花華和食屋

《花華和食屋》煮干粟米🌽冷拉麵 🍜📍屯門良德街8號珀御地下G06號舖早响 社交平台都見到，花華和食屋近期都有出限定款冷拉麵，而佢每款限定通常只做一個星期，今次有緣遇到呢款《煮干粟米🌽冷拉麵 🍜》，當然係要試試啦！香味 (4/5)如果以冷拉麵來講，煮干嘅香味同粟米嘅香味都算幾出，始終都係凍湯唔係熱湯。湯 (5/5)呢款雖然係冷湯，不過味道十分好。粟米嘅甜味會行先，中後段煮干嘅味會漸漸出黎，相當有層次。而煮干同粟米嘅味道平衡亦洽到好處，冇話邊個搶左邊個。可能因為主題係粟米嘅關係，甜味係會比鹹味更出，正好配合到呢碗冷麵。麵條 (5/5)店家聲稱用左自家製42%全粒粉加高水麵，係咪高到42%我就食唔出，不過呢款麵凍食真係非常之煙韌，口感好好，配呢款濃稠嘅粟米湯非常之夾。配料 (5/5)慢煮豬叉燒入口軟嫩，而肉味極之甘香，相當好食。除此之外，另外仲有一個驚喜位，就係粒睇落平平無奇嘅蕃茄乾，竟然鮮味到一個點，酸味同甜味剛剛好，對碗麵有畫龍點睛之妙。整體 - 超高水準，冇乜位可以挑剔，如果唔係住得遠，我可能會 encore 多次。順帶一提，隻碟嘅顏色我就唔多喜歡，因為個人來講，我唔鍾意响餐具上見到呢隻孔雀藍，見到令人有d冇胃口。…查看更多

濃厚蟹湯拉麵食評今晚去咗屯門嘅花華和食屋食拉麵🍜叫咗濃厚蟹湯拉麵🍜同干貝蟹白湯拉麵🍜濃厚蟹湯拉麵嘅蟹鮮味香濃唔腥，第一口已經鮮味。麵條彈牙吸滿湯汁，濃郁但唔會過鹹。蟹肉碎同湯底融合，襯托到出蟹嘅海鮮厚重感 (๑˃̵ᴗ˂̵)و 。干貝蟹白湯拉麵上枱時，湯面有層好似 Cappuccino 嘅泡沫，視覺上好療癒 (´▽｀)ノ♪。入口輕盈之後再慢慢滲出蟹香混埋干貝嘅鮮甜湯底白濁但唔厚重，飲落去有種柔和感(´꒳`)…查看更多

干貝蟹白湯拉麵（$108）麵條係幼麵，軟硬適中，係自家製42%全粒粉加高水麵，望得見粒粒嘅麥！湯底好鮮味，飲得出干貝嘅味道，亦有超少量蟹肉碎，但飲多幾啖會覺得有啲鹹！糖心蛋流心入味！叉燒有2塊，比較薄身，但大塊，質地比軟淋滑，味道比較淡！山椒ShakeShake唐揚雞塊 （$28/4件）炸得算皮脆肉嫩，面落咗啲山椒粉，麻麻地，但唔辣！總結：環境幾好，坐得舒服，味道中上，無加一，可以encore！…查看更多

🍜「干貝蟹白湯拉麵 $108」基本上10次有8次都會叫，湯底蟹味勁濃！真係世一！干貝蟹白湯係好鮮好順滑嘅感覺，拉麵當然軟硬適中，超級掛湯，我記得佢試業嘅時候用過兩款拉麵，最終決定呢款，超級用心！仲有少量蟹肉，增加口感。而叉燒我一向最普普通通，肥瘦度其實適中，但本身調味唔濃，所以我有少少唔喜嘅臊味，但我身邊嘅人都覺得無問題，好好食，咁應該係我嘅問題。🐣🍗「唐揚炸雞 $23 4塊」由於我麻麻哋個叉燒，所以好多時我都會嗌炸雞或者其他小食配一配，炸雞塊熱辣辣唔會太油，雞又唔會炸得太乾，okok!小店仲有幾款唔同嘅拉麵，各有特色，全部精緻得來都好食，絕對真材實料，仲有其他小食同埋冰點，希望大家鍾意我嘅介紹啦…查看更多

經過建生，諗住試下依間拉麵，未試過，第一次嚟，見好多人comment話好好食，諗住試下，但食完覺得好普通😢雞皮餃子雞皮餃子聽落好特別，但食落似乎未有驚喜。雞皮嘅口感可能偏油膩或者唔夠香脆，餡料同雞皮嘅配搭可能未夠和諧，導致整體味道平平。如果你係想試創新嘅餃子，可能會覺得有啲失望。濃厚蟹湯拉麵濃厚蟹湯拉麵賣點係湯底嘅濃郁蟹味，但試過之後可能覺得湯頭偏重或者唔夠鮮甜，拉麵嘅質感同湯底嘅搭配唔係好平衡，食完覺得有啲普通，無乜回味。…查看更多