蛇王協

營業中

休息中

真係堅好食!!! 我地book左一圍蛇宴 (足十四人食)! 包括有: 蛇羹兩大窩, 炸蛇碌 (可選蛇串燒), 蛇蛇花膠冬菇煲, 蛇蛇蛤"拐"湯 (堅足料), 蛇汁生菜, 貴飛走地雞, 酥炸蛇球(好似蝦球甘, 好味道!), 仲有就係值得一讚geh唔油糯米飯, 超級乾身, 好香, 好好味!!! 仲有就係長壽麵... 好爽口... 好味!!!仲包我地3支1.25公升汽水, 兩支大啤, 半巾五蛇膽汁酒 & 半巾過山烏蛇酒! 飯後仲有茶供應! 亞姐仲會問你要唔要辣醬, 唔食辣都話要呀! 佢個隻係老干媽辣醬! 好好味架!!!(未得閒load 相... 遲Dload相比大家睇!)

行完鴨寮街，友人提意食蛇羹。這個東西我好少食，因為小時食會流鼻血，今日又膽粗粗去食…這裏的蛇羹湯底不太杰，粗粗的蛇肉，伴木耳絲，菇絲，好有口感。薄脆大大塊，有d厚身，味道普通，所以只係加上檸檬葉絲提昇香味，很不錯呢﹗可惜食完蛇羹第二日就喉嚨痛，hai~真係真材實料啊﹗

微冷的晚上,除火鍋,煲仔飯等良伴之外,少不了蛇羹的一份.同幾位友人是夜漫遊鴨寮街,想來一碗蛇羹暖身,好自然就想到去蛇王協.幾十年老字號也要追上潮流,門外高掛的招牌已經換上新招牌,感覺煥然一新,但舖裏面,依然故我.這夜除來吃碗蛇羹之外,順便來探一探路,在此來一圍全蛇宴的可行性.蛇王如雖然好,不過也吃了兩年,也是時候找一些大家未去過的地方去試.好像這個晚上,兩圍蛇宴人馬聚集在店內,好不熱鬧,我們只是來吃碗蛇羹,自然要略為屈就.不要看此店長年在鴨記,有點屈屈不得志.正所謂有馨自然香,其實蛇王協的名氣,亦不遜一些蛇店.店主周嘉玲是全港少數的女"蛇王",不時上電視去表現玩蛇,而且更吸引到一些外國傳媒如Discovery Channel的食家Bobby Chin,同英國BBC也專程來採訪.除此之外,坊間很多酒家,也是向她取貨.可見其江湖地位.堪稱為女中豪傑.言歸正轉,我們一行五人,坐下就來一碗細蛇羹,此店用的蛇,當然是新鮮貨色,來源地就不詳,不出大陸同東南亞各地.當前無謂去研究蛇羹用什麼品種的蛇,總之好吃的,就是好蛇.蛇羹底偏稀,看見羹內加上些火腿粒,吃落味道帶點清香,各種蛇肉共冶一爐,蛇肉拆得未

今日去深水步見到有蛇吃，今年都未吃過蛇，係時候要補補。點了細蛇羹，不杰，落足料，有蛇肉、木耳絲、冬菇絲、薄脆…味道好，又唔算貴，值得再返吃。

天氣開始凍，令 H 想起 "冷風起，蛇蛇肥"，故H 跟 K 講想食蛇羹，結果 K 便選了這間放工後一齊去試，這間蛇舖好有懷舊感覺，看落好像是一間好專的食蛇店。我們點了:大細蛇羹各一碗 ==> 味道好好，不太濃，而且好足料，有好多蛇肉及其他材料包括有雞絲、木耳絲及冬菇絲，還有跟羹類食物好夾的薄脆呀! 正爆!減肥糯米飯 ==> 真的是減肥喎，不油的，但味道一般，沒甚麼特別埋單多謝 $91 ==> 以蛇羹真材實料來評，絕對抵食

今日係我一生人之中第一次食蛇羹 ! 男友帶左我黎呢度食 ~ 真係好好味 ! 仲好足料 ! 叫左2碗細蛇+薄脆 ~ 我覺得d薄脆放落碗蛇羹度等佢淋d先食會好味d ~ 食完仲覺得成個人暖晒 ~ haha ! 唯一美中不足ge就係果度d人唔抹抬之餘仲不停咁互相"片粗"(粗口) ~

記得小時候第一次吃蛇羹, 味道就像碗仔翅一樣, 沒什麼味道, 自此就沒興趣再品嚐, 但早幾天因工作關係到此店, 才初次品嘗到真正蛇羹的滋味!味道清甜, 十分足料 每塊蛇肉size平均有1.5x5cm!!蛇王周小姐透露, 每窩蛇羹用超過50條蛇煮成, 怪不得如此足料!而且湯的濃度很適中, 不會太"傑", 入口感覺清新~店舖環境清潔, 不像一般蛇店有"陣"味! 很乾淨~所有碗筷都經高溫消毒, 食客可放心食用~強烈推薦此店之蛇羹!

最鐘意呢到D蛇羹,湯底夠鮮甜,大大條蛇肉都唔會鞋冬菇絲,木耳絲份量適中,落D檸檬葉仲香

深水步區有幾間蛇舖，有日日真人表演的蛇王善，有低調一點的蛇王業，與及有其蛇王時常上傳謀分享心得的這裡。匿藏在鴨寮街中間，這裡四周是擺滿蛇酒蛇箱，看樣子也知是一間實力相當的蛇店。全店是人，店長盛蛇羹也不能停手的，就要了碗細蛇羹。也可能是生意太好，蛇羹內也幾多氣泡的，是心急煮起以致攪動太多吧！蛇湯底清鮮，可以說比蛇王善略勝半籌。蛇肉大大條又粗身，反而應該挑幼身一點的來吃，肉質嫩滑很多，粗身的出了味也就食趣不多。還有雞絲、木耳絲及冬菇絲等，加上點點的陳皮味道，這碗蛇羹也交足功課的。吃細蛇沒有薄脆，也沒所謂，個人而言，吃蛇只要有點檸檬葉絲就夠了。埋單28蚊，也絕對是有水準又真材實料的。

身為全港最高科技的鴨寮街,隱藏著一間老牌蛇店"蛇王協".店內老氣橫秋,又是有不知多少年的歷史,可能少年時經常路過也不知,看見蛇店門口的鐵籠活蛇亂舞,深信應該不錯.大蛇羹是兩碗細之份量,不如要碗細,其後有飯局,不敢去得盡.蛇羹底沒有轉灣位的蛇王葉般杰,可算是適中.內有木耳絲,菇絲等例牌增強口感的綠葉.蛇肉絲幾厚,吃落啖淡肉,充滿蛇肉的鮮味.看見此店有蛇宴供應,菜式同大西北蛇王如差不多,價錢就更平,$2400一圍,十二位用.年尾的蛇局,不如就共聚鴨記.

生平第一次食蛇羹，做足左資料搜集，最後決定嚟女蛇王蛇王協品嚐一下‧店舖細細，風枱偏向舊式，得五六張枱加圓摺櫈，牆邊擺著一瓶瓶蛇酒‧初嚟埗到，傻更更坐低，無餐牌睇，好在伙記哥哥問：「蛇羹要大碗定細碗?」問左價錢，叫左碗細蛇(小-$28/大-$48)味道方面同碗仔翅差不多，不過冇乜味精味，蛇肉都幾多下，佔左六七成到啦‧蛇肉既口感比較”孩”，顏色也較深‧枱上備有檸檬草，醋同古月粉‧薄脆隨ORDER奉上，伙記哥哥話唔夠即管開聲‧由行入鋪頭到食完出嚟唔使廿分鐘，埋單時見到有位亞姐捧左碗糯米飯出嚟，”O咀”，心想：『乜原來有得食架，我都想食返碗AR~』但都行到出門口，算!!出年見LA~PS真係即刻FEEL到個人冇咁怕凍^^

我一向去開幫趁蛇女，但看完Open Rice最近的食蛇評，就去試吓附近的蛇王善，蛇王善有少少名過其實。但原來最好的還是蛇女（或應叫蛇姐）。蛇女的蛇肉更多更大件，我個人覺得更抵食。但女仕可能會覺得位置及清潔程度差啲。

1月5日17:45替小魔怪到鴨記尋寶後，隨即到這老店來碗蛇羹。店小客人多，外賣的更多，店員經常掛在嘴邊，「請給我1分鐘，馬上到」。羹底：浠杰適中配料：菇絲、薑絲、木耳絲蛇肉：大大片，份量足，絕不欺場。薄脆小碟上，幸好檸檬葉，仍是自助。可能生意太好，桌面不夠潔淨，扣分。題外話：這店我已光顧廿多年，女蛇王已由標緻的小妹妹，變成淑女了。奇怪的是OR沒有這店紀錄。