賓墟餐廳

營業中

休息中

*酸菜魚*酸菜魚好開胃，酸辣剛剛好，不太食到辣的朋友都會食到，都唔會太油膩。魚肉採用鯛魚片，彈牙又新鮮，而且魚肉份量都好多，再配合白飯，加埋酸菜魚湯一齊食，連平時唔中意食白飯嘅我，都忍唔住食多幾啖！仲有酸菜開胃🤤忍唔住真係會食多左*豬手*細細個就鐘意食豬手呢到的豬手好出色！個皮炸得剛剛好！好脆口😄而且豬手肥瘦均勻，一啖咬落去，肥肉同瘦肉比例一比一，好好味！再配合醬汁，仲更加凸出豬手嘅惹味！下次一定要再叫！

一日三餐裏面，我最鍾意就係食早餐，琴日放假自己落屋企附近嘅茶餐廳食咗個最經典嘅早餐😆沙嗲牛肉麵、餐肉炒蛋，牛油多士同凍咖啡，咁先係真正嘅good morning!!沙嗲牛肉麵湯底香濃，個沙嗲有落埋洋蔥、蒜同花生碎炒，香口得嚟有啲微辣同埋微甜嘅味道。牛肉煮得剛好，好滑嫩仲啲微微嘅嚼勁。麵條都煮得恰到好處，彈牙爽身，同湯底完美嘅配搭，好滿足！餐肉同炒蛋正常發揮，餐肉唔會過鹹，煎得幾香，炒蛋鬆軟滑嫩牛油多士都幾大塊，雖然好飽，但係烘得好香脆，忍唔住成塊食晒😂凍咖啡叫咗走甜，平時d茶餐廳嘅凍咖啡有機會帶酸味，但依間唔會！味道濃郁，走甜都幾好飲～成份早餐連埋凍飲$41，以價錢來講質素好唔錯～茶餐廳嘅氛圍俾人一種親切嘅感覺，待應同客人嘅關係幾好，好有人情味👍🏻

今日同朋友喺長沙灣打完羽毛球，打算喺附近食埋晚餐先返屋企，喺幸福商場見到呢一間叫賓墟嘅餐廳，有晚飯小菜二人套餐，包兩款小菜、例湯、飲品同埋白飯，價錢都只係$150，經濟又實惠，一於試下🤤🐓啫啫滑雞煲 天氣凍冰冰食啲熱辣辣嘅煲仔菜暖下身都幾好，估唔到茶餐廳都能夠做到如此高水準，個雞煲熱辣辣出晒煙咁樣捧上枱，未食都聞到好香，而且份量都唔少，淡淡都係肉，味道亦都好好，雞肉嫩滑多汁，簡直一流🐂蜜汁薯仔黑椒牛柳粒 同樣地牛柳粒嘅份量好多，而且一啲都唔韌，肉質軟腍多汁，少少黑椒同埋蜜汁味好夾，薯仔走過油，所以索晒牛柳嘅香味同埋蜜汁味，攞嚟送飯簡直冇得輸🫘紅豆冰 嚟到茶餐廳好難唔飲返杯紅豆冰，呢度嘅紅豆冰甜度適中，好啱我嘅口味，而且每一粒紅豆都有好濃郁嘅味道，紅豆嘅份量亦都好多，真係物超所值📍 長沙灣幸祥街8號幸福商場地下1號舖 - 賓墟餐廳 (長沙灣)

平時放假，好鍾意去茶餐廳嘆番個下午茶，嘢食款式多得嚟更合口味，價錢又抵！你間餐廳喺長沙灣嘅平民商場入面，都有唔少街坊幫襯，嘢食抵食夾大件，今次下午茶時段嚟到，試返佢哋個下午茶餐單先！------------------------------🍗◖脆炸大雞脾◗ $38可以跟配薯條/沙律，揀咗沙律，佢係蘋果薯仔雜果沙律，裹上沙律醬，酸酸甜甜。雞髀外皮好薄脆，炸得唔錯，肉質嫩滑，而且裏面嘅肉汁超多！🐂◖鐵板西冷牛扒◗ $62醬汁有黑椒/蒜蓉，揀咗黑椒汁，醬汁係蕃茄醬做底，加上黑椒。將醬汁倒落牛扒上面，「滋滋」聲，牛扒食落更香！西冷扒肉質偏瘦，帶有少少筋，但都幾易咬唔會好韌，味道唔錯！佢哋嘅薯條係粗切波浪薯條，乾爽香脆。☕️◖鴛鴦◗ 跟餐🍋◖檸檬水◗ 跟餐🌟 Encore指數：8/10

突然好想去食茶記食嘢，所以約好友去左位於長沙灣幸福商場嘅賓墟餐廳食tea😆✔️泰式煎魚餅湯麵（套餐$60）原本想食亁抄牛河，不過最後叫左湯麵食😋，有多件泰式煎魚餅😍，雖然比我食開嘅一般泰式魚餅薄，但就好入味，湯底我揀清湯唔辣嘅，味道都好正宗，配埋凍檸茶少甜少冰。✔️脆炸大雞髀配沙律（下午茶餐$38）大大隻炸雞脾🍗，外皮炸得乾脆，內裡肉質嫰滑，好好食，配埋用新鮮蘋果做嘅沙律，都好夾好好味，加多$3配左凍飲，真係都幾抵食！✔️西多士（朱古力醬）食西多士一向淋開楓糖漿，今次要朱古力醬，反而無咁甜，但又散發出朱古力香，唔錯👍👍📮賓墟餐廳🗝️長沙灣幸祥街8 號幸福商場地下1號舖📞22041318/22041183#香港茶餐廳 #賓墟餐廳 #賓墟冰室

前排經過去咗長沙灣果邊，係地鐵站附近搵咗呢間---🌟賓墟冰室🌟食晚餐，餐牌選擇多，無論係鋸扒定焗飯都滿足到，除咗常餐，仲有炒公仔面同泡飯都好吸引好想試🤩._.🐂 | 香煎美國西冷牛扒 | 🐂（配 老火湯+薯角）大大塊西冷牛扒鐵板熱辣辣上，揀咗香濃結身嘅黑椒汁，勁惹味，西冷牛扒腍身，易砌易咬，醃得好夠味。跟餐嘅薯條炸得好香脆，份量多.🧀 | 芝士焗白汁海鲜飯 | 🧀焗白汁芝士係我最愛，佢仲要配上我最愛食嘅海鮮，飯係炒飯底，粒粒都有金黃色嘅飯底，海鮮料多，大大碟焗飯，食到好滿足.💚 | 班蘭玉露特飲 | 💚綠色好靚，班蘭味濃·🥭 | 芒果鳳仙特飲 | 🥭成杯都係黃色，芒果味濃又香甜._.

幸福邨呢間茶餐廳真係超水準！平日夜晚坐爆人，要等位先到，晚巿吸引好多街坊過黎，食物種類好多元化，中、西既食物都有，日日可以食唔同野都得😝餐廳服務員態度好好，好有人情味例湯個湯好濃郁，唔係味精水，裏面有紅蘿蔔、豬骨，一啲都hea，非常唔錯👍🏼蝦仁炒蛋蝦仁新鮮彈牙，炒得岩岩好，蛋炒得滑嫩，同蝦仁完美結合，送飯一流黑椒牛仔骨我好鐘意食牛仔骨，個牛仔骨煎得好味，肉質鮮嫩多汁。呢道菜絕對係肉食愛好者嘅首選！

今日係長沙灣附近做完野收工，攰攰地係地鐵站附近想搵間茶餐廳落腳，結果搵到呢間。咦，有驚喜喎！🔅賓墟一品煲🔅見到用茶餐廳名做煲仔名，所以叫左嚟試下。一品果然係一品，有齊燒肉、豬肉、魷魚、蝦仁、豬潤、雞肉等，肉好肥美，岩晒呢個天氣食，好保暖，又啱晒重口味嘅食肉獸😍😍🔅招牌海味蒸肉餅🔅唔知係咪招牌嘅關係，要特別用心製作同即叫即蒸，等左大概35分鐘終於都上碟啦，但係我一啲都唔介意，慢工出細貨，好值得等☺️！肉餅都幾大份同厚，肉餅上充滿住魷魚條及蔥花，肥肉位都好飽滿，送飯一流，份量要兩個人先食得晒，一個人叫特別係女士嘅話就未必食得晒😌～餐飲叫左兩杯熱檸水，店員可能見個煲同肉餅太大份嘅關係，專登用外賣杯上，等我地可以唔駛因為太熱而一次係鋪頭飲晒，可以拎埋出去一路行一路消化一路飲，呢個位真係好貼心。

大型連鎖食肆成行成市，進駐街坊商場更是梗有一間喺左近，明白街坊舖/茶餐廳壞來越難做，所以平時都會幫襯下小店。這間餐廳都幾有港式茶餐廳特色，首先店員多是姨姨叔叔輩，街坊街里feel好親切有禮。正值下午茶時段，套餐選擇都算多，連tea set都有鐵板餐，就叫道鐵板西冷牛扒配薯條來試試，份量比想像中多啊，牛扒有兩大塊且切得唔算薄，都幾入味，配香濃黑椒汁食起上黎啖啖肉，相當滋味；薯條真係即炸，超級熱辣辣，而且係懷舊港式茶餐廳才會有的波浪型薯條呢。朋友即點了道芝士焗茄汁豬扒飯，最面層的芝士好香，沾滿鮮茄汁的豬扒亦都幾鬆軟，重點是底下香口的蛋炒飯，每一啖蛋炒飯加埋蕃茄粒及蕃茄醬，酸酸甜甜夠晒味道每個餐都包一杯飲料，來到茶餐廳就當然要點杯最具代表性的港式熱奶茶及涷檸茶，奶茶都算茶香濃奶順滑，這些真的是餐廳才能炮製出的味道。

去朋友家之前，發現太早出門未吃午餐，也差不多下午茶時間。朋友介紹簡單吃個下午茶，在他家附近下午茶選擇也算多，點了一個鐵板餐和焗飯，二人快速吃下。芝士番茄焗豬扒飯熱騰騰的焗飯，鋪在面層芝士已融化，夾起一塊沾滿鮮茄汁的豬扒，拉出芝士絲，急不及待放進口裏，豬扒亦算有肉汁，單獨一個吃芝士焗豬扒飯，也棒。港式經典靈魂蛋炒飯是芝士焗豬扒飯的加冕。白飯炒乾身鐵板扒有雞扒，配薯條，或意粉亦可以。份量算大份，扒餐預設跟薯條，加意粉加$10，餐飲是滿滿甜美的紅豆冰星期六中午，雖然滿座，但不需要門口排隊。雞扒鐵板意粉，口感也豐富。

今日放工咁啱經過長沙灣嘅幸福商場，諗住快快手入去食個午餐醫肚，🤣點知好有驚喜！可能近街坊商場，服務員態度對大家都好好，雖然我唔熟佢地但都見佢地同街坊都好好傾。真係好想讚讚廚師👨🏻‍🍳，一個幸福商場都可以卧虎藏龍！🥩香煎美國西冷牛扒（$65）本身食得茶餐廳，特別係港式傳統既都唔會預料牛排用上咩質素，普通既用上高級小小嘅肉已經係喜出望外。但呢到比你嘅肉絕對唔只好上一級咁簡單，西冷得嚟又近牛柳嘅位，再加上廚師煎嘅功夫完全對得起此上好肉質。平時食茶餐廳真係好難用到個嫩字黎形容，又香又嫩真係非常難得！🍝鐵板黑椒牛柳炒意粉（$64） 食完牛扒我對呢間餐廳要求都提升左唔小，茶餐廳我一般唔會用意粉軟硬度走去評意粉，但香港真係好難係茶餐廳有既要求。而牛柳用上相同嘅肉源，令佢本身肉味肉質都有上好嘅保障，讚過就唔再講。另外，要讚嘅係廚師用咗黑椒，三色椒嘅配料令一碟茶餐廳炒意粉更香更有鑊氣！斑籣玉露特飲（原價$26，跟餐$8） 唔會好甜，而且帶有淡淡嘅斑籣同椰奶香，非常解渴！芒果鳳仙特飲（原價$26，跟餐$8）芒果同菠蘿好夾，味道有啲似經典嘅雪條，回憶返晒嚟！

係長沙灣學完野，仲未食lunch🥲見到有間茶餐廳就入去食個飯，醫下肚先😜✨鳳梨蜜桃甜酸肉一開始睇落去係一份正正常常嘅咕嚕肉🤣好似無乜特別咁。點知食左一舊就食唔停口🤩被驚艷了🤣舊肉係好爽口，仲要好大舊肉。每舊嘅炸粉唔多，仲要係脆口😍證明真係啱啱整出黎，勁新鮮！✨黑椒牛仔骨呢個都唔錯嘅，但因為上面個餸真係太好食，所以呢個就冇咁驚艷🤣佢嘅牛仔骨都𣺉嘅，幾入味🤤份量都幾大份肥米叫嘅係set 餐，會包埋一個例湯，一碗飯同野飲👍🏻係幾抵食，食完已經好飽(當然係以肥米嘅食量)🤣個甜酸肉真心好好食，肥米到第二日都仲記得佢嘅口感🤤真係冇諗過茶餐廳可以整到份感好食嘅咕嚕肉😍#賓墟餐廳📍長沙灣幸祥街8號幸福商場地下1號舖

賓墟餐廳～長沙灣地鐵站B出口幸福商場地。星期六下午茶時段，仍有下午茶餐。相比一般茶餐廳只限星期一至五才有的，真的好抵食！鐵板西冷牛扒配薯菜$62充滿懷舊港式風味，西冷牛扒大大件，一點也不韌，配上黑椒汁，美味可口。咖喱薯仔雞扒飯$54雞扒係煎香過的，咖喱汁正是啱我口味的椰香帶甜味道。飲品當然要選擇充滿港式味道的凍檸茶，紅茶膽確係唔同。侍應主動問我要不要老火湯，菜乾甘筍豬骨湯,沒有味精，充滿家的味道。

👩🏻‍❤️‍👨🏻🐽賓墟餐廳 (長沙灣)💰102（堂食）這家餐廳位於長沙灣，地理位置超級方便，走出長沙灣地鐵站就能看到餐廳大大的招牌😉店內環境整潔，對於一間茶餐廳來說十分難得🥹乾炒豬扒公仔麵 $46大大片的豬扒份量充足，很香很入味🤤即叫即整熱烘烘的，鑊氣十足👍🏼沙爹牛肉麵配牛油多士，香滑炒蛋 $50炒蛋跟它的名字一樣香滑😍麵條的硬度適中👍🏼沙爹汁很香濃，麵條把湯汁吸收了，十分入味🤤牛肉很多，而且很嫩很軟，味道不錯😋隨餐奉送飲品（凍飲+$3）。凍檸茶。凍檸水

作為長沙灣嘅街坊，有時都懶得坐地鐵，都會喜歡喺附近探索下唔同嘅舖頭醫肚🤭 今次嚟到球場隔離嘅幸福商場，一入去就見到呢間茶餐廳嘅招牌，咁就決定簡簡單單食餐飯喇。叫咗個九層塔沙薑雞煲餐，包埋泥湯同埋飲品，雞煲熱辣辣上枱，以茶餐廳嘅質素嚟講都唔錯。 個湯應該冇落味精嘅，飲完唔會特別口渴。雞件都醃得幾入味，雞肉算嫩滑，連埋三色椒同洋蔥，送飯都幾唔錯。餐廳都幾大呀，唔使等位，可以快食快走，啱曬香港人快捷一族～