豚王 (已搬遷) 新店位置

想試好耐，但一直未可以鼓起勇氣去排成粒鐘食碗拉麵，距離之前電視節目出街後已有一段時間，而且又開左分店，終於決定去試一試。去到後人未算好多，不過都排左半個鐘左右，排隊既方式有點混亂，不停走黎走去來回幾次，同埋大熱天時的確好辛苦，不過幸好店員都有遞上冰水同紙扇，服務幾好。不過可惜店入面冷氣唔夠，係出面排完隊已經好熱，入到去仲要唔涼既...食物好快就黎到，我點左赤王，朋友點左黑王，我個赤王食落味道非常普通，麵質亦係，唯一可取既就係塊叉燒真係好味過其他拉麵店，而且夠大塊。朋友話佢個碗黑王都好普通。不過我同佢都頂唔順食晒成碗拉麵就埋單，因為實在太熱，本身冷氣唔夠涼仲要食熱辣辣既拉麵，簡直地獄咁。同埋呢到既坐位亦非常擠迫，我坐最入既位置已經算好，朋友坐果個位同其他人太近，一遞起手食麵就會撞到人地，而且我眼見令人張檯既人坐得仲迫過我地個張...總括黎講，係得塊叉燒好味d，同埋服務算係咁，不過真係唔值得咁排隊法去食，而且成餐都食得好唔舒服。