影片
更多
2020-02-27
2952 瀏覽
餐廳：莆田 (銅鑼灣)地址：銅鑼灣波斯富街99號利舞臺廣場7樓A舖來自新加坡嘅福建中餐品牌，係亞洲有60幾間分店，香港亦佔有7間餐廳嘅莆田，銅鑼灣店連續4年榮獲米芝連必比登推薦餐廳，臨出發去尼泊爾前，終於有機會去試一下精美四小拼 $129呢個四小拼有蝦苗伴頭水紫菜、水晶豬蹄凍、滷水嫩豆腐同九轉小腸，全部都係涼菜，亦都好有特色紫菜酸酸甜甜，食落仲有蝦苗嘅咸香，同平時食嘅好唔同，頭水紫菜一年只係採集一次，係紫菜當中嘅黃金九轉小腸都係第一次試，飽實嘅小腸爽口煙韌，粉粉地，唔會有臭味，仲帶有少許脂肪莆田扁肉湯 $22/碗福建嘅經典菜式之一，每碗仔都有成十粒八粒扁肉，扁肉鮮甜滑嫩，湯底偏咸，不過鮮味依然突出莆田滷麵 $88鎮店之寶，亦都係福建經典之一，一碗麵有12種食材，係莆田主食類嘅No.1，由蝦、蜆、幾款蔬菜等熬製而成，鮮味夠出，麵條幼滑，湯底濃郁，打左芡汁之後仍成少少糊狀咁，夠特別夠好食，難怪係主食嘅No.1莆田哆頭蟶黎至湛江哆頭村，當地人養蟶已經有600幾年歷史，亦係中國優質蟶子產地之一，果到嘅海水鹽份相對較高，所以食落更加鮮甜，莆田共有八款食蟶方法，叫兩款都只係$198叄芭爆蟶肉以東南
地址：銅鑼灣波斯富街99號利舞臺廣場7樓A舖
來自新加坡嘅福建中餐品牌，係亞洲有60幾間分店，香港亦佔有7間餐廳嘅莆田，銅鑼灣店連續4年榮獲米芝連必比登推薦餐廳，臨出發去尼泊爾前，終於有機會去試一下
精美四小拼 $129
呢個四小拼有蝦苗伴頭水紫菜、水晶豬蹄凍、滷水嫩豆腐同九轉小腸，全部都係涼菜，亦都好有特色
紫菜酸酸甜甜，食落仲有蝦苗嘅咸香，同平時食嘅好唔同，頭水紫菜一年只係採集一次，係紫菜當中嘅黃金
九轉小腸都係第一次試，飽實嘅小腸爽口煙韌，粉粉地，唔會有臭味，仲帶有少許脂肪
莆田扁肉湯 $22/碗
福建嘅經典菜式之一，每碗仔都有成十粒八粒扁肉，扁肉鮮甜滑嫩，湯底偏咸，不過鮮味依然突出
莆田滷麵 $88
鎮店之寶，亦都係福建經典之一，一碗麵有12種食材，係莆田主食類嘅No.1，由蝦、蜆、幾款蔬菜等熬製而成，鮮味夠出，麵條幼滑，湯底濃郁，打左芡汁之後仍成少少糊狀咁，夠特別夠好食，難怪係主食嘅No.1
莆田哆頭蟶黎至湛江哆頭村，當地人養蟶已經有600幾年歷史，亦係中國優質蟶子產地之一，果到嘅海水鹽份相對較高，所以食落更加鮮甜，莆田共有八款食蟶方法，叫兩款都只係$198
叄芭爆蟶肉以東南亞傳統風味嘅叄芭醬汁爆香蟶子同韭菜，炒得香辣惹味
鐵板鹽焗蟶子熱辣辣上枱，以鐵板方式用海鹽焗蟶子，直接將蟶子嘅鮮甜帶出黎，原汁原味
張貼
