西貢咖啡餅店

營業中

休息中

西貢名物<<菠蘿包>>厚厚既一片牛油配上大大個熱辣辣既菠蘿包 好正一路食一路有啲雀仔係側邊等食😆😆下午茶黎坐下望下雀食個包幾爽既不過堂食一定要嗌野飲 唔建議嗌熱奶茶佢唔係港式奶茶個種 係茶包加奶好似英式奶茶個種咁 不過落單前店員都會話聲你知唔係港式奶茶🙂🙂買走食都方便 附近公園仔有櫈坐 係多雀d🤣🤣下次想試下其他❤️‍🔥❤️‍🔥

同事知我放假去西貢遊車河，一早已經介紹定幾間好野叫我去試，由於我幾乎日日返工早餐都係菠蘿包，同事即刻推介我去呢度試食佢出名嘅菠蘿油仲有葡撻。去到見到佢有少少座位，可以坐喺度食嘆埋奶茶咖啡，亦可以直接買走。由於想周圍行吓睇吓，所以都係決定買走，差唔多到門口已經見到出邊排晒隊，但應該因為舖頭日日都排長龍，店入面嘅店員係非常有規律咁安排收錢同出貨，所以好快已經有得食啦！買左菠蘿油、葡撻同鮮奶撻試。菠蘿油好鬆軟，個皮又好食，牛油超級大塊，非常邪惡葡撻同鮮奶撻個皮好脆嫩，而且個餡都好香好滑，唔會焗過龍而乾同硬😍果然冇介紹錯，下次去西貢嘅時候可以再encore

依朝去參加西貢海藝術節，買到船飛之後，嗱嗱聲去搵早餐食 🏃🏻‍♀️ 急急腳胡亂行之際，就見到菠蘿包好出名嘅麵包舖，原來係有得坐低食 😲 即刻叫餐、畀錢、取餐 & 搵位食早餐！🥯 早餐 - 菠蘿包 😋😋😋😋菠蘿包脹卜卜，金黃色，仲係微暖～ 菠蘿皮好酥，咬開唔會碎晒；麵包口感鬆軟，唔係空氣麵包。整體係甜甜地，唔會over～ 😉☕️ 早餐 - 奶茶 😋😋😋😋初頭無為意，以為係港式奶茶，取餐發現係英式奶茶，小編都👌🏻 茶包沖出嚟嘅紅茶唔澀，自行加淡奶，都唔會太厚身～早餐 💵 約港幣 $30/人 💁🏻‍♀️ 依間麵包店一直都好出名，依次都係小編第一次幫襯，估唔到有得堂食，係幾唔錯，不過要心理準備有雀仔過嚟等食 🤣 大家去西貢都可以一試，留意返：佢哋只收現金～🙆🏻‍♀️ 最後，喜歡嘅話，歡迎follow @foodirectory.hk！

西貢名物😚 每次去西貢都見到條隊但好快就到👍👍👍👍來到一定要食☺️☺️☺️☺️☺️如果要坐低食要叫野飲🥹🥹🥹🥹菠蘿油同葡撻都經常新鮮出爐已經無得輸❤️❤️❤️❤️菠蘿油 $20熱辣辣菠蘿包夾住凍冰冰既牛油🧈牛油都好厚😍😍😍😍好肥仔但好正中間溶溶地既狀態加上個皮又脆🥰🥰🥰🥰 小確幸🥰🥰🥰🥰葡撻 $16個皮好酥脆☺️見到一層一層個蛋好香唔會比焦糖遮左味👍👍👍👍

住得離西貢好遠, 又好小專登黎, 每當想放空下個人先會入黎, 入親黎都會第一時間衝去買, 每次都要排隊, 如果叫埋飲品就可以坐隔離類似半室外既位, 不過飲品就中規中矩, 如果遊客黎香港, 哩到應該應付到, 唔使周圍搵就食到正宗味道, 入面都有啲傳統餅店既包餅, 可以買返去做手信菠蘿油排隊唔會好耐, 期間會不停出包同撻, 保證新鮮呀, 食過幾次,  菠蘿包都係熱辣辣或者微熱, 有溫度既菠蘿包首先加分, 塊牛油而家黎講都算厚, 同切得平均, 唔會得個面突出黎先有, 夾落去變左半融狀態真係好幸福, 菠蘿皮感覺同出面有小小唔同, 脆身得黎有小小厚度, 唔會好似墨西哥包一咬就散咁, 而且有立體感, 甜度都合適如果我係西貢居民, 應該可以日日做早餐

稱得上西貢名物當日去平日，唔使排隊唔多人最出名係菠蘿包、菠蘿油、葡撻之前食過葡撻就覺得比較一般▶️ 菠蘿包 ($14)新鮮熱辣辣，拎上手仲暖笠笠菠蘿面好完整，咬落香脆好似曲奇餅麵包脹卜卜，鬆軟有嚼口🍞雖然價錢貴出面一倍，但山長水遠入到嚟西貢都值得食返個唔少人一次過買三四個，拎返屋企食不過個人覺得即場食趁熱好味啲原來除咗菠蘿包同葡撻，都有其他港式麵包另外見到有個屎太太屎型蛋糕🤣可以用嚟玩friend

聽聞呢度有間開咗好多年嘅麵包舖入面有個好出色嘅菠蘿油！今日經過見到一條好長嘅人龍，原來係啱啱菠蘿油出爐，即刻跟喺隊尾一齊排。咁咁啱最尾嗰幾個俾我買到一個嚟試吓！菠蘿油真係非常出色！對手摸落去已經熱辣辣，牛油又厚又Juicy，菠蘿蓉嘅熱漿牛油融入落個包入邊！呢個口感真係好難忘，去開西貢真係要再試！

之前好鍾意食呢度嘅菠蘿油，每次嚟西貢都一定會買嚟食，隔咗一年左右冇嚟，今次再嚟依然要排隊，但質素真係差咗好多，個菠蘿包整得好求其，味道好一般，冇香味，就算新鮮出爐都聞唔到香味真係好失敗，個包亦都唔鬆軟，求其塞舊牛油落去，切都唔使切，啲牛油都唔係靚牛油只係普通anchor 葡撻雖然熱辣辣，但味道好一般，食落覺得好滯反而鮮奶撻凍咗都好食啲，起碼有奶香完全唔值得排隊嚟食，比較好嘅茶餐廳啲菠蘿油都一定比佢好食，同埋去茶餐廳食都坐得舒服好多

🍴葡撻 $16 (8/10)葡撻酥皮係做到千層效果，好酥化，一啲都唔會太油膩太乾身仲要好香添，不過係港式酥皮嗰種唔係西式被Bake House嗰種，偏向趣啲同埋乾身少少，個蛋係甜甜地，但漿就唔算好多，真心係好好食！推薦指數: 8/10真心好食嘅葡撻，雖然貴咗少少，不過都可以一試嘅！

呢個菠蘿油係我食過最好食嘅菠蘿油🤤🤤🤤🩷🩷🩷🩷🩷呢個係家姐同姐夫帶我去食👍🏻👍🏻真係冇推介錯可能我本身都好好彩去到咁啱撞到佢出爐嘅時候，買完即刻食，佢勁熱辣辣，夾埋塊牛油，跟住可以坐喺側邊公園仔嗰度食，可能天氣有啲熱，加上佢個包本身又夠熱，所以牛油好快滲透喺個包裏面，加上佢面嘅菠蘿脆脆咬落去外脆內軟真係冇得輸👍🏻雖然佢都要$20 1個 我個人覺得真係好值得一試，為咗佢我特登走入去西貢都值得😂😂五個心心為最高分西貢咖啡餅店 (西貢)西貢西貢海傍廣場2號金寶閣地下6-7號舖

每次入西貢都一定要入嚟呢度買菠蘿包，佢個菠蘿油都超正，唔同平時一般買到嘅菠蘿包，佢個菠蘿包個皮係好厚，而且好脆。🥰🥰🥰🥰🥰不過好似要早啲入去買，試過五六點去到已經賣晒。🥲🥲🥲🥲🥲🥲🥲🥲另外佢嗰個葡撻都係好正，我覺得係香港食過最好食嘅葡撻同埋菠蘿包。佢個葡撻同澳門嗰啲有得fight🥰🥰🥰🥰🥰，熱到辣嘴，但係個葡撻皮又超級脆超級香。每次入西貢都係為咗呢個菠蘿包同埋葡撻。

咁遠入嚟西貢，見唔多人梗係要食下啲出名嘢啦，但其實個午餐都未消化又話要食下午茶，自己都覺得自己有啲過份！不過個菠蘿包又脆又鬆軟，真係外脆內嫩，鮮油又夠大塊又夠凍，真係做到冰火菠蘿油嘅感覺！凍檸茶就正常凍檸茶囉！

特登嚟食菠蘿油，但上嚟嘅時候見牛油已經溶晒，好失望。菠蘿包好脆，香口。茄牛腸仔通粉味道10分普通，通粉味完全熟透，非常硬身的感覺。食物水準比以前下降，不太會再來幫襯。

今天一家兩大兩小入西貢，行過此咖啡店，想和家人一起食新鮮萄撻，於是見收銀附近有位便四人坐下，叫了四個萄撻一杯凍奶茶，用餐途中，忽然被店舖職員用極差態度趕走，職員說只叫一杯凍飲，不能堂食坐四人枱，無奈只能一家起身走，現場無人等位，而且我們只是坐在鋪外非法加放的坐位。其實本人每次只是外賣菠蘿包回家吃，所以不知原來堂食有最低消費，而且飲品極差，很難飲，萄撻凍的，今時今日仍然留港消費的我們，完全感到兩地的差異，真心覺得，現在的香港是誰做成，想受氣便去食吧，可能店舖做小一個客，店家覺得無所謂，但連本地客人都感到失望，如何重建整個香港的形象。

難得有幾日紅日假期留港周圍逛吓，西貢一日遊喺香港做吓遊客留港消費～揸車入到嚟西貢，泊低咗架車之後第一站即刻要嚟呢間西貢咖啡餅店次次嚟到都係坐低食，但係今次想望住個海食所以就決定外賣拎走今次我哋嗌咗鮮牛油菠蘿包同埋葡撻本身個菠蘿包夾住一塊好厚嘅鮮牛油㗎但係因為個菠蘿包啱啱做起出爐新鮮滾熱辣 我哋拎住行去海邊跟住碼頭位置行得嚟個牛油都溶左大半啦下次都係買完要即刻食🥲食唔到佢最好味嘅一刻添食完菠蘿油食埋個葡撻葡撻唔太甜，但好香蛋味而且酥皮鬆脆嚟得西貢一定要食