越萊 (廟街)

最近香港飲食業真係寒冬，晚上六點幾經過佐敦廟街，差唔多每一間食肆都沒有什麼客人。這間越南菜見到網上食評頗多好評，一於支持吓香港飲食業先。舖頭地方唔大，但乾淨企理，裝修明亮。價錢唔貴，算抵食。手機QR code下單，方便快捷。*炭燒豬頸肉 $52豬頸肉燒得乾身，好香口，配上越式酸甜汁，酸酸甜甜，非常好食。*西貢馬拉盞炒通菜 $32通菜爽口，馬拉盞非常惹味。*三式滋味雞肉撈檬 $82*配熱菜蜜份量非常多，一大隻雞髀，加上2隻雞翼、燒雞肉。雞髀肉質結實，魚露味濃郁，雞翼燒得香脆，燒雞肉香甜。*紅酒燴牛尾鍋配飯 $78*配熱菜蜜紅酒味很香濃，有三大塊牛尾，牛尾炆得非常之軟淋。埋單$244 ，沒有加一服務費。在佐敦廟街，這個價錢，性價比十分之高，加上味道非常不錯，誠意十足。其實香港很多小食店都很進取，能夠保持到不錯的食物質素，希望能夠堅守下去，香港飲食業越來越好。…查看更多

【佐敦・越南風味 🇻🇳】喺越萊試咗幾款地道菜式，簡單同大家分享～🌶️ 順化香辣湯順粉湯底濃郁帶微辣，順粉滑溜配料十足，越式風味滿滿🥬 香甜菜心苗簡單清炒，鮮嫩清甜平衡味蕾嘅清新選擇🐙 香烤墨魚餅外層香脆，墨魚肉彈牙燒烤香氣突出，必試小食🍖 越式雞串香茅醃製夠入味烤得啱啱好，肉質嫩滑🐮 越式鐵板牛柳粒鐵板上桌滋滋響牛肉粒juicy，黑椒香氣誘人🥖 法式吉列豬扒包外脆內軟嘅法包夾住香脆吉列豬扒越法融合之選呢度嘅越南菜做得幾正宗，由湯粉到小食都有水準，值得一試！#佐敦美食 #越萊 #越南菜 #鐵板牛柳粒 #順化湯粉 #香港美食…查看更多

【📍越萊🥥椰青套餐勁抵食！】✨呢間越南菜喺深水埗/佐敦都有分店✨環境同餐碟都好有越式風味～～✨椰青一人餐/下午茶直程超級抵食！🌟推薦必點自選撈檬套餐👉🏻配小食及椰青撈檬份量好足，有好多款配餸選擇！揀左香茅雞翼、香茅豬扒、手切扎肉鍾意惹味嘅建議點香茅系列，夠香口～扎肉就夠爽口彈牙，以上三款都推薦👍🏻配餸份量一樣好多，加埋醬汁酸酸辣辣小食揀左香烤墨魚餅、網皮春卷～墨魚餅烤得夠焦香，口感彈牙😙網皮脆卷食落夠灑香脆，裏面餡料好足！🌟沙沙汁魚柳包下午茶套餐👉🏻配小食及飲品魚柳包都幾大份，大大塊脆炸魚柳😍魚柳炸得外脆內嫩，真心有驚喜！微脆微焦嘅麵包配上沙沙汁，好食😋小食揀左蒜香牛油雞翼～雞翼好香蒜味牛油味，炸得金黃香脆😝…查看更多

店舖細及座位少，見不用排對便入去試吓，侍應有禮，越式豬肝醬手切札肉包，麵包外少少脆內軟，餡料很多豬肝醬鹹鹹哋都好食，彭sir小食拼盤，雞髀甜甜地肉質結實都好食，串燒較乾但沙嗲汁夠味，春卷放左一陣也脆，白蘿蔔夠腍都甜，豬頸肉軟硬適中，不太肥；馬拉盞通菜辣辣地，但較淡口。…查看更多

佐敦，一個龍蛇混雜、美食臥虎藏龍之地。要在這個食肆林立的戰區站穩陣腳，冇啲實力都幾難。今次我深入廟街，唔係為咗睇相算命，而係被一間門面唔算起眼嘅越南餐廳「越萊」所吸引。究竟喺呢個充滿江湖味嘅地方，可唔可以食到一碗正宗嘅越南家鄉味？湯底是靈魂：招牌牛骨湯河見真章 🥩一間越南餐廳嘅功架，好多時取決於佢碗Pho（湯河）嘅湯底。今次叫嘅係「一餸粉」，揀咗最經典嘅生牛肉，配招牌牛骨湯。一上枱，湯色清澈唔混濁，飲一啖，牛骨嘅香醇濃郁即刻喺口腔爆發，冇乜味精感，飲得出係用足料同時間熬製嘅心機。生牛肉片切得厚薄適中，用滾湯輕輕焯熟，肉質保持到嫩滑，牛味十足。河粉滑溜，掛湯力強，每一啖都係精華。以$52呢個價錢嚟講，有咁嘅質素，絕對係誠意之作。經典小食與法包：不過不失的配角 🥖🍖食越南嘢，又點可以錯過法包同埋香口小食？越式傳統豬肝醬手切扎肉包 ($46)：一個正宗嘅Bánh Mì，法包本身一定要外脆內軟。呢個包大致上做到，外層香脆，但內裡嘅鬆軟度可以再多少少。豬肝醬嘅味道香濃，手切扎肉亦夠惹味，配埋酸甜嘅醃蘿蔔絲同青瓜，整體味道平衡，係一個穩陣嘅選擇。炭燒豬頸肉 ($52)：呢個小食份量唔算特別多，但燒得焦香，肉質爽口彈牙。醃料嘅味道滲透到豬頸肉每一吋，食落甜甜哋，帶有炭火香氣，點埋旁邊嘅醬汁，相當開胃。雖然未至於驚為天人，但作為佐餐小食，絕對稱職。 總結：廟街中的一抹小清新 💯總括嚟講，「越萊」最令人印象深刻嘅，始終係嗰碗功架十足嘅牛骨湯河，湯底嘅醇厚令人回味。其他小食同法包雖然未有太大驚喜，但亦都保持喺水準之上。如果你行開佐敦廟街一帶，想搵個地方食返碗正宗、暖胃嘅越南湯河，呢間「越萊」絕對係一個值得你停低腳步嘅選擇。佢可能冇華麗嘅裝修，但食物裡面嘅嗰份心機同誠意，相信你一定食得出。…查看更多