上次去過黃大仙中心北舘的「韓閣」食飯，留意到隔離正相連左另一間台灣料理餐廳「嘆嘆」，門外那棵彩色的打卡樹，色彩繽紛好吸睛，已經Mark定下次要過嚟食😋 ～招牌鐵路便當盒$72 份量又多兼抵食，有幾款主菜選擇，再配:台式肉燥飯&紫菜粟米湯&滷水豆腐&滷水豆腐溏心蛋。我揀左古祖鐵路滷豬排，豬排好味鬆化又大塊，餐廳仲好細心附上小剪刀俾你剪豬排呢！ ～台式蔥油拌麵 配 夜市滷水拼盤$68 這𥚃的蔥油拌麵好正宗，係我在台灣食過嘅味道，而夜市滷水拼盤就有雞翼，豬耳，豆腐及溏心蛋，全部都好入味！ 另外小食如鹽酥雞、台式香腸、肉燥高麗菜等等味道都不錯，台式飲品如黑糖珍珠奶茶🧋 亦有茶味，呢度有齊各種台式料理，下次會過嚟試埋呢度d甜品🍨

九龍城啟德道隱世小店，若不是看到門外有塊大廣告牌寫住「挑戰7秒啤酒🍻大奬賞」，也吸引不到老公視線呢！覺得呢個挑戰都幾過癮，而且仲有黑啤選擇，老公一於建議入去這燒肉店試吓！ 店舖面積不算大，屬於日系簡潔裝修，感覺舒服。職員奉上餐牌，建我們2人就推介可吃「極上和牛盛會の二人前」，套餐已包括前菜（三品）、胡麻沙律菜、櫻花蝦味增湯，想不到這些都好味有驚喜！ 主角石燒肉上場啦！同餐牌上圖片擺盤一樣咁靚，完全符合商品說明條例! 九州A4和牛三角胸:牛三角胸既油花好正，脂量最重，食落好軟滑好嫩！ 九州A4和牛上前腿肉：我覺得呢個最好食！牛味都好足夠但係食落唔會過份油膩！ 澳洲和牛封門柳:牛味最重，相比起之前日本和牛呢個比較有咬口！ 咁好食嘅和牛，梗係要飲啤酒！老公入嚟就係為咗挑戰此活動，7秒飲晒一杯 350ml 啤酒會再送一杯！好彩真係成功，好開心！ 最後仲有個雪糕，好似體驗緊日本茶道咁。 可以因應自己想要既濃稠度，去自行調配水既份量，自制抹茶醬再淋上雲呢拿雪糕上面。

車仔麵絕對是香港的地道美食！大角咀的「阿美車仔麵」，餐廳環境充滿港式情懷，地方寬敞，有梳化位，亦有窗前看街景的座位等。 車仔麵超級大碗，湯底用鮮雞去熬製，冇加任何味精。至於餸菜份量亦都十足，例如冬菇又大隻又腍又入味，鳳爪都好肥美！豬皮爽口大大件，金錢肚亦好好味！響鈴更加係熱辣辣即乍起，很用心的做法！ 除了車仔麵，也有特色飯類供應，叫了一個台南焢肉飯，大大件腩肉配糖心蛋、酸菜及菜芯，$48碗好味又抵食！ 這裏的小食亦非常出色，首推生炸雞髀🍗，炸得皮脆肉香，餐廳亦細心附上刀叉🍴，用刀叉食炸髀絕對係高級享受😎

朋友說要請我吃火鍋，去到尖沙咀金巴利街才知道佢帶我嚟「滾爺」，呢間我之前曾到訪旺角上海街的店舖，原來尖沙咀開左分店！ 念念不忘佢嘅招牌爺子雞鍋，係即開2個椰皇加2個椰子🥥做湯底，當然唔少得半隻肥美的文昌雞🐓，職員幫我地落好晒材料後仲教我地用沙漏⏳計時做到啱啱好點樣先令到隻雞保持嫩滑👍🏻呢個招牌湯底真係非常非常之鮮甜，一定要先飲2碗湯才食其他食物呢！ 另外我哋仲叫左手打四寶丸，分別有鯪魚丸、蝦丸、墨魚丸及牛滑丸，真係手打做出嚟，唔似坊間一般的現成丸類，口感非常特別！ 還有唐三藏（田園菇菜拼盤）及紅薯粉也不錯，今晚多謝晒朋友帶我來再次回味，與旺角分店同樣ok!

朋友話帶我去食Omakase, 當然以為係壽司、刺身啦，佢又叫我响厚福街H8樓下等，神神祕祕，响大廈水牌查看，都唔似有日式高級餐廳，謎底終於解開了，原來佢帶我去呢間「梵日本燒鳥」！乜串燒都有Omakase? 真係要試吓先！ 餐廳環境裝修沉實中顯高格調，職員有禮地問我想坐窗邊還是Bar枱，我二話不說就揀Bar枱，可以望住師傅即席烹調呢！ 選擇困難症的我們一於就叫套餐吧！餐牌上分別有「梵精選 BON Special Set」及 「梵師傅精選 BON Omakase Set」以包以下咁多： 前菜 Special Appetizer 燒鳥一8串/10串 Yakitori BBQ-8/10 Skewers ①柚子醬雞胸肉 Chicken Breast with Special Citrus Pepper ②雞翼 Chicken Wing ③雞賢 Chicken Gizzard ④雞尾 Chicken Tail ⑤雞頸肉 Chicken Neck ⑥九州免治雞肉棒 Kyushu Special Chicken Minced Stick ⑦青椒 Green Pepper ⑧香菇 Mushroom 每款串燒都烹調得很出色！而其中我想特別介紹的，就是⭐️豚肉糖心蛋⭐️ 真係必食推介！ 做法係用豚肉包住預先準備的糖心蛋 再燒到外層香脆，食個時用筷子𠝹開入面隻蛋等蛋黃流出心！然後就可以當蛋黃醬汁，食九州免治雞肉棒時沾上蛋黃來吃！Yummy! 🍙特製烧飯團:飯團以糯米製成，搽上醬油在烤爐上燒，醬汁溶入飯團表面，再用紫菜包裹著一併食，非常特別！另外朋友叫了梵特製迷你滑蛋雞肉飯也不錯！ 最後甜品🍨選了抹茶及開心果味雪糕，大🈵️足！

工作上完成大project，一於週末決定食餐好嘅！再訪大坑銅鑼灣道Tipsy Restaurant & Bar, 記得上次吃過這𥚃的生蠔🦪非常新鮮！今天職員介紹有個生蠔全日優惠$10pc,真係非常超值！實在忍唔住叫3隻品嚐！因為仲要留肚去吃 Brunch呢！ 而這個3 course brunch, $228又係好抵食！ 首先會包5個前菜，包括： Parma Ham & Melon Smoked Salmon Caesar Salad Taro Chips with Avocado Smash Avocado Capress Salad Truffle Toast with Parma Ham & Mozzarella 而主菜都有6款選擇，我分別叫了： ～Pan-fried Halibut with Mango Salsa 比目魚煎得皮脆肉嫩，加上有芒果粒的芒果醬，味道好夾好味😋 ～Slow Cooked Pork Loin with Mixed Vegetable 豬鞍以慢煮的煮法能夠鎖住肉汁，厚肉得來非常juicy，驚喜的是配菜南瓜蓉，非常綿密，是我吃過最出色的配菜！ 是日甜品是Cheese Cake, 細細件啱啱好！ 飲品有不同款式的熱茶或凍飲，我叫了杯peppermint tea, 好滿足！

位於土瓜灣北帝街的「一團餃子」，主打街坊生意， 價錢親民🥰 質素都唔錯 有種家嘅感覺🏠 ⭐️鹹蛋黃醬紫菜肉鬆風暴 粟米豬肉餃子加埋脆脆既外皮超正，再將紫菜肉鬆鋪上面，超夾👍🏻 ⭐️和風木魚紫菜餃 韭菜豬肉餃子,煎餃外皮香脆煙韌，煎得好香，油香四溢,配上木魚紫菜，添上點點和風味🇯🇵 ⭐️椰菜雲耳豬肉餃子 餃子大大隻夠晒飽滿，皮薄餡靚，調味適中 小食方面也有很多選擇，其中藥膳花雕醉雞卷及麻醬雞絲粉皮也不錯。 總結各個餃子🥟都是真材實料，下次經過一定會再來幫襯，推薦推薦👍🏻

銅鑼灣加路連山道新開小店「Day & Night」, 餐廳裝修以沉實型格為主，餐牌貼在門外當眼處，一目了然。我便是被餐牌吸引到而進入餐廳了。 ⭐️鐵板紐西蘭草飼牛柳 厚厚的牛柳，叫了5成熟，剛剛好，牛柳是牛肉品項中最嫩的，含脂量少，該店採用紐西蘭草飼牛柳，品質有保證！ ⭐️煙三文魚班尼迪 好欣賞呢間嘅Benedict,唔膩，一切落去就有流心蛋配埋煙三文魚仲有醬汁，真係好鍾意！ ⭐️牛舌心串 店長推介，即叫即燒，選用牛舌心部位厚切鹽燒，肉質柔韌軟嫰！

今日同朋友們到旺角山東街「尚八日式燒肉店」聚舊，餐廳現時於晚市時段惠顧【尚八燒肉放題】，每兩位以上送日本豚肉一涮涮鍋 Shabu Shabu，一次過可以燒肉加打邊爐，性價比高👍🏻 餐廳裝修環境舒適乾淨，除了堂座，自助區、飲品區之外，仲有VIP房，私隱度極高！ ⭐️尚八燒肉放題$318 呢個套餐有108點品任點任叫，肉類牛豬雞肉都有好多款式同部位，仲有得揀不同醬料醃製；海鮮同炸物小食款式都唔少，出面自助區有少量熟食、蔬菜、同飲品可以自己攞。 個人比較推薦以下菜式： 肉類～ 厚切美國牛肋肉 美國封門柳 美國牛版腱 鹽燒厚切雪花牛舌芯 海鮮～ 香草牛油廣島蠔 虎蝦（鹽焼｜ 香草牛油） 香草牛油帆立貝 清酒煮蜆 前菜/炸物～ 軟骨餃子 海苔多春魚 胡麻豆腐 尙八醬油飯（加溫泉玉子） 餐廳職員態度友善，客人以QR code點菜，上菜速度亦快，沒有漏單的情況，亦主動收碟、加湯、換燒烤網等，呢樣最抵讚！

去銅鑼灣搵食，朋友想吃傳統正宗韓國烤肉，二話不說便去鄰近崇光百貨的金百利廣場6樓「金羅寶韓國料理」，我都很多年冇去過了！ 咁多年仍然在銅鑼灣屹立不倒的食肆，可算是逆市奇葩！ 餐牌你會見到有不同的韓國料理，而且價錢偏貴，但勝在樣樣都大大份，share食就最啱！一坐低就奉上多款前菜，我最喜愛的還是泡菜、銀魚仔及薯仔🥔 我地叫左傳統嘅辣豆腐湯，係我喜歡嘅微辣度，材料有蝦、蜆、豆腐等，開胃鮮甜。 還有烤牛肋骨肉及韓國淡水鰻魚，職員會親自幫我們烤製，唔似得其他餐廳預先切好，佢係原條去煎熟之後才剪開一片片，真係好好味😋 最後還有甜品，朱古力/曲奇雪糕🍧，大🈵️足！