有粉絲肉碎菇 炸得幾香口河內蝦仁米紙卷蝦仁新鮮 米紙都幾煙韌食落去好清新整體來講味道係好食既 而且份量都幾多價錢仲可以話幾平 一人餐加埋小食同飲品都好飽了如果食量唔多一人餐加幾個小食都係不錯的選擇

最近冇晚市堂食之後，同朋友係附近發現左呢間全日冇做堂食嘅餐廳，係呢啲時勢一定要支持下🥺見佢有優惠～ 我同朋友叫左兩份麵仲加多左兩份小食估唔到仲包熱柑桔蜜！我就轉左杯+$10轉左青檸梳打～而家外賣仲有9折！咁多野食都唔洗$150🥹🤍三餸湯檬 $56我食呢個湯檬揀左牛骨湯 食落唔肥膩～三個餸分別揀咗豬軟骨+手撕雞絲+牛筋返到去打開個外賣盒份量多到傻 每樣餸都勁多！豬軟骨唔會煮得太諗，依然食到軟骨嘅感覺😋牛筋超級大舊 好入味雖然係雞絲 但一啲都唔鞋,又唔會冇味仲有兩大舊蘿蔔 其實已經係一碗四餸車仔麵了檬粉又唔會太碎 仲超大碗呢碗粉我真係冇嘢挑剔🤣勁大碗都忍唔住食哂…🤍越萊經典撈檬 $66香茅牛肉+厚切燒豬扒+豬頸肉朋友叫咗呢個凍撈檬～肉嘅份量多到我哋以為佢比錯左🤭係一碗粉+一整盒餸🥺🥺🥺仲有好豐富嘅配菜 個汁亦都唔會太酸！係好開胃嘅感覺🤍越萊自製手工春卷（2件）+$12就算係外賣都好脆～口感食落去係硬身！味道剛剛好唔會太油或者太咸～🤍河內蝦仁米紙卷（2件）餡料除咗有蝦仁 仲有青瓜生菜紅蘿蔔絲入口感覺好清新～ 食左好多肉食番啲菜感覺冇咁罪惡🤣整體評分：🤍🤍🤍🤍🤍但呢間食物真係好！大！份～ 價錢

Wfh 又要食外賣好耐都冇試過食越南野今次就決定叫越萊嘅外賣試一試叫咗幾個飯同埋一啲小食分別叫咗豬頸肉同埋豬扒飯兩個飯都好出色食豬扒最怕就係好乾 但呢間餐廳做得好好唔會好乾仲好好食平時食咁多肉一定要叫個菜用越南嘅手法炒嘅通菜都好好味另外叫咗少少小食呢個係米卷 感覺上好清新健康係唔錯嘅選擇牛油雞翼好好食！就算外賣拎咗返去食都一樣好香好好味下次再叫會想叫一大碟同朋友一齊食整體來講呢間餐廳嘅質素都唔錯味道好食之餘價錢亦都唔係貴下次亦會在朋友嚟呢度食多次

越萊 🇻🇳佐敦廟街306號地下D號舖 外賣自取系列🐒🐒🐣🐣香港人加油！疫情嚴重 所以揀咗外賣自取拎返屋企食題外話依家外賣自取做緊九折優惠作為東南亞嘅一把鐮刀 喺地圖上睇亦都似一個半月形 極長嘅海岸線都為佢帶嚟多元嘅飲食文化有去過越南嘅都會俾佢嘅風土人情吸引北部 中部 南部嘅飲食文化可以差好遠越南各種菜式都係港人喜愛之一之前有個網站挑選港人最愛嘅國家菜式其中日 泰 越 呢三種菜式係無法抉擇可以比喻為 即係你問我旗魚 獵豹 隼呢三種動物邊一個係速度最快嘅😹一個水行俠 一個黑豹 一個係閃電俠三個唔同世界唔同領域嘅嘢 點樣比較🙈其實人都一樣 所謂嘅優越 優勝 ‘’強者‘’只不過係人類自身所引伸出嚟嘅指定範疇裏面勁過人 邊有可能所有嘢都量度到今日我主打食撈檬🙊店內企理 店員有禮 包裝幾好平時外賣最驚係拎返屋企嘅時候已經變咗形 飲品倒瀉晒店員細心幫我整好晒 👍🏻雞扒撈‘夢’豬扒撈‘夢’越式牛油雞翼

又是外賣的時間，今日想食越南pho，記得食過深水埗的「越萊」記得不錯，而且外賣有9折呢！所以在佐敦想去位於廟街的分店。Google map帶我們兜粥好遠好遠的錯路，所以由原本從地鐵站C出口只有3分鐘的路程，最後要超過半小時少到！=外賣自取 9折優惠=點了兩個全日套餐，有1-3餸選擇！可配河粉/檬粉。跟餐送熱柑橘蜜 （兩個餐有兩杯），還可加+$12 點小食！外賣的湯、粉會分開放，所以放涼了也沒問題！回家加熱更好吃！《3餸+檬粉 + 清雞湯》$56選了 手撕雞絲、豬軟骨、木耳絲 從透明膠兜可見餸料十足，都是滿滿的！手撕雞絲多夠晒飽足感，豬軟骨有3-4條軟軟的膠質口感，木耳絲 爽口又多又夠健康，湯底清香而不淡，不錯呀！另一碗《3餸+檬粉 + 招牌牛骨湯 》$56選了蘿蔔、扎肉、牛筋。今次選擇了牛骨湯，香濃而不咸，蘿蔔香腍入口，手吸了湯汁好味道！牛筋有兩塊，口感像牛展，連筋帶肉有牛肉味又有口感而不韌，扎肉厚身連細軟骨增加口感，這裏的pho果然不錯！+$12 清甜菜心苗菜苗鮮嫩無渣，分量比預期多，抵叫。+$26 香蒜雞翼三隻 三隻大雞翼肉厚入味，外層連粉炸香酥脆惹味，蘸酸汁更好吃！+$12 越

今日約佐朋友去佐敦，知道有間好食既越南野餐廳，一於去試下！位置都方便，大約由地鐵站行5分鐘都到。去到既時候唔算繁忙時間，所以好快都安排到座位👍🏻🤣餐廳裝修好特色，好似真係去越南咁🤣🤣略嫌張枱細佐少少（因為後尾唔夠位擺野食😂)不過都坐得舒服既！👍🏻我地叫佐碗生牛肉河粉，小食拼盤，油菜同埋特色飲品👍🏻以兩個人黎講會多佐少少，因為份量都大，食到一半都有少少飽😂生牛肉河粉有少少失望，唔知係咪個湯唔係十分熱，生牛肉都係浸到變半生熟（雖然半生熟牛肉又反而幾好食)😋小食拼盤都算驚喜，份量大得黎，味道都好好食，米紙卷同蝦餅都係推介之選！油菜就比較普通🤣下次再黎會試下其他粉，見佢有大大份既牛河粉，岩曬我地呢d牛控🤣

聽講佐敦有間越南嘢幾好食，就睇試下佢個外賣，以前都有堂食嘅不過而家變哂淨係做外賣。見到個menu 都好多選擇，樣樣都想食都幾難揀越南野多數生牛肉河，但我就麻麻地，反而我中意食d香茅味既野，同埋食肉為主，所以就決定叫個越萊經典撈檬。有三個餸，分別係香茅牛肉，厚切豬扒同埋豬頸肉，再配檬粉，真係好多餸而且個檬粉嘅份量都好多因為叫左午市套餐有得加$12就有份小食，咁就試左河內蝦仁米紙卷，一份有兩件，蝦仁都好爽口，如果有多兩件就好之後叫多兩個小食，叫左越萊蒜香牛油雞翼同埋海防炸蝦餅。蒜香牛油雞翼中規中矩，冇乜特別，正常發揮。而海防炸蝦餅就好似啲炸蝦滑咁，口感偏實，都係不過不失。總括嚟講，個撈檬可以一試，比起其他越南店出色。小食就睇下自己想食邊隻就叫，不過同其他越南店舖都不太大分別，如果有堂食都想試埋佢個越式三文治

呢間之前都食過，不過外賣就未試過，就得呢間性價比好高，依家外賣免加一之外仲有9折，真係抵試加抵！。🐒牛萊了(生牛肉，牛腩，牛筋，牛展，牛丸x2)(全日套餐)💰$72+$5轉菜底+熱柑桔蜜轉菜底真係好正，因為我想食啲餸但食面又太多，轉菜底又可以食多啲菜，又食到我想食既餸，一舉兩得🤩牛萊了入面全部都係牛，份量好多，每款at least有2舊，全部都肥瘦適中，不過生牛肉因為外賣所以變左熟牛😂但味道都好正，落埋配菜青檸汁，酸辣清爽。🐒沙沙汁魚柳包(下午茶餐)💰$42跟一款小食+飲品(凍越南滴漏咖啡)好貼心可以醬另上，舊魚拎到番去都仲脆，沙沙汁入面有落左青瓜番茄，有唔同口感👉🏻海防炸蝦餅(一件)拎埋個沙沙汁點呢個蝦餅，好match🤣蝦餅係成塊都係蝦膠，食落外脆肉彈牙，如果岩岩炸起食應該會好食好多🥤杯咖啡值得一提，雖然甜但咖啡味好濃郁，男朋友誇到話齒頰留香🥴。🐒河內蝦仁米紙卷(2件)💰$26每次餐廳有做米紙卷就會嗌，呢度嗌全日套餐有得+$12就有2件，必加！塊皮係煙韌，入面有啲脆蒜，食落更香口