豐信餃子店

營業中

休息中

呢間Bookmark左好耐嘅餃子店🥟想試好耐啦，今次終於可以黎試吓😬係位於太子嘅「豐信餃子店」西洋菜鮮肉餃7隻 $42(椰子海帶鮮雞豬骨濃湯)首先講下個湯底先，真係非常之濃郁嘅味道！一飲就知個湯底熬製左好耐，好多嘅材料👍而餃子🥟就相當之大隻 飽滿🤤望見都想食啦😝韭菜鮮肉餃7隻 $56(邪惡金沙餃)韭菜嘅香再配上鮮肉餡真係好夾👍用上金沙黎烹調真係邪惡得黎又好好味😋梅菜粟米鮮肉餃7隻 $44芝士粟米鮮肉餃7隻 $47分別試吓呢兩款嘅粟米🌽煎餃，亦係相當之飽滿👍即叫即煎上到枱都好香噴噴熱辣辣！小編就比較鍾意芝士餃，煎出黎仲有一份獨特嘅香味😋甜蜜蜜雞中翼（5隻） $36十分之香甜嘅雞中翼，真係越食越想食多幾隻！食幾隻真係唔夠喉🤪秘汁鹵蛋 $19秘汁雞腎 $24啲秘制嘅汁醃製得十分之入味，兩款都好好味😋清熱潤喉羅漢果甘草茶 $12柑桔蜜 $12

豐信餃子店是一個讓人流連忘返的美食天堂，這次的用餐體驗更是讓我驚喜不已。我點了香菇豬肉湯餃、芝士粟米鮮肉餃、韮菜鮮肉煎餃，以及涼拌手拍青瓜和涼拌海蜇，每一道菜都讓我大呼過癮。首先，香菇豬肉湯餃的外皮薄而有彈性，輕輕一咬，湯汁瞬間流出，香菇的鮮香與豬肉的醇厚交織，湯底清淡卻充滿層次感，令人回味無窮。接下來，芝士粟米鮮肉餃的餡料更是令人驚艷，濃郁的芝士與甜美的粟米完美結合，讓人感受到意外的口感層次，外皮的筋道讓每一口都充滿驚喜。韮菜鮮肉煎餃則是外脆內嫩，金黃的餃子皮煎得恰到好處，韮菜的清香與豬肉的鮮美相得益彰，讓人不禁想一口接一口。涼拌手拍青瓜清脆爽口，酸辣的調味令人食慾大開，而涼拌海蜇則帶著微微的麻辣，彷彿瞬間把夏日的炎熱驅散。值得一提的是，桌面上可無限添加的辣菜脯，口感香脆，微辣的味道讓整個用餐過程更加豐富，搭配餃子更是絕配。店內環境簡潔明亮，溫馨的氛圍讓人感到放鬆，服務人員熱情周到。總之，豐信餃子店無疑是美食愛好者的理想選擇。

每次經過豐信餃子店都見到好多人排隊。今日難得未到繁忙時間，未係好多人排隊，一於入去試吓先。餐廳睇裝修就知應該一間係舊舖，一間係新舖。今日舊舖堂食位置未開，我就坐咗喺新舖度食。店內光猛乾淨。邪惡金沙餃（餃子價錢再加$17）：本身煎餃子已經好食，呢個仲加咗鹹蛋黃落去整，有鹹香味更吸引椰子海帶鮮雞豬骨濃湯（如選湯餃，呢個係Default，無需特別加錢）：好似我呢啲成日都冇住家飯食嘅人，飲到碗無味精嘅濃湯會好滿足惹味酸辣湯湯餃湯底（餃子價錢再加$10）：鍾意食辣嘅朋友一定唔可以錯過呢一款湯底，有花椒，新鮮辣椒粒，芫荽同新鮮蒜蓉，又辣又惹味。我哋今日試咗五款餃子，分別係芝士粟米鮮肉餃，麻辣白菜鮮肉餃，芫荽鮮肉餃，香菇鮮肉餃，薺菜馬蹄鮮肉餃。所有餃子都脹卜卜，個個都成個大元寶咁。豬肉新鮮唔會太鹹，餃子皮唔算太厚，所以其實款款都幾好食。要講最有驚喜係芝士粟米鮮肉餃，冇諗過呢個配搭咁好食。而我呢個芫荽控當然都鍾意食芫荽豬肉餃啦。清熱潤喉羅漢果甘草茶：呢排周圍好多人病，都係要保養好個喉嚨，叫呢個飲品就啱晒

名不符實，由於出名所以連開兩店，安排及質素令人失望咗明明很多座位，舊店內職員談笑風生，新店職員卻不斷叫人取飛，造成多人排隊，不安排入座，型造很出名的人龍店。投訴及後解釋話留枱給多人枱！質素比以往差了很多，皮厚有粉，餃子內是凍的，可能需要食客浸多10分鐘先至食！一張四人卡位，四個陌生人別再一齊一起面對面，實在不值如此這樣委屈如此的感受！香港經濟下環境下，如此服務態度及食物質素卻不安排入座，明明有位可以直接坐低，卻不斷客人先取飛，為恐怕是察數據，祝你早日上市。

次次經過都排晒隊 堆滿人群以家隔離鋪擴充開多間 可以鬆緊d顧客 唔使等今次坐舊鋪 終於試到 （可能過左午市時段）行完山 天氣凍 打算食碗熱嘢餃子皮薄餡足 大大隻椰子海帶豬雞湯味道雖然清淡 但都有d味 （如可以濃味返d會更好）1.紫菜餃 好好味 紫菜味濃郁 有驚喜 會encore2. 椰菜木耳餃+ 豬肉餃全部都大大隻皮薄餡足3. 海蜇-味道都係清淡 但又不失無味爽脆口感呀姐都好有禮貌+服務餃子不錯 會再幫襯新年前經過 好似放到初七／八想去試既朋友仔要留意下免摸門釘

味道無乜特別，正正常常。款式算多。下午茶四五點嗰時去行過見無乜人入去試吓。叫左份雙併煎餃漏單最後等左40分鐘。system 落左單但廚房入面話收唔到單。如果要排隊唔會考慮.The taste is nothing special, just normal. There are many styles.I went there for afternoon tea at four or five o'clock and saw that no one came in to try. I ordered the double fried dumplings and waited for 40 minutes. system I placed an order but the order was not received when I entered the kitchen.I wouldn't consider it if I had to queue up.

📌太子無味精雞湯餃子呢間位於太子嘅餃子店一直都好出名 終於可以試吓佢哋無味精嘅椰子海帶鮮雞豬骨湯底佢地有兩間舖位 但係都比較多人等位 喺附近返工食lunch嘅人可以試吓🥟🍲先講講佢哋嘅湯底 個人嚟講覺得係餃子店湯底裏面嘅數一數二飲落真係冇味精 好足料！！！非常推介大家試下😋個人認為佢哋嘅餃子食落比較濃味啲 所以個湯底飲落都會舒服啲🥟南瓜粟米鮮肉餃相比起其他餃子 南瓜餃子比較淡味 但係都會食到南瓜同埋粟米嘅清甜個人認為同個雞湯湯底比較夾～🥟紫菜鮮肉餃同行朋友覺得勁似魚皮餃🤣🤣紫菜嘅脆脆口感令到個餃知食落口感豐富啲～肉香都好足夠 呢款都幾值得試～🥟齊菜馬蹄鮮肉餃因為有馬蹄 所以餃子食落除咗有齊菜嘅菜甜味亦都有馬蹄嘅爽脆～食完幾隻都唔會話好漏食落去都幾夾～整體嚟講佢哋嘅餃子皮厚度適中 好啱個湯底🍽️ 食物：🌕🌕🌕🌗🌑🥂 飲品：NA👩🏻‍🍳 環境：🌕🌕🌕🌑🌑💯CP值：🌕🌕🌕🌕🌗✅回頭率：🌕🌕🌕🌕🌖價錢：$40-60Overall: ⭐️⭐️⭐️⭐️ (out of ⭐️⭐️⭐️⭐️⭐️)📍豐信餃子店地址：太子汝州街17號地下A號舖Hashtags:#eatgoodwestsin_princeedward #eat

天氣凍，諗住打邊爐，試吓排隊店，點知就出事。買了十隻西洋菜生餃，即晚打邊爐，食咗三粒都有苦澀味。剩餘的西洋菜餃也只好棄掉。社交平台私訊聯絡他們，無回覆，然後文章內留言亦沒回覆。強烈要求店主需要檢查品質才供應給客人！西洋菜竟然有苦澀味，還可以供應給客人，完全不能理解品質極差之店舖，不但沒有檢查食物，還供應給客人。當天下午三時，客人不算太多，但店員服務態度也是很一般。店員也算多，但他們的服務都沒有很好。

平日 lunch hour 12點半到門口，本來以為有兩間舖應該唔需要等位啦，點知只係開得一間舖，前面已經有幾個人等緊。等左唔係好耐就有位。環境都乾淨衛生，位置比較窄。落單韭菜鮮肉+薯粉，仲有素餃。等左十分鐘多D素餃有得食，好多雲耳但係唔係好食得出有冬菇，湯頭略淡。韭菜餃就等多起碼十分鐘，催左兩次，連對面檯遲落單（都係韭菜餃）都上曬啦，先有得食。韭菜餃真係韭菜餃，完全食唔到肉，調味都係淡。辣菜脯稍鹹，無咩香味。服務態度正常，催單都有幫手催。人手都多，但係排單似乎有問題，又多外賣單，應該容易漏單。總既黎講，無傳聞中咁好食。再次嘗試既機會都比較微。

諗住外賣生餃，點知都要一肚氣，入到店內收銀處話買生餃，無人回應，跟住有店員行到埋黎，木口木面，冇笑容，只係講要收幾錢，於是我話係外面等，等咗15分鐘都冇人拎出黎，於是望入收銀機附近出餐位置，原來已經放咗係枱面，如果你要我入黎攞，冇問題，你都同我講聲吖，請著D咁嘅員工，香港食肆死得啦。

今次叫咗 【白菜+韭菜雙拼湯餃】$52+$2個人覺得呢個湯餃好食過個煎餃喎，佢個湯飲完好暖胃♨️啱曬呢排咁凍🥹🥹仲要真係皮簿餡多，菜肉比例係7:3🤩【紫菜煎餃】$42+$2果日芝士賣曬，唯有try try 紫菜，煎餃係半煎炸咁煎，個皮就比較硬脆，同油啲，但好在紫菜好香，個餡幾有驚喜😝

見到咁多like，走嚟外賣自取試吓。週末下午六點嚟，係幾多人排隊，但大部份人都係等外賣，等咗10分鐘左右有得攞。買咗返屋企，超級失望，完全覺得是但搵間都好食過佢，完全名過其實。餃子除咗大件之外冇乜可取之處，只係包咗水餃皮嘅大肉丸，又鹹又重味精。最差嘅係西洋菜餃，食落有苦澀味。湯底好濃郁，係味精嘅濃郁，椰子雞湯應該係清甜，配豬骨濃湯真係好奇怪，完全食唔出雞或椰子味。一定冇下次，要食清淡嘅可以去街市買新鮮餃，要濃味嘅不如去超級市場買急凍餃都好食過佢。

上次食左煎餃，自此對豐信餃子都好高評價，今次特登黎太子試埋湯餃，叫左湯餃十隻（南瓜粟米鮮肉餃同荽茜雙拼），共$57。餃子味道黎講，南瓜餃真係有驚喜，南瓜內餡香甜，食落好開胃。但荽茜餃個人就唔係好鍾意呢度既調味，荽茜味係有，但唔知點解食到有啲似鯪魚既魚味。另外，個椰子湯都好清甜，飲哂都唔會口渴，雖然湯餃冇煎餃咁香口吸引，但餃子調味適中唔單調，絕對會再訪👍🏻唯一希望佢地改善既係服務，我只係去左個廁所，返到黎啲碗同單都比人收走左。

📍豐信餃子店雖然不嬲都知太子好多好好食嘅舖頭, 不過唔知點解次次都係黎返依間👉🏻👈🏻(雖然依個次次5隻手指都數得晒😹)好想試下其他啊!!!!! Next time~❣️芝士粟米鮮肉煎餃Hehe 每次黎都必叫嘅煎餃😁cheeeese lover🙋🏼‍♀️一咬落去…點解可以咁多汁嘅😭oishii✨一咬, 啲汁已經喺個底到流返出黎🫶🏻芝士溶晒落粟米同豬肉到真係又邪惡又好食👻餃子皮煎到近乎煎同炸之間, 係好靚嘅金黃色👻 oishii✨雖然我偏向煎餃多少少, 但係之前試過佢哋啲湯餃一樣咁好食😋仲有椰子海帶湯🥥❣️香菇鮮肉餃(其實原本諗住10隻都係芝士餃, 不過試下其他都唔錯✨認真真係好香菇味!!!! 好似講咗句廢話, 不過真係好重菇嘅味道👅雖然記憶點冇芝士餃咁重, 都係一個超級唔錯嘅選擇✨ 💰54 (10隻雙拼)#豐信餃子店 #太子美食 #太子餃子店 #芝士粟米豬肉餃 #香菇鮮肉餃

見門口咁多人 以為啲嘢好驚艷 啲煎餃唔講以為油浸餃子 啲皮濕到淋 成口油 湯餃好似食空氣咁又鹹 食到好口乾 職員又十問九唔應 好似欠左佢咁 咁都值得排隊… 諗唔明白點解咁多正面食評