越萊 (廟街)

營業中

休息中

見lunch time 成日排隊，就試下先！超抵食嘅越南野🤤Lunch 叫左兩碗粉，都係牛骨湯，好清甜唔油膩🥰佢個扎肉湯河同雞絲湯檬粉都好好食！46蚊仲要送飲品！最重要係佢啲小食，真係超抵😍買一送一😎我哋叫咗一個燒豬頸肉，唔會好肥，而且好脆😗揀番個差唔多價錢，咁就揀咗蝦米子卷，皮薄又好fresh 唔會漏。下次會再食😋

午餐同事專登帶我出去食好西，佢話呢間平靚正，嗌左個撈檬，好清新，檬粉彈滑，牛肉好嫩滑同埋好入味，個粉真係超大份，食到一半頂唔順要個外賣盒打包，返到屋企餓餓地再食埋剩低果半份又飽左⋯ 一份午餐當左兩餐食，真係好抵😂😂😂

✨豬頸肉撈檬豬頸肉係燒得幾好食，薄薄地又啲油香，但個檬底就真係冇乜特別..夾起嚟唔算好有驚喜，送一杯熱柑桔蜜，配越南菜都幾夾嘅✨馬拉盞炒通菜20幾蚊細細份菜，啱晒一個人又想食菜嘅朋友，但略嫌欠缺辣味，爭咁啲！總括嚟講唔算太驚喜，可能冇試到招牌，下次可以再try try!

今日去左佐敦廟街地舖叫越萊Pho Bo, 估吾到有驚喜，同朋友當下午茶食少少野，點知份量勁大份，晚餐都不用食啊。先講menu都好多野食，我地要左越萊精選火車頭$96，勁大碗，成大盆，可2，3人食啊，好多料，生牛肉，牛筋，牛腩，牛丸， 扎肉，豬軟骨，豆卜， 雞絲，好多料啊，記得仲有其他配料，好似蘿蔔，菜等等，正。河粉好滑，湯底又清甜，我同朋友一齊分食，都覺得好好食！另外仲嗌咗個沙沙汁魚柳包，$42，都好大舊，一大嚿包分咗兩個人食，都好飽，而且即叫即炸嘅魚柳，熱辣辣新鮮又好味，價錢又合理！好正呀！本身諗住下午茶，點知食到飽晒，價錢又平，又好食，超讚。

越南菜係我favourite 之一，睇到越萊喺Openrice咁多好評，梗係要試吓啦！入到店內，已經見到有不同顏色的越南斗笠裝飾，有種身置於越南的感覺。三點鐘已經坐滿7成人了，待應殷勤地遞上餐牌，原來有下午茶，我哋order左兩個下午茶餐，（雞絲雞骨湯粉+2件越萊網皮春卷+熱生薑茶）（燒扎肉撈檬+海防炸蝦餅+龍鳳檸樂），再加一碟西貢馬拉盞炒通菜同埋兩串雞串燒。雖然係下午茶餐，但份量絕對唔少，湯粉的雞骨湯底濃郁美味，網皮春卷口感香脆爽口，馬拉盞通菜惹味可口，扎肉有口感，蝦餅超彈牙，雞肉串燒肉質外脆內軟，沙嗲醬用料十足，龍鳳檸樂有清香爽口的多重感覺。叫左咁多嘢食，都只係$144，價錢真係大眾化，唔怪之得走嘅時候差不多已坐滿客人了！

今日去左佐敦個邊探朋友BB, 走時已正是晚上時間，同老公去食呢間越萊，價錢合理，而且大大碗。先入到去，環境乾淨，店員服務都好nice，menu都好多選擇，除左粉，飯，包都有，仲有吾同小食！我點了牛萊了河粉，超正！因為料都好多，有生牛肉，牛筋，牛展，牛丸2粒，仲有白蘿蔔，白蘿蔔要讚下好甜好食，湯底都好正！大大碗，我係大食嘅人都超飽，牛筋好入味，生牛肉好嫩，整體中上。連埋杯冰檸茶，爽丫！價錢合理，$72，好味又食到飽，好滿足。

喺佐敦呢一度，亦都搵到唔少餐廳，尤其是某一兩條街更加係有好多越南嘅餐廳，😌喺涼浸浸嘅天氣底下當然會好享受熱辣辣又充滿牛肉味嘅越南河粉😋越萊精選火車頭— 🍜通常兩個人一齊嚟食嘅話就會首選火車頭，因為裏面基本上都包含晒大部份嘅配料，🍜對比起一人一碗就顯得更有份量，而裏面就有生牛肉：牛腩、牛筋、牛丸2粒、扎肉、豆卜、豬軟骨、雞絲，總共八樣嘢🐮每一款都有佢哋嘅特點， 牛嘅部份基本上都係好新鮮。原切牛腩，再加埋大大條嘅牛筋，🐮另外牛丸都係呢一度嘅王牌🍢而另外特別嘅當然就係越南扎肉，相比起平時嘅顯得更加口，同埋裏面真係夾雜着肉粒，🐽非常足料，當然食湯河就要配埋佢哋嘅芽菜辣椒同埋青檸咁先至係最正宗🍜海防炸蝦餅— 🦐至於小食嘅話，當然米紙卷會係越南特色嘅小食，除此之外炸蝦餅亦都係佢哋嘅招牌之作，炸完之後愛陳超級脆，🦐卜卜聲，而裏面就有切碎咗嘅蝦仁粒，同埋鮮蝦滑，🦐可以點佢哋附送嘅酸辣汁，又或者佢哋嘅辣椒醬同埋海鮮醬亦都係幾夾🦐越萊 (廟街) (佐敦)佐敦廟街306號地下D號舖

今日去咗位於佐敦廟街嘅越萊，喺佐敦站或者柯士甸站行去都好快到今日就叫咗三樣野食，分別有紅酒燴牛尾鍋配飯，牛萊了同埋潘良帶子明蝦伴茄子紅酒牛尾鍋配飯份量都唔錯，一共有4，5舊牛尾，每舊都好多肉😋牛尾炆得幾諗下，亦都入味。牛尾鍋既汁就幾鮮甜，同埋有幾嚿好入味嘅紅蘿蔔，亦有炸蒜蔥，送飯一流！牛萊了都令我有驚喜，可以揀河粉又或者檬粉，呢次我嗌咗檬粉。牛肉份量好多，有牛展牛腩同埋牛筋等唔同嘅牛部位，每一舊都好入味而且有哂牛嘅鮮味，同埋份量都幾多下！其實食完都已經好夠飽！另外都好欣賞個潘良帶子明蝦伴茄子！有啲酸酸地嘅汁好開胃，上面粒帶子同埋隻蝦好新鮮，夾埋茄子一齊食估唔到成個配搭好夾，同埋幾清新😋至於環境方面，餐廳都坐得幾舒服。每個位都有個掛勾，可以比大家掛袋。算係一個幾貼心既設計！埋單都係$186，包兩杯熱柚子蜜。以油尖旺黎計，價錢都算好合理，之後都會再去幫襯🤓

之前情人節知慳識儉嘅我早一星期已經係屋企慶祝左煎牛扒，所以個晚唔駛食貴西餐～點知我bookmark呢間竟然係情人節做小食買一送一😆運氣唔錯～三餸自選湯粉 $64 （+$8 升級牛丸）我選左牛腩、牛丸、豬軟骨；牛骨湯真材實料，牛腩夠淋，蘿蔔好甜，豬軟骨部分淋，牛丸正常水準同振興差唔多；叫完就有少少後悔，因為牛萊了比多$6有多兩個餸🥺感覺蠢左，下次要叫返越萊經典撈檬 $66有炸豬扒、豬頸肉、牛肉，都幾欣賞個檬粉，食完煎炸野再食啲酸甜嘢好似balance 返，會忍唔到口係咁食；牛肉醃得幾入味，但係豬頸肉好乾好硬⋯豬扒中間部分亦要放棄，連骨個兩舊好啲牛油雞翼（X2) / 蝦餅(X2) $26 情人節優惠買一送一真心抵食，如果鍾意牛油嘅朋友必點雞翼！炸粉係做到薄而且有空氣感，會漲起個款；蝦餅係平時一般炸法，但個餡好飽滿，啖啖肉超滿足🥰總結：又搵到間好食越南菜，小食同牛類食物真心必點，價錢又唔貴，下次絕對要encore !PS 可以電話book位，但熱門時間都係要等架，基本7:00後都爆了，空間座位較少🙊地址：佐敦廟街306號地下D號舖評分（5⭐️為最高）：環境：⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價

佐敦一帶一直好多新新舊舊既美食小店，今次被朋友帶黎食越式菜，呢間店舖小小但性價比好及有窩心設計既食店，值得來試試。話說麻雀雖小，但我非常欣賞佢地每張枱都有掛袋的鈎鈎在旁，一來可以坐得舒服啲，二來又唔使放個袋落地。下午茶時段黎，唔算好餓所以點左幾份小食同埋一碗撈檬，大家share同埋可以食多幾份唔同既野🥰4款食物上枱時間差唔多，放滿枱面唔打得都睇得，視覺滿足😆朋友點左越萊經典撈檬$66，牛肉、豬扒、豬頸肉，豬頸肉特別美味，食得出有香茅味既洗禮，撈檬份量好有誠意，絕對唔會餓住個肚走。越萊串豬$28/2串豬肉脆口但唔會乾身，配搭足料的沙嗲花生🥜醬真係好夾 西貢馬拉盞炒通菜$28能夠係街外食到價廉物美既菜已是十分難得，馬拉盞唔會太咸亦唔會太辣，味道正正則好，欣賞👍🏻越萊蒜香牛油雞翼$24/2隻雞翼面脆口，肉感豐富，有淡淡的牛油味，唔錯😊總括食完係棒住個肚lam lam脷走，滿足😋

見到有咁多正評，於是一試，點了米紙卷，炸春卷，安南豬軟骨飯，同自選湯河。米紙卷味道超淡，其中有舊米紙位置好硬。個飯完全唔好食，白飯入口好奇怪，好濕又太淋，個豬軟骨完全無味，啲汁又唔夠味。大伏我自選湯河選了豬軟骨配豬肉丸清雞湯加河粉 ，豬軟骨中伏，豬肉丸好OK。春卷無特別飲品無特別價錢比較平，真係一分錢一分貨。個總括：唔會返轉頭。有其他更好選擇。

呢間越萊其實我已經聽係尖沙咀返工既朋友提過幾次，今日黎到佐敦，一於試下先！🥳店舖裝修充滿越南風格，有d 草帽，吊燈都係竹制💚食物種類亦都好多，有越南名物撈檬、湯河、扎肉包、唔同種類既小食（蝦餅、米紙卷等等)，最重點係性價比超高，d 小食廿零蚊一款，好啱少吃多滋味！😋叫左個香茅牛肉撈檬撈檬汁開胃一流，酸甜味適中，牛肉亦好有𡁻口，份量都好慷慨。檬粉撈埋啲汁再加豐富配料（青檸，香葉，芽菜等）一齊食，滿足另外叫左個河內蝦仁米紙卷 蝦仁大大隻，不錯仲叫左個塗山海蜇沙律呢個真係全餐最驚喜，因為好少食越式野有海蜇做主角配料又超豐富，夠晒提味而且份量極大，如果我預知到係呢個份量，我應該唔會叫其他野食😂最後再叫左個越式熱咖啡為呢餐刺激味覺既盛宴留下一個完美既結幕🧡

第一次喺佐敦食越南野，餐廳隔局四四正正。嚟到先叫野食！隨餐會附送一杯飲品，揀咗熱柑橘蜜，依家天氣凍凍地飲就最啱啦！揀咗自選三餸牛骨湯河粉（雞絲、生牛肉、扎肉）睇相就知啲餸幾豐富 份量幾多啦😋 扎肉好厚實 好有口感，推介！生牛肉大片嫩滑，雞絲就偏瘦。加埋生芽菜同青檸 可以中和湯底嘅鹹鮮味！值得一提，枱面有一支橙色嘅辣醬，好好味，可以試吓加喺牛肉上面食！跟餐仲有我最愛嘅大豆芽，非常清爽！另外仲叫咗碗招牌牛萊了，有牛腩，牛筋，生牛肉，牛丸等等。首先最令人驚喜嘅係佢嘅牛丸! 多汁到滴晒油！牛腩係坑腩位，食落軟冧冇渣有牛味，好食。牛筋可以望到煮得幾咁冧。充滿骨膠原！生牛肉唔會過老，而且完全唔會痴牙，十分過癮。小食叫咗米紙卷，配上自家製沾汁，酸酸甜甜！

今日想食越式撈米蒙，上openrice 揾推介。尼間大把好評，仲要主力賣粉，完全中啱心水，立即用app order， 要咗一份下午茶：外賣燒扎肉撈米蒙粉，送兩隻牛油雞翼，一杯咸柑桔， 我在加多兩隻蝦餅。外賣燒扎肉撈米蒙粉， 本應係十分安全嘅選擇。 首先檬粉幾爽口 但完全冇味， 加上魚露汁亦好淡 加曬全部汁都係好淡。 扎肉亦都冇燒過，質地偏硬。另外分開點嘅 蝦餅 水準以下。 唯一係跟餐嘅牛油雞翼 算有返啲水準。 以咁嘅價錢嘅下午茶，屬於份量十足。 味道嘅話 可能需要選擇其他食物。

安格斯牛魔王牛骨湯粉牛骨湯底牛味淡河粉偏軟，感覺只是厚小小嘅港式湯河，完全沒有越南河粉的彈性牛肉份量都算足，可惜只得面頭露出湯面的牛肉夠生，被湯浸住的上枱已經全熟，明顯湯份量過多了，蓋住牛肉，生熟比例約是2:8，應該取名為牛肉片河，並非越南生牛河其實喺香港試過好幾間各區出名的越式牛河，無一間好食，呢間餐廳亦不外如是，Pho同樣是有其型而無其神湯底、河粉、牛肉都不合格蒜香牛油雞翼味偏甜，炸粉厚，骨黑，肉偏鞋，明顯炸過龍紅酒燴牛尾飯紅酒會牛尾味道正常，牛炆得夠稔，蕃茄味重飯另上，是老人院白飯，超濕軟佐敦說得上是一個美食雲集的地方，這間餐廳的質素是一間越式茶餐廳OpenRice上竟然都有不少好評究竟是香港人要求低，還是我期望過高呢？