越萊 (廟街)

營業中

休息中

掛住呢間嘅河粉於是又嚟食佢嘅牛肉湯河，性價比極高嘅越南嘢，推薦！我地每人叫左個招牌湯河再加胡志明綜合拼盤，超級飽呀，朋友揀左牛萊了，包括牛腩、牛筋、生牛肉、牛丸、牛腱，全牛餐，中意食牛既朋友必點，咁多材料加埋都只係$78，個人好鍾意佢個牛筋同牛腩住得好稔，近乎入口即溶，所以好好味，另一個朋友鍾意食辣，所以叫咗順化香辣湯粉，辣得來不嗆口，同時香得黎亦惹味，套餐包埋順化菜心苗，菜心嫩口鮮美，炒過撈湯河就更好食，我就點左牛腩配招牌牛骨湯河粉，河粉吸曬濃郁牛骨湯係一流，熱柑橘蜜十分解膩潤喉，拼盤即叫即炸，春卷香脆好味，沾埋沙嗲醬就更正😁😁

裝修非常有特色,還有一人獨立座位「牛來了河粉」以牛肉為主打，提供新鮮的生牛肉、牛腩、牛筋和牛丸等。生牛肉河粉是一道經典的，肉質鮮嫩多汁，口感柔軟。牛腩燉得軟爛，入口即化，充滿濃鬱的牛肉風味。牛筋則有嚼勁，彈牙而有口感。牛丸鮮嫩美味，配合麵條一同品嚐，是一個絕佳的組合。越萊人氣撈檬（蝦餅、扎肉、烤豬肉）：「越萊人氣撈檬」包括了多款美味的材料，特別以蝦餅、扎肉和烤豬肉聞名。蝦餅的口感酥脆，外層金黃酥脆，內裡鮮嫩彈牙的蝦肉令人愛不釋口。扎肉，它將豬肉切成薄片，經過特殊的處理和烹調，使其色澤紅亮、肉質鮮嫩多汁，帶有獨特的香味。烤豬肉感覺則是以豬肉經過炭火烤烘，使其外脆內嫩，飽滿的肉汁讓人回味無窮。除了這些招牌菜，還提供其他各式各樣的美食選擇，滿足不同人的口味喜好。無論是喜歡海鮮還是喜歡肉類，這裡都能找到合適的選擇。最後，讓我們來談談「熱柑桔蜜」。這款飲品結合了熱柑桔和蜜糖，帶來一種獨特而溫暖的口感。熱柑桔的酸甜味道和蜜糖的香甜融合在一起，給人一種愉悅和舒適的感覺。

經過廟街就見肚餓就搵左間越南餐廳醫下肚三餸湯粉$64牛骨湯鮮甜，唔會頸渴～牛筋好軟稔份量又多，手切扎肉有粒粒既肉粒咬下，口感幾正，同出面既唔同～牛丸都正常發揮，蘿蔔無渣，味道甜自製手工春卷$26稍為油左一dd, 入面既餡料以菌類為主，冇肉，適合食齋人士海防炸蝦餅$30食落卜卜脆，味道充滿濃厚嘅鮮蝦味，入面有粒粒蝦仁椰水$10味道清甜，適合炎熱既夏天下次試下牛萊了，見隔離枱勁大碗，兩個人share 都得，仲食得好滋味

叫左份牛萊了,入面有生牛肉、牛腩牛筋、牛丸、牛展,超豐富!牛肉唔錯👍🏻老家脆皮乳豬賣相雖然唔係好吸引,但真係幾好食!乳豬外皮好脆又入味!仲有埋蝦仁米紙卷同馬拉盞炒通菜,正👍🏻

同朋友係尖沙咀行街行到攰攰地又咁啱到3點3,朋友提議去廟行睇下有咩食。本黎諗住飲杯咖啡食個tea, 但經過呢間越萊見門面幾得意。下午茶好似幾多選擇，又不經意咁入左去。越南風情，舖入面就細細間。食越式野緊係唔少得食個越包包。朋友嗌左個傳統越包，入邊有豬肝醬同扎肉，雖然個外表好似無平時食越包果d法包咁靚仔，但其實個包都係好食既，豬肝醬好味我見個餐牌而家點午餐可以買一送一點小食，因為貪心既關係，點左個午餐。豬軟骨檬粉,湯底比較清淡，豬軟骨有3舊，份量唔少。小食：豬頸肉加牛油雞翅2樣小食都炸得香脆可口，雞翅細細只，下午茶就啱晒。呢度跟餐轉特飲都係幾蚊雞值得比。埋單100零蚊又可以試到咁多唔同款式既小食，個人覺得性價比高過茶記，可以再試

一向鍾意食越南嘢，今晚同老婆大人嚟開佐敦揾地方開餐，見呢間網上累積不少好評一於試試。位置頗就腳，由佐敦地鐵站寶靈街出口行幾分鐘就到，門口大大個招牌寫住 PHO BO ，充滿越南味。店鋪不大但食物選擇頗多，想到的越南美食基本上都有，我哋各自叫咗一款撈檬。照燒豬扒蝦餅撈檬($62)- 豬扒大大件，不肥膩，燒烤及香茅味濃，極之香口👍🏻👍🏻- 蝦餅兩件即叫即炸，彈牙之餘食得出有蝦肉👍🏻👍🏻👍🏻網皮春卷撈檬($52)- 春卷4條，網皮炸得香脆但唔油，包滿可口芋蓉，好食👍🏻👍🏻👍🏻撈檬份量極大，跟餐仲免費送熱柑枯蜜，轉椰汁紅豆冰同青檸梳打都只係各加$10，大大杯好飲又抵飲😋😋埋單每人唔洗$70，性價比極高！

今次想同大家介紹位於佐敦廟街嘅一間越南菜餐廳。睇網上嘅評價，其實呢間餐廳嘅性價比都幾高，今次就選擇喺下午茶時段喺度試吓，想知我嗰日食咗咩嘅❤️，就一定要繼續睇落去啦～越萊小火車頭首先想介紹嘅係餐廳嘅招牌火車頭，因為下午茶時段可以叫小火車頭🥰，啱晒我呢啲想食唔同嘢食嘅人。呢個小火車頭雖然話就話係小，但係其實一樣咁足料㗎。牛丸牛腩扎肉全部都有齊✨，呢個價錢嚟講真係相當公道。河内蝦仁米紙巻跟住就想介紹吓餐廳嘅小食，估唔到餐廳米紙卷嘅蝦仁係咁大隻，所以口感都好好。另外其實米紙卷係比較低卡路里嘅嘢食嚟㗎，夠晒有營養！越萊酸辣無骨鳳爪無骨鳳爪都係我其中一個好鍾意嘅越南小食，啱晒我呢啲懶人🤣。另外佢嘅口感都好爽脆，配埋酸辣嘅口味，真係超級開胃。椰水呢啲天氣飲椰子水真係消暑解渴，飲落好清甜。

平日夜晚一個人食飯🫠唔想食快餐/茶記行行下見到呢間越南菜小店😯門口有人等外賣 入面又有6、7成滿心諗應該唔差 就入去試試🧐小店環境好骨子有溫馨感☺️牆上面掛咗五顏六色嘅「斗笠帽」同時有竹籠燈罩嘅長燈💡非常有特色❣️餐牌選擇都幾多元化👍🏻除咗基本湯檬、撈檬之外仲有飯、越式三文治🥪、沙律等等最欣賞佢有好多款小食 樣樣都想試嘅話可以揀拼盤🤣牛萊了$78🍜可以揀配 湯檬粉 或者河粉首先湯底係招牌牛骨湯飲得出唔係味精 都幾濃 但唔油膩😇故名思義 全部都係牛🐮🐮有生牛肉、牛腩、牛筋、牛丸、牛𦟌份量超級多 餸仲多過麵生牛肉厚薄適中 肉味濃👍🏻筋好有咬口 無過韌 唔會咬唔開腩煮得入味、夠腍👌🏻𦟌相對就失色少少 有啲太硬🤏🏻柑桔蜜梳打 +$10🧊🥤岩夏天飲 生津解渴 又潤喉大杯！夠冰凍！唔會過淡小食可以揀2/4件超岩我呢啲想乜都試又怕食唔哂嘅人🥰越萊自製手工春卷 2件 $26佢唔同我地食開嗰種挺身、好脆皮嘅外層而偏向類似腐皮卷嘅質地 腍腍地嘅皮 入面包住蔬菜絲 木耳 少少肉清清地 唔錯 🫶🏻越萊蒜香牛油雞翼2件 $24重口人士必叫一上枱已勁香牛油🧈味個皮炸到脆卜卜仲有啲蒜粒😚雖然炸到飛起但入面雞肉仲係jui

夜晚做完運動唔想食d太heavy，去左佐敦越萊食咗碗pho。裝修就係小店咁，有d bar檯有d二人檯。佢有d港式越式fusion嘅感覺。pho可以自選配料，連轉菜底都有。我叫左個安格斯牛魔王pho 飲品就叫左熱檸檬茶。佢地嘅越南湯河係用新鮮嘅河粉同埋牛肉、白蘿蔔同埋牛丸煮成，湯都幾香，唔會太油。個人覺得牛丸係最好食，佢應該係大埔振興肉丸d牛丸，咬落係會bit曬d汁，勁爽彈。湯河煮得剛好，唔會過軟，而牛肉可以食得出係重肉味，同d貴價pho用嘅牛一樣。不過個人口味問題，覺得個湯底唔係我最鍾意嘅清甜果種，呢d比較重口味。另外，佢地嘅湯河仲配咗啲豆芽、洋蔥同埋炸蒜，增加咗啲口感同埋清新嘅味道。佐敦小店黎講我覺得都值得一試嘅，係幾抵食。

越萊夏日炎炎🔥特別想食越南野🌶️今日去左位於廟街越萊食越南菜價錢實惠～性價比高😉而且店內裝修舒適～更設有吧枱座位。越萊酸辣無骨鳳爪 $42 叫左無骨鳳爪作為前菜酸甜開胃😋～配上西芹、甘筍絲、洋蔥絲口感豐富👍🏻好味道。海防炸蝦餅 $30 蝦餅係店員推介我必食😍即叫即炸～蝦餅肉真係起膠又彈牙～超正。越萊經典撈檬 $66足料又美味～一次過食到三款不同配料～香茅牛肉入口幼嫩～厚切燒豬扒～啖啖肉夠入味～豬頸肉～烤到脆邊☺️好味配埋帶蒜香🧄撈檬汁～唔錯👍🏻。跟餐送熱柑橘蜜～我+$10 轉椰子水😍新鮮💯椰子🥥水～清甜又解暑📍佐敦廟街306號地下D號舖

去佐敦學日文，上堂之前梗係要食啲嘢先，去咗廟街呢間食越式湯河嘅餐廳。點了一個越式牛肉湯河「牛萊了」，揀呢款都係貪佢配料夠豐富，有生牛肉，牛腩、牛筋、牛丸2粒、牛𦟌，超級多餸，生牛肉肉質鮮嫩、牛腩牛筋都好入味，湯底是比較清甜那種，不算很濃味。小食方面有買一送一， 十分抵食，揀咗蒜香牛油雞翼，外皮好脆口，用牛油炸過，特別香。另外仲叫咗豬頸肉，免頭有啲蒜片都幾香。再加多一個炸蝦餅，好彈牙！湯河免費配一杯熱的柑桔蜜，酸酸甜甜都不錯。🔸海防炸蝦餅🔸越萊蒜香牛油雞翼🔸炭燒豬頸肉🔸牛萊了

等餐時間太耐！當時晚上六點半前後，枱還未滿，點了三份主食，加一份小食，但等了接近30分鐘才上到餐。食物味道還可以，有春卷，牛肉河粉，豬扒飯及豬扒檬粉！要是比較趕時間可能要考慮下吧………..唔會再來，服務員態度麻麻

最近天氣翳侷，人胃口都麻麻，想搵啲香味重嘅料理食吓🥸 嚟到佐敦，被《越萊》門面大餐牌同光鮮越式裝潢吸引眼球，今晚一於試吓佢🤗《越萊》主打皇牌牛骨湯底越式粉麵🍲 粉麵底可揀越南河粉或越南檬粉🍴餸菜就有越式扎肉、生牛肉、雞絲等肉類🍖🍗🥩，當然都有蔬菜類🥒🌿🥬。鐘意自由配搭餸菜嘅朋友可選一至三餸粉麵😗 想食超過三款餸嘅朋友，可選餐廳例牌指定餸菜粉麵，當中有啲餸款係自選餸菜餐牌冇嘅，等大家去發掘🤪海防炸蝦餅(2件) ($30)可以揀2件或4件😋 上枱熱辣辣，令人食指大動🤩 一咬，脆皮炸得好香脆😋 蝦餅味道好天然，啖啖鮮蝦咸香，口感爽彈☺️ SO GOOD!牛萊了(河粉) ($72)碗粉個名已經話你知係牛魔王之選😛 上到枱，即加香葉、辣椒、芽菜同青檸汁同試個湯！嘩，牛肉味好濃，充滿牛骨嘅精華之餘又唔會太膩🤤 餸菜包括生牛肉、牛腩、牛筋、牛丸同牛𦟌😚生牛肉一上枱時係粉嫩嘅顏色，係最正宗嘅越式上菜方法。👍🏻 牛腩、牛筋同牛𦟌都炆到好腍滑，同湯底一樣咁鮮甜😍 牛丸爆汁，牛味濃烈🫨 加上滑滑越南河粉襯托濃味全牛宴，大滿足🥳三餸越式自選湯粉(檬粉) ($56)皇牌牛骨湯檬粉配搭雞絲、手切扎肉同金菇，再加上越

以前有去開 覺得都幾好食 分量又好足。 幾個月冇去，好似轉咗手。 夥記過嚟落單,重複對單又對單對咗四次 , ordered 咗四杯嘢飲. 結果漏咗三杯, 一杯有落單。 ordered越南咖啡, 以為係滴滴仔， 見到太深色， 想要求多奶。 夥記話冇奶，因為佢哋係三合一即沖🙄。 但係我隔離個朋友ordered紅豆冰 , 明明有奶加入去佢竟然話冇奶. 佢話係預早較定喎。今次去完， 直覺話畀我聽， 呢間店唔使再去。😔

已到過PHO食過兩次第三次食水準依舊好所以決定同大家分享一下今日食午飯叫左自選湯粉套餐我選牛骨湯配牛筋，生牛肉和扎肉湯底好清，非常鮮甜牛筋有三至四件大大舊，好軟腍，好好食生牛肉好香，牛肉味濃，牛肉質素幾好扎肉厚切四片，食得出好香豬肉味湯粉份量好大一個女仔應該只能勉強地完成好多餸可以一啖粉一啖餸咁食，唔駛慳住慳住飲品是跟餐送估計是類似柑桔蜜食完濃味湯粉飲返呢杯是日飲品我覺得能夠解油膩感覺仲要是免費送我覺得好岩飲埋單$56係佐敦食lunch呢個價錢性格比真係唔錯！