賓墟餐廳

營業中

休息中

唔知有無長沙灣嘅街坊呢～今次去完附近就嚟咗呢間價錢親民，好多選擇嘅餐廳👍🏻食完行1分鐘就係地鐵站了，好方便！..✅ 巨人雞脾扒拼炸蝦鐵板餐🥘 $65以呢個價錢嚟講，佷不錯🤪2大塊雞扒再加隻蝦，好邪惡啊！佢仲有少少沙律菜同薯蓉呢～值得一讚係佢個薯蓉，好滑而且有牛油香，一啲都唔似茶餐廳火色☺️呢個仲要包餐湯同飲品，抵👍🏻✅ 椒鹽豬扒飯 🐷 $55呢碟飯無挑剔地方,惹味又大份😋仲要唔辣！不過都好香口架～不知不覺就會好快食完碗飯..呢間街坊餐廳質素有番咁上下，又多選擇，街坊一個星期去食幾餐都唔怕悶啊🥳見佢每晚仲有蒸魚套餐，8點幾就賣曬，應該都係好好味😆

《有早餐食就係good morning》呢個豐富嘅早餐包括蛋牛治 +火腿通蛋仔治有好多鹹牛肉，口感好豐富😌多到可以擺啲去火腿通粉到食，唔會太寡。火腿通粉好熱辣辣，我飲完之後個身都暖哂～都有唔少火腿另一個餐叫咗牛扒餐，呢個早餐有腸仔、火腿、雞蛋、多士，仲有塊蕃茄同生菜，仲有牛扒嘅size 係大過隻手🙋‍♀️好滿足😌嘢飲叫咗一杯凍鴛鴦、一杯凍朱古力🍫兩杯嘅水準都正常發揮下次再試吓佢嘅lunch menu

叫個外賣一個鐘都送到過嚟，不停打去不停都話有出最後都係冇人理打去個阿姐淨係識得玩我根本都冇幫我追過等我仲次次都俾小費嗰個外賣姐真係失望到一個點香港真係搵食好艱難

星期四放工約friend去長沙灣做gym，諗住搵吓附近有啲咩平靚正餐廳食個dinner，見到地鐵站附近有呢間賓墟餐廳位置方便，招牌都幾耀眼奪目。- 鳳梨蜜桃甜酸肉諗住茶餐廳最多都係普通咕嚕肉質素，點知有驚喜，醬汁酸酸甜甜融合咗鳳梨同埋蜜桃嘅鮮甜，亦都有足夠嘅水果肉非常開胃，主角甜酸肉香脆啖啖肉，唔會話好似出邊有啲大部份都係骨有肉食，一啖果肉一啖甜酸肉，送飯一流😋- 咖喱薯仔牛腩煲（$78）見到佢餐牌兩條辣椒，朋友唔太食得辣就有啲擔心，點知佢嘅辣係有少少香辣，但係好容易接受。咖喱味濃郁配合埋鬆軟嘅牛腩，感覺到佢係煮咗好耐先煮得到咁入味同軟，入口即化嘅感覺真係唔係普通茶餐廳水平可以比較，加埋佢有焗薯口感嘅薯仔，更加錦上添花，我同老友都忍唔住叫多碗飯送埋個牛腩煲👍🏻以上兩個菜式都好惹味，價錢都幾抵，下次再喺長沙灣做gym，晚餐首選一定係賓墟餐廳。

工作關係已經食過好多次呢間餐廳嘅外賣午餐, 今日有機會去到現場食早餐, 就第一次熱辣辣咁樣食😗呢度係地鐵站一出好方便 😃我食咗個魚柳早餐, 呢個早餐都幾豐富又有香腸又有火腿牛油多士又有雞蛋, 誠意十足魚柳熱辣辣，好味過連鎖餐廳朋友嗌咗個三文治，呢個係沙嗲牛肉雞蛋😗沙嗲牛肉嘅味道好香牛肉亦都有好多汁，同雞蛋一齊好夾😉我平時食lunch 嘅時候，都有試過佢哋嘅沙嗲牛肉，係真係幾濃郁，同埋有好香嘅花生醬味😜

今日元宵佳節，唔想煮飯，行左成日街，想拿拿聲食完就返屋企🤭🤭所以就睇吓附近有冇啲平靚正小菜食🤤🤤上網見呢間餐廳就係長沙灣地鐵站🚉行2分鐘就到…超方便，而且好評都幾多，即刻二話不說，行過去😝去到環境幾好，燈光光猛充足,我地點左一個二人餐，再加多個魚香茄子煲🍆食到勁滿足😝二人餐只需$150，跟湯跟飲品，兩個小菜同白飯👍有成20幾30個小菜俾你揀，蒸煮炒燉什麼都有😋湯，我哋揀咗一個中式同埋一個西式西蘭花蝦球炒鳳片呢碟完全係俾佢個名吸引到，因為好想知咩係鳳片🤣原來係雞肉🤭西蘭花加埋蝦球及鳯片望落清清淡淡，又炒到幾有鑊氣👍椒鹽豬扒呢個椒鹽豬扒好好食，好推介！雖然唔係我想像中嘅香脆口感，但醬汁好惹味，而且豬扒肉質鮮嫩，唔會鞋口😍魚香茄子煲呢個必點👍熱辣辣上到枱，而且茄肉又夠嫩滑、魚香味又夠出，仲辣辣地索曬汁，食落超正，送飯一流🤤🤤斑蘭玉露特飲呢杯跟餐加$$8就可以飲到，我揀呢杯斑斕就比較清甜甜少少🤏芒果鳳仙特飲呢杯相對就比較甜，充滿夏日嘅感覺，飲落心情特別靚😍下次可以再黎試吓唔同菜色👍📌 賓墟餐廳 (長沙灣)長沙灣幸福村幸福商場地下1號舖#幸福商場 #長沙灣美食 #美食推介 #港式美食 #美食推薦

等放學未夠鐘，就先到附近的幸福商場食啲野，近近地就揀喺正門口位嘅賓墟餐廳先，聽朋友講話呢間餐廳有左好多年，佢阿女由細食到大，哈哈😁下午茶時段黎到，都幾多食客，雖然未至於等位，但張張枱都有人坐，揀左張靠窗邊嘅枱坐，都幾濶落。睇睇餐牌，有午餐有下午茶，就叫一人一份餐先。🍅🧀芝士焗茄汁豬扒飯芝士焗起上黎好香口，飯有炒底，豬扒大大塊，唯獨覺得個茄汁酸左少少，但整體黎講都好食吖。🥪足料公司三文治加🥗沙律個公司治同平時食開嘅料唔同，呢度帶少少和風🤭三文治中塗了呑拿魚，仲夾左厚甜蛋同蟹柳，仲有青瓜、蕃茄同午餐肉，即叫即烘幾正。另加左個份沙律，係港式嘅雜果沙律，有蘋果、薯仔等，加埋酸酸甜甜嘅沙律醬，好味又開胃👍🥭芒果鳳仙特飲&🧊班蘭玉露特飲好想飲下甜野就轉左兩杯特飲，一橙一綠幾好睇，味道就甜甜的果漿味，小朋友至愛。價錢貼地的街坊茶記，一試無妨😊

距離上一次黎「賓墟」食飯已經係8年前嘅事，話說小編當年仲讀緊書果陣已經成日黎幫趁，除咗嘢食𝘖𝘬之外，「學生減4蚊」都係主要誘因😅 估唔到隔咗咁耐，竟然有機會比我試埋佢個晚餐😛 《 咖喱牛腩煲 》 4.5 / 5好夠獲氣又大份，大份嘅唔係得薯仔同三色椒，而係牛腩多過配料😳 牛腩用料認真，每舊都帶有少許筋膜，零舍爽口！牛筋亦炆得軟糯又入味，充滿膠質🤤 加埋微辛嘅咖喱汁送飯一流😋 《 梅菜蒸鯇魚 》 5 / 5 🌟🌟🌟🌟🌟即叫即蒸雖然要等耐啲，但上碟個下見到咁大舊鯇魚腩都好驚喜🤯😳 魚肉蒸得岩岩好，入口滑溜同埋無腥味👍🏻 梅菜唔會太鹹或過重味，剛好襯托到魚鮮😋 餐湯比較鍾意羅宋湯，除咗足料味道仲好溫和，好暖胃👍🏻 整體價錢相宜，街坊小店黎講有質素，有時收工晏咗唔想返屋企食冷飯菜汁，黎哩度叫番個二人套餐兩餸兩湯都幾寫意😎 ———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛———————————————

有時真係行過路過唔好錯過，今日走到長沙灣一間親民餐廳「賓墟餐廳」。這裡地方闊絡而光猛，聽到客人出出入入，跟店員談談天，感覺真的點感觸。茶餐廳當然有火腿通粉、沙嗲牛肉等等…啡走咖啡味非常濃郁，更有一種醇厚的口感。自選雙拼麵餐 - 豬扒+沙嗲牛肉+米線豬扒肉質軟嫩，食起來不會太油膩，而沙嗲牛肉點甜甜鹹鹹，味道及口感平衡恰到好處，每一啖都超邪惡！吉列魚柳+腸仔火腿+煎蛋+牛油多士吉列魚柳炸至金黃色大大塊，而且口感外脆內軟，十分香口，而腸仔、火腿、煎蛋都有齊，其實都真係非常抵食！

位於幸福商場既平靚正茶記，啲野大件夾抵食，環境乾淨企理👍🏻 野食有勁多選擇😆 🔸🍆魚香茄子煲 $72新鮮熱辣，冬天食真係暖笠笠🥰 勁大份，好多茄子同肉碎🤩 好入味，鹹鹹香香，好送飯🤤🐮泰式冬陰功牛柳粒炒飯 $59好特別既菜式🤣 個飯炒得好有鑊氣，好香濃既冬陰公味，酸酸辣辣😋 牛柳粒唔錯，肉質唔會好老，仲要有勁多牛柳粒😝 🍹班蘭玉露特飲 +$8🥭芒果鳳仙特飲 +$8跟餐好抵飲，兩杯野飲色彩繽紛，好適合打卡📸

同朋友打完籃球🏀 去左附近一間餐廳叫小菜食飯 每道菜式嘅價錢吾算貴 份量好多 而且好夠鑊氣 好抵食😛 遲啲打完波應該會再去🤣🍀沙拉脆豬柳豬柳好易咬開 肉質淋身得黎有咬口😋 沙拉醬嘅比例岩岩好 吾會過多蓋過晒豬柳嘅味道 愈食愈開胃👍🏽🍀滑蛋炒蝦仁滑蛋好嫩滑 味道岩岩好 吾會太淡 鹽嘅分佈好均 鹹味岩岩好🤣 蝦仁好大隻 啖啖肉嘅感覺🍤🍀沙嗲金菇斑腩煲斑腩嘅份量好多 每舊仲要夠淋身🤩 除左有好多金菇同斑腩之外 仲有啲燒肉粒🤤 好豐富🤣

已經很耐無去食早餐，因為服務很差，食物尚算可以接受，不太差，也不是太好，中等價錢中等品質，合理的。但現在再去試吃了幾次早餐，口食物不變，服務態度也不變，而且更加送『洗地水氣味』。點解？因為班員工非常盡責，每次都是在在客人在進食早餐時，努力在抹地，當張口想把通粉或面放進口時，就夾雜迎來一陣陣強烈的『洗地水氣味』。曾經跟餐廳反映可不可以在客人較少時，分區來清潔呢。這樣就不會有『贈品』送出喇。可惜從沒改變，算吧，這就去番對面『意樂』吧。

茶餐廳最緊要快靚正，依間乾淨企理，座位寬敞舒適，一坐低店員就送咗2碗例湯，好有人情味。冬瓜粒雜錦湯飯湯同飯分開上，可以自由調校湯同飯嘅比例，雜錦配菜種類好多，有蝦仁、帶子、魷魚、瘦肉等等，增加湯嘅鮮味。而主角嘅冬瓜亦十分清甜，口味清淡爽口。沙爹豬頸肉炒烏冬豬頸肉爽口又彈牙，烏冬炒得乾身，略帶煙韌嘅口感，沙嗲醬唔算太濃，無咁重口味反而啱晒我，整體夠鑊氣，自己屋企真係炒唔到。斑蘭玉露特飲特飲只係加$8好抵飲。斑斕汁配上椰奶，好有泰式嘅感覺。紅豆冰每次去茶餐廳都必點，大大粒嘅紅豆加埋甜滋滋嘅淡奶，簡單又好飲。

今日行開長沙灣幸福邨探朋友，見到有間個名好有霸氣嘅賓墟餐廳，一於走咗去試吓😉茶餐廳嘅風格是種類夠多，出餐夠快，同埋小菜夠鑊氣。呢間賓墟餐廳絕對做到呢3點😎加上快得來職員有良好嘅服務態度，呢一點絕對值得一讚👍先講個例湯，睇圖都知落足料，絕無味精，兩個字「好飲」，有住家嘅感覺😋乾炒豬扒公仔面，食炒公仔麵最緊要係夠鑊氣，色水均勻，D豬扒又夠多,夠入味,我居然可以食晒成個公仔麵😳大家不妨一試😊啫啫豬潤滑雞煲～黎茶餐廳我比較鍾意食小菜，因為佢夠鑊氣又夠嘢未，啫啫滑雞煲更是我的最愛🥰隻雞好嫩滑，又夠多，性價比超高👍大家一定要黎試吓Overall一間又平民又好味😋CP值極高嘅茶餐廳

雖然好耐冇食茶記, 但係經過賓墟好靚嘅霓紅燈吸引咗就走咗入去試下.🍛美極彩塘牛柳粒打開餐牌都係乜都有. 花多眼亂揀好耐. 最後覺得食個小炒. 跟住發覺自己冇揀錯, 個牛好夠鍋氣又夠嫩. 調味都恰到好處. 撈飯一流!🍝茄醬海鮮炒意粉雖然不嬲都知茶記大件夾抵食, 但係呢個意粉真係足料, 有蝦, 青口, 魷魚etc, 仲要好新鮮. 而且意粉麵質都適用, 唔會過硬或過軟, 顛覆我對茶記嘅刻板印象.🍸斑蘭玉露特飲 + 芒果鳳仙特飲兩杯嘢各有特色. 個人比較鍾意班蘭玉露, 少少香甜又好似食緊蛋糕咁, 好特別.