蘇記流心燉蛋專門店

時間下晝三點幾諗住入去叫兩人share一碗雙皮奶買走（夜晚七點又要食大餐），打開門見到有堂食位就諗住不如坐低食，咁一路行入位一路叫一碗（成間舖頭唔計我哋同樓面得三個人）女店員（唔知係咪老闆娘）就話：「呢度每人最低消費一碗喎！40蚊呀」 。我就話咁轉外賣丫嗰吓心諗佢好似有啲串，後來同行友人都話其實佢好offensive 。首先我區外人行到入嚟真係唔知貴店有最低消費規矩 ，或者我見識少，見開食肆有最低消費規矩嘅一係貼喺門口、一係就客講堂食前就會聲明 。但原來有啲長輩都唔明咩叫面斥不雅，當住全舖頭面前用「你食唔起就唔好行入嚟」嘅語氣，再加之雙皮又唔覺得做得好好，燉蛋係滑嘅，但係唔係去到一定要返去食嘅程度 。洗$40食個飯都唔得嘅價錢、而食甜品都係為開心多過飽肚，食到成肚氣就永不錄用喇🙃…查看更多

40蚊一碗，第一眼見到真係覺得有少少貴🤏🏻不過食完會知道叔叔呢碗燉蛋白係有啲料到🤣🤣食得出用咗啲靚奶去整，而且都做到流心效果。個流心絕對值得一讚👍🏻火候啱啱好，唔會太生，唔會太熟。環境上就不過不失啦，感覺到間間鋪好舊，但係食緊期間冇見到有蛇蟲鼠蟻，冷氣都開得好足，所以感覺都可以嘅。叔叔好nice又有禮貌，佢感覺到你想講嘢佢先會撩你傾偈，如果唔係基本上佢都係自言自語講兩句就算😂不過都係嗰句，40蚊真係貴嘅。如果你鍾意食啲奶類製品，又或者唔係住喺元朗區的話，我覺得不妨一試😙大推熱燉蛋白！會香過凍嘅👍🏻👍🏻…查看更多

被電視台節目误導了，说用甚么奶，過濾多少次，才做出来的双皮奶，$40熱双皮奶，如果好食的真的一点都不贵，可惜双皮奶一点都不滑，没牛奶味，我進店後，店東只不段吹嘘自己有多能耐，生活多麽的好，華而不實，肯定不会再幫襯…查看更多

🍴雙皮奶 $40個燉奶有凍有熱，外賣就得凍，奶味都重同幾出，唔會太甜，中間係流心嘅，個人覺得太水似湯，正常嘅，未到好值得一食，價錢偏貴未到拎米芝連！？推薦指數： 5/10普通嘢，個人唔識欣賞。…查看更多

整間小店只賣流心雙皮奶($40)一種甜品，有凍有熱，熱的要等10分鐘，因為即叫即整。店內只有大約六個座位，再多的話就要坐在店外街邊。店主採用3.7北海道牛奶和蛋白製造，無論凍食或熱食都是很滑很流心！甜度適中，很好吃！…查看更多

💙蘇記流心燉蛋專門店💙-元朗既甜店小店全店只賣流心雙皮奶（$40），可熱食可凍食，店內只有大概10-12個座位，每人最低消費40元。蘇記既流心雙皮奶，採用3.7北海道牛奶和蛋白製造。無論凍食，熱食我都食過好多次，系我食過最滑既雙皮奶，熱食奶味較濃郁，凍食則蛋味較出，兩者一樣咁好食，同樣都做到好滑好流心。如果選擇熱食，需要等待10分鐘，因為係即叫即整。另外我最鐘意蘇記雙皮奶既原因係..唔會好甜都唔會假甜！食完都無咁大邪惡咁🫡出面訪間既收燉奶好多都過甜而且唔夠滑！所以價錢上有少少貴，但系我依然會繼續幫襯，物有所值！💙推介比大家！堂食一定最好食！個燉奶最完整最靚仔！…查看更多

叫左三碗熱嘅燉蛋，碗燉蛋好新鮮真係好滑好好食，牛奶味同蛋味都好濃郁，而且仲要係即叫即做，老闆伯伯好好人好有禮貌。淨係我一個人都食咗兩碗，真係唔同岀面食開嘅燉蛋。下次都會再嚟幫襯。…查看更多

.米芝蓮推薦之一 雖然久得一款可以選擇！價錢偏貴 要$40.味道係好味嘅！但流心感不重！但係好滑好香 我個人係覺得滿足嘅雖然佢大份過平時嘅燉奶但.. 都係少少貴🤣🤣一份 260kcal.…查看更多

身為元朗國的我，特別推介這間小店的「3.7牛乳流心燉蛋白」! 蘇記只做冷及熱兩種選擇的燉蛋白，前者（冷）蛋香味較突出；後者牛乳味（熱）較濃厚，同樣出色☺️老闆非常熱情，經常為我們講解流心燉蛋製作的過程😳🤍熱3.7牛乳流心燉蛋白🐄💰$40「舌尖上的甜品」這個稱號確是當之無愧🫵🏻全碗燉蛋白只採用3.7北海道牛乳和鮮蛋白燉製，並沒有加入任何糖份，完全沒有「死甜」的問題！一上枱就聞到濃厚的牛乳味☺️ 牛乳燉蛋白的表面呈薄膜狀，表層穿破後會有流心效果，故稱「流心蛋白」🤍個人觀感：蘇記是香港最順滑、最好食的牛乳燉蛋白☺️會有一種「💭究竟點解可以整得咁好食？😭」的感覺。物有所值！由於熱食製作需時，預留5至10分鐘等候時間，做個有耐性的顧客🫵🏻🫵🏻🫵🏻🫵🏻🫵🏻🫵🏻🫵🏻🫵🏻🫵🏻🫵🏻題外話：雞公碗加分💯💯💯💯#唔好嫌貴 #高質素嘅甜品係值得$40一碗…查看更多

朋友好耐之前食過佢，話唔知係邊度嘅流心雙皮奶好好食，我哋行完商場出嚟勁，好彩見得返佢！本身行緊去食晚飯，我哋都衝左入去買！Yoho 行返出嚟大馬路嘅時間經過到佢，即刻衝入去買，未食之前仲問朋友米芝蓮推介咁犀利，堂食最低消費40元，即係每人最少嗌一個。我哋叫咗兩個凍嘅外賣拎走。舖頭唔係好大，但係八點幾都仲有客人，就係得伯伯一個招呼，如果叫熱食嘅話要等最少10分鐘，因為佢即刻整返俾你。如果冇耐性就建議直接叫涷食。等緊嘅時間聽到你食嘅姨姨都係熟客，仲話咁好食嘅嘢應該要介紹俾其他人話應該搵啲人去幫佢舖頭同嘢食影吓相，感覺一定要寫呢篇！一間舖頭淨係用一樣食品做到而家的確唔容易，中間仲聽到叔叔講有意思將品牌買到其他地方，香港有咁犀利嘅小食店真好。偷咗姨姨嘅同佢影張相，雙皮奶嘅皮比平時食嘅更加固體，唔會好似有啲咁就冇咗，識落佢唔係好甜，比平時嘅雙皮奶味道更加淡，奶味都好重我好鍾意我哋離開咗先冷吃，圖片唔係好睇到點樣流心，等我形容下外圓圈都係固體嘅燉奶，喺其他地方的確冇食過流心燉奶，中間嘅燉奶係液體狀，涷食即使過咗好耐，味道同樣子都冇走樣！ 我答應伯伯一定要更多人知大家一定要去試吓如果去元朗嘅話！…查看更多

黎到元朗去呢間必食燉蛋朝聖呢間入到去只賣一款燉蛋蘇記既招牌燉蛋果然有啲料到燉蛋並非平時食開既燉蛋 佢中間係流心牛奶外面就水汪汪 完全係好有驚喜 以半流質流心燉蛋取勝 味道食落好濃郁牛奶味 全碗只有牛奶同蛋同水 甜度剛好 質感亦非常細滑 完全係食得出係心機之作見到店鋪內佢用黎介紹呢個燉蛋為「舌尖上的甜品」亦當之無愧入到黎絕對值得入黎食🫶🏻…查看更多

作為孕媽媽嘅我，出街食嘢都特別小心。好想食甜品，但係又驚啲嘢太高糖份。想食燉蛋，但係又驚佢煮唔熟。呢度嘅熱蛋白燉鮮奶係即叫即整，師傅見到我大腹便便，好細心，知道我唔可以食流心，要全熟。食落去感覺非常良好，因為知道佢冇另外加糖，材料只有蛋白同埋奶，感覺好健康。蛋同奶有BB需要嘅營養，同時又可以滿足我想食甜品嘅慾望😊整體甜品做得啱啱好，唔會太實，雖然叫咗全熟但係依然好滑，味道好香濃，感覺無添加，起碼自己食得放心。…查看更多

呢間米芝蓮小店獨沽一味 只係賣牛乳燉蛋白 憑一碗甜品就攞到米芝蓮咁勁😎一定要過黎試下咩料啦💁🏻‍♀️流心牛乳燉蛋白 $40叫左一碗凍 一碗熱 熱要即整 大概10分鐘就食得啦全碗燉蛋只有3.7牛乳 同埋蛋白 無額外添加任何糖份 老闆話熱食要由邊邊食起 最後先食中間 好滑好滑😍牛乳香濃 同時食到蛋白香 微微甜味係牛乳香甜 真係無落人造糖 食得好舒服名符其實 中間有流心🥹呢碗燉蛋 認真係功夫同心機之作 熱食比起凍食 牛乳同蛋香出好多 口感更幼滑 個人會推介熱食🤩食完即刻覺得皮膚滑左😂食物: 9/10環境: 8/10服務: 8/10性價比: 9/10…查看更多

已經幫襯過幾次，入親元朗都必定要食佢！呢間舖淨係賣燉奶，都仲可以捱過疫情繼續營業，其實已經係好大嘅信心保證！佢啲奶真架！真係勁滑溜，又香甜，唔係假甜，係純牛奶果隻香滑濃郁，仲要流心溶溶地滑捋捋咁🤤，真係不得了，講起都想食🥹老闆勁好人勁nice，好似爸爸咁，可能都因為係廚師嘅心血，睇得出佢真係好熱愛同好有心去對呢件事呢一碗燉奶，而唔係純粹為賺錢。佢會千叮囑萬叮囑你一定要趁熱食！佢推介堂食食熱嘅，外賣就食凍。…查看更多

朋友試過話好食,今日經過就入去試下店面細細，坐低後發現無餐牌？其時老板話得一款，一係熱一係凍，佢推介我地嗌一熱一凍，就可以試哂兩款口感，正合我意👍熱嘅要等10分鐘，一上枱老板細心提醒要小心熱，中間100度㗎！要由邊邊食起，咁我都小心翼翼地食，因為連碗邊都好熱個燉蛋其實似燉奶多啲，但食落味道好香濃好滑，中間流心部分望落好似好稀，但其實都係凝固狀態凍相比之下就無咁滑，但其實都係好滑㗎就快食完先睇到原來門口貼咗3張米芝蓮貼紙老板都幾親切健談，唔似其他食評話無禮貌喎🤔…查看更多