豚王 (已搬遷) 新店位置

放假去飲飲食食,11:30左右去到,都要排下隊~勁不過真係好好食,值得~因為太吸引,d麵o既相係已經食左幾啖豚王個濃郁豚骨湯真係無得頂~翠王近排都食得幾多即食o既芝士麵,果個芝士麵都已經幾出名噤好味但o係講翠王度提果個芝士麵都有d唔好意思,因為級數係差好遠,好味唔知幾多好流一流不過講返環境其實我覺得佢地叫得太大聲,有d嘈............唔知可唔可以唔好成日叫呢................

豚王 = 排隊 , 是不少人的想法。今天, 約朋友去豚王午餐 , 12 : 35 到店門口 , 12 : 55 可以坐低, 比想像中快。1. 服務 - 排隊時, 有專人講解填寫落單紙方法及介紹每種麵食的分別, 從麵底至配菜醬油都各有研究, 食客可以跟自己口味選一碗獨一無二的豚王拉麵。經店員解講, 我選了: $75 豚王 (豬骨湯麵) + 硬麵 + 正常份量香油 + $15 溫泉旦 = $90排隊是中午時份, 熱都想死, 麵店對面剛有地盤工程 , 所以店員很細心交給每位食客一把手撥紙扇 (用完要還), 還送上冰水, 真係如此服務 , 只有深圳按摩先有。 等候 20 分鐘 , 終於入店。所以建議如要食LUNCH , 請12 : 30 到達排隊 , 15-20 分鐘左右應可入店。2. 食物 -湯底鮮甜重骨味, 食完唔口渴。豚肉是香港所有拉麵店中最好的, 又軟又滑又夠味, 薄薄的兩片, 對女孩子剛剛好。配菜都一絲不苟。(另上) 溫泉旦, 個人認為是必食 ITEM , 好味 , 流心, 旦漿濃郁 , 旦白嫩滑, 只售 $15 , 比其他日式餐廳便宜。3 環境 - .店內面積不大, 只有約5 -

大鄉里出城,一定要搵食!!!終於有機會試一試佢!!!去到排哂隊,唔出奇, 架車泊門口路邊, 午市1:00, 排左25分鐘算少!!!響門口要寫定食咩, 我地第一次食,咩都要普通, 怕落太多食唔出真味!!!門口有MENU, 可以慢慢揀!!一入去細細間, 一張枱坐5個人已很迫,侍應又多, 差唔多6-7人, 師傅有3個!!!勁!! 大家好有氣勢, 會大叫日文歡迎光臨!!每人一杯冰水,會不停加水, 可以不用叫汽水,$13 一罐,唔抵!!! 調味料多, 有樣是醃味芽菜,好好味WOR,連拉面一起食!!第一次當然食原味,豚王即豬骨湯!!!好味, 叉燒兩大片, 拉面偏幼, 蔥要普通份量, 原來都好多!!!下次可再多, 其他調味我覺得揀普通就可以!!我老公話好辣,但我食覺得可接受,食得辣是OK!!!不過我覺得這種辣無甘香,上面一大PAT 辣肉碎很正, 如果無,就失色了!!我加了蛋, 流心喔, 半生熟 OK!!無加一, 價錢OK, 但比較迫,坐得不舒服, 人多空氣不流通,有D焗!!

上星期先終於有機會試左豚王既拉麵, 食完之後都已經心思思想食多次.星期日又再次光臨, 今次試左翠王.因為餐牌介紹翠王其實係由多款蔬菜打成汁再加上芝士粉, 一睇已經相當吸引.一來已經見到中間好多芝士粉, 初時都以為咁多芝士粉一定會好漏好濃.點知飲左一啖又唔算好濃芝士味道, 可能加上大量既蔬菜汁煮成既湯, 反而個湯帶清甜試左2款拉麵湯底,我覺得如果喜歡清淡既湯底, 翠王比較適合.反而黑王就相對更濃郁

OPENRICE睇就睇得多.....第一次寫食評就係為左"豚王"約左朋友6點係CWB行街....點知落大雨, 就行左去IKEA 睇傢俬行到累就搵野食啦....諗起有間"豚王"好似有D名氣喎就上網SEARCH地址啦....行到過去....呆左...因為人龍係見5到....去到街尾....不過好在分流都5算慢.....排緊隊既時候, waiters 已經派定order 紙比我地揀啦....如圖:朋友揀左"黑王"....即係墨汁湯底...有黑蒜油AND墨魚汁我就揀左basic 既"招牌豚王"仲有唔可以錯過既.....木耳同半熟蛋呀!!!!!!!!!!!!!!!!!!!最後梗係清哂成碗啦!!!!!!!!!!!!!!記得飲左啖湯...試下個湯底,,,,先開始食面呀!!!!!!!!!!!!呢50分鐘係值得排既!!!!!!!!下次再試其他湯底!!!!

6月初次嘗試中環店，一吃難忘。7月份這個黑色星期五，再去銅鑼灣店，看看品質會有那些分別。店舖比較中環大，坐位也寬敞。仍然照舊，叫了最基本的豚王，唯一分別，要求了「硬」麵。但其實「硬」跟「普通」相差不大。仍然喜歡湯夠濃，麵質新鮮，肉則腍。吃完一整碗甚覺滿足！

一直都好想試下豚王既拉麵, 可惜條人龍真係有點嚇怕我.難得琴日早放又見到唔算多人排隊,幸好排左30分鐘左右就有位.在排隊途中會有職員俾張紙你選左要邊款拉麵, 麵質, 要唔要蔥,蒜, 醬汁等, 而且如果2人以上佢又要問邊位拉麵屬於邊位, 此舉係當你有位坐時佢地送上係你所選既拉麵, 另外入到店都即刻送上一杯冰水又不時為你加添又會問要唔要紙巾等, 咁體貼既服務, 真係唔怪之得開左分店都時時要排隊我叫左個黑王拉麵(墨魚汁), 單單睇個樣已經知道必定好濃味...唔知中間果一堆黑色係咩來味道都特別, 不過一點都食不出半點墨魚味道。除左此店既服務好，　我最愛算係卓上配料, 當食到一半時覺得拉麵好濃時再加上蘋果醋又真係可以減低油膩感, 而且2款配料帶少少微辣又幾開胃.此店既拉麵同樣做得好有水準, 湯夠濃正正夾起拉麵時都做到掛湯既效果.又燒雖薄片, 但做得好淋身下次有機會都要試埋其餘3款既拉麵口味.

加班日，8點多把犒件交了給印刷待排版。In between 新犒出現時，這就是食晚飯的時候了。而我一個人在銅鑼灣，時間亦十分之充裕就決定來豚王，排排隊。一個人食麵，總是覺得好好多，至少店方容易安排到位子。我原先預計要用上半小時或以上來排隊的，但因為我是一個人，容易插隊，所以店員一問之下，就立即安排到我入去食。銅鑼灣店，地方的確比中環店大，人龍不是太可佈的原因大概是因為店子能容納多一點的人而已。而且亦因為這樣，地方夠大，坐得亦比較舒服，唯一不好的是，少了一種傳統日式麵檔既風格。 上次在中環店，吃了當時被視為終極的翠王。所以是日就決定吃低一個檔次的黑王，此黑王，不單是黑蒜油的作怪，而是墨魚汁的作怪。輕輕的把膏醬混合一下，湯底變黑了點，一切都弄好了，就開始我的食麵行動。有濃香的豚骨湯或，有一早已經沾成黑色的肉碎，再加上了肥美的叉燒，湯底同配料已經冇得彈。硬身的麵，沾滿了湯汁，而且湯的味道同濃度適中，一飲而下也不覺過咸。 吃麵，我一向都好快，而銅鑼灣的豚王，一樣是值得再來的，排隊快一點，食得也舒服一點。風味不足不是過

終於放假!!所以可以在平日去豚王碰碰運氣,潮潮聖!步行至豚王時,都預計要排最少三十分鐘但是亦抱住一個"""冇野可以阻止我食豚王!!!!!!!!!!!!我一定等!!!"""既心態 今天雖然天不造美,,下雨了....不過我們完全不用等位!!!!!!! 馬上可以進舖內!我們很快就知道要食什麼我叫了海老王朋友A叫了翠王朋友Y叫了黑王我們還叫了三粒蛋很快三碗熱騰騰的麵就呈上了!!!做好資料收集知道有off menu的拉麵!海老王的湯很濃鮮蝦味濃郁拉麵硬度要普通.....但是我認為太軟...下次要試硬的!!!overall所有配料都配合得非常好!! 試了朋友A的翠王,又是另外一種風味!很像pesto的味道!!!亦試了朋友Y的黑王,,個人認為這個是最好味的!!!亦覺得那個賣相最吸引 可能是對黑色情有獨中!會想食黑色的pasta黑色的paella但是又心思思想試off menu!!哈哈一定有下次 我會番黎架豚王!!!!!!!!!!!!!!!!!

想試好耐，但一直未可以鼓起勇氣去排成粒鐘食碗拉麵，距離之前電視節目出街後已有一段時間，而且又開左分店，終於決定去試一試。去到後人未算好多，不過都排左半個鐘左右，排隊既方式有點混亂，不停走黎走去來回幾次，同埋大熱天時的確好辛苦，不過幸好店員都有遞上冰水同紙扇，服務幾好。不過可惜店入面冷氣唔夠，係出面排完隊已經好熱，入到去仲要唔涼既...食物好快就黎到，我點左赤王，朋友點左黑王，我個赤王食落味道非常普通，麵質亦係，唯一可取既就係塊叉燒真係好味過其他拉麵店，而且夠大塊。朋友話佢個碗黑王都好普通。不過我同佢都頂唔順食晒成碗拉麵就埋單，因為實在太熱，本身冷氣唔夠涼仲要食熱辣辣既拉麵，簡直地獄咁。同埋呢到既坐位亦非常擠迫，我坐最入既位置已經算好，朋友坐果個位同其他人太近，一遞起手食麵就會撞到人地，而且我眼見令人張檯既人坐得仲迫過我地個張...總括黎講，係得塊叉燒好味d，同埋服務算係咁，不過真係唔值得咁排隊法去食，而且成餐都食得好唔舒服。

一心想去試下, 朋友一早去等位, 我地黎到岩岩好入得點了豚王、黑王、赤王及翠王豚王: 原味, 反而係最好黑王: 普通, 軟身麵條不錯, 但黑色食唔到係墨魚汁味, 而且味道好咸赤王: 好辣, 蓋晒所有原有味翠王: 朋友係豚王fans, 早2日先到中環店食, 她說比中環店少芝士粉, 而且味道也不見突出店裡很細, 空間感欠奉, 而且員工很多, 更覺狹窄因為未入去已經填好食咩, 所以上菜速度很快, 等了差不多個多小時, 但食唔到半個小時湯底普通, 而且偏咸, 麵條是幼麵, 口感味道可以, 整體比一風堂較好員工也不時加水, 還有貼心服務(如提出), 可惜未見如其他食家所說的主動提供也沒有其他人所講咁好食, 一試是可以, 但等待時間太長, 要等冇咁多人先會再食我地食完唔夠11點已經冇人等位, 所以下次遲d先去食會好d

叉燒 係大塊但係好薄..冇咩質感湯底 一般,冇令我想飲哂既動力,同埋飲會好口渴,要飲$13 cola黎解渴麵.......超幼....選左硬....都好淋..又唔彈牙..一pat野咁蛋 唯一一樣正的食品..但要另加$15相比霎西街那間拉麵店. 好似水準差好遠.....尼間連塊紫菜都要加$5

一路想去食豚王,但的唔起心肝去等位。見佢係銅鑼灣開左分店,心諗應該分薄左d人流既~就決定星期六收工果時,決定去排隊試試!去到豚王已經兩點幾,見到門口好多人!但望真d原來d人係排小巴既!問左店員之後,原來真正既隊要再行前d。果時條隊未算好長,排隊期間有店員會俾張紙你惕低想食咩,你惕完之後佢會係張紙度mark低你既衣著特徵,有時d店員會問你飲唔飲水。雖然條隊唔長….但唔經唔覺都排左成個鐘…終於可以排到門口果條小隊,準備入鋪頭。排緊果時個女店員好nice,會同我地傾下計咁。入到去好快就有麵食,我叫左豚王,朋友叫左黑王。麵方面要硬既!!!另外仲加了一塊紫菜,叫了一隻溏心蛋,兩個人一齊share。先飲一啖湯~果然好味!!朋友話黑王都唔錯,但佢覺得豚王好食d。初時睇d麵好似唔多,但連湯一齊食,好快就好飽。最後仲剩好多湯添 食完果時已經4點幾,下次會去試下翠王。但去之前一定要食少少野打底先,因為等太耐,唔岩太肚餓既時候去。另外,留意到一樣野,間鋪的面積唔大,但入面有好多員工@@我地一食完就收野好有效率。但係可能因為多員工企係度~令人感覺個空間更細小。

Short waiting time....... around 20mins Strong Air Con for summer Japanese Ramen restaurant's feeling with nice services Ramen itself: I tried 豚王 with 超多濃湯, 超多香油, 少蔥少蒜, 普通軟硬, 加蛋。因為冷氣太勁, 碗麵上枱影完相就唔係好熱了；感覺上D麵多過中環店, 但湯就相對少左, 食剩三份之一直頭變左汁, 要食到加湯真係第一次；女友嗰碗件义燒老左D, 我嗰件正常, 其餘冇乜特別。所以只會因為唔想等太耐, 先會再去食。

吃 lunch 時間到了，一行三人到達登龍街<豚王>吃拉麵，但在門口已有很多人在排隊，大約等候二十分鐘左右，便可進入店內。 一進入店子便聽到非常響亮的聲音。用日語說(歡迎光臨)，可以說他們很有禮貌，但在客人方面覺得太嘈。因為店子太細。在店員安排下，我們的坐位是店子的 最後一個角落裏，是一張細的圓檯，放在角落裏，所以只得半張可以坐，半張檯三個人坐是不大問題，如果是五個人坐半張檯，非常擠迫。每張檯都擺得很接近。所以每位客人都 是背貼背非常親蜜。 我們點了黑王、翠王、海老王。上菜都算快，黑王湯底拉麵是全黑色的，有兩塊叉燒，半隻玉子。還有一個半球體，黑色的肉碎，都很特別美道都很好。海老王湯底拉麵是海鮮味，有兩塊叉燒，半隻玉子。上面還有好似是嬰花蝦碎，可是湯底比較鹹了一點。朋友吃的是翠王拉麵，整碗湯都是綠色的好靚。不過湯底太油，一層一層的油浮在上面。