花華和食屋

營業中

休息中

𖤐ˊ˗門口設有日式的楓葉庭園，設有室外坐位但沒枱，應不能室外用餐，室內天花半邊掛滿日式紙傘，十分華麗，座椅採用淺綠色配白色，簡潔舒適。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼雞白湯拉麵（限定）$108奶白的湯底很稠密細滑，味道濃郁，原隻糖心蛋配軟嫩的雞胸肉，加上炸椰菜花🥦，真是特別有滋味，個人最欣賞是麵底不是普通拉麵，而是稍硬身、有嚼口的麵，很有口感。✎ ̼干貝蟹白湯拉麵 $108也是奶白的湯白，但喝起來卻是濃厚蟹味，配兩片厚身焦香叉燒和原隻玉子，有質素！✎ ̼Tiramisu芭菲 $79賣相一流，咖啡雪糕球很濃郁，配有厥餅、小丸子🍡、餅乾🍪，一層又一層忌廉和早餐殼麥片，推介必吃，下次再試刨冰🍧☺️✎ ̼北海道紅豆抹茶鮮奶 $39賣相有層次，味道也不差。✎ ̼山政小山園抹茶 $48頗有儀式感的泡茶，茶味甘，剛好解膩！

難得兩個一齊放假，男朋友話要帶我去日本食拉麵影靚相🧐原來係嚟屯門嘅花華和食屋🌸店舖裝修好日本feel，門口仲有一個日系小庭園⛲️我去嗰日天氣唔算太熱有微風，所以貪靚坐出面食刨冰，又真係幾有feel喎🤭淡醬油鴨胸拉麵 ⭐️⭐️⭐️⭐️⭐️平時食拉麵多數配叉燒，好少見到配鴨胸，聽講係期間限定所以一於試吓🤭相比平時濃郁嘅豬骨湯，估唔到淡醬油湯底又有另一番風味，淡醬油唔會太鹹，加入少少柚子皮，有一種清新嘅感覺，好啱夏天食☀️干貝蟹白湯拉麵⭐️⭐️⭐️⭐️⭐️蟹白湯配上少量蟹膏同蟹肉，所以令到成個蟹白湯底變得更鮮更重蟹味！呢個拉麵配上嘅係日式叉燒，叉燒肥瘦均勻入口即化👍🏻拉麵入面嘅流心蛋唔好忽視，輕輕咬一啖蛋黃已經湧出嚟，食完好滿足👏🏻士多啤梨刨冰 ⭐️⭐️⭐️⭐️⭐️睇片就知道賣相勁靚，完全滿足到粉紅色少女心🩷刨冰上有勁多配料，士多啤梨、白玉、黑糖蕨餅、芝士奶蓋、雲呢拿雪糕等，每種食材都有唔同口感同質地，白玉煙煙韌韌軟度剛剛好，刨冰配上芝士奶蓋咸咸甜甜令人食唔停呀！整體質素勁高分，如果黑糖蕨餅可以多啲黃豆粉會仲正👍🏻

放假入左屯門搵朋友，去左花華和食屋食日式拉麵。位於屯門的建生附近，有好多打卡位，環境舒適，好岩聚餐。🥟 香脆多汁的雞皮餃子外脆內嫩，每一口都爆汁，充滿著雞皮香脆，雞肉的鮮美，值得一試。🦀 干貝蟹白湯拉麵不得不讚下個湯底，好濃郁芳香，干貝清甜和蟹肉的鮮美，風味十足，加$25就有兩大厚身的日式叉燒，好食。🍜 清爽的雞白湯拉麵之前係灣仔食過雞白湯拉麵，想不到屯門都食得到。雞肉超嫩滑彈牙，配上手工麵條，正。🍧 宇治金時刨冰傳統日本甜點，抹茶刨冰的清香，冰沙唔算幼細，入口十分爽，味道一般。

JEP以出色手工意粉聞名，於屯門已經儲了一定的知名度。今次老闆撈過界，係JEP 旁邊開了一間拉麵館！餐廳以日式小庭園為主題，座位不算多，因此有機會要排隊先食到！各款拉麵亦有機會一早售罄，所以食唔食倒都要睇緣份😂。✨雞白湯拉麵：雞白湯醇厚滑順，帶有淡淡的雞肉鮮味。拉麵軟硬適中，與濃郁而不膩的雞白湯相輔相成，再配雞胸肉片、糖心蛋、紫菜等，口感好豐富！✨干貝蟹白湯拉麵：湯底結合了干貝和蟹的鮮美，味道十分濃厚。與雞白湯拉麵一樣，拉麵彈牙有咬口，與濃濃蟹白湯好搭；加埋新鮮蟹肉、肥美日式叉燒及糖心蛋，好滿足😋！✨芒果刨冰（芒果、白玉、乳酪雪糕、芝士奶蓋、芒果冰花）// 山政小山園抹茶刨冰（蕨餅、白玉、芝士奶蓋、抹茶雪糕）- 相比拉麵，刨冰就有點失色。刨冰🍧冰塊較粗，致沒有入口即化嘅口感，幸好刨冰配料豐富，填補不少分數。-

Involtini本身已經係信心保證~一見到佢開埋拉麵店就好想試🥳睇返社交平台，發現店主好有心機咁不斷改良🤤▪️濃醬油蟹湯拉麵($98)呢排都好黑仔~但係星期日lunch大約1:30pm去到竟然食到最後兩碗拉麵😂大概運氣又用哂係呢度😹蟹湯好濃郁，配埋少量蟹肉，啖啖都大滿足😍不過如果個湯底少啲啲油會冇膩😌另外叉燒好大塊~肥瘦比例剛好🫶🏻▪️宇治金時芭菲($79)相比之下芭菲普通啲，都係想像到嘅味道🤣呢個價錢算幾抵食🤓抹茶味濃但偏甜，忌廉同其他食材比例都幾平均~吾會食到成口忌廉🤣

環境係靚嘅，打卡一流，不過如果真係想食好啲，就一定唔會係呢度，屯市是但一間都好過呢間（屯市都係普普通通），可能我無食到其他人係咁讚既蟹湯麵🍜所以就中咗伏？原本都想食埋甜品，不過試完個麵就無勇氣再試，食咗一半放棄咗，老公就因為咁貴唔想嘥就夾硬食埋佢。檸檬鴨湯拉麵$108雞白湯拉麵$108追加叉燒$25雞皮餃子$58Total：$299另外員工感覺態度有啲散慢（佢哋完全冇唔禮貌，只係客人用餐感覺唔係咁舒服）後記：之後去咗第二度再食過另一餐晚餐😅

大西北都有超高質日式拉麵😍花華和食屋係意粉名店JEP by Involtini姊妹店，選址JEP旁邊，門外有一個日式小庭園非常吸睛！店家以香港較少見既蟹湯為主打，難怪好多人慕名而來，週末午市晚市都有機會出現湯底售罄情況，記得預早時間去朝聖🍜🔸干貝蟹白湯拉麵第一次到訪當然要試試signature蟹湯！蟹湯拉麵分別有濃醬油蟹湯以及干貝蟹白湯，湯頭口感及味道各異。我揀既干貝蟹白湯拉麵用上幼身細麵，配搭較濃厚既蟹白湯掛湯力強，更加突出鮮味！配料有松葉蟹肉、味噌松葉蟹膏、紫菜、味筍，尤其日本豬腩叉燒肥瘦適宜，輕輕炙燒過後散發油香超級好食🤤🔸意日鴨湯醬油拉麵老公揀咗期間限定鴨湯拉麵，鴨湯清澈肉香濃郁，麵條比蟹白湯拉麵粗身，口感更彈牙！拉麵附有4塊慢煮鴨胸，肉質柔軟，配合香蔥、紫洋蔥及柚子皮味道層次豐富，係一個特別既fusion拉麵🥰🔸炸雞皮餃子、牛肉可樂餅店家小食同樣出色！薄薄雞皮包住餃子餡炸至金黃，比一般餃子更香脆；牛肉可樂餅外脆內軟，最窩心係可以單點一件，咁就可以留肚食甜品喇😍🔸 宇治金時芭菲店內另一個主打就係刨冰及芭菲！左揀右揀決定要宇治金時芭菲，以抹茶雪糕為基底再加入抹茶啫喱、抹茶蕨餅、紅

呢間嘢新開張試業嘅時候已經係條街聞到好濃烈海鮮味 所以令我好有興趣試吓咁佢最招牌兩碗拉麵(蟹湯拉麵/蟹白湯拉麵)🍜我都分別兩次試過 不過隔得有少少耐 所以我不能仔細講到個分別首先，兩款蟹味都非常濃 係幾有亮點 唔會覺得間間同佢哋拉麵一樣 我兩次都飲晒成碗湯(因為我覺得湯係佢值錢嘅地方)另外，佢本身default都跟左啲餸 有紫菜(唔係特別脆) 雞蛋(流心👍🏻) 荀 叉燒(唔算好juicy,但幾香 應該有燒過？)同中間有一pat蟹肉同蟹膏🦀(濃濃的☺️) 麵就蟹湯個碗粗少少 有咬口我比較鍾意蟹白湯個碗太幼 我覺得太淋 (可以下次落單調整下，因為兩碗我都係揀正常 無做任何個人化嘅調整)總括 有各種配料下$108蟹白湯/$98蟹湯 係拉麵嚟講我覺得唔貴 都抵 係有特點嘅拉麵🍜當然，佢都唔會算係平價小食😂算係不妨試試嘅選擇但佢目前都仲係只收現金 有少少唔方便💵

之前都已經食過JEP 不務政業系列做嘅拉麵都覺得好出色。 今次老闆居然喺隔離再開咗一間專做拉麵同甜品嘅花華和食屋🤩 而且外面嘅打卡位都好靚好有日本嘅庭園風今次嚟到就叫咗佢哋兩個蟹嘅湯底，分別係乾貝蟹白湯拉麵同埋同埋濃醬油蟹湯拉麵喺香港都比較少見用蟹做湯底嘅拉麵 乾貝蟹白湯拉麵$108呢個乾貝蟹白湯味道比較清新，好突出到蟹嘅鮮味再加上個豬腩肉叉燒經過灼燒微微嘅煙燻味真係非常之好食,面身軟硬度都適中好掛湯濃醬油蟹湯拉麵$98湯底相比於乾蟹貝就會比較濃郁少少，層次會多少少日式醬油同蟹湯嘅混合都做得相當唔錯甜品方面就叫咗佢哋嘅宇治金時刨冰同埋芭菲宇治金時刨冰超級邪惡有芝士奶蓋鋪面嘅刨冰🥰刨冰抹茶味食落去都好濃郁加上刨冰入面仲有抹茶雪糕真係好滿足😝配料都唔錯丸子好q彈宇治金時芭菲除咗雪糕之外，下面仲放咗好多抹茶嘅忌廉同埋脆片食落去好有有幾種口感加埋一齊，感覺好好好夾

好耐未食過咁好食嘅拉麵🍜啦, 俾我係建生搵到呢一間🎌日式拉麵店, 環境裝修真係好和風, 門口仲有個小花園真係好鬼靚😍佢哋主打拉麵🍜同🍧甜品, 個拉麵湯底鮮到不得了， 我揀咗干貝🦀蟹白湯拉麵🍜呢個真係超級好食我覺得仲好食過喺日本🤪而且個麵底自己可以揀淋D/硬D/同埋適中🤪, 另外一個拉麵我哋就揀咗佢哋期間限定嘅鴨肉湯拉麵🍜呢個都好好食鴨肉都好嫩滑🤩👏🏻抹茶💚控嘅我點少得叫埋佢哋嘅抹茶🥛鮮奶系列， 呢個又係勁好飲唔太甜抹茶甘甘地，好香抹茶味， 加埋鮮奶嘅順滑口感好好👍🏻因為天氣太熱🔥我哋調多個刨冰🍧添， 有我最鍾意嘅白玉🤍同蕨餅， 雖然係甜品但係唔太甜好啱我🥰

之前有食過JEP 對佢哋嘅出品都有信心🙂‍↕️ 今次開咗冇幾耐去幫襯佢哋新店 19:30已經賣晒啲拉麵😱⁉️ 大家想食就早啲去啦~─ ⊹ ⊱ what we had ⊰ ⊹ ─ᡣ𐭩 干貝蟹白湯拉麵 - 4 / 5 $108第一次食蟹白湯拉麵 入口嗰下好似吞咗個海咁🤭 好鍾意面頭嘅炙燒味噌蟹肉🦀 叉燒都好唔錯🐷 但糖心蛋可以入味啲ᡣ𐭩 Tiramisu芭菲 - 3.5 / 5 $79咖啡味雪糕on top 中間有唔少mascarpone 有驚喜😳 但係略嫌啲cereal有啲腍 同埋用嚟墊底嘅椰果有啲唔夾🤔 ─ ⊹ ⊱ tldr ⊰ ⊹ ─冇藉口唔嚟食 甜品同正餐都好掂🙂‍↕️👍🏻 (下次想試埋刨冰 同埋雞白湯拉麵!!😭)味道: 4 / 5價錢: $ 100-200pp服務: 4 / 5 (裝修好靚 🎏)環境: 4 / 5cp value: 4 / 5re-visit: yesss!!!

朋友喺英國返嚟，梗係要揾間餐廳，一齊聚下舊啦。我見到珀御新開嘅拉麵店🍜，仲有刨冰🍧，就試下啦。呢度有2款蟹湯拉麵🍜，1款係濃醬油蟹湯拉麵，1款係干貝蟹白湯拉麵。我同朋友都叫咗濃醬油蟹湯拉麵🍜大家都先飲咗1啖湯，真係有濃濃嘅蟹味，好鮮甜，加上日本豬腩叉燒，薄薄嘅叉燒整得好鬆軟，好正呀😍雞皮餃子，外脆內軟，我最鍾意🤤我哋諗咗好耐，究竟揀邊款刨冰好😂，最後揀咗士多啤梨刨冰🍓🍧士多啤梨冰花真係好靚❤️，味道酸酸甜甜，好醒神🤩白玉+黑糖嶡餅，配上士多啤梨刨冰一齊食，口感豐富😍估唔到入面仲有雲尼拿雪糕🍦，咁熱嘅天氣，食呢個刨冰，真係透心涼🥶下次要試埋芭菲杯先得。

屋企樓下開左新拉麵店，除左餐廳內裝修有特色之外，餐廳出面都好有日本庭園風味🎍🎏吸引左我同家人入去食🤭✨慢煮日本錦爽雞胸塩味拉麵 - 期間限定嘅拉麵，估唔到雞胸可以整到咁嫩滑😻湯底比較清，唔洗太多調味但都好夠味👍🏻✨干貝蟹白湯拉麵 - 用左干貝同蟹去餚湯，鮮味濃郁，拉麵幾彈牙有質感！✨炸雞皮餃子 - 雞皮餃子好出色，個皮炸得香脆唔肥膩，裡面熱辣辣又啖啖肉😋✨牛肉可樂餅 - 外層酥脆，裡面軟心，食到好香牛肉同薯蓉融合左嘅味道🤩✨山政小山園抹茶 - 好有茶道feel，店員教我地"N"字型咁攪勻佢，飲得出抹茶甘香🍵 ✨宇治金時刨冰 - 到我最期待嘅刨冰，佢唔係入口即溶嗰隻，但好有日本地道刨冰嘅感覺~配料都多，有抹茶蕨餅、白玉、紅豆，面頭有芝士奶蓋，睇落有d似富士山🗻 裡面仲隱藏左大大球抹茶雪糕，配搭起嚟超香濃抹茶味，而且2-3人share都夠🍧

每次去屯門都會諗起高質西餐Jep by Involtini 💗依家佢喺旁邊新開咗日式料理店🎉 主打拉麵和各式靚靚日系甜品🍡由JEP主廚和原班人馬主理～料理質素也好讚啵～有別於傳統日式拉麵店嘅氛圍，店裡店外裝潢滿滿清新日系風！好有日本旅行feel呀🫶🏻 喜歡店外紅葉大樹，仲有店裡粉色傘～嘆拉麵不忘打卡！🦀蟹湯拉麵店家主打的蟹湯拉麵🍜有兩款👉🏻濃醬油蟹湯拉麵 （$98）和干貝蟹白湯拉麵 （$108），我們各點了一款～兩款湯底都超鮮，滿是蟹肉精華！干貝蟹白湯多了一陣干貝鮮香💗好濃郁。兩款都配以日本豬腩叉燒丶松葉蟹肉丶味噌松葉蟹膏丶溏心蛋👍🏼叉燒肥瘦均勻質感柔嫩，麵條爽滑彈牙～陣陣蟹香鮮味，好吃😋🍧 芒果芭菲 $78造型靚！最上面有香甜芒果果肉丶口感煙靭嘅白玉和乳酪雪糕，分層間以滑滑芒果忌廉和粟米片💗另外還有牛奶啫喱和蘆薈👍🏼配搭層次豐富，口感多重。🍵山政小山園抹茶 $48熱騰騰抹茶，入口有超濃郁嘅抹茶香氣，濃香有回甘。

最近屯門新開左間日式拉麵店🥢平時星期六日都好多人排隊，去試吓先☺️🦀濃醬油蟹湯拉麵🍜以蟹湯做拉麵湯底比較少見蟹湯鮮味濃郁，而煙燻過嘅兩塊日本豚腩叉燒味道好特別，唔會太過肥膩，令人印象深刻。拉麵上仲有松葉蟹肉同蟹膏增加鮮味，不過如果可以加倍蟹肉蟹膏嘅份量會更加滿足🥹另外溏心蛋都好好食👍🦀干貝蟹白湯拉麵🍜雞白湯拉麵係出面餐廳食過好幾次，今次第一次食蟹白湯拉麵😛蟹白湯味道一樣濃郁，感覺有更多蟹嘅精華係入面，更加鮮味。其他配料同醬油蟹湯嘅一樣，而我地最鍾意都係煙燻過嘅日本豚腩叉燒😆。🥭芒果芭菲🍨甜品賣相精緻，乳酪雪糕酸meimei 好好食😋 中和返食完拉麵嘅飽肚感。白玉好煙韌彈牙，底層仲有鮮芒果、芒果cream、粟米片、蘆薈、牛奶啫喱，口感豐富又唔會太甜。夏天食好開胃🎋