詠藜園四川擔擔麵

營業中

休息中

老字號詠藜園，我細細個就已食過，今晚同屋企人懷舊一番。環境冇乜點變，行傳統中國風，有不少大枱，適合一家大細聚餐。餐前小食（每碟$6），南乳花生，好耐冇食過了，很懷舊的感覺。楊家小湯包真正做到皮薄餡靚，肉唔算多唔會太膩，充滿湯汁。糖醋魚塊賣相吸引，除咗魚塊，還有洋蔥絲三色椒絲做陪襯。魚塊炸得外皮鬆化，有外脆內軟的感覺。上海粗炒大大碟，有椰菜絲和肉絲。肉絲就比較細碎，味道不會太重和油膩。豆沙窩餅新鮮炸起熱辣辣，外皮脆脆蛋味比較重，豆沙餡料甜度剛剛好。總括嚟講，食物質素唔錯，坐得舒服，得閒幫襯吓香港地道老字號，也是唔錯的選擇。

黃埔天地美食坊不嬲都好多餐廳 今日去咗試呢間開咗好多年嘅詠藜園四川擔擔麵食上海四川菜至尊鍋貼 我哋喺小籠包生煎包同鍋貼呢三個classic上海點心裏面揀咗食鍋貼 個底輕輕煎到金黃 鍋貼都仲保留到肉汁 而且鍋貼個皮係我鍾意煙煙韌韌夠厚嘅鍋貼皮肉絲炒年糕 簡簡單單有肉絲娃娃菜同埋年糕 我最鍾意食煙韌韌嘅年糕水煮魚片 魚片唔係用龍脷柳 食落真係有魚味 水煮味都算OK 個底有少量薯粉同埋大豆芽上湯娃娃菜 就正正常常 不過不失啦而餐廳不愧係開咗多年嘅老字號 當日平日晚上去到餐廳都算係幾爆滿 唔會有冷清嘅感覺 有唔少街坊支持

熟識我既人都知我喺中菜之中最鍾意就係邪惡既上海菜 - 而近近地屋企又好食就要來到我最熟識既電影院旁邊既美食大廈, 一間隱隱若若既上海菜, 但其實喺黃大仙既原店係老字號, 所以值得到訪老公都好鍾意食上海菜, 所以大家來訪時都有個必心目中既Must Have, 而我地兩個既Must Have 就係一個擔擔麵, 不過menu 有classic 亦有改良版 - 老公雖然係出至好奇去點改良擔擔麵, 佢既外形係同classic 既擔擔麵冇乜分別, 但係我覺得佢既改良意思係來至於少油, 個湯texture 軟身D,成件事冇咁heavy 而令到又想食又驚肥既人無大罪惡感我地都有點其他野一齊食, 但係我會特別highlight 店員介紹既雲腿津白, 因為雲腿係香甜既金華火腿, 同津白match 埋一齊真係有種來自菜同金華火腿既清甜而變得我同老公特別鍾意下次來黃埔睇戲既話, 又多一個選擇既美食同老公一齊醫肚!

這間以擔擔麵馳名的老店位於黃埔天地美食坊, 地方好闊落, 裝修有著中國懷舊色彩。擔擔麵 麵條口感滑順有嚼勁, 醬汁咸香惹味, 配料有碎肉、香菜和青蔥等, 加上花生醬粒, 這些配料為麵食增添了香味和層次感。酸辣麵 湯底酸與辣好平衡, 口感清新。麵條滑順並且吸附了酸辣湯汁, 口感彈牙。回鍋肉 五花肉切成切片, 油香而不會過於肥膩, 豆辦醬、 醬油和蒜等調味醬汁相當惹味, 加上椰菜和青椒, 增添了清脆的口感和風味。 至尊鍋貼外皮煎至金黃酥脆, 餡料鮮嫩多汁, 口感豐富。素鴨 素鴨外皮脆口, 內部柔軟香滑, 質不會有油膩感。 過橋餃子 餃子皮有質感, 餡料口感鮮嫩, 配以豆辦醬就更覺風味。

黃埔食店林立，朋友喜愛中菜，地鐵站附近有一家，環境闊綽，門面有氣派，餐牌繁多，有套餐，散叫亦可！👌回鍋肉⭐️五層肉肥瘦均勻，油香又有咬口，汁底不咸，椰菜的清甜也能吃到，整碟吃光光。改良擔擔麵 肉碎比平常的擔擔麵多了一層鹹香，湯底裏多了榨菜等等添加了一種不同的香味，味道和本身擔擔汁的花生香很配，湯麵入味淋身。蝦仁豆腐豆腐超級滑，清爽芡汁包裹了鮮蝦仁和豆腐，整碟都滑溜溜，十分下飯。原湯抄手想試試他們的清湯底，點了原湯一試。清湯鮮味十足，大大粒肉的抄手每一口也配湯吃，飽肚又新鮮。即使在晚上，可有地方可一邊嘆茶一邊享受美食，餐廳整體可容納多人，如舉辦派對亦充滿氣氛。👍🏻👍🏻

詠藜園係黃埔美食坊嘅老字號，由細食到大。最近屋企人想食擔擔麵，就諗起呢間久違嘅店。多年冇去，今次再試發現水準依舊咁好👍🏻♥︎ 擔擔麵必點推介！去到詠藜園當然唔少得點佢嘅招牌擔擔麵，麵條彈牙，花生醬湯底香濃但不油膩，可選辣亦可選不辣🍜♥︎ 蜜汁火方除此之外，仲叫咗蜜汁火方，火方沾上淡淡桂花味嘅芡汁，味道甜而不膩，包熱辣鬆軟，夾埋青瓜同埋脆片一齊食真係好好食😋♥︎ 馬蘭頭作為前菜亦係不錯，有啲蒜蓉同麻油味，清新爽口本來仲想試埋楊家小湯包，但今次點嘅食物份量已經好夠，唯有留待下次再嚟慢慢享受。

這家餐館位於黃埔站附近，交通方便，餐館的內部裝修充滿中國色彩，很有特色，環境清潔，座位寬濶，服務員有禮。花膠響螺燉雞，花膠彈牙，響螺爽脆味清甜，雞肉味道正常，配料還有金華火腿、圓肉、淮山和杞子，湯色淳厚，湯味濃郁。楊家小湯包，小籠包皮薄饀靚，肉裏湯汁多且美味。擔擔麵可選辣或不辣，麵很彈牙，湯汁濃，花生香氣撲鼻，冬菜爽口，配上豬肉碎和葱花，味道層次豐富。椒絲腐乳通菜，通菜鮮嫩，顏色翠綠，腐乳汁特別多，濃味但不會過咸。

詠藜園四川擔擔麵紅磡店，餐廳環境溫馨雅緻，柔和燈光營造出舒適的用餐氛圍。鎮江餚肉，看落晶瑩剔透，肉質鮮嫩，入口即化，味道香濃，搭配醬汁，肉香與醬香完美融合，令人回味。上海粗炒，配有頗多爽脆的椰菜，還配有鮮香的冬菇，清甜的白菜仔，三者搭配，口感層次分明，麵條粗條帶有麥香，炒得恰到好處，令人一試難忘。過橋水餃，皮薄餡嫩，酸菜和薑蓉的點綴，讓餃子的鮮香更加突出，點上醋及辣椒醬更是酸爽惹味、開胃！楊家小湯包，湯汁豐盈，皮薄而有彈性，內餡多汁，一口一個，湯汁及肉香的鮮美充盈口腔，令人回味，是餐廳的招牌之作。食得出餐廳每一道菜都是精心烹調，讓人感受到詠藜園對食物的熱愛與專注。

朋友來港數天，想嚐嚐「詠藜園」著名的四川擔擔麵。今日就即帶他來。🥛 豆漿天氣仍有點悶熱，喝一口冰涼又富豆味的豆漿，也是不錯的選擇。✨ 擔擔麵湯底香味濃郁，味帶微辣，有很多肉碎和榨菜粒，鮮香爽口，味道濃惹。麵質入口軟滑爽口，不黐牙。麵掛上充滿麻醬香郁，香濃不膩的湯汁，味道非常好，怪不得是招牌菜。✨ 楊家小湯包（四個）小湯包皮薄得來較一般的口感更滑。包着肉質鮮味的餡料，滿是清甜的肉汁。✨ 糖醋肉排色澤棕紅的糖醋肉排上桌時，即傳來一股甜香。入口酸酸甜甜的味道令人開胃。肉質鮮美，外脆內嫩，朋友非常喜歡這道菜。✨ 至尊鍋貼 （三隻）鍋貼皮薄，肉餡鮮嫩多汁，肥瘦比例剛好。鍋貼底部煎得帶點焦氣的金黃色，增添多一層口感。

詠藜園是香港的老字號川菜館，專營四川擔擔麵及正宗川菜，我今日來到黃埔和朋友聚會，選了在黃埔天地美食坊的詠藜園午膳。餐廳在1樓，離地鐵出口只需要步行1分鐘，非常方便。門面裝飾古色古香，地方也不小，環境整潔高雅，座位也寬敞舒適。“二人午市套餐”包括：兩款麵食，一個自選小菜，一款自選點心和兩杯飲品。“酸辣麵”，聚眼看來紅紅的湯好像很辣，但入口不過微辣加少少醋的酸味，令人開胃。麵條爽口彈牙，配上菜甫粒、蔥花等，添加不同口感。“擔擔麵”，香濃的芝麻醬，配上肉碎和菜甫，加上爽口麵條，特別惹味。“椒鹽肉排”，無骨肉排醃得入味，新鮮即炸，份外香脆。“楊家小龍包”，一口一個，滿口湯汁，外皮和肉餡配搭得宜，口感很好。“豆漿”，香滑豆漿，豆味濃郁。“午市客飯”包括自選一款小菜、白飯和例湯。“糖醋魚塊”，魚肉嫩滑，外皮用粉醬漿炸脆，真是外脆內遠，配上糖醋醬汁，酸酸甜甜，十分滋味。“例湯”，老火湯，材料豐富，有豬骨、蓮藕、章魚等，有家的味道。這裏的環境、食物質素都不錯，而且價錢更大眾化，七十多年歷史的老字號，值得捧場。

📍詠藜園四川擔擔麵 (紅磡)📍紅磡黃埔天地美食坊(第8期)1樓102-103及105號舖🟡茶位$5🟡麻辣擔擔麵$48🟡楊家小湯包$45🟡豆漿$16今日喺黃埔上堂，聽講詠藜園四川擔擔麵係做得好出色，雖然一個人，但係餐廳都好歡迎一個人去食！麻辣擔擔麵的麻辣味道相當濃郁，有麻辣嘅味道，但係完全唔會係食到好辣，我唔太食辣嘅人都食得好開心。麵條彈牙有嚼勁，配上碎肉與花生增添了層次感，果然係優秀的擔擔麵！楊家小湯包做到真正的皮薄，好軟糯，內餡多汁，咬下去爆湯汁！餡料肉質鮮嫩，湯汁甜美，整體口感不錯。另外會有茶位$5茶位費合理，茶水清香解辣，正！一個人入嚟食，或者一大班人入嚟食都完全冇問題！

以前家住紅磡經常來到這裏看戲及吃飯，自從搬到九龍城之後，非常懷念這間的擔擔麵，今晚便來到這裏吃晚飯。麻辣擔擔麵$48 ，麻辣味道適中，混和了濃郁的芝麻醬湯底之後，味道更加美味。湯內有些肉碎和榨菜粒，帶起了整個湯底的層次感。擔擔面的麵質帶點嚼勁，又不會過硬，果是10年沒有變的味道。雞絲煨麵$78，雞絲份量十足，麵質軟硬適中，麵吸收了湯底的鮮甜味道，變得更加美味。鎮江肴肉$88 ，這個肴肉做得非常之有咬口，加上帶點鹹香味道，配合折醋便很快被消滅了。楊家小湯包$45 ，即點即制，小湯包裏的湯熱騰騰，進食是要小心。湯包內的湯底味道香甜，果然是正宗的上海菜。

始於1947，有清朝御廚楊家的獨門秘方，以擔擔麵和四川麵起家，至今已經77年历史老字號＇連續八年獲米芝連推介。現址紅磡店空間寬敞，復古嘅裝修更顯氣派。醉豬手的色澤亮麗，嫩滑爽嫩口感的豬手，帶有微微的酒香，讓人感受到醇厚的滋味，肉質卻不油膩。水煮牛肉的辣味適中，牛肉片口感順滑，煮得剛好，保持了肉質的鮮嫩。湯底香辣濃郁，混合了大豆芽和薯粉，份量十足。擔擔麵（不辣）麵條彈牙，與湯底的花生槳肉槳等一齊吃更顯風味。整體味道和諧，麵質爽口彈牙，好食到停不下來。擔擔麵（中辣）比不辣帶來了多一絲的刺激，湯底的辛辣感與香濃的花生槳完美融合，讓每一口都充滿層次感。這道麵的色澤明亮，視覺上也十分誘人，讓人忍不住想要拍照分享。楊家小湯包（1籠）小湯包的皮薄餡多，湯汁鮮美，湯包沒有被筷子夾破，加分。咬下去瞬間湯汁四溢，餡料的味道均衡，搭配醋和姜絲，更是提升了整體風味。套餐包荳漿2杯荳漿的口感滑順。營養豐富。套餐送雪米糍2件作為甜品，外皮柔軟，口感Q彈，為整餐畫上完美的句號。

跟老豆看完香港青少年代表隊對曼聯U-16代表隊的賽事後，就跟老豆去米芝蓮食肆：詠藜園盡訴心中情！到了餐廳門外，店員很快便安排好位置，我們也立刻點餐，飯菜也立刻送上來的了！最後點了：茶位（$5）$10擔擔麵（不辣）$43糖醋肉排 $98生煎包（三個）$45合共：196總金額$216只是一個擔擔麵就可體現到餐廳的誠意，花生遍佈擔擔麵，加上好喝的湯底，難怪成為這個餐廳的必吃之選。說實話，$43連加一差不多$50的擔擔麵在價錢上不是很吸引，但是整體感覺也是不錯的！至於糖醋肉排，筆者覺得也是很不錯！甜甜地，酸酸地，很是惹味，要是能夠配送白飯，這就更好了，不過現在的味道也很好！最後點了生煎包，這個一上枱就覺得不太吸引的了，不但冷冰冰，而且吃下去沒有呈現一個爆汁的效果，比其他店舖遜色！🕘營業時間： 11:00-15:30；18:00-22:30📍 地址： 詠藜園四川擔擔麵(紅磡黃埔天地美食坊(第8期)1樓102-103及105號舖 )🚉交通： 港鐵黃埔站D出口

當天因為要去睇演唱會，所以就search咗係附近黃埔有乜嘢食，本人超鍾意食擔擔麵，所以一見到就選擇咗呢間老字號黃埔詠藜園一上到門面就俾佢超華麗中國式嘅門面吸晴住點都要打返張卡望住個餐牌好多嘢都想食，但因為我哋只得兩個人，所以唯有試吓一啲自己又想食又比較signature嘅菜式。最後叫咗四樣嘢： 1: 改良版四川擔擔麵是一道頗受歡迎的菜品，以其獨特的風味和豐富的口感吸引了眾多食客。（改良版的分別就是多了肉碎）這道擔擔麵的醬汁不算濃郁，恰到好處，麵條的韌性也非常出色，能很完好地吸附醬汁。因為麵條是人手拉扯製造吧2. 螞蟻上樹是一道傳統的川菜菜式，配上香濃的醬汁，麻辣的味道讓人感受到豐富的層次感。螞蟻上樹的味道絕對能夠滿足喜歡辛辣的食客。肉碎的韌性和鬆軟感搭配細膩的粉絲，令每一口都充滿驚喜。粉絲吸收了醬汁的精華，口感滑順。3. 楊家小湯包 絕對值得推介用上新鮮豬肉包製，皮超級薄一口咬上满口湯汁。4: 宮保雞丁雖然只是一味很普通的菜式，但他們炒的雞丁非常嫩滑，煮得恰到好處。再配上腰果，西芹簡直是送飯一流🥰至於服務質素：侍應也很殷勤，每看見我們食完一款餸菜也會收拾一下，給我們有寬闊充足的位置擺放