豚王 (威靈頓街)

營業中

休息中

自從有咗拉麵群組，常常出現拉麵嘅相搞到我日日都好想瘋狂咁食拉麵，今日經過豚王又來食下。豬骨湯依然濃厚，湯底味道都好香好飲，麵條都有麥香。熱度同份量足夠，好好食。

疫情期間，周圍都封晒，邊到都唔洗去，有時想食好西都怕出街，媽呀，我好掛住日本呀！而最近見到豚王推出嘅外帶麵—「黑王一杯」當然要試一試佢！黑王一杯$78經過冷藏嘅正宗博多豚骨拉麵，翻熱之後依然係正宗嘅博多豚骨拉麵，味道同係餐廳食嘅差唔多，而且煮法非常簡單，只要Set定Timer，將唔同嘅大包細包依次序全部擲晒落水加熱，再倒埋一碗就係啦🥰所有材料一包包裝好，而且仲有說明書，應該都好難出錯啦掛😂詳細說明食用方法明明係廚藝白痴，煮完都當堂覺得自己係拉麵師傅呀，易甩晒衣媽些！至於味道方面，濃濃嘅豬骨湯底，家常秘製黑醬油，濃郁但係唔算太油膩，終於唔使係屋企食雜糧啦！🥰

為什麼，野唔好食，服務態度好差。佢哋啲拉麵唔係難食，好過茶餐廳嗰啲，但就拉麵專門店之中嘅最差👎👎👎。最簡單一樣嘢，未食完仲要係咁飲水，飲完十杯水食完，都仲覺得頸渴和戒喉嚨同條脷👎👎👎。我係一個味精檢測師，味精嘅質素同質量我身體反應講晒俾我知。有嘢想補充。我非常不屑當日嘅服務員。當我想飲水嘅時候，見到個水壺冇水啦，我就是佢叫佢加水。我見佢完全冇反應，過多幾秒後我再問多次，佢居然同我講‘’知道啦‘’。雖然你哋係大集團啦，但係咁嘅服務態度，加埋佢嘅body language (身體語言)，我放長雙眼睇吓豚王幾時成為下一個味千。

鍾意食拉麵既又點會無聽過豚王豚王追求正宗、傳統既豚骨拉麵，超濃豚骨湯吸睛到流口水餐牌就係豚王、黑王、赤王、翠王，加一款期間限定，今次就同大家試兩款常設麵，而每碗都有好多自設既整法，如：麵硬度、醬油香油濃度等，就連叉燒肉肥瘦都有得揀豚王，既然係萬物之始，當然要一試，走左青同揀左幼軟麵容易掛湯，湯底一試，真係又香又濃，好好味，好特別既味道綿到好似西式湯咁，掛湯絶對唔係問題，配麵相當好味，感覺好似搾乾晒豚骨既味道黎做一碗湯叉燒揀左腩肉，好後悔，變左譚仔腩肉咁，千祈唔好揀豚王餃子王，精緻煎餃，唔算多汁但味道唔錯，香脆黑王，揀左廚師推薦，上枱好香，黑色好特別開頭以為墨魚汁，原來係日本傳統黑醬，好特別，配埋豚骨湯都幾豐富既味道同口感，黑色既配料撈匀後好似肉燥咁，配埋啲麵相當唔錯，又有另一個既食法同口感順便講下麵質，細心食，彈得黎掛湯又好味，仲有少少蛋味，讚唔夠食既可以即時加底，仲會補湯俾你，相當之正好鍾意佢用心做好幾款麵，唔使諗咁多濃到沾麵湯咁就係愈成愈爽！點都要食一次既拉麵店！#一個月黎食一次佢既期間限定都唔錯#飲品其實都好特別

已經一年冇黎依間豚王食，估唔到水準可以差到咁。拉麵湯底味道已經回不到以前的水平。服務方面更加完全沒有從事日本飲食業的精神及水準，差到貼地！今更我點了份餃子，個底燶到黑晒，我同侍應講太燶真係食唔到，佢一句說話都冇應我走左去，我開頭以為佢去左貼廚房講幫我換一份新，我等左3分鐘之後佢仲匿係個起餐位度玩手機，咁我唯有再同第二個侍應講，佢聽完又係冇講野走左去起餐位，（心諗依間豚王啲侍應習慣唔應人？以前都唔係咁樣的），過多2分鐘終於有個類似supervisor 既人走埋黎講會整過份新的但要等10分鐘左右，我當然冇問題喇，最緊要肯換。最後，佢份新整既餃子唔使3分鐘就送黎仲要同頭先個份個底一樣係底邊係黑晒的，算喇我同自己講食埋今次，以後唔黎依間豚王食！

見呢排疫情穩定咗咁多，開始多咗夜晚出街食飯由於太耐冇食過拉麵，所以今晚就特登去食豚王！ ！往日要排隊嘅境況當然已經冇晒，我哋食嗰晚係星期六，但係都係得一兩枱食客；到我哋食完走人嘅時候，成間鋪已經係一個客都無了，其實見到都幾心up (但嗰陣只係晚上八點）咁耐冇食，風味依然！我今次就食咗佢哋個限定王，係辣蝦拉麵，應該係個湯底用蝦來煮，因為入面係一舊蝦肉都無架。不過我都幾鍾意個湯底，幾鮮味，配上辣粉，惹味，正呀

以前為咗食豚王拉麵，真係排足一個鐘都願意。自從一蘭拉麵同埋好多過江龍進軍香港之後，都未食過豚王，星期六晚大約7:30，在中環搵食，路過豚王，裡面竟然無客，我仲以為佢哋收咗舖，後來才來了幾枱客。拉麵有五款，包括豚王（原味）黑王（墨魚汁）赤王（辣味）、翠王（芝士和羅勒汁）和期間限定。個人口味選擇：湯底可以選擇醬油多少、香味油濃淡、蒜蓉多少。义燒可以選擇腩肉或肩肉，或唔要。配菜可以選擇蔥或椰菜。唐辛醬可以選擇1辛至10 辛。麵種類可以選擇幼麵或扁平麵，亦可選擇軟硬度。我哋揀咗赤王同黑王，另加溏心日本蛋。赤王，少香油、普通蒜蓉、腩肉、硬幼麵。1辣的赤王，食得辣嘅人，1辣係好普通。湯底濃郁，辣得嚟好香，麵硬唔夠爽口。黑王，普通香油，多蒜蓉、腩肉，軟扁平麵。麵太林，下次都係揀返普通硬度。湯底濃郁但無辛王咁香。溏心蛋必叫，蛋黃汁流哂出嚟，勁正❤️（$17）腩肉好薄，半肥瘦，口感好淋好軟身。下次試吓肩肉可能無咁肥。 湯底味濃，所以要叫罐啤酒飲吓札幌啤酒$26 總結：我鍾意重口味，所以接受到濃郁湯底。如果同一蘭比較，一蘭個湯底如果唔加辣，其實係唔夠香只係鹹。 䐁王有五款選擇，而且唔洗自己係門口買飛，所以我

豚王拉麵喺香港應該一啲都唔陌生中環呢間分店5/6年前已經喺度今日平日lunch time 黎 幸運地有最後幾個位 唔使排隊就有得食唔同日子有限定王， 今日的是蕃笳湯底但⋯食得辣嘅一定係！揀！赤！王!!每人一張紙叫野食可以customise 醬油濃度， 腩肉/ 肩肉 ， 蔥或椰菜， 辣度， 幼/粗麵，軟硬度 等我揀左濃味 4辛（ 已經覺得夠辣 同咸） 同埋加一隻溏心蛋（+17） 超好味🔺赤王我覺得豚王係數一數二好食的拉麵中意食濃味的應該都會中意

豚王真係食左好多年，我鍾意啲較濃味既拉麵，所以好岩我食😋 我都帶過好多朋友去食呢間，評價都唔錯，可惜而家無左我最愛既芽菜，如果唔係就prefect la! 食得辣既個人推介紅拉麵，唔食得辣既可以揀黑拉麵。

食過豚王開既其他分店，今日終於約到朋友一齊去食香港第一間開既豚王！呢間裝修與其他分店不同，木材為主既設計有一種懷舊日本風既感覺。今次叫左一碗招牌豚王拉麵及一碟餃子，拉麵質麵彈而不硬，爽而不韌。麵上掛上濃厚而不濁既湯底，香味四溢，齒頰留香！而餃子煎煮時間把握得非常準確，表面煎得香脆，咬落去餡料十足，肉汁豐富。好既食材同廚師既廚藝都值得讚賞！

My favourite ramen spot in the hood. Food is simple and delicious, only four options plus a special ramen, I personally always go for the classic one. Causeway Bay location is bigger and more comfortable, but the staff at Central is mote much friendly.

黎豚王必試黑王拉麵，試過都有讚無彈咁多間豚王分店，我比較仲意去依間食我覺得依間分店有原始豚王拉麵🍜味道多d去豚王食拉麵有樣好，就係麵有得簡軟度，而且配料有得選擇想多蔥或走蔥都有得簡，而且湯底款式多黑王拉麵比一般拉麵較特別，未食過值得一試而且依間分店服務員好細心，客人叫黑王拉麵服務員會提供紙餐巾可以比客人圍住半身，吾怕湯底或麵汁彈到成身都係，食落好安心另一推薦小食煎餃子🥟餃子比其它鋪頭皮薄，食落較香脆

我個人比較鍾意食博多拉麵，豚王係一個唔錯嘅選擇，$100有找，分店都算多。叫咗豚骨拉麵（豚王）同埋黑蒜油豚骨拉麵（黑王），叫咗普通秘製醬油、香味油、蒜蓉，肩肉、葱、1辛、細麵、硬既麵底。因為我唔鍾意食林既麵，所以叫左硬。仲加咗蛋，食拉麵糖心蛋係重點😂😂😂每次食一定要叫，無論去邊間食。我覺得佢個湯底係重點，豬骨味好濃，次次食都係差唔多味。我特登唔叫辣啲，因為佢可以夾啲辣既芽菜，浸左落個湯度又會辣咗，芽菜都幾好食。

相信很多香港人想吃拉麵時，便會想起豚王。由他多年前在中環和安里的第一間店起開始吃，見證着他這麼多年來不停開這麼多分店，擴張版圖，雖然水準未必有一開始那麼高，但也可以能說保持水平。中午放飯，便來在中環威靈頓街的分店。由於店舖面積有限，一行三人大概等了15分鐘。辛海老王- 是日限定王，由於不是每一日都有，所以今次便嚐嚐。湯底有濃郁海鮮味，並有一點點辣味，整個湯底鹹味與鮮甜兼備。本人最愛的是經典豚王，以大量豬骨長時間煮成的湯底，百味融於一煎餃也不錯👍🏿

基本上只有五款拉麵可以揀，豚王，黑王，赤王，翠王同限定王。餐廳好細心，可以自己揀個人口味，例如秘製醬油，香味油同埋蒜蓉嘅份量，連拉麵嘅軟硬度甚至種類都可以自由選擇！➡️ 豚王 ($89)湯底濃郁，但比較多油，拉麵軟硬度同份量適中，叉燒肉唔會太肥太厚，但整體嚟講水準一般，冇太大驚喜。豚王地址📍: 中環威靈頓街69號.............................. 味道😋: ⭐️⭐️⭐️環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️💫