賓墟餐廳

營業中

休息中

今日係長沙灣附近做完野收工，攰攰地係地鐵站附近想搵間茶餐廳落腳，結果搵到呢間。咦，有驚喜喎！🔅賓墟一品煲🔅見到用茶餐廳名做煲仔名，所以叫左嚟試下。一品果然係一品，有齊燒肉、豬肉、魷魚、蝦仁、豬潤、雞肉等，肉好肥美，岩晒呢個天氣食，好保暖，又啱晒重口味嘅食肉獸😍😍🔅招牌海味蒸肉餅🔅唔知係咪招牌嘅關係，要特別用心製作同即叫即蒸，等左大概35分鐘終於都上碟啦，但係我一啲都唔介意，慢工出細貨，好值得等☺️！肉餅都幾大份同厚，肉餅上充滿住魷魚條及蔥花，肥肉位都好飽滿，送飯一流，份量要兩個人先食得晒，一個人叫特別係女士嘅話就未必食得晒😌～餐飲叫左兩杯熱檸水，店員可能見個煲同肉餅太大份嘅關係，專登用外賣杯上，等我地可以唔駛因為太熱而一次係鋪頭飲晒，可以拎埋出去一路行一路消化一路飲，呢個位真係好貼心。