詠藜園四川擔擔麵

營業中

休息中

住黃埔嘅應該無入會唔識詠黎園！已經開左十幾年，舖位由本舖extend到對面嘅點心同隔離嘅素菜，質素長期都高~~黃埔美食坊好多間舖都轉左手，唯獨佢長期屹立不倒，就知佢係都水準的！平時晚飯多，最近試埋佢嘅午餐客飯，抵食！ 個蝦仁煎蛋仲大過塊面每入68，有老火湯（仲要係蓮藕湯！），個餸係晚餐嘅份量，一d都無馬虎！如果唔想叫一人客飯餐，佢都有二人餐，就一得揀佢最出名嘅擔擔麵仲有一份小菜同一份點心，可以試下小籠包~環境又坐得舒服，推介係黃埔翻工、住嘅人去試下佢嘅午餐！

有日有機會自己食飯😃口痕胃痕銀包痕走左去食小菜學人fing錢🤑一野叫左兩個小菜黃埔卡送多個豆腐自己嗌碗白飯成枱野啪曬佢😂◇圖一係回鍋肉◇🐖呢間野基本上係由細食到大其中一樣必叫嘅就係佢👶🏻👨🏼‍🦲因為佢夠鑊氣夠味好送飯err油呢係真心油左啲嘅菜都普遍多過肉但係啲肉呢都認真唔錯同埋重點係唔會太咸而家食野齋左好怕重味野😨♤圖二叫怪味雞♤🐓其實怪味就唔係真係怪味嚟嘅佢係蔥薑蒜爆香入面再擺荽茜冬菇etc去煮嘅雞err其實真係好耐冇食有料嘅煲仔菜佢個煲好在我食曬坐完臨走摸落都仲暖暖哋嘅非常之舒服個味咁啱啱我胃口而個雞我記得都尚算嫩身唔會食柴咁err😂圖三叫五香豆腐，ie滷水豆腐😂都係咁啦😂嗯

已經超過最少二十次到訪，十一黃金周商場比較多人，幸好等了不用十分鐘。餐廳裝修古色古香，很有中式懷舊情懷，服務員看上去都有一點年紀。小籠包當然是必點的，皮薄肉厚多汁。鍋貼肉汁夠多，皮煙韌，底煎得香脆，大大件配上中式醋，家人讚口不絕。鱔糊，鱔肉肥大肉厚，配上醬汁牙菜，絕不欺場。擔擔面少辣、香口，配上大量肉碎，湯底香濃，麵質幼滑，份量大，與三、四個人分享更佳，可以再吃其他東西。生煎包不是很脆，但肉厚，水準較為普通。雞絲冷麵，麻醬醬汁香滑，配上青瓜絲，而且這裡的麵質真是值得一讚，所以都會推薦豆沙鍋餅甜品當然是不可缺少的。在商場消費有免費泊車，亦都是一個吸引我經常來的原因。

去食午餐星期六日,冇平時的客飯套餐所以散叫•••肉絲炒擔擔麵有啲油膩, 擔擔味道唔濃但味道幾好啲配菜同個麵都夾•••㰖菜炒四季豆爽口易入口夾下夾下好快食晒下次可叫嚟送湯面•••紅油抄手唔好睇佢好似賣相唔係好精緻其實啲皮同埋啲餡比例好好自家製style個汁好味唔係好辣

黃埔四川菜一直很喜歡這裏的擔擔面跟小籠包。這次來點了改良擔擔面：跟普通擔擔麵不同的是加入了肉碎。可以選擇辣或不辣。個人喜歡吃辣的擔擔麵，這裏的辣度不算很辣，也有川椒跟芝麻的香味，味道豐富。麵的湯底很濃稠，肉碎很多，煮得惹味。麻婆豆腐：豆腐嫩滑，肉碎份量很多。味道辣中帶麻，又有酸味和一點點甜味提升層次，非常惹味的麻婆豆腐。加入了少少西芹也很特別。這裏食物的品質很好，水準也很穩定，想吃川菜的時候一定會來吃。

每逢去黃埔必去的地方必吃美食- 改良擔擔麵這次吃了不辣的花生味好香 有小小肉碎 食落好舒服这次吃的回锅肉有惊喜 小小辣 有包菜 味道比較咸所以特地多加一个白饭 来送飯 超好味至于小龍包沒有太大驚喜可能個人比較喜歡皮薄一些的不過湯汁是好吃的 餡料也可以 沒有失望 不過不是吃過最好吃的值得一提 也第一次留意到 原來每次加茶水 都會給新的一壺 次次茶都有味服務生 經理都好好👍🏻不過如果在下午茶時間去就通常一定要等位 而且通常都不能book位

因為好耐冇黎食，一到就比佢嘅傳統裝修吸引。一行四人客飯乜都叫啲啦，客飯仲有湯送，個湯都唔錯，雖然唔係好濃味個種，但絕對合格，夫妻肺片幾好食，西檬雞好耐冇食，煮得好好，冇雪藏味又不會太酸，最愛嘅鎮江肴肉正，比例好，酸辣湯好正，有酸有辣，回鍋肉正常啦，反而小籠包一般，唔係太特別，可能出面對手太強🤣 煎一口鍋貼我自己就覺得麻麻，雖然寫了一口，但食落去真係冇乜肉味，最後高力豆沙雖然豆沙少咗啲，但真係好食😋

-酸辣水餃又硬又唔新鮮、酸辣湯太稀-蝦仁豆腐又淡又唔夠熱-得獎雲白肉、垃圾-茶又唔夠熱、茶葉又少、好似冲左好多次咁-服務又差非常失望真係唔相信以往嘅詠藜園而家啲食物質素可以變得咁差！

剛出黃埔ua睇戲，想起多年前大磡村四川擔擔麺的味道詠藜園，叫了一個四人套餐，夥計服務態度一般，好似快餐店，個湯啲菜又有啲味，牛腩偏鹹味精重，酸菜魚一般，套餐好一般，奇味雞真係差到不得了98元，睇相兩回事，16元1位茶錢，12元X2兩碟酸菜可以，擔擔麵冇芝麻花生醬香味😒都唔會再去😏因味精太濃食剩好多都沒有打包走😔

一直都聽講詠藜園好食，今晚專程黎試試。擔擔麵有傳統同埋改良版，改良版加左肉碎，兩款都可以揀辣或者唔辣，啱晒我呢啲想食擔擔麵但又怕辣嘅人😆另外點左最出面嘅小籠包，皮薄多汁，的確係必叫之一。另外點多個椒鹽豬手，好咸之餘只有豬皮，似係用剩落嚟嘅豬手去整。

話說老公個嫲嫲以前好鍾意去永麗園食飯，所以今日老公就話想食下嫲嫲以前鍾意嘅味道！星期六大概七點去到，好彩仲有最後一張枱，啱啱好入到座🤣🌟 全日二人餐$288涼菜主菜都可以四揀一，我哋就揀咗雞絲拉皮同埋黃金蝦仁，另外仲包左楊家小湯包一籠，同埋兩碗四川擔擔麵，可以揀辣同唔辣，我哋兩個就叫咗唔辣，不過下次我哋可能會試吓食辣因為覺得唔辣嗰個好似冇咁有風味，另外仲有兩杯金桔檸檬。✨$288有前菜有湯包仲有黃金蝦仁，再加兩碗擔擔麵同飲杯，性價比係絕對高嘅，至於前菜呢我覺得麻麻，比較好食嘅會係黃金蝦仁同湯包，湯包係好多湯汁，個皮嘅厚薄度都算啱啱好，至於四川擔擔麵，唔知係咪因為我叫咗唔辣所以我感覺削咗少少，等我下次試埋辣既擔擔面再update大家😆

詠蔡園起黃埔美食坊真係老字號黎由細食到大 舖頭完全冇變餐牌食物都差唔多叫咗每人一個麵 加四碟餸 兩個小食1️⃣清湯麵🍜份量啱一個人食 仲嚴佢細咗少少湯底真係清 不過又好香雞湯味佢仲放咗啲蒽 食落香啲啲麵都有咬口 唔係淋晒爛晒嗰啲 不過個人覺得普通 亦比較鍾意啲彈牙囗感嘅麵2️⃣花雕醉雞 係涼菜黎 份量比想像中大啲味道一般 覺得佢唔夠香油味比較似普通油雞 雖然好滑 但係唔夠多肉 好多骨3️⃣咕嚕肉 ($83)個咕嚕肉就好食 肉比例多 幾抵叫有菠蘿 三色椒做配菜啲肉應該係梅頭肉 超級腍又厚肉 外層又夠脆唔會好似外面有啲酒樓咁 整到好似食麵粉咁而且醬汁比例啱啱好 一啲都唔酸澀👍🏻4️⃣上湯炒通菜 ($63）個菜相對清淡 通菜好新鲜 咬落爽口上湯夠味 唔錯5️⃣糟溜魚片 ($118)🐟依碟真係好好食 估佢唔到勁大碟 然後好多魚片 抵食啲魚片亦唔似雪藏魚片 肉質鮮嫩厚實 唔易散味道食得出酒味 所以魚完全唔腥 仲好香配上黑木耳 添加質感 依碟餸飯一流😋6️⃣一口鍋貼 ($38)🥟一碟5隻 即叫即煎起香脆 同時又唔太油外皮厚度啱啱好 底部比較脆 煎到金黃色入面料係肉同韮菜 好喏味 仲要有肉汁 唔乾💕-食物水準保持到 好勁

好耐歷史了，係川菜既餐館，成日好掛住佢d擔擔麵，同埋高力豆沙，仲有沙鍋雲吞雞，金華火腿etc可以約埋三五知己一齊食晚餐，次次都食得好滿足。好似我禁挑食黎講，覺得中菜黎講整得好好食。

今日男友幫朋友完成咗個BIG PROJECT後，為咗慰勞男友嘅辛勞，我地兩個就去咗黃埔搵嘢食。忽然間想食中菜，就上咗去美食坊搵嘢食喇！睇到「詠藜園」個金漆招牌，諗返起佢地喺香港歷史咁悠久，但係我仲未幫襯過，就不如去試吓佢地嘅招牌擔擔麵啦！我地揀咗五樣嘢食，有擔擔麵、生煎包、楊家小湯包、酸辣水餃同埋我至愛嘅水晶肴肉。諗住每樣試吓味道如何！水晶肴肉最快送到，我率先試咗味！佢有些少花椒八角嘅調味，肉質比起一般坊間較高檔次嘅「鼎＿豐」結實，較有咬口。口腔內的湯汁歷久不散，令人忍唔住一件接住一件！至於最有驚喜嘅反而係小湯包，果然係皮薄肉汁多，好想再食多幾隻啊啊啊！至於生煎包同酸辣水餃則不過不失。另一招牌擔擔麵有香濃花生醬味，湯汁不太杰但卻油膩，肉碎沉在碗底。怕油膩的朋友最好唔好飲曬啲湯啦！

呢間有米芝蓮推介嘅擔擔麵老店原店位於新蒲崗，招牌菜四川擔擔麵，改良版加入咗肉碎，叫咗辣湯底，雖然望落去紅油好夠，但其實全全無辣味，湯底亦都略為太稀、唔夠香，同埋份量實在太少。楊家小湯包同生煎包水準亦都只係一般！⁣⁣This Bib Gourmand restaurant, Wing Lai Yuen, was originally a run-down shop in a squatter village. Unfortunately, their signature Dan Dan noodles with ground pork were just average. Their Xiaolongbao and Pan-fried pork buns were also very disappointing! ⁣