兩個多月前,到荃灣西海之戀既老掌櫃東北菜館,喜歡坐在露台,對住海景吃晚餐. 上次,遲到來,片皮鴨,已售完了. 今次,先叫半隻片皮鴨,送來仍暖笠笠,鴨皮烤得金黃酥脆，光憑外觀就能讓人食指大動。一咬下去，鴨皮的脆感和鴨肉的鮮嫩，口感極為豐富。鴨肉香氣 又多汁,好味。 宮保蝦球：蝦球鮮美彈牙，融合了宮保醬的香辣風味。辣椒的微辣刺激和花生的香脆口感,配合冰爽既啤酒,so chill! 高力豆沙：熱辣辣既高力豆沙,絕對是我喜愛既甜點. 豆沙餡香甜綿密，甜度適中，不膩口，晚餐的完滿句號。

我和在灣仔區工作既好友(不多吃肉),常到怡興食午餐.食飯吹水聊天. 我常叫時菜腩肉飯($42) 滷水腩肉,好味,餸又多,價錢超合理. 朋友叫時菜滷蛋飯($37) 一睇就知道餸多. 阿姐阿哥親切招呼. 坐幾耐都得！

陪好友去新北江商場，看看維修工程。完成後，去遇見上海料理，再次品嚐美食。 先飲豆漿，然後點小籠包，蒜泥白肉，年糕酸辣湯和上海粗炒。食到差不多，叫甜品擂沙湯圓。價錢合理，味道不錯。 - 小籠包：不僅皮薄餡鮮，而且可以即叫即蒸，保持了包子的鮮美口感。必食。 - 蒜泥白肉：蒜味十足，薄薄的肉片不錯。 - 年糕酸辣湯：酸辣湯既酸辣味道恰到好處，令人回味無窮。 - 上海粗炒：熱辣辣的，醬汁的鹹度適中，令我胃口大開。 - 擂沙湯圓：擂沙湯圓內部既黑芝蔴，味道香甜，很好吃。 店長熱情地招待客人，有人情味既食店。

天氣濕濕凍凍，同老友食炸雞飲啤酒.想解吓悶。 一家由韓國人主理的食店, 店員是韓國人，耐心地以廣東話和客人溝通，待客很有禮貌。 點了一份原味炸雞，份量十足，外皮酥脆，內裏保持著嫩滑的口感 , 仍是我一向喜歡的韓式炸雞味道。搭配上韓式啤酒，完全是絕配。三幾杯啤酒下肚後，聊天吹水, 微醉令心境開朗, 享受在美食和歡樂中。 接著，品嚐了海鮮湯，裡面的材料非常豐富，有蝦、蚌、青口和魷魚，每一口都充滿了濃郁的海鮮風味。溫度剛好,喝得停不下口。韓式冷菜的搭配，吃得好滿足。

想在錦上路站找吃午餐的地方,先經過盈匯坊一間賣滷肉的小店,女店長或是女板在大聲呼喝顧客,他們都是地盤工人,想吃餐,要等一段時間,冇得急.這環境,不適合和朋友傾計. 行多幾分鐘,到達錦田紅磚屋,見到一間幾特別既餐廳,餐單是泰國菜,推門入內,不似食泰國菜既佈置,但有種鄉村餐廳格局,有中文題字,有燈飾,很多年前款式的水吧,寬敞椅桌. 泰式奶茶和咖啡,似用合成產品,沖的. 泰式船河,湯味道比在泰國地道的,為淡,椰味多了. 冬蔭公豬肉湯河,椰汁過多,很輕的辣,味道只是一般般.

常路過,好多年冇幫襯鴻運. 以前有套港產片"行運一條龍“曾取景. 熱辣辣食物,唔夠3分鐘上齊. 一切比普通茶餐廳高些. 沙爹牛肉,真的不錯. 員工同客人有倾有講. 店內環境,簡單整潔光亮. 店內有閣樓雅座.

偶然在長沙灣消防局附近,見完客,上晝11點,有點餓,入咗一間茶餐廳,叫做賓墟.想起賓虛呢套勁既舊西片. 見到餐牌,鐵板牛扒餐,只係65蚊. 我叫咗黑椒牛扒意粉(白碟上)和一碗紅湯(雜菜湯). *黑椒牛扒意粉 牛扒煎得表面夠香，充滿了誘人的烤肉香氣。牛肉唔會過份醃過籠,有肉味，口感不錯。黑椒醬汁,濃郁帶微辣的辛香,有水準. 意粉,夠甜夠酸,吃來十分醒胃。 *雜菜湯 湯內有番茄,馬鈴薯,胡蘿蔔,洋蔥和豬肉,簡單舒服,少味精的一個菜湯,我喜歡吃清湯內的蔬菜. 加上一杯紅豆冰,多奶.紅豆夠淋,不錯. 中午12點前,見很多熟客入店,多叫中式午餐.員工待客親切.下次來試吓其他食品.

年初三,簡單找一間茶記,食個午餐,入去敏華食午餐.上次在尖沙咀敏華,食晚餐,滑蛋蝦仁飯,一般般,深仔記比它好味. 今次,食咖喱豬扒飯,豬扒煎得幾香,咖喱汁,又香又辣,比普通椰香既咖喱汁辣了些,但我喜歡. 茶走,保持佢既一般水準. 看見隔離枱叫既銷魂飯,柴皮到不得了的义燒,一點肥都沒有.算吧！ 新年期間,加一服務費.

食開既茶餐廳,初四未啟市.試吓元朗新記,食個快既午餐. 下午茶餐$37 . 沙爹牛肉麵,轉出前一丁(加两蚊),少見,沙爹有花生醬沙茶醬,真的不欺場,味道不錯.牛肉是一般貨色. . 半片牛油厚多士,1條香腸 .凍檸茶 (+3蚊） 另一個下午茶餐$42 .煎豬扒湯米粉,豬扒煎得不錯,米粉算爽,不是淋.我覺得有水準 .半片牛油厚多士,炒蛋 .茶走,偏淡,一般茶記水準之下.可惜. 豬膶腸粉,腸粉很淋和散,唔合格. 員工服務不錯. 初三至初七,加一服務費,我個人可以接受的.

一個星期六晚上，同朋友到大角咀"石上燒"，享受一個小店氣氛既晚餐。一桌年輕情侶，輕談淺笑地聊天吃餐，另一桌5個年青人，聚首暢談創業經營的苦樂。 先來沖繩生啤及黑啤，餐前和配燒肉，絕配！ 叫了1 set "尊上之2人前" .沙律 新鮮沙律，日式芝麻醬，好開胃。 .櫻花蝦味噌湯 味噌湯，湯面全是櫻花蝦，蝦香味，令湯味豐富又不太咸。 .前菜3款 柚子醬蟹棒，香甜紫薯和天婦羅，餐前配啤酒，爽！ .日本佐賀縣名水豚豬梅肉 梅頭肉，脂肪和肉質，比例恰到好處，juicy又有肉香。 .美國頂級牛小排 牛味夠，在猛火下，快手煎牛小排，嫩滑香口。 .英國羊西冷 微微羊羶味，肉質有彈性，好味。 .菇盛會 燒菇，加上燒味，不错。 .白飯 燒汁淋上白飯，燒汁超级惹味，我要求來多一碗靚仔。 .甜品 抹茶+雪糕，客人自己加水落抹茶，慢慢攪動抹茶粉，直至全溶解了，輕注入雪糕面上。儀式感。 店員非常有禮，有問必答，很有親切感。