莆田 (利舞臺廣場)

營業中

休息中

〔 一品醉蚶 〕 $82 .香港唔係好多地方有蚶食, 打開餐牌看到後立即吸引了,醃製的味道非常好辣到適中鹹味適中, 生醃的不是熟的, 所以叫之前要留意, 非常之喜歡他們加上很多的蒜.〔 福建特色海蠣煎 〕 $148 .蠣餅煎到金黃色, 邊邊煎到朝朝的, 蠣比較細但絕對唔會放得少, 配上醬汁味道更出.〔 薑蔥炒聖子 〕〔 鐵板鹽焗聖子 〕 $198 .薑蔥炒蟶子炒得非常香, 薑蔥味滲透入聖子中,聖子非常肥美, 二鐵板鹽焗聖子味道就一般, 要快啲食如果唔係鹽會令聖子收乾水份, 鹽焗聖子味道不是太突出偏淡, 聖子會比較多沙, 比起朋友們我沒有那麼幸運, 每隻都有沙子的.〔 莆田滷麵 〕 $88 .有12種材料的滷麵, 湯是粉紅色的因為他們用了莆田的一種菇, 味道好鮮.〔 炒通菜 〕 .中規中矩的炒菜, 味道剛剛好.(好味指數: 7.5/10)

很久沒有來莆田，就趁利園推出電子優惠卷就來試試。第一次與朋友來叫了個午市套餐，埋單時，服務員話優惠卷不適用於午市套餐。好，沒有問清楚係我錯。一星期後我又經過，就想一個人用咗張優惠卷，但餐廳剛滿需要等位，我排第一咁就等下喇。等了約十分鐘，佢哋竟然先比枱給排我後面嘅兩位😳我問服務員原因，佢話果張枱大啲所以先比我後面嘅二個人，仲叫我等多陣話有人埋咗單但繼續坐緊。什麼😡？？？我再等了5分鐘，門口一直沒有服務員，我實在頂唔順就走了😡😡😡今次（相信也是最後一次幫襯）約了家人再去，於是一星期前打電話訂位兼問清楚優惠卷嘅用法。我不止一次地問佢哋：如果叫午市套餐另再加其他食物而其他食物價錢大於優惠券面值，我是否可以用優惠券？佢哋當時覆話是可以的。但今次最後埋單…….又話唔用得😳又係話因午市套餐不能跟其他優惠一齊用。我同佢講話在電話訂位時已問清楚喎，咁而家拆單咪得囉。但佢又話唔可以拆單😳問佢點解，佢竟然覆話唔知點計我哋茶錢😳又話改單要同公司解釋😳又話這是優惠卷規定(但這規定只係一張過膠紙，不是放出來比客睇果種）😳什麼😡😡😡？？？至於食物….唉….套餐嘅海蠣煎一半係燶咗嘅，由於食第一件時無發現於是就算了。跟

本身睇餐牌都幾抱期望，嘢食嚟嘅時候賣相都唔錯，叫咗四樣嘢食諗住食咗先，食完四樣餸之後，諗住加單，點知佢就已經問你係咪嘢食黎齊，未答佢，佢已經即刻碗碟，當時只係9點都未到，就趕收工。但係好想食甜品，最後叫埋甜品，叫嘅過程依然有人過嚟問嘢食係咪嚟齊啦，感覺好想你快啲走。可一不可再。

已經很多次來莆田，每次都有驚喜。這次嘗試了幾樣新菜。荔枝肉，甜而不膩，個人喜好大過港式咕嚕肉，而且裡面的罐頭荔枝好好吃。燜苦瓜，憶苦思甜，苦瓜籽外面一層紅紅的也是驚喜的好吃。荷葉包，吃過京醬肉絲用品中最讚的，扁肉湯也叫了一碗，清淡美味，適合作為第一口菜。百秒黃花魚和興化炒米粉已是經典回頭菜，百吃不膩。興化炒米粉的亮點是不油膩，比一般的炒麵炒粉健康，百秒黃花魚上我吃過的黃花魚中最鮮嫩的烹飪方式，保留原汁原味，每次必點。

今日在朋友介紹下，到利舞台7樓的莆田食福建菜。實在喜出望外，可品嚐高質素的福建菜，感到很滿足。特別想點名讚賞其中兩位員工，芳姐(Ada)和蓮姐的熱情款待，非常親切有禮。芳姐更是十分細心，照顧周到。我們享受了一個愉快的午餐。謝謝💞

食物：份量不大。菊花茶。舒適荔枝肉。湯 - 好芫荽味媽祖麵線 - 好味，非常林，老人家可以食荀：可以的。環境：你舞台好好。第一次來，因為佢（莆田）生日，送生日禮物，係辣椒醬。

We arrived at around 6pm and luckily we did not need to wait. We ordered the 2 person dinner set and the portions are big enough for our 3 person(total 7 dishes!)😊. The price is HKD388 and such price is reasonable in CWB, especially for the such good restaurant. We loved every dish of the set, and you could feel that each dish has its special flavour. The set is finished with a nice dessert with Taiwan taro. Definitely worth a try for this Michelin one star restaurant.

Lunch time行過見到有lunch set 就試吓，坐低有一碟木耳放低，食住睇menu, 前菜揀3款：紫菜好出名，一定要叫高纖維對腸好，仲要完全無沙，水晶淆肉細細粒重膠質有彈性，唔會好咸，苦瓜唔苦仲要甜，蜜糖味唔會太重，質地比較爽，食落其實似萵筍多啲，例湯每日唔同， 30幾度之下今日係冬瓜湯，好消暑清甜冇味精，唔好以為透明嘅顏色就唔夠味，其實味力十足，好想飲多一碗，主角出現炒米粉，好多海鮮唔孤寒，食到底仲有2隻蟶子

實在唔知想食咩，但因為唔想食打邊爐住，但又唔知有咩好食。真係好求其搵到一間無人嘅食店，個蠔餅同menu 張相好唔同，不過照食😢😢。係個黃花魚比較好食之外，其他2樣都好一般。。。唔會考慮再去。。。。。。

上個星期同我個darling 去咗銅鑼灣利舞臺嘅 莆田。呢間嘢平日大排長龍,難得現在因為限聚令 ，唔使排隊.我同我老婆可以walk in入去食飯。我哋order 一個二人餐500蚊有找... 個餐包括有;1)冰鎮南日鮑2)阿元香草雞3)百秒黃花魚4)黃金荷葉包5)莆田老面6)甜品佢轉咗,琵琶薄荷涼粉間餐廳裝修同普通餐廳差唔多。 我入嚟都係想研究下點解成日帶排長龍。冰鎮南日鮑個鮑魚鮮味好吃， 凍食起上嚟特別覺得甜阿元香草雞鹵水凍雞 老實講 啲味麻麻地 啲肉就啲鞋百秒黃花魚(兩份)(1人1份)阿姐送到嚟嘅時間 ， 其中一份一開個蓋即刻蓋返埋收起咗。 佢話唔好意思煮乾咗。 此行為值得一讚！好認真！佢好快就攞返另一條畀我地。 果然係百秒黄花 呢味餸值得一讚， 黃花魚又滑有鮮味。 啱啱好！ 食完之後覺得有啲唔夠喉！蒲田老面麵質太淋， 覺得發脹咗。黃金荷葉包肉同埋洋蔥好甜好香,配埋個包甜甜地,好有高級漢堡包嘅感覺。甜品 原本係芋圓花生湯， 因為冇所以佢畀咗個 琵琶薄荷涼粉。 琵琶好香， 涼粉清甜可口！總結:果然係米芝蓮，佢嘅用料有番咁上下！ 最直得食嘅菜就黃花魚！

一家人去銅鑼灣利舞台的莆田試福建菜。店舖雖然不太大，但裝修不俗，亦坐得好舒服。店員有禮，耐心地推介唔同嘅菜式。今晚點左酥炒芋芯，荔枝肉，百秒黃花魚，扁肉湯，糖醋皮蛋，海蠣煎米粉，每度菜都很有特色👍🏻

因為朋友推薦 就帶左我黎食莆田莆田亦都係我第一次食福建菜 重係米芝蓮推介添!一品醉蚶蛳蚶係半生熟嘅加左酒同大量蒜蓉完全辟走晒D腥味重好鮮甜😚莆田扁肉湯肉質好細膩外皮好彈牙難怪menu都寫住'皮比餡還香😋漁民紫菜燜飯中式risotto乾身版😂紫菜同蠔仔令到成煲飯有海鮮嘅咸香閩香洋燒排中式ribs個醬汁酸甜 好開胃骨同肉一咬就甩👍🏼鐵板香煎鰻魚 見門口擺住鰻魚節 我食果陣係8月 可能係鰻魚當造😉可以撒上檸檬汁或鹽但我比較鐘意原味 不加任何調味外層煎到好脆 滲出黎嘅魚油係超級超級香 勁正🥳

餐廳：莆田 (銅鑼灣)地址：銅鑼灣波斯富街99號利舞臺廣場7樓A舖來自新加坡嘅福建中餐品牌，係亞洲有60幾間分店，香港亦佔有7間餐廳嘅莆田，銅鑼灣店連續4年榮獲米芝連必比登推薦餐廳，臨出發去尼泊爾前，終於有機會去試一下精美四小拼 $129呢個四小拼有蝦苗伴頭水紫菜、水晶豬蹄凍、滷水嫩豆腐同九轉小腸，全部都係涼菜，亦都好有特色紫菜酸酸甜甜，食落仲有蝦苗嘅咸香，同平時食嘅好唔同，頭水紫菜一年只係採集一次，係紫菜當中嘅黃金九轉小腸都係第一次試，飽實嘅小腸爽口煙韌，粉粉地，唔會有臭味，仲帶有少許脂肪莆田扁肉湯 $22/碗福建嘅經典菜式之一，每碗仔都有成十粒八粒扁肉，扁肉鮮甜滑嫩，湯底偏咸，不過鮮味依然突出莆田滷麵 $88鎮店之寶，亦都係福建經典之一，一碗麵有12種食材，係莆田主食類嘅No.1，由蝦、蜆、幾款蔬菜等熬製而成，鮮味夠出，麵條幼滑，湯底濃郁，打左芡汁之後仍成少少糊狀咁，夠特別夠好食，難怪係主食嘅No.1莆田哆頭蟶黎至湛江哆頭村，當地人養蟶已經有600幾年歷史，亦係中國優質蟶子產地之一，果到嘅海水鹽份相對較高，所以食落更加鮮甜，莆田共有八款食蟶方法，叫兩款都只係$198叄芭爆蟶肉以東南

中午我們去了銅鑼灣利舞台樓上的一間東南亞菜名字叫＂莆田＂我們坐下了店員介紹新春期間他們推出的套餐：包括有三文魚撈起，三文魚魚片加上多款的青椒絲，紅蘿蔔絲，紫菜香口的炸物，另外配上特色甜味的醬汁，一大堆的配料，經過我們齊齊用筷子撈起，感覺非常得意和意頭十足的一款新春菜式，醬汁酸酸甜甜非常之嘢味，跟住再來的是燉鴨南日鮑魚湯，原隻的鮑魚經過老火燉製的鴨，湯味非常鮮甜，加上大大隻的鮑魚，鮑魚非常爽口新鮮，另一款是香煎黃花魚，細細條的黃花魚兩邊煎香後上枱，兩邊的魚肉非常之嫩滑，再來一款是富貴大蝦，四隻新鮮大蝦經過酥炸號，外面酥炸到金黃色，非常之好看，外面非常鬆化，蝦肉質非常彈口，最後是芥菜粥，裏面有乾瑤柱，加上煮得軟綿綿的粥底，芥菜加在裏面口感爽脆，粥底非常鮮甜。最後是桂圓蓮子銀耳糖水，多種的材料，完美了今次的套餐。

大年初一當然要去食餐好既😋。莆田推出多款新春套餐，2人起，去到10人既套餐都有，套餐食物都攞個好意頭，夠哂有心思。今日兩人黎到銅鑼灣分店食午餐，點左兩人吉祥套餐，食個好意頭😋。-吉祥套餐兩位💰628🔻鴻運發財魚生撈起 — 煙燻三文魚撈起撈起，撈到風山水起。呢個頭盤可以話係開左個好年意頭👍🏻。大大碟，有芝麻花生碎、蘿蔔絲、醬汁、花生油、炸紫菜、香酥薄脆等等，再撈埋煙三文魚，色彩繽紛，味道酸中帶甜，很開胃👍🏻。-🔻石斛番鴨燉南日鮑魚每盅一隻南日鮑魚，爽口煙韌；鴨湯清甜不膩，滋補養生湯水。-🔻年年有魚油炸黃花魚，外皮微脆，肉質嫩滑鮮甜。-🔻富貴麥片蝦麥皮蝦帶點甜香辣，炒得好入味，蝦味鮮而彈牙-🔻芥菜粥芥菜粥帶有瑤柱等配料，香熱可口，暖胃一流。-🔻桂圓蓮子銀耳羹以桂圓蓮子銀耳羹匙作結，清潤滋補，滿足呀🤗。-✨溫馨提示：初一至初三黎食，每位客人都有一封利是架！而且早兩日預訂都有88折優惠😚😚！