賓墟餐廳

營業中

休息中

周末早上去開長沙灣，順路一訪幸福商場中的茶記「賓墟餐廳」，馳名沙牛麵，作為沙牛麵控又怎可錯過😆餐廳位於商場正門側，相當顯眼位置方便，裝潢和其他本地茶餐廳一樣，非常地道充滿香港本土特色。早餐B是沙爹牛肉麵會跟一份火腿炒蛋多士和熱飲，凍飲+$3。牛肉份量都不少，切得夠厚而軟淋，沙爹醬汁濃稠，味道香濃，而且做到掛湯效果，配上公仔麵，絕對是一流👍🏻另外火腿炒蛋多士都不錯，熱飲選擇了茶走（即是奶茶+煉奶），茶底夠濃香滑，不錯！

#香茅雞翼米線⭐️⭐️⭐️⭐️#牛扒配薯菜 ⭐️⭐️⭐️⭐️如果你想體驗香港嘅文化，試吓地道嘅餐廳，不妨去呢間試吓！無論裝修、食物、文化定係風格都好香港㗎！⭕價錢平民抵食⭕️仲播緊舊式港產片好懷舊⭕️食物有一貫茶餐廳嘅水準⭕️個人覺得港式鋸扒一定要配燒汁⭕️粗薯條配燒汁最夾⭕️我見佢仲有菠蘿油西多士等等小食⭕️我見佢都有好多街坊客座無虛席總括嚟講，如果你經過開呢個商場又或者想體驗吓香港嘅文化，去呢間餐廳係可以架

阿媽以前去開旺區某岀名餐館鋸扒，不過年紀大唔方便自己岀遠門，原來樓下街坊茶記平平地又近近地都鋸到個有質素嘅港式鐵板扒餐！我哋一份巨人西冷，一份巨人豬扒。名符其實，塊扒真係好大塊。西冷牛扒用迷迭香醃過，肉質鬆軟但唔會霉；豬扒脆邊連骨兩塊打孖上。配有黑椒/ 蒜蓉/ 洋蔥汁醬，鐵板本身已經有放上時蔬同波浪薯條，另可以選擇飯/ 意粉/ 薯菜。絕對巨人份量，好飽，飲埋杯凍奶茶少甜就真係捧住個肚。OG Hong Kong-style cha chaan teng steak/ pork chop on sizzling plate: gigantic portion and authentic taste. The steak had been marinated with rosemary and was tender. Double pork chops came with bones. Gravy of your choice: garlic/ onion/ black pepper. You can pair your meat with rice/ spaghetti or fries.

偶然在長沙灣消防局附近,見完客,上晝11點,有點餓,入咗一間茶餐廳,叫做賓墟.想起賓虛呢套勁既舊西片.見到餐牌,鐵板牛扒餐,只係65蚊.我叫咗黑椒牛扒意粉(白碟上)和一碗紅湯(雜菜湯).*黑椒牛扒意粉牛扒煎得表面夠香，充滿了誘人的烤肉香氣。牛肉唔會過份醃過籠,有肉味，口感不錯。黑椒醬汁,濃郁帶微辣的辛香,有水準. 意粉,夠甜夠酸,吃來十分醒胃。*雜菜湯湯內有番茄,馬鈴薯,胡蘿蔔,洋蔥和豬肉,簡單舒服,少味精的一個菜湯,我喜歡吃清湯內的蔬菜.加上一杯紅豆冰,多奶.紅豆夠淋,不錯.中午12點前,見很多熟客入店,多叫中式午餐.員工待客親切.下次來試吓其他食品.

呢間餐廳除左晚餐之外仲有好多小菜，蒸魚等等選擇，新年期間仲有二人餐，四人餐等等既選擇，梗有一款岩大家，我地叫左個二人餐，我地叫左一份脆炸豬手，豬手配飯仲配埋酸酸甜甜既醬汁，醬汁好開胃，豬手擺盤好靚，份量岩岩好仲有骨膠原好有膠質，另一份揀左咕嚕豬扒酸甜咕嚕醬好好味仲有好多菠蘿，洋蔥好入味。飲品叫左紅豆冰同特飲，特飲另一杯係芒果鳳仙特飲，紅豆冰好多紅豆，唔會勁甜，芒果特飲就可能要再調教下個味道相對甜左dd。

行開花市去左對面長沙灣幸福商場搵野食，喺門口位隔離有間《賓墟餐廳》，但竟然令人有驚喜，茶餐廳黎講，佢啲野都幾好食啵，我地2個人叫左兩個餐連凍飲都係$90 ，性價比高🥢黑椒牛柳絲炒烏冬牛柳絲炒得啱啱好，嫩而唔韌，而鳥冬冇炒得過淋仲保持有咬口，調味方面唔會過咸黑椒唔會過辣蓋過咗汁嘅調味，仲要鐵板上🥢炸雞髀配沙律炸雞髀size 都幾大隻，炸得金黃酥脆唔硬，外脆內嫩，肉質飽滿多汁，而且醃得好入味但又食到雞嘅味道，佢哋嘅沙律整得比平時茶餐廳嘅沙律好食，雖然係一個好普遍嘅食物，但令到我有驚喜

賓墟冰室@長沙灣呢排天氣開始轉凍，就係屋企附近嘅冰室試吓熱辣辣嘅沙嗲肥牛金菇煲，$81就連埋餐飲！👍🏻👍🏻呢間茶餐廳出名價錢夠抵，而且食物質素亦唔錯！我同屋企人都成嚟食午餐，今次呢個沙嗲肥牛金菇煲，肥牛份量超級多，而且唔會好多肥肉，夠晒多鐵質同蛋白質！味道方面，沙嗲汁非常之濃。滲透喺肥牛同金菇入邊，用嚟送飯簡直一流！ 🤩🤩🤩冰室嘅服務員亦都好友善，整體而言成個晚市套餐都好抵食！😍😍

接媽咪收工，順道響附近搵嘢食～茶餐廳不嬲都係一個幾好嘅選擇，貪佢包羅萬有！🤭👍🏻幸福商場樓下大大隻字～「賓墟」～套舊片就睇過十萬九千七次啦…餐廳就未食過，一於試下啦！！民居餐廳最好嘅就係抵食夾大件～咁嘅價錢有咁嘅質素，真係超正！！佢個泥湯真係好好飲！！大大碗～又足料～同埋我肯定，佢一定冇味精！！星洲炒米炒得好香🥘！🥰咖哩味好出👍🏻但係又唔會油冧冧，好夠鑊氣～仲要鬼咁多料！！卒之食唔曬要打包～🤭😅媽咪話好耐冇食蒸倉魚，就蒸條食啦！🐟估唔到好大條～仲蒸得好滑～啲豆豉多到撈飯都夠！！🥰👍🏻叫多杯熱杏霜同柑桔柚子蜜，真係飽到一個點！😂😂相信附近嘅街坊平日一定成日嚟幫襯！！

賓虛在廣東話中有人山人海 場面宏大的意思長沙灣幸福商場🔥賓墟餐廳 真係冇改錯名深受街坊歡迎 好旺場 晚市二人餐只需$150菜式不時更新 自由選擇 水準不錯 即叫即製·＊＊＊＊晚市二人餐(A / B + C款) ＊＊＊＊🍲惹味酸菜鯛魚片湯窩估唔到茶餐廳都有酸菜魚 而且真的很大份絕對夠2位食 特別地選用鯛魚片 厚薄均勻爽彈滑嫩 入口不腥🐟湯底酸與辣比例剛好惹味又開胃 重點係湯底唔油 不妨用來當湯飯加上配料都多：腐竹 萵荀 芽菜 木耳 芫荽等+🥩中式牛柳常見港式小菜 又滑又軟的牛柳 配合酸甜汁利用菠蘿濃郁的甜味帶出牛肉的香味 有鑊氣滿足一班牛魔王之餘🐂醬汁亦非常適合撈飯套餐奉送白飯 例湯 飲品 CP值高 比單點便宜→是日靚湯冬瓜紅蘿蔔排骨湯🥘超級足料 天然無味精→飲品選擇了凍檸樂 凍咖啡☕️最愛都係港式茶餐廳·賓墟餐廳📍長沙灣幸福村幸福商場地下1號舖賓墟冰室📍青衣牙鷹洲街8號灝景灣購物中心地下1號舖

朋友住喺長沙灣幸福商場附近,揾佢聚一聚,一齊食個下午茶傾下偈。近近哋.就喺幸福商場樓下「賓墟餐廳」朋友話呢間餐廳都開咗好耐,啲嘢食都唔錯。入到去,地方乾淨企理,座位寬敞,服務員態度真係好。鐵板西冷牛扒+意粉$62牛扒勁大件又厚肉,肉質軟淋,食落仲有牛香味。配菜有紅蘿蔔、翠玉瓜和薯條,份量十足,加埋黑椒汁味都唔錯。意粉煮到啱啱好,爽口好食。紅豆冰(跟餐+$4)紅豆粒粒飽滿又煮得夠淋,唔會太甜,好啱我。越式豬扒煎蛋飯$49豬扒醃得好味,炸得香脆可口,肉質鬆軟,煎香咗嘅太陽蛋,撈埋特製蔥油好好食。凍咖啡(跟餐+$3)咖啡又香又濃,比想像中好飲。

長沙灣嘅一間茶餐廳價格親民，座位好寬闊，食物款式多又抵食👍🏻和朋友嗌咗兩個餐和2杯嘢飲，好滿足😋惹味酸菜鯛魚片湯窩 $116值得推介✅十分吸引🤩鯛魚片份量適中，口感十分彈牙新鮮，仲有其他金針菇、豆卜、木耳、酸菜做配菜，配搭白飯一齊食好開胃👍🏻者者滑雞煲 $81上菜熱騰騰😍揭開蓋子即刻濃郁嘅香氣撲出來😋份量都挺多🐔雞肉香滑，味道好香，仲有豬膶、冬菇及洋蔥特飲跟餐+$8就有班蘭玉露特飮和芒果鳳仙特飮，好抵📍 賓墟冰室(長沙灣)長沙灣幸福村幸福商場地下1號舖

周日不煮飯，全日在家樂得清閒寫意地煲下劇，玩手機上下網，輕輕鬆鬆過日晨。到了大約5點多仍是各餐廳的下午茶優惠時段，於是發揮知慳識儉美德的機會了。因為一般餐廳的下午茶餐單可以較便宜的價格吃到晚餐同款食物。 阿仔陪我一齊外出，到了我們常光顧的平靚正飯堂~賓虛餐廳。 我與阿仔就點了最抵食的鐵板牛扒下午茶餐~$62，我選黑椒汁配意粉，阿仔選蒜蓉汁配薯菜。嘩...嘩 ....喳喳聲，兩份大大塊的牛扒上桌，鐵板上又各自再加配薯菜，同時兩碟各自放滿意粉及香脆薯菜再上桌，真是超值啊！我們再各加了$8升級特飲，芒果鳳仙特飲及班蘭玉露特飲。懂得在下午茶時段棟選平靚正茶餐，就是性價比之選。

今日，我和媽媽去了長沙灣幸福商場內的賓墟餐廳食午餐，因為老人家喜歡食中餐，特別是鑊氣小炒。那時1時多，我見他們的餐牌內有不同類型的食物選擇，還有多款中式套餐，包白飯、例湯和飲品都是$70多元，那就吸引了我們光顧了。我們叫了三款菜式，全部都是媽媽發辦，包括中式牛柳、魚香茄子煲和啫啫豬潤滑雞煲，飲品我們就叫了芒果鳳仙特飲和紅豆冰，因為是特飲，跟餐就要加$9。這間冰室真的很有驚喜，因為即叫即做，所以碟碟熱騰騰上枱，老人家要求高，但她竟然碟碟都讚，淨係白飯都講了三次軟綿綿，好好食。見到媽媽吃得開心，我也很滿足。此外，店員態度都好親切，而且工作勤快。 中式牛柳餐$78🐂牛柳好淋，足料，好入味，配菜有洋蔥和菠蘿，整體好有鑊氣，熱騰騰上枱，正呀！ 魚香茄子煲餐$75🍆茄子炖得好入味，而且軟綿滑嫩，加埋肉碎和咸魚，香氣撲鼻，味道鮮美！ 啫啫豬潤滑雞煲$75🐔好大煲，好足料，豬潤又淋，又入味，雞亦鮮嫩惹味，加埋薑、蔥、蒜、洋蔥等，香噴噴，令人垂涎三尺！

【長沙灣•賓墟餐廳】ππππππππππππππππππππππππππππππ長沙灣性價比高大眾茶餐廳吉列魚柳+腸仔火腿+煎蛋+牛油多士配凍奶茶 44$吉列魚柳配上腸仔火腿和煎蛋，再搭配牛油多士，絕對是一道美味的早餐。這樣的組合既有肉類的香氣，又有煎蛋的滑嫩口感，再加上多士的脆香，簡直是絕配。搭配一杯凍奶茶，更能提升整餐的美味程度。酸辣雪菜肉鬆公仔麵+牛油多士+火腿炒蛋 配熱奶茶 38$酸辣雪菜肉鬆公仔麵口感Q彈，酸辣的湯汁和肉鬆的香氣能夠完美融合在一起。搭配上牛油多士和火腿炒蛋，一口接一口。再加上一杯熱奶茶，真是一頓豐盛的早餐！餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 82✨✨✨✨✨✨✨✨✨✨✨✨✨#長沙灣美食 #賓墟餐廳 #web3長沙灣賓墟餐廳長沙灣幸祥街8號幸福商場地下1號舖

#MC帶你去長沙灣平日晚上8點鐘都爆場，有唔少街坊食客支持，就知依間小店有水準又抵食啦😜。而且依間餐廳行港式茶餐廳路線，中式小炒、客飯、西餐料理、港式鐵板樣樣有😎。🥢 香煎美國西冷牛扒（配 老火湯+意粉+熱飲） $65醬汁有茄汁／洋蔥／黑椒／蒜蓉，港式鐵板就梗係揀黑椒汁啦‼️不過依個係「傳統港式茶餐廳嘅中式黑椒汁」，醬汁係蕃茄膏做底，再加入黑椒、美極、喼汁等，食落有黑椒嘅辣，仲有少少蕃茄嘅酸🍅，十分惹味特別😋。雖然依塊西冷扒偏瘦，但無咩筋位同脂肪，食落肉質軟腍🥰。另外，老火湯火候十足🔥，煲左好多個鐘，啲湯料肉絲都好淋，足料👍🏻。🥢 香煎什扒鐵板餐（配 老火湯+意粉+熱飲） $65熱辣辣嘅什扒鐵板餐有雞扒、豬扒、香腸、火腿，仲有波浪紋薯條😍！雞扒肉質嫩滑，雞皮仲有少少香脆🤤！豬扒厚薄度適中，肉質鬆軟唔會太韌。值得一讚係醫汁係另上👍🏻，所以波浪紋薯條保持到乾爽香脆🍟。而且跟餐意粉都好有誠意，唔係白烚意粉，而係茄汁意粉🍝！