西貢咖啡餅店

營業中

休息中

一個下午，打算試下出名菠蘿油，但結果十分不愉快。見到賣成$16蚊1個普通菠蘿油都打算試下，但員工態度出乎意料地差。明明入店時冇人坐，我坐底左5分鐘之后突然多人，態度超差既員工出來無端端叫我起身排隊，超唔合理。最後，決定走啦！

前排比朋友介紹，話呢間既菠蘿包超出名，好多人特登入黎西貢食，咁岩黎開西貢既我，緊係唔好輸蝕，一於黎食下。因為之後要行山，要食飽啲，所以就揀左個早餐，有蕃茄通，菠蘿包，同咖啡。個菠蘿包新鮮出爐，熱辣辣，個皮真係好香脆鬆化，而面包就好鬆軟，食完有好幸福既感覺。但個通常呢，就真係好一般，啲粉稍嫌硬，而且蕃茄通粉，係大量既蕃茄醬味，雖然都知唔會用鮮茄，但如果個味真啲會好啲😥而咖啡都唔錯，好香咖啡味，下次黎要再encore菠蘿包

約左朋友去爬艇，晨早到達不過為左食件葡撻再食埋個菠蘿油。朝早買撻的人不少，但就唔使人排隊。因為趕忙，所以只能外帶打包拎走。原來係兩回事黎㗎。新鮮出爐同埋唔新鮮出爐，水準差好遠！葡撻都係足料，但凍左啲皮完全唔脆，而且好油。菠蘿油就甩晒皮，微熱，但都同上次趁熱食差好遠。所以食佢地要堂食同新鮮出爐先好呀！！！不過剛好見到佢地有個栗子包出爐，個樣望落好吸引，上面仲有滿滿的栗子蓉，大大個，而且價錢相宜，下次要買黎試下。

菠蘿包，堪稱港式經典，作為三粒星，一定食過佢地。先講菠蘿包，傳統是由豬油、麵粉、砂糖烘成脆皮，一格格像菠蘿而得名，講求酥頂甘香甜脆，麵包身要鬆軟。說的簡單，但好包難求。以我所知，香港都可算是有三大菠蘿包：太子金華、跑馬地祥興、西貢咖啡餅店。今站先講西貢。新鮮熱辣的招牌菠蘿包，剛出爐的麵包富有牛油香，非常吸引。一食落去，酥皮鬆脆但未會散落一地，包身因為仍然溫熱，質感又香又軟。話雖如此，佢身價為10蚊，都可算貴價，如果只是因為新鮮出爐而令佢身價如此高，未值此數。題外還食了一個鮮奶撻($12),酥皮真是不俗，層層乾身富油香，奶餡還真夠滑，但略嫌太甜，總括是還可以了。好味還好味，都要睇性價比，味道總括還好了吧(服務就更加不要提好了)。

今日去咗西貢玩，經過一間餅店，見門口大排長龍，目測條隊有大概30-40人，好奇心驅使下，便走去看過究竟。原來是菠蘿包！究竟這個$10菠蘿包有什麼特別呢？即刻上 Openrice 睇吓食評先。個個都大贊喎，我們就買一個睇吓有幾好食。雖然人龍好長，但畢竟大家都是外賣，所以排隊時間對我來說都可以接受，店員都好有效率。終於到我們了！香噴噴又熱辣辣嘅菠蘿包，攞到手已經有一份期待及渴望。流晒口水，好想即刻咬一啖。菠蘿包外脆內軟，好食到要encore買多個。香港有新鮮出爐嘅菠蘿包餅店，已經買少見少。食到一個咁回味無窮的本土文化食物，真的令我相當感動。

幾日長假約左朋友去西貢玩，一早已經mark實呢間餅店。十一點幾去到已經大排長龍，好不熱鬧。一係唔叫，要叫當然要叫最出名嘅：菠蘿油同葡撻。菠蘿油，新鮮出爐。菠蘿皮十分酥脆，面包鬆軟，冰凍嘅牛油因為面包嘅熱力，有少少溶化，一啖咬下去有種冰火嘅感覺。口腔內牛油嘅油脂味，菠蘿包嘅奶香味，構成複雜卻和諧嘅味道。葡撻又係新鮮出爐，熱辣辣。酥皮好鬆化，蛋漿香甜幼滑，蛋香四溢，隱約中吃到薄薄嘅焦糖味。不一定要珍饈百味，新鮮出爐嘅面包葡撻加埋兩杯凍飲，已經好滿足。

約左朋友郊遊，時間夠食多個早餐，就去搵食！😂今日試芝士火腿包+熱奶茶。外帶清蒸蛋糕包yummy!! 有溶左既芝士內函加火腿，包鬆軟，面有類似金寶的脆脆👍🏻茶包要浸耐D, 否則唔係好出到色同味題外話：(我聽聲冇望情況)有客人買菠蘿包同撻，並要求輕放入袋。客人再三要求輕放，職員未達客人心意，嘈左幾句，不歡而散。小小破壞我歎美食的心情😅見到師傅出爐新鮮菠蘿包，望落應該非常美味，不過quota 有限，唯有下次才吃。

難得入到西貢咁遠，一定要試下好出名既葡撻😋葡撻新鮮出爐 拎上手個下都要小心d!葡撻焗得好靚！蛋又好滑 而且個皮真係做得好酥 d牛油味好香好重 不過對我來講，食一個做早餐真係已經夠哂皮😋😋😁

去完boat trip後，落船有d肚餓，所以就想買d野先坐車出翻去。醒起西貢有好出名既波蘿油同葡撻就去買黎食。間野係坐出彩虹小巴附近，都幾就腳☺️⭕️菠蘿油 $1616蚊算中上價錢，對佢期望都幾高🤔食落果然冇失望，包好熱辣辣，插舊凍冰冰既牛油落去，咬落冰火兩重奏既感覺！同個菠蘿包同出面麵包店好唔同，塊皮甜d但咬落唔會點碎開同散，正！但食食下件牛油會因為包太熱溶成液體，雖然連包食都不錯，但就冇左冰火相交感覺😂⭕️葡撻 $13一開始諗要鮮奶定葡撻好，但都係試左名物先！價錢亦算中上，所以唔expect係KFC質素。果然，好味100倍！皮咬落好鬆脆，好似酥皮甘有勁多層！蛋漿香濃，有小小焦面，正！加上熱辣辣甘食，口感好正，下次要試埋鮮奶撻！😍😋

需要购买饮品才能堂食，我们各自买了杯冻热咖啡，食物是自助的，葡挞是冷的，但外皮很脆，蛋浆蛋味很浓，又不会太甜；牛油菠萝包的牛油是直放的，这样可以让牛油快些融化，外脆内软，牛油是师傅特别挑选，为了搭配菠萝包的；如果碰上新鲜出炉应该就完美了

久聞依間麵包鋪既大名，想試左好耐，但奈何甚少山長水遠走入西貢，所以一直只放左係to eat list上面。今日天朗氣清，又無乜嘢做，就決定入西貢hea番日啦一嚟到就梗係去食菠蘿油等左十幾分鐘左右，就等到佢新鮮出爐了聞名不如見面，想食左咁耐既菠蘿油終於係面前，不禁幫佢加個filter增加下夢幻感$16個，比正常既麵包鋪貴少少，不過係值得既新鮮出爐熱辣辣，面頭既皮夠脆，麵包鬆軟，配埋牛油點綴一下，正每次嚟西貢都一定要嚟食佢

點左個茄牛腸仔通早餐，加埋出名嘅菠蘿包葡撻！通粉一出就已經覺唔同，因為湯是較為杰不是很水，食落係有少少忌廉湯味😋。早餐連嘅餐包，食落已經估到之後食嘅菠蘿包一定好味。葡撻都非常香同重料👍總括係樣樣都好味，有人話價錢貴，但當比較一些名氣大嘅茶記所出品嘅質素同價錢，我相信你會覺得係抵嘅🤗

黎到西貢都會見到呢間鋪頭排左一條長龍...據聞出名既係菠蘿油同葡撻...見到店員將一大片牛油插係菠蘿包入面...好足料呀！ 不過因爲太邪惡😈😈😈...一諗到要食一大片油落口...就望而卻步...我都係買左菠蘿包...新鮮熱辣出爐...一口咬落去個包到，好脆..入面熱辣辣...好鬆軟...下次要再試下葡撻同埋呢到既咖啡...佢旁邊有啲位係安排俾客人堂食...不過好少位架咋..下次平日黎要坐係到嘆下咖啡...食個包先

當日食完晏就入左西貢既教堂參加朋友既婚禮，完場之後就去左西貢既人氣餅店食個下午茶先雖然天氣炎夏而餅店只得室外坐位，但依然有著不少坐上客搵好位，擺底啲野就可以出去排隊買野食~~~除左包、餅、撻，記得呢度既凍奶茶都唔錯所以就嗌左一個菠蘿包、葡撻同凍奶茶一共承惠HKd$44奶茶依舊香濃順滑，富有茶香菠蘿包熱辣辣，夠新鮮又點會唔好食，但略厭菠蘿酥皮偏味道甜而比菠蘿包定價更高的葡撻則令人大失所望，入口只有微溫，也沒有葡撻應有既蛋香-食物質素只屬中等，沒有驚喜，以呢個價位黎講可有更好的選擇喔

Crowned one of Hong Kong's best Bo Law Yau aka Pineapple Buns with a thick slap of butter! 香港數一數二好食菠蘿油我又點可以錯過？Although the crust was flakier and less crunchy compared to Kam Wah's, it was pleasantly sweeter and more buttery? In terms of the bun itself, I found it slightly too soggy for my liking.呢度菠蘿油嘅皮同金華冰室比較相對冇咁脆反而偏向鬆化 但味道略勝一籌較甜同香 I wonder if they're usually lighter during weekdays, when the bakery could have the time to bake them longer? 至於包本身方面, 個人略嫌有d太濕太淋, 加埋牛油同皮食落會有較飽濟嘅感覺。Hmm? Wouldn't it