賓墟餐廳

營業中

休息中

賓墟餐廳 @ 長沙灣一間唔錯既茶記…同朋友仔地鐵站行出黎…大家都覺得有d餓…見到有間茶記就坐低食d野朋友叫左個雞扒炒公仔麵…我就點個魚香茄子…主要見到人地食我又要試😌😌。加多個炸魚餅朋友個雞扒炒公仔麵好大份…雞扒同麵量都好多…即叫即炒熱辣辣出哂煙…我個魚香茄子煲黎到都出哂煙…份量都幾大…跟左一個白飯。茄子煮軟硬剛剛好…帶微微鹹魚香。最緊要個獻唔漿口…好惹味…一碗飯真係唔係好夠送炸魚餅就正常發揮…最近要份量夠同熱辣辣街坊茶記黎講質素唔錯

想搵間 就近地鐵經濟實惠嘅茶餐廳食個快餐 應該要嚟呢間賓墟喇佢就喺幸福商場 入門口第一家 喺長沙灣地鐵B出口行上去兩分鐘就到 交通真係好方便 食個豐富嘅晚餐 價錢只係七十幾蚊好抵食，足料老火例湯，除青紅蘿蔔豬骨外，仲有雞腳。🔸 椒鹽豬扒 75元豬扒都好大份 唔係好咸有微微辣 豬扒咬落都係鬆軟嘅 都算幾惹味， 好餸飯。味道：7/10性價：8/10🔸 豉汁蒸鱸魚 88元 配白飯例湯凍飲條海鱸魚好新鮮 肥肥大大 應該超過十兩重 問過餐廳來料係即日鮮， 睇當日中午供貨係乜嘢魚 就畀乜嘢新鮮魚畀顧客， 所以條魚 蒸出嚟就香噴噴熱辣辣 好有鮮魚味， 蒸魚冇落薑，只有少少葱，畀咗好多豆豉， 所以有超濃厚嘅豆豉味， 令到佢個魚汁， 雖然係甜甜哋，但係嘅有鮮甜嘅魚味，亦都有豆豉嘅鹹香豆味夾埋一齊，攞呢啲魚汁嚟送飯，真係冇得頂 👍 食落一啲都唔腥， 下次又想食條鮮味嘅蒸魚，一定再嚟呢度食一餐😚味道：8/10性價比：7/10

一入到呢間港式茶餐廳就見到有人食鐵板牛柳絲炒烏冬香噴噴~坐低見到menu仲有鐵板餐， 好耐冇食鐵板扒，一定要order港式鐵板西餐是港人的兒時回憶，極具療癒感,充滿懷舊氣息，絕對值得令人懷念！今日就懷緬下🤣鐵板牛柳絲炒烏冬,烏冬炒得入味唔算太油膩，牛柳鮮嫩，軟硬度適中，而且黑椒味濃，烏冬搭配牛柳絲、洋葱、椰菜、蛋絲等等，再加上黑椒味濃郁的醬汁，啖啖滋味， 果然冇揀錯，仲好有鑊氣正~鐵板西冷配薯菜熱辣辣的鐵板上加入惹味黑椒汁，隨即傳來陣陣香氣撲鼻的「滋滋聲」，牛肉味道濃香，柔嫩多汁，波浪型薯條坊間少見，波浪形嘅薯條炸得香脆，要在茶餐廳才找到的風味！加埋杯凍檸茶冇得輸朋友仔叫咗芒果鳳先特飲

呢間餐廳喺長沙灣地鐵站一出，過條馬路就到。食咗個早餐，係自選嘅雞翼雞蛋通粉，加埋蕃茄湯底🍎蕃茄湯底幾甜又薯仔、有洋蔥、有新鮮蕃茄，配合煎香過嘅雞翼，食得好滋味～雞蛋都煎得幾香！通心粉煮得恰到好處，夠飽肚跟住叫咗一個鹹牛肉，雞蛋三文治🥪熱辣辣夠香口鹹鹹地幾好味叫一個杯熱朱古力🍫都幾濃味，唔係就咁溝水另一杯熱鴛鴦都好有香港風味呢度朝頭早有好多街坊幫襯，由香港風味亦有人情味下次再過嚟食吓佢啲小菜 ！

在長沙灣做完義工後，來到附近的幸福商場賓虛餐廳，食返個快飯。餐廳$170便可以食到豐富的二人套餐，套餐有選2款主食，包2配白飯，2碗湯（包括中湯或西湯），2款飲品，價廉物美。餐廳除了有一般茶記的飲品外，還可以加購$9一試很有特色的特飲選擇。班蘭玉露特飲，班蘭的綠色突出，溝勻後有很清新的感覺，又不算很甜。芒果鳳仙特飲，啖啖充滿住芒果醬的飲料，還有一種夏日消暑透心涼的感覺。湯品選了一款中湯、一款西湯，中湯是西洋菜花生瘦肉黃瓜湯，西湯是粟米忌廉湯，中湯的湯料好足料，當中有不少湯渣。西湯就好濃味。主食的小炒超過20款選擇，每星期餐牌還會更新。菠蘿京都骨，色澤非常上色，京都骨炒得夠哂鍋氣，京都骨炒得很甜，肉質鬆軟爽口，加入菠蘿，酸酸甜甜，很美味開胃。沙爹金菇肥牛煲，這煲份量也不少，沙爹味很惹味，金菇和粉絲很入味，肥牛帶有嚼勁，撈飯真的一流。

今晚同朋友約係佢屋企附近食飯 揀左呢間茶餐廳簡單聚下 都見到唔少街坊幫襯餐牌有蒸魚、小炒，不過我地兩個食肉獸都叫左鐵扒餐😋🥢香煎雜扒我揀左蒜蓉汁 倒落熱辣辣鐵板上 香氣十足雜扒餐有豬扒、雞扒、腸仔、火腿 有薯條🍟 仲有個白飯兩塊扒都大大塊 肉質軟腍 好夠份量💯大滿足🥢香煎美國西冷牛扒朋友揀左黑椒汁 配牛扒食真係絕配😋驚喜個牛扒肉質唔韌 仲好有牛香味 又係大大塊 套餐仲有老火湯 飲品我點左杯薑檸樂 飲落夠薑味驚喜性價比高茶餐廳👍🏻

長沙灣附近地鐵站有間茶餐廳，就連下午茶都坐滿人。餐牌都有好多款式選擇、除了中式小菜亦有越泰式粉麵，都係一般茶餐廳價。*//西多士配薯條// - 茶餐廳下午茶推介西多士蓬松好吃😋😋😋 絕對不能抗拒牛油糖漿和花生醬夾心的配合～一口一個大滿足再來現炸粗薯條😍正啊！*//紅豆冰//西多士必定是配紅豆冰🥰 紅豆加上黑白淡奶，港式風味絕配//豬頸肉湯河//我覺得茶餐廳其實必嗌的是乾炒牛河🤣但妹妹想吃湯河，又估唔到味道幾好吃😋湯底足料，有白蘿蔔、芽菜、生洋蔥等湯底清甜。

估唔到長沙灣幸福商場既茶餐廳小菜咁好食😋！平日夜晚坐滿人，見多好多叔叔自己食蒸魚餐，原條蒸魚size都好夠食，幾吸引。👦🏻👧🏻嗌咗二人餐A+B $156，奉送白飯、例湯、飲品，真係好抵食阿！餸既份量好足夠，仲好夠鑊氣添！如果係屋企附近開，應該會經常去食🤣！招牌菜霸王雞霸王雞上面鋪咗滿滿嘅芫荽🌿，雞肉嫩滑，有蔥油，入口蔥香味十足😋！椒鹽豬扒啱啱炒起椒鹽豬扒熱辣辣🔥！豬扒肉質鬆軟🐷，炸蒜香氣十足🧄，加上椒鹽陣陣嘅鹹香同入口微辣既感覺🌶️，呢個椒鹽豬扒做得好惹味😍！！📍 賓墟餐廳 (長沙灣)長沙灣幸福村幸福商場地下1號舖

小菜奉送：白飯 & 例湯 & 咖啡或奶茶 (凍飲加$3, 特飲加$8)🔶 蒜茸粉絲蒸海蝦 $78蝦的比例完勝粉絲cp值高！粉絲鋪平碟上起碼6-7隻蝦開邊蒜蓉爆香、加上鼓油和蔥送飯一流！🔶 蝦醬通菜炒鮮魷 $75份量好夠蝦醬味唔會過重🔶 斑斕玉露特飲 (跟餐加$8）第一啖斑斕味好重好清新甜味適中配合點點椰漿味不錯🔶 芒果鳳仙特飲 (跟餐加$8）是熟悉的芒果醬感覺平時特飲價大多要$1x-2x今次$8就有杯CP值算高🔶 是日例湯無味精紅蘿蔔湯清甜有住家感覺❤️🔷環境正常茶餐廳乾淨光猛p.s. 原本想試是日蒸魚但晚上7點多就冇晒想食既趁早啦📍 賓墟餐廳 (長沙灣)長沙灣幸福村幸福商場地下1號舖🔖記得bookmark&❤️我哋HkFoodMark啦！

今晚去探朋友，傾到咁上下一於喺朋友屋企附近一齊食埋個晚飯🍴，見到賓墟餐廳好抵食又好多菜式選擇，我哋就叫咗個2人餐包2款小菜🥘、湯🍲、白飯🍚同野飲☕️2人餐 (A+B款) $150🥢蒜子豆卜班腩煲🧄🐟個煲一上枱就聞到好香熱辣辣，班腩🐟一啲腥味都沒有，肉質嫩滑，豆卜非常入味，蒜子完全冇辛辣味好香甜🧄🥢中式牛柳🐂牛柳份量都唔少，而且牛柳一啲都唔韌，酸酸甜甜好開胃🥤特飲(跟餐+$8）🍹 班蘭玉露特飮 🍹 芒果鳳仙特飮

今次去嘅餐廳真係驚喜，食物質素超出我嘅期望，食物質素高，冇諗過屋邨茶餐廳都有呢個咁高嘅質素！👍🏼👍🏼👍🏼👏🏼👏🏼招牌菜霸王雞真係好味！雞肉嫩滑多汁，醬汁濃郁香口，令人回味無窮。西蘭花炒鮮魷亦非常出色，西蘭花保持脆嫩，鮮魷鮮甜彈牙，炒得剛剛好，味道鮮美，非常開胃。除咗呢兩款菜式，餐廳嘅餐牌都好多選擇，滿足唔同口味嘅人。環境方面，餐廳整潔舒適，服務員態度親切有禮，令人感到好舒服。價格方面都十分合理，物超所值。

就藏在長沙灣地铁站附近的幸福，商場是住宅區，不好吃的很難可以留下來，看起來平平無奇，如果不是住在附近的朋友帶我去也不會找到我哋食過兩次，第一次係食晚上的小菜套餐，第二次是吃午餐，綜合兩次經驗比較推薦晚上的小菜套餐，因為真係好抵食，而且出品比起不少大排檔更好，不要錯過，當日吃的二人餐$156就可以揀兩個小菜和白飯例湯飲品-魚香茄子煲個個朋友都知道我好鍾意食，但係做得好嘅真係唔多，吸滿汁又軟糯的茄子，加上滿滿的肉碎好滋味，熱騰騰很好吃豬扒炒公仔麵真的百吃不厭，夠乾身勁香濃，真係無法抗拒！豬扒肉質夠鬆化不會靭幾好食，忍唔住大口吃下去肉醬意粉是細細個老牌茶餐廳的味道，茄汁濃味仲有少少芝士，雖然意粉比較軟但係味道都唔錯—————————————————賓墟餐廳 (長沙灣)長沙灣幸福村幸福商場地下1號舖—————————————————

🇭🇰一嚐各位大佬喜愛嘅茶餐廳🇭🇰有日行過幸福商場 望到賓墟餐廳入面9成都係男人（圖7）🤪見到咁多位大佬食得咁開心 攪到我都想試試😋/🌟整體🌟✔️多款港式食物 想叫咩 咩都有🤤✔️快、靚、正！食物超快上枱😋/🐽椒鹽豬扒飯🐽 $58✔️幾鐘意個豬排 十分香脆 相當惹味🥳✔️白飯上面淋左豉油 更顯「佬」味🤪評分：4.4/5🐣乾炒雞排一丁🐣 $66✔️雞排好滑嫰 同啲出前一丁好夾😍✔️鑊氣十足🔥評分：4.4/5♥️必推港式奶茶♥️‼️好鐘意佢地果隻苦澀味‼️‼️但同時花奶味又好夠‼️‼️下次黎一定係飲奶茶行先 野食都係其次‼️/呢度嘅野食正常 但港式奶茶真係好正🤣所以推介大家黎 係㨂自己想食嘅野食就得 但可以順便點杯奶茶🔥回頭指數：4.6/5
食物質素：4.4/5
性價比：4.7/5環境：4.1/5人均消費：HKD 60多謝您睇到呢道❤️⚬⚬店鋪資料⚬⚬地址：長沙灣幸福村幸福商場地下1號舖電話：2204 1318/ 2204 1183

屋村小商場茶餐廳格局，一個個卡位獨享午茶，亦唔會太嘈雜🥢茶記食物種類多元化，有泰式菜、小炒、焗飯，仲有西式鐵板鋸扒添～下午茶🍴鐵板西冷牛扒🥩$62厚度適中揀咗薯菜，嚟咗成碟薯條🍟份量真係好多吓～配埋蒜蓉汁及茄汁，味道不過不失🥦西蘭花炒鮮魷🦑$78+$轉餐有湯有飲品🥤老火例湯蓮藕蘿蔔湯足料整碟小炒鑊氣味十足，西蘭花炒得爽脆魷魚🦑有嚼勁，份量比想像中多，足夠2人用+$8配埋芒果鳳仙特飲解渴

到長沙灣參加友人的婚禮，之後與友人到教堂旁邊的幸福商場吃下午茶。下午茶菜式非常豐富，有基本的粥粉麵飯、公仔麵餐或熱狗、雞髀餐外，還有鐵板巨人餐！有西冷牛扒、大大塊雞扒和巨型豬扒，份量十足。附飲品一杯，價錢經濟實惠。我們點了巨人雞扒和巨人豬扒，分別配薯條和意粉。作為下午茶，其實可以當做午餐或晚餐。鐵板豬扒飯的豬扒肉質的鮮嫩，外層煎至金黃酥脆，肉質鬆軟，口感十足。放在鐵板上吱吱聲的熱度使每一口都能享受到熱騰騰的美味。鐵板雞扒配薯條的雞肉保持鮮嫩多汁，雞扒炸至金黃酥脆，外脆內軟，香脆的外皮配上濃濃的黑椒醬，提昇了額外的口感和美味。下午茶餐還奉上飲品，幾十元一個下午茶餐簡直超值。這是一餐份量十足，口感豐富，性價比十分高的下午茶，相信晚餐不用吃了。