作為半個「Ga-Gi-Nang」，一路都想搵機會嚟呢一間好蔡館試下～ 不過佢地方唔大，真係好難book位，通常佢晚市都full～ 好彩今次兩個人嚟食最夜8:00嗰轉佢都有位坐～ 「🐚烚花甲（細）」 花甲係一定要點！打卡一流👍🏻每一粒都排得好整齊～ 事實上做法就好簡單，就係新鮮嘅花甲加特製醬油～ 個特製醬油我食得出嘅就有魚露/豉油/陳醋/仲有啲九層塔🌿辣椒🌶️咁⋯ 花甲隻隻差唔多咁大隻，而且好新鮮，冇一隻係差～ 配埋個特製醬油係非常之鮮甜，一種好潮州嘅原味道😋😋😋 「🦪潮州蠔烙」 正宗嘅蠔烙唔等於蠔餅～ 蠔烙薯粉會落多啲會煙靭啲～ 咁佢哋呢度就做得非常之出色👍🏻中間煙韌而邊邊亦都非常脆口～ 鴨蛋味香而且啲蠔又大大粒，調味鮮得來又唔會好鹹～ 如果佢地有埋水瓜烙，我肯定佢哋都會整得好好食👍🏻👍🏻 「🥢潮州蠔仔泡飯」 佢哋呢一個蠔仔泡飯嘅味道偏鹹同濃味～ 蠔仔亦都夠多又大粒，係好食～ 不過整體嘅質素就係似潮州街邊檔口嘅口味～ 未去到潮州酒樓嘅質素，所以價錢上我略嫌覺得佢貴咗少少～ 「💜福果芋泥」 福果即係白果，佢哋呢一個芋泥又係大大力推薦🌟 好正宗！明顯加入咗豬油撈起～ 香軟幼滑，超濃郁嘅芋頭香，但又唔會好甜～ 用佢嚟結尾，非常滿足😋

自從發現係L C X開左呢間山本屋後，我都經常嚟食～ 一嚟本身烏冬就係吸引，二嚟環境坐得又好又舒服～ 有幸坐窗口位置的話，小朋友睇船睇海最高興🚢🌊 「❤️明太子冷平烏冬」 平烏冬係扁身啲，彈牙同埋滑啲，最啱就係凍食～ 而加上略帶鹹辣香嘅明太子，啱曬夏天食～ 能夠消暑得嚟，仲可以增進食慾😋😋 而且佢哋平烏冬所跟嘅湯底/醬汁都會淡口一啲～ 比較適合唔鍾意食太濃味嘅朋友～ 「🐣親子煮烏冬/🦐蝦天婦羅煮烏冬」 手切煮烏冬，呢款手切烏冬較為傳統，粗身一點，實在一點～ 屬於佢哋嘅主打系列，湯底會有3款選擇～ 我多數都會揀黃金鰹魚清湯～ 雖然叫清湯，但實際湯頭嘅質地同味道都係比較濃郁～ 比起一般平時嘅鰹魚湯底嚟得更鮮甜惹味～ 佢地呢一個煮烏冬，每一款都係好熱辣辣鍋上～ 每一條烏冬都掛上熱辣辣嘅湯汁，非常入味～ 親子款式就係雞蛋加雞肉，雞肉似係地雞，質地會較實在而香～ 而蝦天婦羅🍤，薄薄嘅炸衣底下包住鮮嫩彈口嘅大蝦，又脆又惹味～ 值得一提，大家記得加配料一定要加年糕，軟糯得嚟充滿濃濃米香，必點品之一！ 「🦀蟹棒天婦羅」 大大條嘅炸蟹棒，少少鹹多多脆～ 惹味又好味，我兩個小朋友就最鍾意❤️

由於本身平日要湊小朋友放學～ 所以要食一般嘅afternoontea其實有啲難度～ 好多都要由三點先開始⋯😪 但「个園竹語🎋」呢度有個好處，佢哋嘅下午茶時段兩點就已經開始啦！ 唔止咁佢哋嘅下午茶仲一至日都有添👍🏻👍🏻 而且非常抵食又好食😋😋 「🫖个園竹語下午茶」 🥢Appetizer 鎮江餚肉、个園煙燻溏心蛋、蜜汁脆鱔、陳醋紅蜇頭 🥢Side Dish 黑松露帶子燉蛋 Steamed Scrambled Egg with Scallop and Black Truffles 🥢Dim Sum 翡翠菜肉餃 韮黃肉絲春卷 香煎南瓜餅 炸芝麻湯圓 🦞本地乳龍蝦湯麵（乳龍蝦的三両重，每位半隻） 🍹Drink(自選兩杯) 熱生薑蜜/熱柚子/凍橙汁/蘋果汁 一嚟到見到兩個好精緻嘅中式藤盒載住一道道嘅點心同埋前菜都已經心心眼😍 而事實上呢八小碟有外型亦有內涵❤️ 個人最鍾意會有甜甜脆脆嘅炸鱔，爽脆開胃嘅紅蜇頭～ 仲有軟糯香甜嘅南瓜餅以及酥脆而滿口麻香嘅炸湯圓～ 至於龍蝦湯麵🍜同燉蛋亦有驚喜～ 龍蝦味鮮甜彈牙🦞湯頭亦充滿濃濃蝦香😋 而燉蛋非常滑溜，配上帶子黑松露香氣十足～ 建議呢兩款一定要熱辣辣上枱先食，咁就最perfect la~

喺Airside 呢度有好幾間中菜都有北京填鴨食～ 不過以質素嚟講，個人就覺得係「嵐月」呢家最好👍🏻 而且佢門口好綠植🍃好靚好啱食飯前後打打卡💚 「🪿北京片皮鴨（原隻）」 由於即製，需時45分鐘左右～ 亦都未必時時刻刻都一定有，所以最好book枱時就book埋～ 佢哋採用北京金星鴨廠嘅填鴨（真·我來自北京😜） 鴨肉望落好肥大豐滿，但實質肥瘦勻稱～ 切開見到有脂肪層但唔會太肥太厚👍🏻👍🏻亦都燒到好皮脆肉嫩😋 另一個重點嘅餅皮亦都夠薄身但口感煙靭唔易穿～ 配上一系列嘅配料（值得一提鴨醬混上麻醬），口感、層次、味道都好豐富！齒頰留香，一食再想食😋😋 「🪼柚子汁伴海蜇頭」/ 「🍊桔柚黑鱈魚」 由於點咗烤鴨，其他食物就會自然想清新啲🍃🍃 所以就點左有柚子嘅呢兩款，兩款都非常開胃消滯～ 海蜇頭充滿濃濃嘅柚子醋香汁，再加上非常爽脆口感，作為頭盤一流👍🏻 至於黑鱈魚🐟，大大大推介🌟🌟 估佢唔到係好似一個咕嚕肉/糖醋魚嘅做法，外面甜脆，入面魚肉嫩滑～ 而且再加上有啲薑絲，柚子～甜得嚟帶幾分清新，大人小朋友都會鍾意😋😋 「🦁石獅黑麻糕（2件）」 見到好多人都點，所以我哋都叫～ 造型得意，係迷你版嘅石獅子，啱晒打卡📸 至於味道方面，估唔到係比較新派～ 麻香味淡啲反而奶香味重啲，質地比較滑溜～ 另外值得一提，佢哋附送嘅胡桃有陣陣甜甜地嘅紅棗香～ 作為餐前小食不錯👍🏻👍🏻

朋友鍾意食日本料理，呢次就同佢嚟到鮨政～
佢係由日籍師傅主理嘅壽司店～
店舖唔算大間，不過就好傳統日式小店嘅感覺～「🍣壽司拼盤（特上）」
壽司拼盤有三款選擇，價錢大家相差幾十蚊～
咁今次點嘅特上有：大吞拿魚腩/中吞拿魚腩/海膽/帶子/三文魚腩/金目鯛/牡丹蝦/鰻魚/油甘魚腩/三文魚子/葱吞拿魚腩細卷（6件）
牡丹蝦嘅蝦頭，可以免費幫你炸咗佢又或者可以加錢轉做麵豉湯～
整體每一件壽司都高質⭐️啲魚腩件件都鮮甜肥美😋「炸串拼盤/炸豆腐」
食過壽司之後，總係會想食返啲熱辣辣嘅脆口炸物～
呢兩款就啱晒我心意～
前者拼盤有炸蔬菜，亦都有炸海鮮🦞～
薄薄地嘅炸衣，外面鬆脆，保留到入邊蔬菜嘅脆嫩同海鮮嘅彈牙鮮味～
點上醬汁食，香口惹味😋😋
後者炸豆腐，用上硬豆腐，豆味更加濃郁，不過就少咗一份滑溜～
醬汁上亦都唔會太濃味，唔怕搶咗豆香，不過略嫌細份咗少少唔太夠喉～最後發現原來follow佢哋餐廳社交平台係會送甜品一份～
今次送嘅係關西風櫻餅🌸🌸

朋友就生日🎂為咗同佢慶祝食生日飯今次就揀左唐坊呢度打邊爐～
貪佢呢度主打「火鍋私房」，環境好坐之餘，仲有抵食套餐選擇👍🏻

「🍽️4人套餐 $1588」
✨時日刺身魚一條
✨鍋底 (6選1)
煲冬瓜瑤柱美腿鍋/ 唐泰北蝦冬陰公湯鍋/極濃蝦鍋/
/酸菜三文魚骨腩鍋/3.6牛乳豬骨鍋/蕃茄薯仔牛牛鍋
✨4人海鮮盤
✨手切特級牛(大)/橡果豬(大)
✨韭菜餃及蟹肉餃
✨三寶丸
✨田園雜菜籃
✨手打烏冬/公仔麵 (2份)
✨四杯無酒精飲品 (可樂/ 無糖可樂/ 忌廉/ 椰子水/ 低糖果汁)

追加優惠
✨無限追加$50一碟手切特級牛(細)原價$248
✨$100一碟手切特級牛(大)原價$308
✨$60邪惡響鈴(大)原價$78

套餐份量多絕對足夠4人👍🏻
不過我地想食豬又想食牛，所以都有追加手切特級牛+響鈴～
鍋底我地就揀左煲冬瓜瑤柱美腿鍋，店員建議先飲啖靚湯跟住先再加湯開始打邊爐🍲
😋值得大讚係佢地嘅海鮮🦞，堅係全部「即日鮮」，勁高質～
刺身魚🐟連子鯛罕有地分2部位上枱，薄切位極鮮甜味美，而近魚皮稍為火炙部分超彈牙魚味香濃～
另外嘅海鮮拼盤，樣樣都大大件😋特別係鮑魚同大蝦，絕對冇得輸👍🏻👍🏻
至於其他肉類、餃子🥟⋯etc 整體亦都中上，不過𣎴失～
最後仲附送即製紅棗桃膠糖水比大家滋潤一下🩷
冇限時，食物又有一定水準，同朋友聚會一流👍🏻

泰式火鍋放題呢期最紅🔥，估唔到愉景新城呢度都開咗間～ 套餐有3個選擇，穩陣啲我哋就揀咗Set B 雞煲+牛板腱～ 雞煲可以揀辣度🌶️所以唔食辣嘅朋友都唔驚👍🏻 出面任拎嘅甜品🍮同配料選擇雖然唔算好多～ 但都算應有盡有👍🏻各類丸、時蔬、炸物、雪條、糕點⋯ 另外，仲有其他食物係可以用QR code落單～ 呢一類配料雖然唔係主菜，但個人覺得質素唔錯，絕對冇揸流攤👍🏻👍🏻 今次湯底我哋揀咗冬陰功同埋椰汁雞湯～ 佢哋有樣好鴛鴦湯底唔使加錢👍🏻 冬陰功唔會好辣，而椰汁雞湯就會帶返少少酸，兩款都好味😋 而另外雞煲，估唔到原來係冬陰功醬汁雞煲～ 既然係酸辣口味，早知叫辣啲都得😜 至於肉類方面，牛肉有三款，分別係（牛板腱/卡樂Beef/ 牛胸爽） 牛板腱彈牙濃肉香，卡樂Beef則細塊啲但又再爽口啲🐮🐮 唔食牛嘅朋友，佢地嘅豚肉片同酒嫩雞件都一樣好味～ 豚肉片一啲都唔嚡口，有肉味亦都彈牙～ 至於嫩雞件，就算經過湯底嘅洗禮，仲有微微嘅酒香滲出嚟，亦都夠嫩滑～ 而佢哋最有特色就係佢哋飲品方面🍸 唔係是但嘅罐裝飲料，而係一杯杯嘅泰式特飲～ 如果所有特飲你都啱飲嘅話，可以落單叫「飲品盲盒」～ 隨機抽一款俾你，今次就俾咗青檸梳打我🤩 另外，香茅茶係自己任斟，微甜帶幾份清新～ 配埋一餐泰式火鍋絕對合拍～

我最愛嘅🥓（江記）小小食站 直接位於海傍道嘅熟食中心～ 夜晚想買宵夜的話，絕對大大力推薦🌟🌟 全部食物即叫即制（如果人多嘅話就要等耐啲） 🍳雞蛋煎腸粉/🐤脆炸雞皮/🍚臘味糯米飯/🍌香蕉煎蛋餅 煎腸粉勁好鑊氣，煎到出邊少少膿脆入邊仲好軟～ 當日為咗小朋友揀咗雞蛋，但估計XO醬會更惹味😋 至於脆炸雞皮，必點！必點！必點！🌟🌟 重要嘅事要講三次，炸得勁香口鬆脆，加少少淮鹽調味已經好好食～ 由於佢哋嘅雞皮係非常之搶手，如果想叫嘅朋友可以落船前就訂定～ 佢哋嘅臘味糯米飯，亦都料足軟糯，煙煙韌韌～ 尤其是凍冰冰嘅時候食返碗熱辣辣嘅糯米飯，簡直一絕👍🏻👍🏻 最後香蕉煎蛋餅🥞，呢一款我又係超級鍾意嘅甜品🩷 佢嘅蛋餅煎到微燶，配上香蕉、蜜糖⋯ 甜甜地少少鹹，勁好味😋😋

長沙灣嘅街坊又有口福了😋 喺明愛醫院附近新開咗呢一間「🍻泰醉」 酒吧嘅間隔，又有適合港人而又好味嘅泰菜～ 「🇹🇭泰式拼盤」&「🦐生蝦刺身」 泰式拼盤造型靚靚🩷一個兩層高嘅藤架～ 上層有無骨鳳爪沙律🥗，下層則有魚餅蝦餅同春卷～ 無骨鳳爪酸辣適中，彈牙又入味～ 下層嘅蝦餅同春卷，香脆惹味，小朋友都會鍾意食👍🏻 至於魚餅，好香金不換味，亦都只係微微辣，唔食得辣嘅朋友都會鍾意～ 至於生蝦刺身，虎蝦大大隻又厚肉又彈牙，配埋辣青汁冇得頂😋😋 「🍍菠蘿炒飯」/「🥬蒜蓉炒雜菜」/ 「🦑香燒魷魚」 先講菠蘿炒飯，佢哋呢度嘅炒飯值得推薦🌟🌟 炒得乾身粒粒金黄又分明，鮮蝦亦都大大隻～ 配上菠蘿，酸酸甜甜，層次分明，正👍🏻 至於香燒魷魚，燒得唔會太乾身，仲保留到彈牙juicy, 配埋海鮮酸辣汁，夠晒惹味～

一般食燒肉放題，普遍都好嘈好迫～ 好難傾偈，真係嗱嗱聲食完就快啲走人～ 但本場呢間就唔同，勝在成個場坐位比較闊落～ 坐得比較舒服，感覺亦都乾淨衛生啲👍🏻 而且任食嘅嘢全部用QR code落單，快手送到～ 店員收拾或者換燒烤網亦都好快手～ 整體以任食放題嚟講係好🈴適合同朋友慢慢傾偈慢慢燒🔥🔥 「🐮上品牛肩胛放題」 今次我哋就揀咗上品牛肩胛放題，包113品（牛/豬/雞），仲有各類嘅冷盤/小食/主食等等 以呢個價錢嚟講都算係多選擇⭐️⭐️ 同埋一開始會送一個限定嘅拼盤，🦞🐮有海鮮仲有三款特色啲嘅牛肉～ So far 海鮮估佢唔到都幾新鮮，特別兩隻蝦好大隻🦐🦐👍🏻 跟住之後就可以盡情任叫！🤩🤩 基本上有🥚蛋嘅嘢一定要order，因為佢哋用上蘭王蛋，蛋味濃郁 至於肉類方面，個人覺得牛雞都唔錯～ 但必點品就一定係牛柳粒，一啖一粒👍🏻👍🏻 而食到咁上下，一定唔可以忘記甜品部份🍨 🔥吉士大判燒同鯛魚燒，細火輕輕燒兩邊～ 燒到脆脆地就已經食得😍 最後仲有movenpick 雪糕送，收埋個尾添～～