蘇記流心燉蛋專門店

營業中

休息中

「蘇記。舌尖上的甜品」今日去咗元朗搵食嘢。試下榮獲米芝蓮嘅蘇記！名為舌尖上的甜品嘅流心燉蛋（$33)店舖唔算大，得幾十個座位，座位安排比較逼。但因為係下午茶時段，所以唔算多人，可以不用排隊就直入店舖，如果繁忙時間應該會排曬長龍。燉蛋可以選擇凍或熱食，我選擇了熱食。用3.7牛乳加蛋白燉出嚟 ,好滑溜呀 中間有少少流心。燉蛋亦唔會好甜，岩哂少糖主義者。不過就有略嫌少少稀，如果蛋白比例高返啲就好。可以有更濃嘅蛋香味，就更好喇！

yoho Mall附近都有好多小店👍🏻其實都各有特色同埋有機會食物味道好味過連鎖餐廳今次去食嘅就係米芝蓮燉蛋😊位置其實都好方便如果識行嘅，距離yoho Mall 5分鐘就到🎉有心理準備鋪位好細不過都企理乾淨主要買燉蛋冇其他食物，$33一碗😆😆😆老闆都係即場炮製所以有機會要等一陣燉蛋可以熱食或凍食我當然覺得熱食好味啲新鮮出爐🎉其實都好香、好滑、甜甜的味道😊有心理準備因為係流心所以有啲人會覺得比較稀D所以真係人夾人😵老闆都好有心真係手作仔嘅甜品工序繁多有心人👍🏻✨

食物嚟計，燉蛋一啲都唔滑，一舊舊。齋甜又冇蛋香。最致命嘅係佢連膠兜一齊蒸，食又係用膠羹；呢啲都慳埋，幾 mean 吖。咁一來每日揼大量膠兜膠羹非常唔環保、二來我對蒸膠兜滲出物質有保留、三來又唔好味，我係建議唔好掂呢啲劣食。間舖細但呢度絕對冇小店 heart 囉；座位唔夠，地方又唔乾淨。米芝蓮咪以為小就係小店吧，元朗唔一定係好嘢嚟㗎。不時都會見到呢間嘢嘅鱔稿，但只要睇睇啲 comment，就知道發生緊咩事。（要食燉蛋，緊係正街源記啦。）

行過見到有間店大大隻仔寫住蘇記燉蛋，再望一望門口﹐見到貼住「Michelin 2019」，哇，燉蛋鬼佬仲食得多過我哋，究竟有咩特別可以拎米芝蓮，唔使講咁多﹐即刻試下 一坐底，揾唔餐牌﹐原來獨沽一味賣燉蛋，咁當然要叫一熱一凍試下啦。老闆娘aka唯一店員話熱要等八分鐘，因為係即刻燉！ 平時食開的燉蛋都係黃色，呢度就白色﹐點解？因為佢其實係燉蛋白﹐材料只有蛋白，3.7牛乳同糖，水都冇加 蘇記燉蛋特別之處係在於燉蛋會流心，而熱燉蛋因為剛剛燉起未温度更高，所以比凍版更流心。味道方面熱係比凍的甜，凍嗰碗食到底有比甜﹐應該係趕住出貨所以糖未溶。熱嗰碗好好彩有少少雙皮奶的效果﹐牛奶味即刻level up哈哈。 埋單嗰陣見到師傅喺後面即整燉蛋﹐好好奇咁多唔要的蛋黃會去晒邊哈哈  整體來講﹐味道同水準唔算驚為天人，但$33食到新鮮即制流心燉蛋白，仲要有米芝蓮加持﹐抵啦

-🦄蘇記流心燉蛋專門店-3.7牛乳流心燉蛋白 Hkd33Rating🌕🌕🌕🌕🌑-一直都好想去試食呢間燉蛋白🤤🤤🤤因為個人好中意食啲燉奶燉蛋既甜品😆去到既時候係平日既5點左右🕔得一個客人🙈而老闆自己一個好忙咁整熱啲燉蛋🥚-我就叫左熱既燉蛋 一叫就即刻整好比我🥣燉蛋熱辣辣既而老闆都好細心咁提醒我要由邊邊食起味道方面其實個甜度好岩我口味🤭因為係少糖既原因所以唔會太甜💕👍🏻同埋都唔會蓋過左奶香同蛋香味然後其實好明顯3.7牛乳係好出🍼而且加埋蛋白食落係好滑好滑👅haha中間又真係好流心 比較接近水狀😂😂大家可以睇下第二頁既VideoClip🎥蛋白動L動L咁而面頭就會稠身啲好似平時食開既燉蛋咁🤔但個人覺得 可能稍微中間部分稠身啲會好啲可以感受到佢滑溜既質感而唔係接近水咁既質感-但整體上真係唔錯既一個燉蛋白👍🏻👍🏻作為米芝蓮既小食都唔係冇佢原因既！😌-

有一次去到元朗，見到呢間小店，所以去左試下。食完之後隔左一排發現原來呢間小店今年第一次入圍米芝蓮街頭小食，實在係可喜可賀。招牌既係牛乳燉蛋白($33)，用左富良野3.7牛乳，蛋白同砂糖。聽落係好簡單既野，而且香港有唔少同類型鋪頭，所以本身唔算有太大期望。牛乳燉蛋白，有冷同熱，熱會奶味重啲兼且滑啲，凍既都嚐到奶香不過好快就消散。整體係咪話好好食？唔會有驚喜但又真係算唔錯，至少奶味好香，圖中係我叫既凍既蛋白，而朋友熱既嗰碗又真係做到好滑同流心效果。眼見店中老闆娘剝雞蛋分離蛋白同蛋黃，再交由老伯伯去打發同燉，同埋服務態度都算唔錯，二人合力令到小店多左一份世間愈來愈難見到既人情味。蘇記流心燉蛋專門店元朗鳳攸東街9號好順意大廈地下15號舖

吾係好熟元朗，行下行下到左無咁多人既地方，咁岩見到呢間招牌好搶眼，就望多幾眼，竟然發現佢係2019米芝連介紹小食！咁難得入元朗，梗係要試下啦！呢間鋪頭只係賣一樣甜品，就係呢個燉蛋白（$33），可以簡熱食或者凍食，冬天梗係簡熱食啦送到上枱果刻係有少少失望，因為個樣好似平平無奇咁，但個老闆好好人會提你食個邊位先，話無咁熱。食落就真係明白果然成為米芝連推介小食係有原因，真係好滑好有蛋白，仲要吾會過甜，最特別係口感豐富，兩邊食落係會firm d中間就軟心，有入口即融既感覺，真係幾好食呀！但始終甜品容易滯，同人share都覺得有d飽🤣🤣

蘇記燉蛋位於西鐵元朗站附近，交通都頗方便。如果搭巴士，係形點I巴士站落車步行三分鐘就到；而西鐵就係 G 出口穿過商場然後行天橋步行十分鐘內就去到了。蘇記樓面唔係好大，舖內座位大概有十幾個，舖外就另設幾個座位。大概四點幾去到蘇記，門口有唔少人等外賣。幸好舖內還有座位，可以直接入店內坐低堂食。店內貼上燉蛋嘅相片，另標語「舌尖上的甜品」。價格方面，每碗價格為 33 蚊。到訪時，燉蛋十分受歡迎，燉蛋已沒有製成嘅現貨，全部都是即叫即做，只有熱燉蛋款式供應。由於是即叫即做，店員都會提示客人需要三十分鐘製作。萬般期待嘅「3.7  牛乳燉流心鮮蛋白」終於整好店員提醒我地要由碗邊開始食，避免刺破流心嘅結構。當𢳂起碗邊嘅蛋白，中間嘅牛奶會向碗邊流出黎。味道唔錯，牛奶味濃郁，未有被大量甜味掩蓋牛奶的味道，食得出製作嘅誠意，三十三蚊一碗可以說是值回票價。惟一係顧客送餐次序安排有欠系統，是有進步嘅空間。可取的是樓面姐姐態度殷勤有禮，對每一位顧客的耐心等待都加以感謝，是吃得出的另一種人情味。今年獲得米芝蓮加冕，希望水準能夠繼續保持

週日開完飯九點零回家途上兜過去蘇記燉蛋🥚睇下呢間新晉米芝蓮⭐小食離遠已經見到門口有人等😥 老實講，以前經過係無人等，呢家門口都加埋枱做生意👍 米芝蓮個朵點都有啲力叫咗兩碗熱燉蛋做外賣，店員禮貌地講明係要等20至25分鐘先有🙄 事前睇過報導都知係要等，落咗柯打去附近yoho打個轉再番👌拿上手碗蛋🥚係滾住盪手，無學港女拿住個外賣膠袋係門口同招牌合影，趕住回家歎💖15 分鐘後回到家仲係留住溫度速度溫柔同憤怒😑 打開其實見到半希半杰，係水漾同固化中徘徊😕 大既係佢個流心既特色👌 潷起一啖落口，有香濃既牛奶味，都頗甜🙂 食多兩啖，發現碗邊係開始變布甸質地，食完後，口略帶酸味，係因為太甜？定有其他材料造成咁，唔知真心想問句個米芝蓮評審係咪無食過燉蛋？唔係話蘇記唔好食，佢既心機同堅持係值得認同，但講唔出佢同其他燉蛋既分別，價錢33港紙工道👍 只要用心，人人都可以係食神🤭 唔駛淨係信車胎人

「蘇記流心燉蛋專門店」，之前未聽過燉蛋會sell流心，感覺好新奇。🧐因為我地下午去，可能未到食糖水既時間，間鋪冇人，又係我地包場😂成個店淨係得流心燉蛋，所以你唔洗煩惱叫咩，淨係揀熱定凍就可以啦。仲未到冬天，當然係揀凍啦！🥶－有唔少人話覺得唔熟，又或者水汪汪，可能真係每個人既口味唔同，藍妹反而認為唔錯。🤔的確，佢因為「流心」，中間既位唔係硬既，係流質。不過藍妹就係鐘意呢種口感，比起結實既燉蛋，呢種質感比到新鮮感同更順滑既口感。☺－至於有樣野藍妹都幾認同，就係唔太分得清佢究竟係燉蛋定燉奶。😵店長非常有Heart，亦好健談，我地食果陣，佢全程同個叔叔講緊野，又講經營之道，又講自己用左咩奶去整。然後又講唔少街坊怕佢將來唔再整，又講點樣整到流心，我地愈聽愈心驚，太健談了吧！😱店長就黎將自己既配方都講埋出黎😂佢有講到自己用360北海道牛奶，唔怪得之咁香牛奶味，而且好滑。但係就因為可能落得太多奶，佢又只用蛋白去整，所以冇乜蛋味，好似變左燉奶咁😧－因為藍妹燉蛋同燉奶都好鐘意，所以唔太介意好似離題，但其他顧客如果只想食燉蛋，可能就會投訴。😶雖然只係用簡單既外賣碗去裝，藍妹依然比個Like呢個燉蛋(奶)👍

奶香蛋滑，我明白點解佢要做流心，因為如果成個都係實心一定會好飽好"漏"我外賣左一個凍既，中間好滑，旁邊實既位都有蛋香係唔錯既間唔中食下ok，食太多可能都覺得漏三十蚊一碗，ok ge

吃完鐵板燒，雖然很飽，不過弟弟提議到蘇記食流心燉蛋，既然是甜品，我就用第二個胃解決吧清一色是流心燉蛋，用3.7牛乳，只選熱或凍。我們三人都選了熱，會香濃啲。即叫即做，我們等了6分鐘。流心燉蛋果然名不虛傳，好流心、好滑，因為混入蛋白，奶香味沒有想像的濃郁，不過都好好食。下次要試凍食。

相信元朗多好野食應該無咩人會反對，除左西鐵站附近的高級餐廳外，係舊墟個邊更有多間特色小店。今次呢間燉蛋店係睇左媒體的介紹的，地方唔算易揾，唔係見到介紹都唔會知道有間專食燉蛋的店舖。餐廳門外貼滿不同媒體的介紹，並強調店舖的燉蛋由古法燉做，絶無加水！冷熱的燉蛋，無論堂食還是外賣都係一律$30。全碗燉蛋只加入3.7牛乳、蛋白及糖，並無有加水。餐廳只有燉蛋賣，無其他甜品或飲品，大家坐低後只要同老闆講你們要幾碗熱幾碗凍就可以了。由於熱食會比較香濃、凍食就比較清香。我最後決定要一客熱的燉蛋，希望食到香濃的蛋奶味。燉蛋的表面好平滑，並無氣泡，口感非常滑溜！味道方面，奶味的比較比蛋白為高。由於無加水的源故，所以味道非常香濃，跟平時甜品賣的好不一樣。由於燉的中央係流心的關係，餐廳老闆教我們要先食外面。雖然店舖少少，不過我坐左係餐廳的5分鐘內，已經有不少的街坊黎外賣，相信店舖係元朗區相當受歡迎。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

話說上星期去了元朗，等緊齊人食晚餐，時辰又未到，見到這間IG曝光度極高的小品中式甜品鋪，它招牌是「流心燉蛋」，真心睇唔透咩玩法，結果Hea Hea地入去試下。呢碗野索價三十大元，老實我係有期望佢有多好味。結果真心被騙。第一，好很甜，甜得過份，沒有蛋白及奶的香味。第二，它當然滑啦，因為根本未熟，被過濾的液體幾時會粗糙呢？最後，我唔明流心係咪代表我最後連”But”一羹燉蛋都似”But”粥咁就代表係正呢？對不起，我欣賞不了。現在香港地的Gimmick都是悶蛋極的東東（玩到爛的主題），什麼「綠茶控」、「爆芝」、「治癒」⋯⋯都沒什麼新意，其中一樣是「流心」更是濫調透，你會發覺什麼食西都能流心才是嚇人，由蛋撻、炸物，到今日連燉蛋都可以流心，是咪世界已不平衡了。

香港人出名多心，放諸食店亦一樣，因為大家都愛去一些選擇多的食店。不過，我卻一直深信貴精不貴多的道理，最怕去一些什麼中西美食包羅萬有，又或者什麼川滬粵館子。一個地方的食物做得好已甚難，何況幾個之多。所以若店子只賣一樣東西，十居其九都會有料到，元朗的「蘇記流心炖蛋專門店」便是一個好例子。蘇記店名雖寫炖蛋，但正確來講是炖蛋白才真。全店只賣炖蛋白一樣東西，選擇只是冷或熱的關係而已。堂食的話我一定要熱的。老闆問要暖的還是等十分鐘要剛弄好的，我當然選後者。剛做好的純蛋白出來了。表面光滑如雪，無水蒸氣弄出來的氣孔。放支匙上去，不會沉下來，證明非水汪汪也。吃一口真的十分滑溜，真的有流心的感覺，甜度適中，十分完美！其實整純蛋白也不是太難，材料只是蛋白、牛奶及白沙糖，做法和蒸蛋差不多，反而用料質素和火喉才是關鍵。炖蛋白不一定要用蛋味濃的日本蛋，反而蛋白不是水汪汪，凝固感足的那種才重要。這裏應是用大陸蛋，但蛋白卻合乎我所講的要求。另外，看見老闆用味濃的北海道富良野3.7牛奶，加上老闆十分專注蒸的過程，（因開放式廚房，看得清楚），想唔好味都好難。 作為環保人士，我總要問老闆蛋黃如何處理，他說會轉賣給人，不會