船渦

營業中

休息中

約好朋友食生日飯，鐘意食海鮮又鐘意打邊爐，一志贊成試下今期最紅一人一鍋自助海鮮蒸鍋，份量有多有少，按個人選擇揀自己鐘意的套餐，自己海鮮自己蒸，想食乜先就食乜先～我話哂事！船渦共有4款套餐選擇，我就揀咗$388八府巡按，貪佢夠多野食，生日嘛～緊係食多D種類先夠開心啦! 八府巡按有魚生/ 炸物/ 新鮮海鮮/ 肉類（可選牛肉／豚肉／雞肉（三揀二），仲有我至愛的三寶丸啊! 前菜當然先享用刺身，開咗個胃就開始動手蒸海鮮啦，每款海鮮都份量都好足，而且都洗得好乾淨，大家只要跟住枱面的指示放海鮮去蒸爐度刪埋個蓋，一夠鐘個爐就會響提你海鮮已經Ready食得啦！蒸好的海鮮食落口相當彈牙，真心好好味！尤其係隻龍蝦，鮮味無比，鐘意食海鮮推介一試啊! 個餐本身可以配粥底或麵底，本身想要粥底，但係又想試麻辣鮮魚湯底，最後掙扎下放棄了粥底，下次必須要再Encore至得! 麻辣鮮魚湯底，麻辣醬是分開上的，所以要幾辣又係自己話事! 食完海鮮開始食肉類＋丸類，值得一讚丸類有薑汁皮蛋貢丸，牛骨濃汁牛丸等，都係誠意之作，好味又彈牙，不是一般海類可比。成個套餐已經勁豐富，仲要跟埋個菜籃，食到頂住再食返多D菜幫助消化，成餐飯食得

大推今次食嘅哩個蒸海鮮海鮮質素好、價錢合理可揀粥底或湯底將蒸完海鮮嘅精華 最後用嚟整粥或麵都好正！一人一鍋 可以做毒L自己食 （會落竹簾隔住）同朋友一齊食又得👌🏻同埋枱面有紙仔教係每款食材蒸嘅時間唔怕會整得唔好食.幾款套餐中，我揀咗『八府巡按』．$388🔸海鮮：龍蝦、蝦、鮑魚、蟶子、蜆、扇貝、大蜆、油甘魚🔸三點刺身（北寄貝、甘蝦、帆立貝）🔸炸物（芝麻雞翼、雞軟骨餃子）🔸肉類（安格斯牛肉/豚肉/雞件）🔸丸類（牛骨濃汁牛丸、薑汁皮蛋貢丸、墨魚丸）🔸蔬菜、甜品.◾️一嚟就蒸隻大龍蝦先，勁新鮮，仲識郁！肉質好甜好彈牙！肉多到要分幾啖食。鮑魚、扇貝都充滿彈性，蟶子、蜆、大蜆好鮮甜👍🏻海鮮真心高質，食完哩盤已經好飽。但我都蒸咗少少蔬菜同肉試吓，粟米🌽多汁、好甜、好好味！肉類都新鮮，幾鬆軟。另外想講個芝麻雞翼都好好食😋，炸到又香又脆、中間juicy。成個餐令我超滿足，全部都好味，但最正一定係海鮮、同雞翼😂，好值得再去！

我本身鍾意食火鍋，但由於疫情關係，無去好耐，但知道船渦 Boat Boat Steam 推出一人一蒸氣鍋，這樣較放心，便去食野。晚市套餐有四款選擇，包括:🍁九品芝麻🍁內務總管🍁八府巡按🍁九五至尊我地揀左八府巡按，套餐相當豐富，當中包括:⚡三點刺身(北寄貝，甘蝦和帆立貝)⚡炸物 (芝麻雞翼﹑雞軟骨餃子)⚡海鮮 :白蜆﹑蝦﹑鮮魚片﹑鮑魚﹑龍蝦(半隻)﹑元貝﹑蟶子皇或蟹(半隻)⚡肉類 : 安格斯牛肉/ 豚肉片/ 雞腿肉 (三選二) ⚡三寶丸 (牛骨濃汁牛丸﹑薑汁皮蛋貢丸﹑招牌墨魚丸)⚡蔬菜拼盤和雪米滋所有晚市套餐配粥底或麵底，我揀左南瓜粥。先送上炸物和刺身。再來就是海鮮，賣相精緻。最重要海鮮夠新鮮，可以一口氣食齊多款海鮮，食完好滿足，我自己特別愛龍蝦，蟶子和鮑魚。再來肉和蔬菜，份量足夠。最後一定要食粥，完全吸引曬海鮮和肉的精華，夠鮮甜，這一餐好豐富

前幾天外出食飯時經過一間餐廳，見到他們的一人晚餐set很吸引，便放工後光顧，慰勞一下自已😎-這間餐廳是樓上鋪，主要供應一人蒸氣火鍋，在晚市會提供四款套餐，包含火鍋的食材(海鮮、肉類、丸類、蔬菜拼盤)、刺身、炸物和甜品，非常豐富🤩溫馨提示一下，在餐枱角落有一張食物蒸煮時間表，大家只要在蒸鍋設定好計時提示，就能品嚐到食材的最佳味道👍🏻😋-八府巡按套餐 $3881️⃣刺身刺身有北寄貝、甘蝦和帶子各一件，食落鮮甜，沒有一點雪味，正👍🏻😋-2️⃣炸物炸物有芝麻雞翼及雞軟骨餃子各一件，外皮同樣炸得香脆，內裏很juicy，香口美味😋-3️⃣海鮮拼盤上的海鮮全是我的最愛，有懵仔魚魚片、飽魚、蟶子皇、白蜆、海蝦、扇貝和半隻澳洲龍蝦🤩海鮮是在魚缸即撈即劏，非常新鮮，因此蒸熟後的肉質是非常結實，味道鮮甜無比，特別一提的是龍蝦肉，蝦膏甘香，肉質緊致彈牙，只得半隻真的不夠喉😂-4️⃣肉類肉類可以從安格斯牛肉、豚肉片和雞腿肉揀選2樣，我選擇了牛肉和豬肉，2種肉的顏色鮮紅，沒有太多脂肪，肉味香濃，蒸得剛剛好都幾嫩滑👍🏻😋-5️⃣三寶丸和蔬菜拼盤三寶丸有牛骨濃汁牛丸、薑汁皮蛋貢丸和墨魚丸，3種食落都爽口彈牙，而我的最愛當然是牛丸，一口咬

如果唔係朋友帶路，都唔知有一間咁正嘅個人海鮮蒸鍋樓上鋪。一人一個蒸籠，自己想蒸幾耐就幾耐。餐廳仲提供埋計時器同埋蒸煮時間參考，非常貼心👍🏻成班朋友，仲可以按個人口味自己選擇唔同既套餐。我做唔到“九五至尊“，我都做到“八府巡按”😈😈成個套餐好多野食，刺身、炸物、蒸海鮮及丸類菜類每樣都有d，我朋友開頭見到都話唔會飽，點知最後都要投降，食唔晒😂😂😂🎈八府巡按套餐 $388⭐三點刺身（北寄貝、甜蝦、帆立貝）⭐炸物（芝麻雞翼、雞軟骨餃子）⭐海鮮（白蜆、蝦、鮮魚片、鮑魚、龍蝦(半隻)、元貝、時令海鮮、蟶子皇或蟹(半隻））⭐肉類（安格斯牛肉）⭐三寶丸（牛骨濃汁牛丸、薑汁皮蛋貢丸、招牌墨魚丸）⭐蔬菜拼盤⭐甜品⭐粥底/麵底✨海鮮真係好新鮮，餐廳內亦有魚缸養住d海鮮，點知轉眼佢地就上左船放喺我地枱上面🙈一次過食到咁多款高質海鮮，好滿足🥰🥰另外丸類好有驚喜，3款都好味又幾特別，特別係薑汁皮蛋貢丸，內餡睇到粒粒皮蛋😋蔬菜拼盤亦有香菇，金菇，粟米、翠玉瓜、南瓜，娃娃菜同生菜，綜合款式最好👍🏻最後個湯底用黎煮粥煮麵都一樣咁正🥰

一直都揾緊一間可以自私食又覺得值ge蒸氣鍋終於俾我揾到忙裏偷閑ge日子入面間唔中自己去食一餐好ge都唔過份。依間係我覺得個性價比較高ge。我叫左個八府巡按加份雞肉，D海鮮係ok新鮮各位朋友要少心ge係甲殼類都係有少少沙，其實唔叫多蝶雞係啱啱好，係我衰貪心。記住留返D位係粥真係好好食～總括黎講店舖本身氣氛都幾好係個位有D唔就手，中午食係幾底ge間舖又有幾個套餐我係覺得幾化算，衰就衰在個鍋開關位容易整閂要自己小心D～

去AIA嘉年華, 午餐想食海鮮, 所以前一天透過openrice book 位, 咁就唔需要等位.餐廳室內佈置成古代日本的漁船一樣, 用木簾把座位分隔.  每座位設有一蒸爐, 就是可以一人一爐,各有各食. 就算一個人來, 也不會有問題. 餐牌方面有很多款供客人選擇, 因為想食龍蝦, 所以點左個"八府巡案套餐". 套餐包括半隻龍蝦, 半隻蟹, 白蜆 x 6, 鮮蝦x 3, 鮮魚片x 2, 鮑魚一隻, 元貝一隻, 加上肉丸肥牛雜菜拼盤,  三點剌身, 雞翼胶子.  一個套餐, 可以試上的種類非常多. 分量也夠.  每枱也設有計時器, 寫上各類食物所需要蒸的時間, 唔怕蒸過熟.  醬汁免費可以出去自己調.食物方面, 先上三點剌身(北寄貝,甜蝦, 帆立貝),剌身不過不失. 雞翼炸到外脆, 好香口. 胶子一般.  然後到主菜, 龍蝦肉爽口彈牙,  蟹肉鮮甜. 鮑魚新鮮, CP值算高.  蝦也是鮮甜, 但應該不是海蝦.  肥牛肉丸與平時火煱店的差不多, 不算突出. 食完海鮮後, 店員會加入米飯及南瓜, 加上蒸氣海鮮的汁, 最後成為一煱海鮮粥底.  因為有南瓜甜味, 粥確實係正. 總括而言, 值得推

發現銅鑼灣開左間海鮮蒸鍋，特別既地方在於佢係一人一鍋亦係自助服務，自己喜歡不同食物的次序都可以！叫左八府巡按 $388 首先已包括魚生、炸物、海鮮，介有肉類同丸，最後再加個粥底比你，問你死未！當日海鮮有 龍蝦（仲識郁）鮑魚、蟶子皇、元貝、大蜆、白蜆、蝦等等，份量都唔少，可以跟番檯面既表蒸幾多分鐘，海鮮處理得幾清潔而係都唔係細細隻的！講漏左，仲有個雜菜籃一人份量，可以先食啲菜再食肉類，丸類有薑汁皮蛋貢丸真係未試過，幾特別😂 熟食方面都想讚一讚，芝士年糕 $22/2 勁好食又平，炸雞翼都係入哂味的。最後食完可以同店員講上粥底，再煲多陣就食得啦，入面有哂海鮮/肉既鮮汁，再加上煲爛左既芋頭同南瓜，唔洗加任何調味料個粥都好鮮甜！環境其實都好不錯，餐廳設計係令到一人黎食都唔會孤獨/尷尬！好似食一蘭咁 其實毒_一個更開心！—————————————————船渦 (銅鑼灣)銅鑼灣謝斐道500號維安商業大廈3樓—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic #hkfoodies #yum

龍蝦蟹鮑魚擁抱著我，形成船渦😂再嚟食佢嘅蒸氣火鍋，鍾意❤️佢嘅一人一鍋好方便，海鮮又多款又新鮮😍《八府巡按套裝》$348▶️刺身：帆立貝、北寄貝、甘蝦， 一人份量，好鮮甜爽口。▶️炸物：芝麻雞翼、雞軟骨餃子🥟，炸得香脆，咬落索索聲，雞翼夠肉汁唔乾。▶️蒸海鮮就包括✴️龍蝦半隻🦞，大隻多肉，肉質爽彈鮮甜✴️蟹半隻🦀，多肉夠扎實，蟹膏都好甘香✴️鮑魚同樣大size， 5分鐘蒸得剛好，新鮮爽口✴️其他海鮮仲有大蝦🦐、元貝、白蜆、鮮魚片等✴️肉類就有安格斯嫩滑牛肉、清甜豚肉片，及三寶丸（牛骨濃湯牛丸、薑汁皮蛋貢丸、招牌墨魚丸）✴️粥底原本諗住食唔落啲丸同粥，點知食左一啖，好味到全部食哂😆。粥真係勁鮮甜，入面嘅南瓜同芋頭煲成蓉✴️蔬菜拼盤及甜品

聽說全香港第一間一人蒸氣鍋在銅鑼灣有得吃，今天放工之後，就立馬過來嚐鮮了。最近特別喜歡😍一個人吃飯，可以盡情享受美食和自己的時光。格外滿足。 人生感覺像是在做減法，小時候喜歡熱鬧，朋友成群，長大後，喜歡😍獨處。尤其是常常出差那幾年，去到一個新的城市，就會自己去找最美味的餐廳，享受當地美食。這種感覺是自由和對自己的愛❤ 真心建議多開一些一人火鍋，一人放題，一人唱K, 因為一個人可以更加自在。 八府巡案套餐 397魚塘烏東，番茄🍅湯底份量足夠，對於我這樣大食量的朋友，很是友好。桌子旁邊有說明，每樣菜，蒸的時間，都有說明。像我這樣隨意的朋友，全靠感覺，一樣也可以蒸熟。 最喜歡的是大蝦，真的是特別新鮮。蒸熟之後，沾上辣椒，格外美味。 帶子，鮑魚，貝殼，也都是一樣的蒸法。蒸完之後的汁水都在下面的湯裡面。 最後煮烏東的時候，湯底也有了海鮮的味道。不知道是哪位吃貨，如此聰明，發明了這樣美味的吃法。 將來有一天，如果我離開香港了，這些無敵的美食，應該是我唯一留戀的味道。船渦銅鑼灣謝斐道500號維安商業大廈3樓

lunch又同同事去食好味餐廳，這間位於銅鑼灣上樓餐廳，主要食一人蒸氣鍋，只是看餐牌已經覺得很吸引!這裡的私隱度都幾高，會用窗簾隔開，就算一個人食都不會覺得尷尬！午市有兩款精選套餐，而我就點了一個份量較多的套餐來試試。八府巡按套餐，這個套餐包括有刺身、炸物、海鮮、肉類、丸類和粥底，非常豐富！刺身，刺身有北寄貝、甘蝦和帆立貝，刺身都幾新鮮鮮甜，不錯！炸物，炸物有餃子和芝麻雞翼，餃子外皮脆卜卜，雞翼亦炸到外皮脆，雞肉嫩滑！海鮮，蒸鍋部分的海鮮有龍蝦半隻、蟹半隻、鮑魚、刀貝、蜆、扇貝和鮮魚片！枱上貼有每款海鮮需要蒸多久的時間，而且個爐亦可以較時間提醒，所以好方便！蟹和龍蝦都有好多膏，龍蝦和蟹肉都好鮮甜！鮑魚爽口，刀貝都爽口，蜆肉新鮮美味！肉類，有三款可以揀有安格斯牛、豚肉片和雞肉中揀選兩款！我揀選了牛肉和雞肉，安格斯牛肉味濃、雞肉估唔到咁嫩滑！三寶丸，分別有牛丸、薑汁皮蛋貢丸和墨魚丸，牛丸多汁彈牙，貢丸口感跟味道都好特別！蔬菜籃，蔬菜分別有粟米、南瓜、金菇、冬菇、生菜等，蒸鍋能夠食出蔬菜的自然鮮味！粥底，差不多食完蒸鍋，店員就會幫忙落粥底，粥底用上南瓜和蕃薯，有南瓜的甜味，亦有海鮮的鮮味，非

我今個月生日，去完附近專櫃拎生日禮物同shopping🎁，揀左呢間蒸氣鍋嘆個悠閒午餐🌟八府巡按套餐 $348其實仲有另一個$128套餐揀，不過我比呢個餐嘅龍蝦🦞吸引住，好似好多野食，呢度無加一收費，所以水同醬料自助✅前菜有：三點剌身（北寄貝、甘蝦、帆立貝）同熱辣辣嘅炸物芝麻雞翼+雞軟骨餃子🥟海鮮：白蜆、蝦、鮑魚、鮮魚片、半隻龍蝦、元貝、同蟶子皇，枱上面有指引每款海鮮要蒸幾耐，唔使擔心蒸過龍/唔熟🤗海鮮款款都好新鮮，蜆有鮮鹹味又無沙、蝦🦐用竹籤串好，好易用口剝殼，啱哂我呢啲唔想直接用手剝嘅懶人，最估唔到係龍蝦有膏，龍蝦肉厚肉彈牙，好好味😋食完蒸海鮮，侍應會幫手加魚湯變打邊爐甘🍲主食我加$3要烏冬，將剩低嘅安格斯牛肉、豚肉片、三寶丸同蔬菜拼盤共冶一爐，真係飽到上心口但係三寶丸真心好食，牛丸多汁彈牙、墨魚丸鮮甜同味道最特別要小心爆餡嘅薑汁皮蛋貢丸，皮蛋貢丸唔知邊到入貨呢，想買一包反屋企食😆最後仲有個雪米糍做甜品，勁滿足

又搵到新嘢，今次到試個平價蒸氣海鮮餐，照舊先睇menu睇完menu，唔駛諗先來個水師提督套餐丫，唔該落單原來呢度係一人一爐，可以隨心所欲，識隨專便，想食乜就自己話事自己蒸自己計時水師提督好快出場，四選一揀咗蟶子皇，咁真係幾長，不過。。。瘦削咗少少，個鮮魚片薄到差不多望到對面朋友仲有少少腥，其餘蜆肉蝦都正常，三選一揀肥牛正常、什菜正常。（咦，點解冇帶子，依家寫食評先發現，冇得追究）海鮮洗得乾淨，夾雜住海鮮味D蒸氣水滴晒落下面個煲，咁差不多食完就會有專人幫你煮粥，有南瓜有芋頭再加白飯，搞下搞下，一鍋好綿南瓜芋頭粥就完成，都幾鮮甜加埋南瓜甜味，一羹一羹食食下就差不多成烹KO咗，絶唔駛加任何調味（需要重口味朋友例外）。$118免加一，埋單時一人一單自己搵收銀找數，咁又慳番計數搵散銀轉錢時間，方便晒煩忙的香港人。

第一次食海鮮蒸鍋，活動性十足嘅坐位設計可以一人一個位又幾過癮🥸⁡【八府巡按套餐】三百幾蚊一個餐有咁多款海鮮，原本都無特別期望會好出色，但求唔好有腥味就算😝估唔到每一款都出乎意料咁新鮮😯⁡龍蝦 - 每位有半邊龍蝦，上到枱仲郁緊😯肉質緊緻爽口，蝦頭仲有膏添😋蟶子皇 - 大大隻鮮甜無沙鮑魚 - 按照指定時間蒸熟，生熟程度啱啱好唔會韌元貝 - 比想像中鮮甜蝦 - 肉質爽口白蜆 - 鮮甜無沙，只有一隻無開口北寄貝 - 鮮甜無沙鮮魚片 - 魚片有腥味，比較失色⁡套餐除咗大堆海鮮之外，仲有刺身、餐前小食同少量火鍋料，自問唔係細食都無辦法食得晒😅

今日同兩位朋友食海鮮蒸鍋，呢度係一人一個蒸氣火鍋，感覺比較衛生，而每個座位上面都有塊竹簾，隨時都可以變成一人間隔嘅火鍋座位，就算一個人嚟食都唔會尷尬。套餐食物新鮮又豐富，其實食完海鮮已經飽咗一大半入座後掃枱上QR Code落單，有四個唔同價錢嘅套餐：·九品芝麻套餐 $218·內務總管套餐 $288·八府巡按套餐 $388·九五至尊套餐 $598價錢越高就越多海鮮，而我哋三個都揀咗「八府巡按套餐」。🔝套餐包括有三款刺身、芝麻雞翼+雞軟骨餃子、八款海鮮、肉類豬牛雞(三選一)、三寶丸、時蔬拼盤、粥或烏冬、甜品糯米糍。🔝三款刺身都新鮮，帶子好鮮甜。🔝芝麻雞翼+雞軟骨餃子🔝海鮮有白蜆、蝦、鮮魚片、鮑魚、龍蝦、元貝、時令海鮮黃金蚌，另外仲有蟹同聖子二選一 。🔝總括嚟講所有海鮮都好新鮮。龍蝦切咗一半仲識郁，味道好鮮有小小膏，但亦帶有小小泥味。🔝時令海鮮係”黃金蚌”，就算我蒸過時，都一樣超甜超好食😍🔝豚肉片、安格斯牛肉我揀咗豚肉同安格斯牛，牛肉好食牛味濃郁，食落亦唔會嚡口，而牛肉蒸好食過放落湯淥熟食，所以建議蒸熟牛肉食。🔝食完海鮮之後我就叫staff幫我加魚湯去打邊爐，再將烏冬、蔬菜同丸類放落去。其實