豐信餃子店

營業中

休息中

🍽 今日經過太子，揀咗「豐信餃子店」試吓佢哋嘅雙拼煎餃，點咗10隻餃子，有兩款口味：南瓜粟米鮮肉餃 同 芝士粟米鮮肉餃。兩款餃子都煎得外脆內嫩，真係好滿足！😋🥟 南瓜粟米鮮肉餃南瓜粟米餃嘅味道好特別，南瓜餡料帶出咗少少甜味，唔會太濃，反而係清甜得嚟又好夾粟米嘅爽脆口感，咬落去啖啖肉汁，餃皮煎得香脆，好有口感！😌 鮮肉嘅鹹香配埋南瓜嘅甜味，味道層次非常豐富，係一個好特別嘅組合，絕對值得一試。🧀 芝士粟米鮮肉餃呢個芝士餃更加邪惡！一咬開就可以見到入面嘅芝士溶化咗，香濃嘅芝士味即刻滲出嚟，同鮮肉嘅鹹香味完美融合，仲有粟米嘅爽脆增加咗口感層次。芝士嘅creamy口感同煎餃嘅脆皮形成鮮明對比，如果你鍾意芝士，呢款一定唔可以錯過！🧀🌽仲有佢新開咗個舖位，入面好新好舒服！⭐️

📍 豐信餃子店 (太子)點解每日都咁多人排隊？仲要租埋隔離鋪開分店，今次終於有機會一嚐睇吓係咪真係咁好味。是晚大約6點半到達，不用等位；餐具少污糟；餸子偏大隻；椰子海帶鮮雞豬骨濃湯冇咩椰子味，不過隻味幾家常。🥟薺菜馬蹄鮮肉湯餃 7隻 HKD45個餡幾特別，馬蹄爽脆，唔錯🥟雲耳椰菜鮮肉湯餃+ 韭菜鮮肉湯餃 10隻HKD54雲耳都幾爽口，同椰菜豬肉好夾🥟煎韭菜鮮肉餃+煎香菇鮮肉餃 10隻HKD59啲菇好有鮮味😻係個皮太厚煎完出嚟有點硬，好少覺得煎餃會食到唔想食🥲🥲🥟香煎豆腐 HKD19好彩有隔油紙，用硬豆腐整，有營之選多餃到飽到上心口….3人食 人均HKD59，普通野，勝在算抵食。

一直都好想試呢間餃子店，不過每次經過都被門外嘅人龍嚇退😂今次經過發現佢隔離開咗分店，座位多咗，等一陣就有位😆不過可能源源不絕嘅人龍令我期望太高，反而有啲失望🤔如果要排長龍就未必會再食😅唔洗排隊都可以試下🥹🏅金沙煎香菇鮮肉餃 (7隻) ($45+金沙$17)之前見介紹金沙餃好吸引🤩嚟到當然要+$17轉邪惡金沙餃🤤可惜實物冇想像中咁澎湃😅但都食得出金沙嘅蛋黃😆反而香菇鮮肉餡料飽滿扎實，淨食煎餃已經好夠😋專登加錢嘅金沙反而好似冇為味道上嘅提升😂🧀芝士粟米鮮肉餃拼韭菜鮮肉餃 (10隻) ($55+雙拼$2)湯餃整體都一般😅上枱後大部分餃子皮都穿咗😅豬骨濃湯亦唔算突出🫣芝士粟米餃嘅芝士幾好食，芝士好煙靭🧀雖然唔見粟米粒，但食得出粟米味，都幾特別😆🥩秘汁金錢展 ($40)份量比預期少，好細碟😂不過勝在牛展夠軟熟，調味唔會太咸☺️🥒涼拌手拍青瓜(細) ($18) 🌼菊花蜜 ($12) 🍋青檸蜜 ($12)

叫飛嘅concept 好有問題，睇住2人枱係咁入，1人枱等45分鐘都無嗌過，同職員反映就淨係叫你等下。好辛苦等到終於仲有1張飛到我個陣，佢飛左我個number！！！！佢飛左我個number啊！！最後要問點解先俾人西住面咁俾枱我，最後係等左1個鐘先入得。入到去即刻落單，嗌10隻煎餃等半個鐘都未上，最後食左15分鐘都無就俾人催🙂‍↔️🙂‍↔️仲要其實真係普通到無得再普通，嗌雙併但係食落2隻味都一樣，啲函又散又一pat pat 咁仲好多油。。。我浪費左人生嘅105分鐘

早排去到餃子店，見到原來Extent咗，開多咗個舖位，新舖位好靚靚，好乾淨。咁啱去到唔使等位， order咗南瓜粟米同椰菜豬肉餃，椰菜豬肉餃好爽口，南瓜粟米餃又好香口軟身，兩款餃子都有唔同，口感兩款都好好食。

豐信餃子係每次去都一定要排隊佢地最特別嘅餃子一定係金沙煎餃，勁邪惡，佢地嘅煎餃本身已經煎到好脆身，加埋鹹蛋黃簡直冇得輸，之前食過一次係好食😋但係真係好膩，一定要同埋朋友仔share😣佢地嘅餃子有超級多口味，而且有啲係出面冇的，連素餃、紫甘藍粟米餃都有特別推介咖哩椰茶鮮肉餃、麻辣白菜鮮肉餃，口味特別之餘，仲會辣辣地帶小小麻🌶️另外香菇鮮肉餃菇味好香好突出😋👍🏻單拼＋$2仲可以變雙拼餃子😋佢地嘅鮮雞豬骨椰子湯好好飲，好清甜，雞肉味突出，每次食湯餃我都一定會飲哂佢啲湯，如果嗌煎餃都可以散叫一碗湯～必飲！餃子好大隻，每隻都皮薄有彈性，而且餡料好多，好多肉，每隻都勁飽滿😋😋

很早已經注意到這一間餃子店，只是每次看到門口都有很多人排隊而卻步。這次豐信在店旁邊再開一間分店，我就毫不猶豫走進新開的分店一嘗滋味。 新的分店，新的裝潢，空間更大，坐得更舒服。一坐下店員便給我QR code點餐，系統照著實體菜單的描述一樣，所有客人的要求都可以滿足，只是有一點要小心，湯餃跟煎餃是分開頁面，一不小心可能會叫錯餐。 這次我先點的是店內推薦口味的芝士粟米鮮肉餃加麻辣白菜鮮肉餃的雙拼煎餃，再加17元升級為邪惡金沙餃。等一會兒餐店便到了，一看到黃金色的煎餃（圖1），便眼前一亮，表面佈滿了咸蛋黃醬，讓人垂涎三尺。我急不及待咬了一口，第一口嘗到的是芝士粟米口味，焦脆的外皮再加濃郁的芝士香味與香甜的粟米混搭，讓人停不下來。再接一口是麻辣白菜口味，香辣的麻辣白菜與咸蛋黃醬的配搭意外地合適，餃子才來一下子我便很快吃完了。可惜的是吃得太快，拍到的照片已經是吃得差不多的樣子，就不放上來了。 其實已經有點飽肚，在眼闊肚窄的心思下，我忍不住再叫一飽碗湯餃，這次也是叫了7隻湯餃雙拼，也是店內推薦的口味，分別是椰菜鮮肉餃與芫茜鮮肉餃。初嘗湯餃，

今日同小胖胖出太子睇醫生，難得返到由細住到大嘅娘家，點都要懷緬一番。太子出名有好多各人評論唔同嘅世一餃子店，基本上每一間我都試勻晒😆佢哋每間都有佢哋嘅特色之處，亦都有佢哋嘅招牌食物👍水準不相伯仲豐信餃子店主打2款：煎：鹹蛋黃金沙款湯：椰子海帶鮮雞豬骨湯招牌椰菜鮮肉餃配金沙款 $39 （7 隻）邪惡金沙加$17餃子皮夠薄，煎到脆卜卜，整個餃子佈滿鹹蛋黃，食落超有口感，但又不會油膩，鹹蛋黃迷必叫😍梅菜粟米鮮肉湯餃$42（7隻）呢一款每次我都會order👍首先配左佢哋嘅自家招牌湯底，勁有食家常便飯嘅情景🤭梅菜粟米有咬口之餘，就好似食緊一啖梅菜肉餅，一啖靚湯嘅感覺當日仲見到佢哋延伸到隔離鋪開咗多一間，鋪面裝修相對豪華pink pink , 希望擴充後唔需要再排咁耐隊啦🤭

旁晚6:30開始排隊等到七時多才可入座，但一打開個手機下單Menu竟然有超過一半餃子都售罄，其實做唔到咁多客點解仲要開多個鋪位呢？其實有不少食客都喺度討論想食嘅嘢都冇得食，剩返啲最common嘅餃子，其實值唔值得等呢？平心而論，啲好common嘅餃子味道，真係同君滬餃子差不多。人哋都係即煎，起碼唔使排隊等位，價錢又平啲。夜晚七點已經乜都冇得食，其實令到啲客好失望。如果真係想試都真係建議下午茶先好嚟試，正餐時段應該又係乜都冇得食。

平時見舊舖長期有人排隊，今日經過試試。十隻雲耳椰菜餃子，椰子雞湯味濃，餃子大隻爽口鮮甜，點醋食都幾好食。但唯獨食到一隻有生肉唔熟，吐出黎聽真係….希望店家可以注意這項！

今次去呢間餃子店食嘢，叫左十隻煎餃同十隻湯餃 分別係芝士粟米肉餃，韭菜肉餃同雲耳椰菜鮮肉餃。芝士煎餃嗰個芝士味好濃而且入面嘅肉餡好足夠。韭菜煎餃喺我覺得其中一樣最好食嘅嘢食，因為佢嗰比例幾唔錯，而調味亦都好啱我自己嘅口味。雲耳椰菜水餃都唔錯，入口咬穿嘅時候會有汁流入口，不過呢款水餃肉餡比較少，鍾意食肉嘅人就冇咁建議啦。小食方面叫左一份涼拌皮蛋，呢個皮蛋嘅汁好特別，唔似平時嗰出面食嗰種，呢度個汁有一點點甜味，而帶出嚟嘅感覺亦都好唔錯

At this cozy dumpling shop, I tried two different dumpling soups: the Seaweed and Pork Dumpling Soup and the Purple Cabbage and Pork Dumpling Soup, with an added twist of rice noodles. Both dishes left a great impression.The Seaweed and Pork Dumpling Soup was a comforting bowl of flavors. The seaweed added a subtle umami, complementing the tender and juicy pork filling inside the dumplings. The broth was light yet flavorful, perfect for warming up on a cool day. The rice noodles were a delightfu

食過都幾多次，味道普通除咗一個疑似老闆嘅男人好有禮貌之外大部分職員都冇乜service可言但漏單/ 出錯單問題真係經常出現一次叫餃子配米線米線先嚟，但餃子漏單到朋友食晒都冇嚟最後食咗個幾鐘⋯⋯今次就叫煎餃，但整咗湯餃同職員反映，職員就問我哋介唔介意照食減返$2都費事再等，所以就算啦照要跟住職員又話不如我俾多一隻湯餃你咁我就唔使俾返$2你咁麻煩我就是但啦，你鍾意啦點知職員又突然之間話一隻餃都冇剩啦，冇得比我咁OK囉，俾返$2我囉過咗一陣，就有職員擺低一隻湯餃話因為已經整咗⋯⋯⋯⋯⋯⋯⋯⋯⋯⋯大佬你玩晒啦最後冇食佢哋夾硬擺低嘅餃子到俾錢時又話因為我要-$2所以要我俾現金我俾八達通好麻煩唔知點樣扣返兩蚊要我去隔離舖頭俾錢⋯⋯⋯⋯⋯

今次已經係第二次encore，之前一直好忙，所以都冇時間去食，因為無論晏晝定係夜晚佢都都係排長龍今次叫咗個雲耳椰菜餃，椰菜爽甜雲耳好有咬口，不得不讚係佢啲豬肉餡鮮甜美味。冇乜肥肉，打得好實。每一隻都係脹卜卜其實兩個人分兩碗七隻已經好飽，可以再加少少小食，不過如果男仔大食啲就可以加個面！個湯係老火湯，所以連埋啲麵食都好好味。第二款餃子係我最掛住嘅芝士粟米肉餃，之前喺其他地方食過，第一冇佢咁足料，第二芝士冇佢多！第三係俾佢貴，所以我有乜可能唔掛住快啲開多啲分店！小食叫咗皮蛋同埋牛腱，皮蛋甜甜地，不過雖然佢叫涼拌皮蛋其實係冇辣味。牛腱都OK如果腍少少就更好希望老闆睇到呢度快啲開分店，唔該 ！

話好食嗰啲全部都係 x手？兩碗餃子等左30分鐘先上，米線未熟嘅。都算數諗住好食嘅等下冇所謂。一飲啖湯正常有椰子味但偏咸。餃子出哂事，真係好難食。好難食。好難食。一咬入口啲肉實過打邊爐啲丸，完全冇汁，勁咸超重味精，食完條脷完全feel到啲味精餘悸。菊花蜜好甜。我叫椰菜同紫菜個饀都係實的的超咸超味精。啲人話荃灣餃子屋肉餅嘅我建議你嚟試吓呢間你會知咩叫肉丸餃。朋友煎餃唔脆勁勁勁油，冬菇餃完全冇菇係入面得粉紅色嘅超實肉餅。芝士有芝士味但都係好咸。食完真係嬲到要出第一篇食評。菜甫係乾爭爭有辣椒乾唔係平時餃子舖嗰啲好惹味嗰種。真係灣仔碼頭都好味過佢。如果期待食手工餃子店嗰大大粒爆汁手工餃，加冇味精住家湯再加好味自製菜甫嘅話你千祈唔好入嚟。我而家嗱嗱臨埋單去搵其他嘢食啦。間野仲要開咗格離分店排晒長龍，真係唔知香港搞乜鬼。