西貢咖啡餅店

營業中

休息中

每次入西貢的必經之地⋯ 這家餅店永遠都大排長龍，究竟有咩吸引力？ 即管試下！絕大部分人都係幫襯菠蘿油同葡撻～ （排緊隊時隱約聽到有人講葡撻好食啲） 所以我就買個試下, 而妹妹就買左菠蘿油，加牛油！ 很過份！！ 😏😏😏 對脂肪毫無畏懼，大口大口地吃，牛油味香濃，而且坐在店旁，一盤盤新鮮滾熱辣的菠蘿油和葡撻不停捧出， 那股熱氣直逼過來。先講葡撻，頗有安德魯的影子，酥皮充滿牛油香，中間的蛋亦香滑，只是也覺偏油了一些。而菠蘿油很快地被妹鯨吞了，看著她的吃相應該是太好味了吧⋯⋯⋯ 聽她feedback 指此家菠蘿包跟X華的比較，這個比較軟，而牛油則是X華的比較香😂😂😂 anyway~ 如果塊牛油可以中間橫切放入就更好了！

西貢 西貢咖啡餅店菠蘿油🍍$16 x 葡撻 $12✨西貢名物✨邪惡度爆燈😈 越邪惡，越好吃，越快樂☺️ 果然名不虛傳啊😍 菠蘿包自家製，大大個，包身鬆軟，上層脆皮極酥脆😋 但係d脆皮略嫌有d鬆散，一咬就跌哂落隻碟道，不過真心正！值得一試🤗舊牛油才是重點！入口即化，絕對要把它吃光光😜💕#reneesaikung💕評分：😈😈😈😈（5分滿分）#love #food #foodie #hkfood #hkfoodie #eat #around #the #world#is#my #ultimate #goal #gain #weight #fat #fatty#crispy#tasty#delicious#pineapple#bun#weird#butter#yahoofoodhk#sai#kung

今日去西貢放狗，知道呢間菠蘿包同菠蘿油好出名，係出面行過嗅到好香麵包味，仲好多人排隊，於是買左個菠蘿油但$16蚊一個比其他麵包店貴，仲要唔熱，諗住係店鋪外坐低慢慢食，但要每人買一杯野飲先可以坐低，咁唯有一路行一路食，而食落去外皮都算鬆脆既，其實同普通麵包鋪冇咩分別，唔明點解可以買咁貴，食水深，都唔明點解仲有咁多人排隊，難道西貢得佢一間麵包鋪。可能希望越大失望越大啦！不過大家都可以一試，但再試就投降。

耐唔耐都會嚟食菠蘿包，鐘意佢熱辣辣，皮脆，又大塊，飽身好鬆軟，唔係死實，可能因為太鬆軟，其實飽既density唔高，唔會太飽，啱我。另外佢唔太甜，好乾爽脆口，好多時要排隊，但今次食早餐，可以悠閒慢慢食早餐，唔多選擇，4款，其實都係差唔多既野，最特別呢個，茄茸肉醬腸仔通粉，味道唔錯，可惜唔夠熱....配埋奶茶， $33芝士蟹柳飽，外面有溶左既芝士， 仲係微熱的，不論賣相，味道都吸引。呢度既scone都好食，葡撻同菠蘿包一樣都係熱辣辣出，所以都好多人買，但個人覺得一般，唔太特別，不過熱辣辣既葡撻，點都有個譜，鐘意葡撻的都可一試。注意，呢度有少量坐位，但自助形式，服務態度就真係一般，3個人一定要2人檯加櫈...

早排假日同幾個朋友去  嘆下😌見到此店大排長龍，可能因為只買麵包關係，其實都好快排完(約10多分鐘左右)必食此店葡撻跟菠蘿油😍好運起上嚟會食到新鮮出爐脤卜卜的，假日去人流夠去貨快，所以都會keep住食到熱呼呼🔥香噴噴又酥皮鬆脆的<菠蘿油> $16菠蘿皮鬆脆又香，甜甜的皮面，軟綿的麵包，仲有一塊厚切的靚牛油<葡撻> $12剛好新鮮出爐，好香又夠熱，酥皮鬆脆，蛋漿香甜加上當天假日天氣很好，心情加分

行完三個幾鐘山，雖然難度唔高，但都係要搵食，照顧下自己，仲要食完一間又一間。市中心最旺嘅鋪頭可能就係佢，本來一真唔知有間咁紅嘅鋪頭，但今日朋友介紹話行完山要食菠蘿包先知有lee 間名店。香港人食野就好簡單，邊間條龍最長就佢食邊間就ok。lee 間鋪下午4點左右就排晒長龍等招牌菠蘿包出爐，一個$10，加埋塊牛油就$16，仲有葡撻就$12。味道方便，我反而最推介葡撻，因為佢嘅酥皮應該有秘訣，特別脆/硬，有別於平時食到嘅口感，甜度都適中。至於貴一貴嘅菠蘿句，皮面嘅味道係ok 嘅，但我地等出爐，就係為左佢要夠熱，有d 食物好簡單，夠熱已經可以加好多分，但偏偏我見你排晒隊，以為係神物，點知只係賣貴左嘅菠蘿包，我叫果個菠蘿油仲要唔夠熱度去溶塊牛油。或者佢曾經真係神級食物，但出晒名之後，都係賺錢緊要lu.

食完早餐準備去行山, 經過這間餐廳朋友告訴我這裏的菠蘿包很好吃,叫我一定要試。 其實都剛吃飽了， 都唔係好食得落。 不過我見都幾多人排隊買菠蘿包， 就好奇買了一個來試一試， 個菠蘿包真係幾貴， 要成十元一個. 心想, 如果不好吃的話， 就真係好蝕底........當我吃下去的時候，個菠蘿皮真係好脆. 而且個麵包 還是暖粒粒的，真是外脆內暖，這個菠蘿包可以說是我近幾年吃到最好吃的一個。 雖然 一個菠蘿包 十蚊有點貴 不過是值得一試的

呢間餅店即焗即賣，離遠已經聞到香噴噴，新鮮出爐既葡撻實在太美味啦～葡撻 $10酥皮一層疊一層，好鬆脆，中間既蛋漿好香，食落有蛋味，因為好熱所以有少少似食緊焗西米布甸既感覺

又到星期日了，今日約左朋友行大枕蓋。來到西貢，呢間必食西貢咖啡餅店的菠蘿油，菠蘿包面層特別脆口，包身又夠軟熟，加上那片半溶的牛油，令菠蘿油更可口美味，每逢假日必定大排長龍。呢次我地反而無食菠蘿油，反而我哋想試下鮮奶撻，就點左鮮奶撻同火腿蛋公仔麵。鮮奶撻，顏色比葡撻白。但鮮奶味唔夠，好甜；感覺好滯；所以不太喜歡。下次都係揀返菠蘿油好啲！

本來食咗海鮮已經飽飽哋嘅喇，行過見到排嗮長龍，忍唔到口又買咗幾嗰，本來想著拎番屋企食，好香，食咗一個，菠蘿包皮真係好酥脆，牛油好香，小朋友都好鍾意，下次會再翻轉頭買

西貢咖啡餅店，總係有長長的人龍，好多人的意見也是好壞參半。不過來到西貢，總要來嘗試一下這個西貢的名店。這個行完山食完會肉赤的菠蘿油 ($16) ，不過都算大個，又熱辣辣，而且我有時當你買的時候才夾下去的，保證新鮮。菠蘿包也好鬆脆，加上成塊牛油真係邪惡啊！個人認為好食過金鳳同金華喎。不過食完要跑番幾個圈啦。而且有點小貴，值不值得就個見仁見智。當然，西貢還有好多出名的小店可以一試。要注意，堂食是有最低消費的。

一時興起去西貢走走，出發前當然要先來個早餐——聽聞這家西貢咖啡餅店的評價不錯，但要堂食的話必須加點飲品，為了能舒舒服服地享用，於是點了菠蘿油、葡撻和凍奶茶。可能因為是平日，有點冷清，等餐點齊全後，拎著餐盤隨意找了個位置落坐。也許客人不多的關係，葡撻和菠蘿油都是經已出爐一段時間再翻熱的，葡撻的撻皮亦因此不夠酥脆，可幸仍不失滋味。菠蘿油雖然只是微暖，但依然外酥內鬆軟，只是油份較多，牛油融化之後更加沾滿手，至於凍奶茶的份量挺大，奶跟茶的味道平衡，尚算可以。若然新鮮出爐或者會有驚喜，不過$50一頓早餐，一次就夠了。

日期是初三赤口, 時間是下午3時左右, 地點是西貢.在西貢咖啡餅店的門口, 已出現一條不長不短的隊伍.剛吃完海南雞飯, 肚子還有一點空位, 我當機立斷, 加入隊伍.人和包的組合: 香港人和菠蘿包, 上海人和小籠包, 日本人(及叮噹)和豆沙包, 美國人和漢堡包.一個冷掉的菠蘿包我們都不會放棄, 何況一個熱騰騰由廚師一盤接一盤拿出來的菠蘿包?時間緩慢的流動, 隊伍好像停下了, 我心情緊張, 是出了甚麼狀況嗎?一分鐘後廚師又拿出兩盤包, 我鬆了一口氣.到我時, 我淡淡的說:"一個菠蘿包, 唔該." 臉上沒有任何表情.菠蘿包到手時, 我的心撲通撲通在跳, 熱力透過膠袋傳到我手掌.我一口咬下, 香脆又鬆軟. 美好的時間很短暫, 兩分鐘後已吃完.熱鬧的西貢, 一個人在西貢吃菠蘿包.

本身黎到呢間餅店想黎試佢最出名既菠蘿包，點知無哂誤打誤撞試左呢袋包，身為包控同蛋糕控，呢件包竟然可以滿足到唒我既慾望出面啡色係朱古力蛋糕，非常柔軟之餘仲帶點彈口，朱古力香味亦超級香濃，入面白麵包部份同樣出色，柔軟度不遜於蛋糕體！完美結合左兩件事 最impress我都係佢果柔軟口感！我放左日都keep到個texture!!!!呢間係西貢雖然出味菠蘿包，但大家如果黎到又係好中意食包就要試埋呢個～不過廿蚊真係幾貴一包4大片，我用5分鐘食完不過唔係成日試就算啦

正如之前我在之前的食評提及過，我在舖頭做收銀工作，下午休息期間會乘機在西貢墟各處尋找可以一試的美食。上次介紹過碗仔翅跟鯪魚肉的混合體，魚肉加翅；今次我要講的是，西貢另一間有名的人龍店，西貢咖啡餅店。「西貢咖啡餅店」離遠一望，覺得它有點像法國的路邊咖啡店，只可惜「西貢咖啡餅店」跟小巴總站還有一點點距離。所以「西貢咖啡餅店」充其量，只是提供座位給客人稍事休息的小餅店而已。「西貢咖啡餅店」下午無疑是有套餐，不過相對西貢其他食店，「西貢咖啡餅店」的套餐只是尋常的食物，遠遠不及他們的鎮店之寶，菠蘿包跟葡撻般出名。「西貢咖啡餅店」之所以成為人龍店，都是全靠菠蘿包跟葡撻的功勞。但是「西貢咖啡餅店」面積座位都有限，想試食菠蘿包葡撻，又想安坐在座位上，悠閒自在地享受菠蘿包葡撻，就要另外購買飲品，才能獲得安排座位給你。 結果我給錢買了餅店孖寶菠蘿油跟葡撻，另加一杯凍奶茶，餅店立刻安排了座位給我，我立刻放好葡撻奶茶，坐下來開始品嚐「西貢咖啡餅店」的鎮店孖寶。「西貢咖啡餅店」的葡撻即時製造，每日整點準時出爐奉客。我最初沒為意，新鮮出爐的葡撻原本這麼熱和燙，太過心急的情況下咬了一口，結果舌頭給葡撻燙傷了。葡撻是