西貢咖啡餅店

營業中

休息中

入西貢行山睇吊鐘花之前，首先要醫好個肚先！一向都聽好多朋友介紹依間嘅菠蘿包好好食，所以今次有機會就試下！由於當午餐食嘅關係，就叫咗好多種，菠蘿包、朱古力牛角酥、葡撻同朱古力酥！仲叫咗杯奶茶同凍檸茶！本來想食菠蘿油，但又怕肥，所以叫咗菠蘿包，熱騰騰咁係幾好食，又夠鬆軟，葡撻都好有水準！而我最欣賞就係個朱古力酥，加熱咗之後D朱古力融入個熱嘅麵包真係不得了！而我嘅凍檸茶都幾好味，茶餐廳凍檸茶咁！下次入西貢再食先！

今日要黎西貢番工當然去買番個菠蘿油食佢地落左order佢先會放塊凍冰冰嘅牛油落熱辣辣嘅菠蘿麵包度架次次黎西貢都一定會食！配埋咖啡同呢個天氣 藍天白雲這個星期一很不錯

呢間每日都好多人排隊嘅餅店，不停出爐新鮮菠蘿包、菠蘿油同葡撻， 香港人排得隊嘅餐廳通常差極都有個普！ 果然新鮮出爐熱辣辣嘅菠蘿包非常好味，而葡撻個人覺得酥皮略厚都都算好味，中間唔會過甜。跟住坐低食埋早餐，ABC餐任你揀，自助點餐取餐。但早餐味道真係非常一般，通粉係整定筆上黎個種唔係太熱。所以包類可以買，早餐就隔離幾間茶記好味d!

今日風和日麗黎緊西貢出發去宿營前有小小時間可以食個tea入面有好多選擇，麵包會既時翻熱好窩心我自己叫左個cream酥唔算好膩，有質數cream飲品就揀左個檸檬乳酸份量剛好，不酸也不甜見到好多人排隊就知係好味拉好姐妹推介

聽聞出名，買菠蘿油，淨包$10，連牛油$16即係$6舊牛油！但俾既牛油細細塊，唔夠凍既牛油係大忌！菠蘿包新鮮香脆軟熟。野飲就大概平均廿幾30蚊杯，價錢拍得住starbxxks, 但奶茶竟然係茶包貨色！帶住老人家，買左包後想坐低，店內女店員用呼喝既態度、再加埋手指指大喝出黎「坐低要嗌野飲呀下！」，再加上一臉不脫面色。先唔講張檯個位衰到一張椅在樓梯上，另一張在地下，好逼個隻，都要諗下點俾老人家坐。而且買野飲冇問題，問題需要用到呼喝同手指指既態度嗎？（大聲嗌同呼喝係有分別）以為出名就可以大晒？排到隊時，正常會叫野食，用命令口吻叫顧客等，要店員落命令續個客先可以出聲，坐低被呼喝，野食係好食但性價比係貴，以西貢租金黎講都有點過份。食個包換黎一肚氣，請反省一下態度問題，唔係浪費了麵包師傅咁好食既菠蘿包。

今日黎西貢搭船睇風景，經過見到呢間麵包舖外面有一條長長嘅人龍。我地好奇去8掛下，咁啱見到店員拎住啱啱新鮮出爐嘅菠蘿包，個樣超級吸引。而且睇到海報，知道佢哋嘅菠蘿油攞過獎，所以我地一於又跟下風排隊先！呢個應該係我人生入邊食過最貴但又最好食既菠蘿油($16)。麵包熱辣辣夠新鮮，口感軟綿，面層香脆可口，半溶既牛油慢慢同麵包融為一體，令我一試難忘。不過我建議兩個人分享一個菠蘿油，因為加左牛油膩感會較重，一個人未必食得曬架！同樣新鮮出爐嘅仲有葡撻，本來有一整盤既葡撻，排到我地岩岩好剩返最後一個，好受歡迎。葡撻蛋香四溢，口感滑溜，最邪惡既係葡撻外圍香脆既蘇皮，咬落去完全feel到層層蘇皮，不得了！

每次去西貢打哥爾夫球，都一定要去呢間麵包舖買個菠蘿包食下，因為我真係覺得好好味，當然要係食新鮮出爐的。今日去到咁啱見到有剛出爐嘅煙肉包，就買來試吓，熱辣辣，面層脆卜卜，𥚃面係煙肉，又唔覺得好油，不過就覺得有啲熱氣，雖然好好食😋臨走都要買多個葡撻，雖然凍左，不過都係好好味。

星期日剛好行過，人流不多，就去試下。菠蘿包真的好吃，但態度真的很差。尤其收銀處的那位。。。。。。。。。。。。。。。。。。。。。。。。。。。。。。真係一次就夠。

真係睇住佢新鮮出爐！🔥難得放假去西貢嘆下，聽講呢道嘅菠蘿包好出名，就同朋友去試一試$18一個菠蘿油算唔貴喎，嗰啲連鎖集團賣到成廿幾三十蚊😑行到過去麵包舖門口，見到好多人圍住，原來就黎有包出爐！等左幾分鐘店員叫我地行開啲，然後就有個男人喺廚房拎左兩盤菠蘿包出黎！新鮮滾熱辣嘅菠蘿包，夾住凍冰冰嘅鮮牛油，超級邪惡！菠蘿包真係無敵，同出面茶記/集團無得比！菠蘿皮係脆到一塊塊咁爆出黎，唔係一pat咁痴實個包架！熱辣辣嘅包外脆內軟，夾住凍冰冰嘅鮮牛油，咸咸甜甜的，好夾好好味！我敢講係我食過最好味嘅菠蘿包！新鮮出爐更令味道昇華到天堂級嘅level!! 真係無得輸！可惜西貢so far away la 😭唯一不足係店員態度麻麻，寸寸貢唔望人，企係佢前面等佢，佢完全當我無到，搞到我俾人打左尖先serve我🤦🏻‍♂️

終於朝聖左西貢呢間好出名嘅菠蘿包😍嗰度係一間麵包小店外賣形式，不過出面就有少少枱俾人坐響度食～其實嗰度最多人要嘅係菠蘿油，不過因為唔想咁肥就叫咗菠蘿包～😬菠蘿包出爐密度好高，好快就一盤二盤咁拎出嚟亦都好快賣晒～😮估唔到呢個菠蘿包真係好好食！😍🤤😵菠蘿皮好脆好香，最重要係個包超級鬆軟！😍🤤👍🏻而且值得一讚嘅係成個包一啲都唔油，熱辣辣咁真係勁好味～～🤤👍🏻💯雖然杯奶茶只係茶包奶茶質素一般，但係始終個包先係主角，成件事一齊食感覺真係好幸福～☺️😋🥰菠蘿包一直以來都係最鍾意太子嘅金華冰廳，同呢度各有千秋，而家響我心目中要食高質素嘅菠蘿包又有多一個選擇啦～😆另外佢哋葡撻都係好出名聽聞都係好出色，下次有機會要試埋先得！😛

Sai Kung Cafe & Bakery 在西貢，菠蘿包已經相當聞名，今次唔講菠蘿包，講吓蛋糕先光棍節和三位光棍入來西貢慶生食海鮮，千里迢迢真係唔想拎著個蛋糕入嚟，買美X 餅店蛋糕的話，又怕光棍話唔夠誠意，結果朋友在Sai Kung 訂了一個蛋糕。菠蘿包做得如此出色，蛋糕應該有番咁上下嘅！6:30pm 時份，門口坐滿客人。朋友訂了這個熱情果芝士蛋糕, cheese mousse cake ，做得唔錯，熱情果酸酸甜甜，餐後甜點，甜度剛剛好，重點係，蛋糕字體算是秀麗，現在已很少餅店寫得好看的中文字了，值得一讚

經過西貢餅店，見到菠蘿包出爐熱辣辣既氣息 加埋酥皮包既香氣隨風飄至 實在令人無法子唔買一個牛油夾到剛出爐既菠蘿包上就慢慢融化牛油好香 包好鬆脆真係令人好滿足！呢間包店最得意係 個牛油打直夾在菠蘿包，唔似其他地方係打橫zip入去好處係影相呃like一流但壞處是比較難食到牛油部分但總括而言 係好高水準的菠蘿包！

向西貢行完山飲完茶之後，經過這間西貢咖啡餅店，因為平日的關係沒有好似假日一樣排長龍 ， 所以我們坐低慢慢食。 如果坐低享用一定要買野飲， 當然冇問題啦！有時間慢慢坐低享受下，食個菠蘿包不知幾正！ 我們三個人真係食得好瘋狂，首先我們叫了兩杯熱咖啡，一杯熱奶茶，兩件葡撻和一個菠蘿油， 之後見到有新鮮出爐的菠蘿包，又買多一個！再有新鮮出爐的鮮奶撻又再買一個吃，然後還有蒜蓉包又是新鮮出爐，當然我們都買了一個啦！熱咖啡~ 熱辣辣又香濃的咖啡用來送麵包一流！熱奶茶~ 使用茶包做的，當然茶味比較淡，但我都接受到。菠蘿包~ 這間餅店新鮮出爐的菠蘿包，真是特別好吃，熱辣辣的，外皮鬆脆，麵包入面又夠軟熟。菠蘿油~ 菠蘿油雖然是極度邪惡的食物，但每一次見到都忍唔住一定要買番一個來吃！熱辣辣的菠蘿包已經將牛油溶入麵包裏面，又香又滑。葡撻和鮮奶撻~ 一啖咬落口感覺又香又濃的奶味， 還有最欣賞酥皮做得夠香脆。蒜蓉包~ 一出爐已經聞到香噴噴的蒜蓉味，配合長麵包脆卜卜又鬆軟的感覺，真係食到停唔到口。這間餅舖有咁多人排隊幫襯，一定有原因，先決條件就取捨於熱辣辣又夠新鮮的麵包和蛋糕，有口碑自然就吸引到來自四方八面的人，

入西貢都好多次 亦都見OpenRice 排名好高今次行完山終於都有機會一試喇堂食係自助式 都係要去排隊 再落野飲好彩早左少少 轉眼間已經大排長龍一行五人 叫咗5個菠蘿油同5個葡撻個菠蘿油暖暖的 牛油融入麵包 真係會漏油 菠蘿皮好脆 好味之後再食埋個葡撻 好脆好香 又唔會太甜 真係一絕！好邪惡 但又好好味入嚟西貢真係唔好錯過！

一直聽朋友講西貢菠蘿包好出名，一於就試下係咪真係咁堅。星期日黎到，出面已經排左條人龍。由於我地行街都行到好攰，所以想搵個位坐下。原來如果要坐入面既話要$20低消。唔緊要啦，真係攰到想坐😂😂😂😂哇，個菠蘿包真係好正，朋友果然冇介紹錯👍🏻個皮係脆, 仲要好香牛油味，但食落又唔會油。個包好軟熟，口感一流。配埋杯野飲真係好寫意既下午茶😊不過由於人太多，所以都唔好意思坐太耐，又急急腳咁走左啦。下次都會再黎食，排隊都唔緊要啦。