蠔灣 (金巴利道)

營業中

休息中

好記得好記得疫情嗰陣冇堂食，喺呢一間餐廳買咗個外賣返屋企，今日出糧，即刻拉老公過嚟食返一次堂食！！！✨DIY Seafood Platter餐廳最正嘅係可以俾你自己任砌拼盤嘅種類，加上呢一間係專食生蠔嘅餐廳，經職員介紹下揀咗呢四款：The Maraa Pearl ·Krystale·Gilles Masse·La Reserve，🦪真係各有千秋，由淡身食到鹹身，Krystale口感爽脆；Masse雖然海水味重但明顯食到蠔肉極甜；La Reserve餘韻最長～另外搭配咗北海道赤背、北海道帶子、韓國馬糞海膽、法國藍蝦～海膽原板而上，色澤極橘橙，入口好滑近乎即溶口感；赤貝同帶子真係超級新鮮，鮮甜厚身；法國藍蝦肉質鮮嫩，口感爽彈✨鵝肝多士鵝肝嘅醇厚同香脆嘅多士形成對比，入口嘅每一啖都感受到豐腴萬分，鵝肝外表金黃唔燶身，內部則保持著柔滑的口感，如果多士可以厚身少少就更完美～✨蒜香蜆肉意粉蒜香🧄味道香噴噴，蜆肉大大粒極度新鮮。職員仲會喺端上枱嘅時候禮貌地詢問洗唔洗額外加上黑胡椒，小編真心覺得鹹香度非常適中🌈非常欣賞餐廳生熟分開上，每一樣都係新鮮地入口！而且有個餐具盒，提供生熟食物兩款嘅餐具！