影片
更多
2008-02-12
18 瀏覽
生平第一次食蛇羹，做足左資料搜集，最後決定嚟女蛇王蛇王協品嚐一下‧店舖細細，風枱偏向舊式，得五六張枱加圓摺櫈，牆邊擺著一瓶瓶蛇酒‧初嚟埗到，傻更更坐低，無餐牌睇，好在伙記哥哥問：「蛇羹要大碗定細碗?」問左價錢，叫左碗細蛇(小-$28/大-$48)味道方面同碗仔翅差不多，不過冇乜味精味，蛇肉都幾多下，佔左六七成到啦‧蛇肉既口感比較”孩”，顏色也較深‧枱上備有檸檬草，醋同古月粉‧薄脆隨ORDER奉上，伙記哥哥話唔夠即管開聲‧由行入鋪頭到食完出嚟唔使廿分鐘，埋單時見到有位亞姐捧左碗糯米飯出嚟，”O咀”，心想：『乜原來有得食架，我都想食返碗AR~』但都行到出門口，算!!出年見LA~PS真係即刻FEEL到個人冇咁怕凍^^
店舖細細，風枱偏向舊式，得五六張枱加圓摺櫈，牆邊擺著一瓶瓶蛇酒‧
初嚟埗到，傻更更坐低，無餐牌睇，好在伙記哥哥問：「蛇羹要大碗定細碗?」問左價錢，叫左碗細蛇(小-$28/大-$48)
味道方面同碗仔翅差不多，不過冇乜味精味，蛇肉都幾多下，佔左六七成到啦‧蛇肉既口感比較”孩”，顏色也較深‧
枱上備有檸檬草，醋同古月粉‧薄脆隨ORDER奉上，伙記哥哥話唔夠即管開聲‧
由行入鋪頭到食完出嚟唔使廿分鐘，埋單時見到有位亞姐捧左碗糯米飯出嚟，”O咀”，心想：『乜原來有得食架，我都想食返碗AR~』但都行到出門口，算!!出年見LA~
PS真係即刻FEEL到個人冇咁怕凍^^
張貼
