西貢咖啡餅店

遊船河之前搵少少嘢食，知道呢度好出名，但係時間尚早仲未排隊，即刻坐低咗最出名嘅菠蘿油蛋撻加奶茶淨係奶茶嘅配置，我已經非常開心，咁樣擺埋一齊嘅感覺好豐盛，非常地道嘅感覺，餐枱嘅位置係半戶外，有一個帳篷，簡單幾張摺檯，當然唔係高級餐廳配置，但係就非常之有風味。菠蘿油同蛋撻都好新鮮，菠蘿油嘅牛油好大塊好厚，個「菠蘿」都好脆。蛋撻配奶茶係絕配，奶茶自己可以調節，茶底唔算好濃，就咁飲個味有啲似English Breakfast Tea。有機會可以再嚟。…查看更多

西貢依間餅店開咗好多年，佢哋嘅葡撻細細個，勝在熱辣辣出爐，個酥皮都酥脆嘅，蛋味就正常發揮。另外朋友試咗個奶撻，奶香十足，比起葡撻更加好食。依間餅店仲有好出名嘅菠蘿油，有機會會試吓。…查看更多

～西貢咖啡餅店～ .冰火菠蘿包，日賣500個！真係咁好食？我去咁多次西貢都係第一次食🙈店有三大名物分別係菠蘿包，葡撻，鮮奶撻！1️⃣2️⃣3️⃣.菠蘿包 $12冰火菠蘿包 $18 8/10我今次就食左菠蘿油同葡撻！聽講菠蘿包比其他地方製作複雜，人哋發酵兩次佢就發酵三次，菠蘿皮仲要係結合咗曲奇同合桃酥嘅做法，所以食落真係特別鬆脆，個包仲要好鬆軟！😋加埋牛油雖然好鬼邪惡🙈但係抗拒唔到😂.凍阿華田 $23 7/10仲要咁啱撞正菠蘿包同葡撻新鮮出爐👍本身話要等15分鐘但係最後只係等咗5分鐘！超Lucky✌🏻仲有位可以慢慢食😁👍不過要買杯野飲先比堂食！.葡撻 $15 8/10至於葡撻方面，因為都係新鮮出爐嘅緣故，熱辣辣食一定會加分，葡撻嘅酥皮一咬落去感覺每一層都好分明，好鬆脆👍蛋漿都好香👍.總括嚟講兩樣嘢都好味👍只係價錢偏貴一點💰💰不過都值得一試😋提提大家店舖只收現金架ja😉.😋食物質素：8/10😍打卡指數：6/10👍環境服務：5/10💰性價比：6/10👏🏻回頭率：7/10.地址📍西貢咖啡餅店 (西貢)西貢海傍廣場2號金寶閣6-7號舖地下Mon-Sun 07:00-21:30.…查看更多

西貢名物<<菠蘿包>>厚厚既一片牛油配上大大個熱辣辣既菠蘿包 好正一路食一路有啲雀仔係側邊等食😆😆下午茶黎坐下望下雀食個包幾爽既不過堂食一定要嗌野飲 唔建議嗌熱奶茶佢唔係港式奶茶個種 係茶包加奶好似英式奶茶個種咁 不過落單前店員都會話聲你知唔係港式奶茶🙂🙂買走食都方便 附近公園仔有櫈坐 係多雀d🤣🤣下次想試下其他❤️‍🔥❤️‍🔥…查看更多

同事知我放假去西貢遊車河，一早已經介紹定幾間好野叫我去試，由於我幾乎日日返工早餐都係菠蘿包，同事即刻推介我去呢度試食佢出名嘅菠蘿油仲有葡撻。去到見到佢有少少座位，可以坐喺度食嘆埋奶茶咖啡，亦可以直接買走。由於想周圍行吓睇吓，所以都係決定買走，差唔多到門口已經見到出邊排晒隊，但應該因為舖頭日日都排長龍，店入面嘅店員係非常有規律咁安排收錢同出貨，所以好快已經有得食啦！買左菠蘿油、葡撻同鮮奶撻試。菠蘿油好鬆軟，個皮又好食，牛油超級大塊，非常邪惡葡撻同鮮奶撻個皮好脆嫩，而且個餡都好香好滑，唔會焗過龍而乾同硬😍果然冇介紹錯，下次去西貢嘅時候可以再encore…查看更多