詠藜園四川擔擔麵

營業中

休息中

老字號詠藜園，我細細個就已食過，今晚同屋企人懷舊一番。環境冇乜點變，行傳統中國風，有不少大枱，適合一家大細聚餐。餐前小食（每碟$6），南乳花生，好耐冇食過了，很懷舊的感覺。楊家小湯包真正做到皮薄餡靚，肉唔算多唔會太膩，充滿湯汁。糖醋魚塊賣相吸引，除咗魚塊，還有洋蔥絲三色椒絲做陪襯。魚塊炸得外皮鬆化，有外脆內軟的感覺。上海粗炒大大碟，有椰菜絲和肉絲。肉絲就比較細碎，味道不會太重和油膩。豆沙窩餅新鮮炸起熱辣辣，外皮脆脆蛋味比較重，豆沙餡料甜度剛剛好。總括嚟講，食物質素唔錯，坐得舒服，得閒幫襯吓香港地道老字號，也是唔錯的選擇。