蠔灣 (金巴利道)

營業中

休息中

當日我同朋友2個人好想食生蠔，見呢間餐廳評語唔錯，所以就入黎試下。餐廳環境幾好，坐落都舒服既，跟住侍應都好細心介紹生蠔既品種同埋餐廳有咩推介可以食，最終我地點左24隻廚師推介生蠔拼盤，一板加拿大海膽，海膽意大利飯同埋一啲小食野飲咁。啲野黎到入落口有啲味道不錯有啲就略鹹，整體味道OK唔算令人印象深刻，只係個飯太硬食到唔係咁想食落去。重點係食完飯大概過左個幾鐘，我同個朋友開始肚痾，痾完一次好快又想痾第二次，痾左成晚大概有6-7次，下下都痾水，痾到無晒力。我痾完果晚之後都已經無咩事了，但我個朋友，唔知係咪身子較弱，之後幾時一食野就痾一食野就痾，前前後後應該搞左5,6日先好番。由於12號果日晏晝無咩食過野，食既野主要都係喺餐廳食既生蠔海膽，所以肚痾既原因9乘9應該都係啲生蠔。經過今次之後我應該唔會再去呢間餐廳，但我都希望餐廳再加緊注重一下食材既清潔，希望其他人唔會好似我地咁有咁淒慘既經歷。