西貢咖啡餅店

營業中

休息中

西貢除了海鮮價海鮮，還有不少特色小食。每次來西貢都是來去匆匆，今日認真一看，發現有不少改變。例如賣魷魚絲的攤檔小食款式少了很多，還有我平時最愛的蕃薯乾，只剩下一個攤檔，真可惜，更多的，就只有海味和寵物。這家店舖很舊，門面毫不起眼。但排隊買菠蘿包的人流卻很多。這裡的菠蘿油一個$17，很貴。但一場來到，我買了兩個。菠蘿包大小適中，菠蘿皮呈金黃色，入口香脆，牛油是無鹽牛油，麵包綿密，吃起來十分美味可口。不過唯一美中不足是，店員迅速將菠蘿包切開時，其中一個切得不完整，賣相一般。加上價錢關係，在市區也能找到比這家更美味便宜的菠蘿油。

每一次入到西貢都必定好掛住呢度嘅菠蘿包每一次都係新鮮熱辣辣，加埋佢厚厚嘅牛油咬落去軟淋淋琳滿口都係牛油香令你食完一個又想再食多一個佢嘅葡撻都好出名但係我個嗰日已經好飽所以沒有試

今日去左西貢放假一天。之前已經見過好強推介，有間係轉角位既菠蘿包好出名！今次終於可以去到試一試啦！真係好多人排隊呀！個菠蘿油好大個，仲要係岩岩出爐呢！個皮脆卜卜架！再加多個葡撻！全部都岩岩出爐，蛋漿咬落去陣時熱辣辣，好甜好好味呀！

今日去西貢嘅時候就見到呢間餅店排曬長龍，就過去買左一個菠蘿油$17，都排左大約五分鐘。值得一讚嘅係佢嘅菠蘿包係新鮮出爐，熱辣辣，而舊牛油就一路食一路熔，溝埋一齊真係好好食，雖然heavy左啲，但係去到真係要再食。

好耐無去西貢玩啦近排一去 發現西貢多人過旺角每間餐廳都有人龍 好難搵位而且好多野都賣哂一心想著黎到呢間馳名菠蘿油既餅店試試見到長長人龍都心知不妙點知排到一半店員通知菠蘿包真係賣哂可能黃昏時分較多人黎嘆茶食包難得來了 也排左一半 一於買個葡撻試試排到時發現店家仲有兼賣牛奶撻 決定一試撻皮酥脆 食到有好多層酥皮 味道其實都有幾分似葡撻 但牛奶撻味道較淡葡撻就蛋味超香超濃 各花入各眼個人就覺得牛奶撻都幾好味唔會太甜 而且好滑身 好似食緊燉奶咁總括黎講都非常值得排

聽講呢度最出名嘅喺菠蘿油，就一早起身想買來當早餐試下。買咗一個菠蘿油加杯凍奶茶。菠蘿油中間夾住一大塊牛油，勁香又鬆軟，甜度又適中，好食。凍奶茶其實一般般，冇乜特別嘅，不過冰鎮嘅奶茶同菠蘿油一齊食好正！食咗一個好食嘅早餐。

菠蘿包 | $11菠蘿皮超級脆身麵包依然暖暖的亦好軟熟 非常高質⭐️葡撻 | $14香港都有頂級葡撻 絕對比得上安德魯好彩啱啱遇到新鮮出爐熱辣辣加上超有層次的酥皮極脆蛋好滑甜度啱啱好真係超級推薦🤩堂食有最低消費1杯飲品建議外賣然後去對面公園食🤪

西貢手信-必食菠蘿油葡撻西貢除左食海鮮同泰國野，其實係小巴站附近有間極度可惡，而且經常招惹吾同人去排隊的惡魔餅店（絕對吾係間野個真名，因為真係要排隊，個人覺得有點邪惡姐。）📍菠蘿油（$14）🔸菠蘿皮焗得金黃而且帶著陣陣的焦香。🔸麵包鬆軟。🔸因該新鮮焗起，牛油一落好快就融化，牛油滲透麵包，高級享受。📍葡撻（$14）🔸蛋味香濃，質感滑似燉蛋。🔸撻皮鬆而不油，每口都充滿牛油香。.😋味道：7/10🙃回頭：8/10💰消費：$28

見到多人排隊便跟著排隊打算試試菠蘿油，以為好好食。員工態度有d差，好像賣得有點不太耐煩。至於味道就沒有什麼特別，是普通的菠蘿油麵包，與其它麵包店的差不多，但價錢卻差很遠，所以覺得不太值這個價錢，太貴。跟風排隊🤦‍♀️🤦‍♀️後悔了，屋企人都覺得沒有什麼特別，其它老字號麵包店的質素比這件還要好些，而且價錢也抵食，性價比高，這間店只是在做旅客生意，而其他人也可能是因為看到多人排隊所以又去排一排買來吃。

之前都有食過呢間鋪頭的麵包和蛋撻，味道不過不失，店舖內的位置因為比較少，所以是需要先點餐，之後才搵位置坐。之前來過兩次，但是每次來服務態度超級差，沒有服務不特止，職員的態度也很差，亦會對顧客指指點點。店舖內職員大聲呼喝顧客，有些顧客不高興也離開了。食物方面，選擇較少，奶茶的味道有點怪，熱咖啡是暖的，而且帶點苦味，葡撻是冷的，菠蘿包還可以，但是價錢與質素不成正比。服務態度咁差，唔優做咁。以後不會再來光顧。

成日排曬長龍今次見少人啲又真係想試一試佢排咗10分鐘到見住佢一輪輪咁攞啲新鮮菠蘿包出黎職員會定時摸下啲包溫度 確保仲熱辣辣比起其他麵包舖貴好多菠蘿包(11)葡撻($14)賣相很吸引菠蘿包真係摸落仲熱架!不過葡撻就唔係🙁勝在咬落撻皮仲好酥脆 香牛油味會一塊塊甩出黎所以小心跌到周圍係啊!而且入面蛋味好香濃 食落滑身又唔會太甜係幾好食嘅明顯同快餐店嘅葡撻有分別唯獨是比較油 掂一掂成手油淋淋了😀雖然係好食 不過係貴囉有啲唔太值唔會特登黎食佢

平日都好少入到西貢食嘢或者，一去到就唔係食海鮮就係坐船玩船P。好少認真去行下西貢。今次係西貢做完嘢見仲有時間，就係附近睇下有咩餐廳，買啲嘢食頂下肚。咁就留意到今次介紹嘅餐廳。麵包舖嘅第一印象對我黎講一定係新鮮岀爐麵包嘅香味，依間都唔例外，咁就入咗去睇下有咩食麵包種類有10幾款，我就無詳細睇全部麵包啦，但佢地嘅麵包就好特別，至少我都未有係其他店舖見過，今次我就簡咗酥皮花生醬包但賣相靚仔之餘，食落係都係勁好味之後我就留意到原來佢地都可以堂食，仲有唔同set可以叫。如果有時間想食杯咖啡食個好味嘅麵包，不妨去食下

襯住周末同老公一早去到西貢嘆早餐順便行下，經過大雨洗滌嘅西貢，景色迷人又清新，隨便用手機都影到靚相由碼頭附近落車，已經有一整行嘅茶餐廳向途人招手，但最後我地俾一盆剛出爐嘅麵包香氣所吸引最後我就order左呢個花生醬麵包同凍檸水，如果需要堂食的話就必須叫一杯飲品講番花花醬麵包，剛剛焗起，外脆內軟，格花形嘅酥皮面仲灑上糖霜，而且入面係超足料嘅粗粒花生醬！建議大家配熱飲中和下，因為太足料嘅關係，食到尾真係有d膩！老公就叫左個火腿腸仔一丁麵加熱檸水（所以最後我地交換左飲品），一丁麵煮得剛剛好，唔會太硬或太糊，配埋腿腸，絕對係享受！

入西貢唔想一早食海鮮，下午茶又唔想食得太隨便，依間餅店就滿足到。本身係餅店，有枱可以堂食，但無論如何都要自行排隊付款取餐，葡撻同菠蘿包都係大熱。葡撻表面薄薄焦脆，蛋香幼滑，甜度適中，酥皮咬下層層脫落，層次分明，又唔會鬆散，唯中式皮層無加甜味，麵粉味對整體有影響，價錢上亦確是旅遊區價。無論菠蘿包定菠蘿油，熱同菠蘿皮鬆脆都重要，尤其個皮鬆得嚟唔散先難，見個菠蘿油切過刀連包都變哂形，但個皮都無散，難怪梗多人買！既然有得坐，又點會只賣麵包？除有各式飲品外亦有少量麵食，肉醬意粉外形不討好，肉量亦少，但酸甜適中，味道剛好。雖然環境上沒有甚麼風景，但下午茶還是可以優閒的坐坐。

葡撻算是驚喜到我，好耐沒食到好食葡撻啦。雖然價錢不平，但依然值得一試。菠蘿包味道不錯，算不上驚艷，但比起金華的相對鬆軟，更令我喜歡。環境就係包鋪外幾張外擺櫈桌，流轉好快。服務態度一般。標皇冠👑推薦的咖啡奶茶都感覺很一般，23一杯凍飲，感覺略貴。