蠔灣 (金巴利道)

營業中

休息中

出面食過幾間餐廳啲生蠔啲質素都唔穩定，有時仲可能食到有腥味。呢間食左三次啲蠔水準都keep倒，起碼未試過食倒唔新鮮既，佢有十幾隻蠔可以選擇，雖然唔係隻隻有現貨，我次次都會要求職員介紹當日最好既，其次係Tia Maraa Pearl由其出色，次次都叫一打打底。另外龍蝦意粉都好好味，次次都會叫，細份夠3個人分，大份4~5人分岩岩好。今次仲試埋牛排都係高水準之作。佢仲有pizza，美式刺身之類既野我就未試過。（主攻生蠔）價錢屬於中間位，唔算好平，但食物質素絕對對得起價錢，直得一試。備註一下：我睇得出老細對食物係有一份執著。但係客人唔識餐廳既規矩/文化係正常，餐廳題供既服務可以更加貼心，耐心咁去講解比客人知，多啲交流，因為真係有啲人唔識食蠔既次序或者最正確既方法，餐廳可以友善地講解或者教導一啲睇落唔太識處理既客人。

每次一想食生蠔，或者海膽都會過嚟食😚種類較多，又夠新鮮😍食埋意粉就非常之滿足仲有Risotto簡通常叫一個生蠔嘅拼盤，再加一個主食就夠曬😋見好多人會pair wine!

店內嘅環境非常舒服，適合輕鬆享受美食😋老闆推介嘅生蠔真係非常之掂，仲可以叫埋其他海鮮拼成一個拼盤。仲有活海膽食，鮮味十足，再整多兩隻赤背刺身，前菜剛剛好！另外，鵝肝多士亦係一大亮點，香濃嘅鵝肝配上酥脆嘅多士，完美嘅搭配，本身仲想encore多一碟😂我覺得佢個牛油蒜蓉龍蝦好抵食，重點同你分好晒，食得非常之方便 比想像中新鮮喎總結來講，呢間餐廳無論係食物質素、環境都非常出色，值得一試！下次一定會再來！

看照片想像是一間比較好餐廳，但到了才發現環境很一般 。入門口已一陣油煙味，而且整個餐廳都有點亂 。本來想離開，但朋友生日她又喜歡食蠔所以留下 。點了一瓶白酒，18隻生蠔set，然後兩個龍蝦湯，本來要求想先飲湯才食生蠔，但老闆堅持要我們先吃生食物才吃熟食⋯⋯原來顧客不能選擇 。感覺不良好後，吃完生蠔跟湯，再點了一個沙律就埋單 。平心而論，食物質素唔錯，但環境很一般而且吃完全身油煙味⋯⋯我不會再去 。

為了慶祝爸爸生日，選了一間有生蠔吃的餐廳，來到了位於金巴利道的蠔灣。雖然店面小小，但裝潢並不隨便。時令生蠔拼盤 (24隻)，廚師推介了4款生蠔🦪，每款都好肥美肉厚！蠔的擺盤由外至內順時針擺放，由淡味食到濃味。即使是口味較淡的生蠔，都充滿蠔的鮮甜味，完全不需加cocktail sauce去搭配食用。濃味的生蠔甚至帶點回甘甜味！試勻4款，滿足！澳洲海膽 ($268)，每片海膽都大塊又完整，厚身兼creamy，味道濃甜！配搭紫菜吃，帶微微紫菜香，令味道層次更為豐富。House White Wine  ($78)，生蠔及海膽，配上白酒，絕配！酸辣龍蝦湯，可選不辣，未入口就已聞到龍蝦香氣，每啖湯入口都非常濃郁，口感綿密，好喝！法式鵝肝多士 (4件)，鵝肝的表層煎得香脆，入口即化，細滑質感依然。鵝肝豐腴得來不會令人食到滿嘴油，配合微酸的醬汁及脆口多士，減輕膩滯感。安格斯肉眼扒伴沙律配自家製洋蔥汁，5成熟的熟度恰好，肉帶點粉嫩。肉眼扒上桌時已是切好，方便分享食用，肉質軟嫩，肉汁豐沛，微微焦香的肉眼扒搭配洋蔥汁就更為惹味。龍蝦忌廉意粉 (細)，龍蝦肉大件又爽甜，份量不少。每條麵條掛滿忌廉醬汁，夠cre

🎉知道老公鐘意食生蠔，今次就當慶祝生日同佢食好d🥰今次搵到呢間來慶生我自己都好滿意（😂好似自己開咁）👍🏻法國🇫🇷生蠔拼盤有四款，老闆服務態度好好，講清楚由外食到內。由淡到濃味😋回想番上次日本食蠔的經驗，好似法國蠔重味少少🤏雖然老闆講完d 名我們都唔記得🤭晒氣～～除左生蠔，佢都仲有每人空運到港的刺身，見人哋食活海膽同象拔蛘都好新鮮咁.我哋訂左北寄貝，😂😅原來我一直諗錯左帆立貝同北寄貝。不過好彩北寄貝都好食😋另外，見佢應該都出名龍蝦🦞有龍蝦湯，意粉..刺身等…除左新鮮的海鮮，難得係熟食都好好👍🏻叫左個羊架，個面煎得脆脆地又醃得唔錯😁🤗好完美地一個生日飯～～～🤪老闆預先係book 枱時已問我洗唔洗預備蛋糕寫字✍️老闆的推薦力真的好強呀！可能位置唔算方便，所以一句講晒，性價比高😉除左價錢得宜，無論生同熟食，竟然蛋糕🍰都好好食😝星期三晚都唔算少人，到九點都仲有人入來食😃仲有野未試呀，會考慮再番來試。

Order 左Oyster Cove 嘅精選法國生蠔拼盤，有24隻生蠔，包括 Tarbouriech No.1 ，價錢 HKS 1,138。每隻生蠔都好新鮮肥美，質素絕對唔使擔心。而且佢哋嘅包裝真係做得好用心，裡面有個精美嘅托盤同冰塊，可以保持生蠔新鮮度。一打開包裝，就聞到濃濃嘅海鮮味。  除咗生蠔質素好之外，佢哋嘅送貨服務亦都好不錯。每次訂購，佢哋都能夠準時送到，而且佢哋嘅包裝都做得非常細心，確保生蠔在運送過程中唔會受損。  雖然 Oyster Cove 嘅生蠔拼盤價格相對較高，但係每次食到嘅質素都非常滿意，絕對係物有所值。

男朋友工作忙完突然話好想食蠔，梗係要揀返間有信心保證嘅，呢間上次食過覺得幾高質，所以再嚟多次嘆番餐勁嘅😎———————————————🟠生蠔拼盤 ⭐️ Josephine No.1⭐️ Krystale No.2⭐️ Masses No.1 ⭐️Tarbouriech Oyster (Pinky) No.2⭐️La Reserve No.1 店員先同我哋講順時針咁食生蠔，鍾意食淡味啲嘅可以食頭果一兩款，特別係Krystale，真係好鮮甜又有淡淡海水味，好夾，餘韻好勁，我好鍾意，而喜歡比較濃烈既生蠔味呢，就一定要食最後果兩隻莫屬啦！入邊仲有車厘蜆、北海道活赤貝、北海道帶子，全部都好新鮮，點埋佢哋嘅醬簡直係更加可以將佢哋嘅鮮味層次帶咗出嚟。🔵鵝肝多士多士烘到脆卜卜，加埋鵝肝啲油脂都必晒出嚟，好好味，食到停唔到口！仲要份量適中，就算一啖食都唔會太肥膩，唔錯！ 🔴 龍蝦忌廉意粉大量嘅龍蝦肉喺個意粉入邊，溝埋忌廉，就算係叫咗細size都好夠飽，滿足！

我同朋友都好鍾意食生蠔，今次特登揀左一間生蠔吧，一路聽住柔和既音樂，一路品嚐新鮮生蠔同埋刺身。店員介紹左4款法國生蠔比我地，由淡味食到濃味：🦪Tia Maraa $44/隻口感爽口清新，帶有輕微堅果味，餘韻悠長。🦪 Josephine No.1 $56/隻人口清甜清新，肉質堅挺，有淡淡既礦物質味道，層次感獨特。🦪 Tarbouriech oyster (Pinky) No.1 $56/隻口感滑膩，肉質厚實，飽滿度高。🦪 Gillardeau No.0 $68/隻海水味重，質地鮮甜質地，肉質肥厚結實有彈性，海水鹹味與甜味平衡，帶有果仁香，餘韻悠長。北海道活赤貝刺身味道自然而純淨，帶有一種淡淡既海水鮮味，肉質爽脆。車厘蜆刺身活蜆刺身既必然之選，味道鮮甜豐腴，口感結實爽脆，富有彈性，蜆味濃郁。北海道帶子粒刺身帶子厚身，肉質柔軟細膩，加少少醬油令帶子既甜味更突出。活法國藍龍蝦套餐🦞龍蝦刺身：肉質細膩且富有彈性，完全感受到龍蝦既自然甜味，清新而純粹。🦞龍蝦湯：一上枱已經香氣撲鼻，味道濃郁，每一口都讓人感到滿足。🦞龍蝦意粉：龍蝦肉大大件，肉質鮮嫩爽口，意粉混合左奶油汁，口感 creamy。

上年聖誕訂過呢一間嘅生蠔嘅到會，今次特登去佢哋喺尖沙咀嘅分店食，果然一啲都冇失望！估唔到佢除咗生蠔新鮮之外，連啲刺身都勁新鮮，我覺得拍得住omakase嘅質素😋😋佢哋啲蠔嘅擺盤係根據佢哋嘅味道由淡去到濃順時針咁排列，今次食嘅蠔分別有：Tia Maraa Pearl、Josephine（No.1）、Masses（No.1)同Gillardeau （No.1），全部都好新鮮，最貴都唔會過$60，真係好抵食！刺身有紐西蘭深海龍蝦仔、北海道帶子、北海道活赤貝同海膽，全部都好新鮮質素好高，佢哋會提供埋紫菜用嚟夾住啲海膽食，佢新鮮到其實就咁食都好好食！佢個鵝肝多士都係必食，廚師整緊嘅時候我哋已經喺出面聞到佢嘅香味，油分啱啱好，唔會太膩！鍾意食生蠔嘅朋友一定要試吓呢間！我已經推介咗俾身邊好多朋友仔👍🏻👍🏻

呢間餐廳主打生蠔，叫咗生蠔拼盤，新鮮好食，職員推介小龍蝦亦非常鮮甜，配白酒一流。熟食方便，叫咗鵝肝多士，外層香脆，內層入口即溶。松露白菌白汁意粉，意粉彈牙，掛滿香濃醬。同朋友食飯傾計一流。

之前lunch食過意粉幾好味又扺食，於是晚餐再試下，原來這間是主打生蠔但朋友不好。點了芝士龍蝦卡邦尼意粉及蒜香蜆肉意粉，飲品就Mango Passion, Pineapple Crush。龍蝦肉都多幾好味，蜆肉都鮮甜。但當然不及午餐抵食。

【蠔灣】通常冬季都係食生蠔嘅好時機 因為生蠔意識到凍咗要冬眠😴 就會儲存多啲嘅食物喺體內 而呢啲食物就會轉化成為醣分 令到生蠔更加肥美😳Tarbouriech Oyster 💰$112@2法國南部生蠔 肉質比較肥美 口感滑膩Gillardeau No.2💰$96@2都係法國生蠔 比較厚身同海水味濃啲~Speciales de daire 💰$84@2同樣係法國蠔蠔身肥度適中並且帶有甜味夾住小小甜味和鹹味中間Tia Maraa Pearl💰$72@2愛爾蘭東南部的生蠔 味道相對清新La Perle Noire💰$108@2又名「黑珍珠」 係法國西南部布列塔尼海岸既蠔 蠔肉比較飽滿而滑順 呢隻偏濃味小小北海道活赤貝 💰$78食落幾爽口 但冇乜味 正正常常車厘蜆💰$96@2肉質爽口，鮮味幾夠北海道帶子💰$38帶子超大粒 食落滿滿肉感😋而且味道夠鮮 清酒蒜蓉煮活蜆湯💰$238蜆湯清清地 幾香蒜味 冬天飲佢就暖笠笠龍蝦忌廉意粉 💰$198龍蝦意粉好Creamy 龍蝦俾咗兩隻鉗 超多肉 味道幾鮮 好好食😋

📍 蠔灣（尖沙咀）來一次｛蠔｝氣的晚餐🥣尖沙咀聽講有一間岀色食蠔又平、肥美、平民價既餐廳🍴果然係正😃整盤海鮮刺身都超新鮮，食落海水鮮味足。有檸檬件🍋，可以滴落食物上，連埋芥末、醬油同埋辣醬。視乎個人口味自己調配！✨生蠔拼盤（Tia Maraa 、tarbouriech oyster、Josephine ）原汁原味！生蠔即開即食，少少海水味非常清新，肉質較爽口🦪厚肉鮮北海道帶子，晶瑩飽滿大粒！+肥美車厘蜆😊好豐富，好滿足🈵✨法式鵝肝多士真係超邪惡！鵝肝好厚身，火候控制得超好，入口即溶，軟綿綿口感。香濃鵝肝配上超級脆多士已經系無敵！✨蒜香蜆肉意粉被蜆肉包圍的意粉🍝香濃嘅蒜香味加粒粒蒜粒，係意粉的精華所在！每隻蜆肉都大大隻，好吸引🤩意粉吸哂蜆肉鮮味同蒜蓉味🧄好入味😊

喺日本返嚟之後就好掛住北海道嘅即開生蠔，今日去開尖沙咀同朋友講起生蠔，又流晒口水，經過金巴利道呢頭見到一間叫蠔灣嘅餐廳，一於入去止下口癮🤤🍒車厘蜆 $48 車厘蜆係一種小型嘅貝類，帶有鮮美嘅味道同豐富嘅蛋白質含量，味道鮮甜帶有海水濃味🍥北海道帶子$38 帶子肉質鮮嫩，味道鮮美，而且每一粒都新鮮爽口，啖啖肉，極度鮮甜🗾北海道活赤貝 $78 呢款北海道赤貝口感較厚身，食物會比較爽口，有著豐富的口感同鮮甜嘅味道🦪生蠔 Gillardeau - No.2 $48 Tarbouriech Oyster (Pinky) - No.1 $56Tia Maraa Pean - No.1 $36Josephine - No.1 $56今次試左4款唔同的生蠔，有著鮮嫩嘅肉質同濃郁嘅海味，搭配cocktail sauce或檸檬汁食落可以別具一番風味，不過呢度嘅生蠔十分鮮甜，建議無需加cocktail sauce去感受一下生蠔嘅鮮甜🍲清酒蒜群煮活蜆湯 $238 清酒蒜群煮活蜆湯以清酒同大蒜為基底，再加入新鮮活蜆煮成，清酒嘅香氣同大蒜嘅辛辣味能夠提升湯嘅風味，蜆嘅鮮美則為湯品增添豐富嘅口感，凍冰冰嘅天氣飲啖熱辣