船渦

營業中

休息中

又搵到新嘢，今次到試個平價蒸氣海鮮餐，照舊先睇menu睇完menu，唔駛諗先來個水師提督套餐丫，唔該落單原來呢度係一人一爐，可以隨心所欲，識隨專便，想食乜就自己話事自己蒸自己計時水師提督好快出場，四選一揀咗蟶子皇，咁真係幾長，不過。。。瘦削咗少少，個鮮魚片薄到差不多望到對面朋友仲有少少腥，其餘蜆肉蝦都正常，三選一揀肥牛正常、什菜正常。（咦，點解冇帶子，依家寫食評先發現，冇得追究）海鮮洗得乾淨，夾雜住海鮮味D蒸氣水滴晒落下面個煲，咁差不多食完就會有專人幫你煮粥，有南瓜有芋頭再加白飯，搞下搞下，一鍋好綿南瓜芋頭粥就完成，都幾鮮甜加埋南瓜甜味，一羹一羹食食下就差不多成烹KO咗，絶唔駛加任何調味（需要重口味朋友例外）。$118免加一，埋單時一人一單自己搵收銀找數，咁又慳番計數搵散銀轉錢時間，方便晒煩忙的香港人。

第一次食海鮮蒸鍋，活動性十足嘅坐位設計可以一人一個位又幾過癮🥸⁡【八府巡按套餐】三百幾蚊一個餐有咁多款海鮮，原本都無特別期望會好出色，但求唔好有腥味就算😝估唔到每一款都出乎意料咁新鮮😯⁡龍蝦 - 每位有半邊龍蝦，上到枱仲郁緊😯肉質緊緻爽口，蝦頭仲有膏添😋蟶子皇 - 大大隻鮮甜無沙鮑魚 - 按照指定時間蒸熟，生熟程度啱啱好唔會韌元貝 - 比想像中鮮甜蝦 - 肉質爽口白蜆 - 鮮甜無沙，只有一隻無開口北寄貝 - 鮮甜無沙鮮魚片 - 魚片有腥味，比較失色⁡套餐除咗大堆海鮮之外，仲有刺身、餐前小食同少量火鍋料，自問唔係細食都無辦法食得晒😅

今日同兩位朋友食海鮮蒸鍋，呢度係一人一個蒸氣火鍋，感覺比較衛生，而每個座位上面都有塊竹簾，隨時都可以變成一人間隔嘅火鍋座位，就算一個人嚟食都唔會尷尬。套餐食物新鮮又豐富，其實食完海鮮已經飽咗一大半入座後掃枱上QR Code落單，有四個唔同價錢嘅套餐：·九品芝麻套餐 $218·內務總管套餐 $288·八府巡按套餐 $388·九五至尊套餐 $598價錢越高就越多海鮮，而我哋三個都揀咗「八府巡按套餐」。🔝套餐包括有三款刺身、芝麻雞翼+雞軟骨餃子、八款海鮮、肉類豬牛雞(三選一)、三寶丸、時蔬拼盤、粥或烏冬、甜品糯米糍。🔝三款刺身都新鮮，帶子好鮮甜。🔝芝麻雞翼+雞軟骨餃子🔝海鮮有白蜆、蝦、鮮魚片、鮑魚、龍蝦、元貝、時令海鮮黃金蚌，另外仲有蟹同聖子二選一 。🔝總括嚟講所有海鮮都好新鮮。龍蝦切咗一半仲識郁，味道好鮮有小小膏，但亦帶有小小泥味。🔝時令海鮮係”黃金蚌”，就算我蒸過時，都一樣超甜超好食😍🔝豚肉片、安格斯牛肉我揀咗豚肉同安格斯牛，牛肉好食牛味濃郁，食落亦唔會嚡口，而牛肉蒸好食過放落湯淥熟食，所以建議蒸熟牛肉食。🔝食完海鮮之後我就叫staff幫我加魚湯去打邊爐，再將烏冬、蔬菜同丸類放落去。其實

一個人在銅鑼灣搵食，搵到這家可以一人海鮮蒸氣火鍋的餐廳，價錢也很實惠，一於一試。搭電梯上來，打開門就見到餐廳的招牌是一隻船，店員招呼坐低後就用QR code落單。現在胃口變細，最基本的套餐已經很足夠，因此點了餐廳最優惠的午市套餐：水師提督套餐。這份套餐包含了：生魚片、白蜆、大蜆、基圍蝦兩隻、蟹半隻(+$10)、蔬菜一份、雞腿肉三片。就如一般火鍋店一樣，醬汁要自己出去自助餐區調配，我的這一份看起來很辣的醬汁包含了熟蒜、辣椒、蔥、少許麻醬、XO醬及豉油，味道不錯，很滿意自己的調配。在醬汁區域有魚缸，確保海鮮鮮度，不過這天可能是週末，這天的海鮮不多。要了一杯玄米茶（+$5），這裏的茶喝完了以後也是來到同一個醬汁區域自己添茶，一切都是自助，不過這個價錢也算是可接受的服務。不一會，侍應首先送上兩粒章魚燒，讓我在等待期間可以有點東西下肚。章魚燒麵粉很多，不吃也罷。然後很快地，整隻海鮮船已經送上，材料還算是豐富，只是鮮魚片只有一片，大蜆也只有一隻，略嫌有點太少。這片鮮魚片看上去很像深海池魚或油甘魚刺身， 和整個海鮮拼盤有點格格不入的感覺。第一轉先蒸魚片及白蜆，這片魚蒸後倒是很肥美，再次覺得其實它應該

今天同仔仔慶祝生日，就去食蒸氣海鮮，但要蒸2次，第一次蒸蒸吓就無左燈，第二次蒸蒸吓，員工話要加粥，突然停左，我要再蒸，有一個無著制服既男人，束起一少少頭髮，講野無尾音，一句到尾，差！唔會再食。

船渦 Boat Boat Steam🦀#wakeyfoodie #wakeycasewaybay 內務總管套餐 $268蟹（半隻) Crab (half side )黃金蚌Mussel蝦shrimp鮮魚片Fish fillets白蜆 White clam鲍魚abalone大蜆 Big clam元貝 Scallops時令海鮮Seasonal seafood雞腿肉/安格斯牛肉/豚肉片（三選二）Chicken thigh / Angus beef / pork fillet (choose two from three)三色點心（豚肉，牛肉，蝦滑）Three-color dim sum (pork meat, beef, shrimp slip)蔬菜 vegetables———————————————-就像測試菜單一樣，只需$268即可嘗試所有時令海鮮🦞這裡有說明和計時器供您遵循，可以確保及時提供食物💖🤤🤤每樣海鮮都好鮮甜，特別係白蜆 唔單止分量多 又甜又無沙。Just like a testing menu, with $268 can try out all seasonal seafo

突然想食蒸海鮮，就搵到呢間係銅鑼灣既一人蒸海鮮，book左6點！二人座位係平排位，座位中間會有竹簾和膠膜隔開。需要自己控制蒸幾耐，而桌面上都有寫推薦所需時間！其實跟住黎蒸就ok，都簡單，易控制嗌左八府巡按套餐，有好多海鮮！而且海鮮全部都好高質，好有海水味！d 蝦同蟹上碟果陣仲識郁！！D蜆有小小沙 不過都可以接受，好有海水味，又好甜！可惜得幾隻！鮑魚都好鮮甜,跟住推薦時間蒸就岩岩好！龍蝦同蟹，都好正！職員仲會留意住我地進食進度，見食得差唔多就過嚟搵手整粥！個芋頭南瓜粥都幾好味，不過冇咩海鮮同海水味🤔可能蒸得唔夠多海鮮😂😂😂最後仲有雪米糍做甜品👍🏽

之前服務好好 去過好多次 野食新鮮 但今次再去 服務員都唔同晒 我地叫左粥 佢加粥就禁企係度 野都唔講聲 其實我地對佢地都客客氣氣 但我唔會諗你野都唔講一句就企係度 老公問一句可唔可以轉面 佢搞幾搞個鍋 唔出聲 我見到禁費事人地難做 就算唔駛轉 就算佢地出聲 講野都係冇尾音 其實我地食野都唔想你過尼幫我地收野落野 黑口黑面 我地都冇咩要求4個人去完都話唔會再去 午餐價錢平 但少好多野食 但其實都冇所謂 服務態度令人失望 之前睇食評都睇到話服務差 但自己去過唔信以為人地要求高。。。

《一人海鮮正蒸鍋🦞》———————————————-#船渦 ⚓ -呢間一人一鍋蒸氣火鍋已經試過幾次，都幾正就推薦比大家去試吓啦。佢有多款海鮮套餐，可以同朋友屋企人一齊去。最近疫情關係，怕做邊爐群組又想食，佢更加有一人座間隔，去獨食都冇問題！-最近佢嘅午市仲減咗價，只需$118免加一就食到，我哋仲係openrice買定coupon，抵上加抵！午市水師提督套餐本身跟餐已經有黃金蚌、蝦、白蜆同大蜆，另外可以自選海鮮同肉類，海鮮就有半隻蟹/ 鮑魚 / 元貝 / 蟶子皇可以四揀一；肉類就可以選擇雞腿肉/ 美國肥牛/ 豚肉片其中一樣，十分豐富😝-餐枱上會有餐牌列明每種海鮮、肉類或者蔬菜需要蒸嘅時間，爐邊亦有計時器，方便客人去蒸煮，唔驚搞唔掂，店員亦會好細心咁幫你。蒸完之後仲可以揀埋主食，有粥底、麵或者飯。強烈推薦粥底，店員會預先將南瓜及芋頭放入鍋內，海鮮嘅精華湯汁落哂去個粥度，夠哂原汁原味！而麵嘅話就會有自家熬煮的原味魚湯、蓄茄魚湯或麻辣魚湯多種湯底選擇，認真滋味😋-⭐ 參考價錢︰（免加一）午市水師提督套餐：$118🍌 抵deal 指數：8/10

今日元宵難得放假， lunch食好啲，用了之前在 OpenRice買了優惠餐飲券， $98就有一個刑部尚書套餐，原價要$130 ，價錢超值。套餐包括左海蝦兩只，聖子BB兩只，黃金蚌，肉蟹貝半只，大蜆，白蜆，肥牛，蔬菜，雞軟骨餃子，最後還可以揀魚湯拉麵或粥底。材料非常豐富，而且海鮮全部都好新鮮，全部鮮甜美味。但是我吃的黃金蚌就有沙，要用白滾水洗一洗才吃，這個套餐性價比極高，非常美味而且很飽肚。最後還有甜品送，是雪糕糯米糍，非常圓滿嘅一餐。

之前已食幾次 食物質數重keep到 但服務確實同其他食評講既一樣 比以前水準之下 態度真係唔多好 其實已經少人 其實戴住口罩都知你有冇笑容 講野有冇尾音既 以前加粥會叫你小心 要加粥啦 而家就禁行埋尼 意思係醒目縮開啦之前食質地好 服務好先再去 之後真係要諗諗

早幾日我個仔話介紹啲好特別嘅野食，蒸汽火鍋，聽落幾特別，佢話好好食。於是就訂咗今日去試吓，入到去地方唔算好大，但座位編排闊落唔迫，張枱都闊，坐落尚算寬濶。剛過午飯時段，客人不多，環境清靜。睇餐牌我個仔介紹“八府巡案”，有半隻龍蝦，鮑魚，蟹半隻，蝦，聖子，白蜆，牛肉，豚肉，牛丸什菜等。玩法幾得意，唔同食材用適當蒸煮時間蒸，蒸出來食物生熟程度剛好，味道不錯，較有食材原有味道，食到最後還將蒸煮後流下嘅水再煮南瓜粥，唔錯。今餐好滿意，無論餐廳環境食材處理，不似求其做，係有誠意做，會推薦為食朋友來試吓。

蒸氣海鮮美味無窮再加上新鮮嘅用料蝦蟹魚貝牛肉菜簡直係一種享受特色一人一爐每個人有各自先後快慢節奏係自由嘅感覺Edaciousness 8/10佢哋嗰個豉油都好正！

早排見到船渦係OpenRice出咗團購，只需要$98就可以食到一人蒸氣火鍋，見到好似又幾抵食，一於去試吓啦一去到店員就問我哋想要粥底定係麵，我就揀咗粥底，所以店員就將芋頭同埋南瓜放定係鍋底度，等佢熟係等緊海鮮嚟嘅時候，會有兩隻雞軟骨餃子俾我哋食先，脆卜卜好好食海鮮方面，除咗基本嘅白蜆，蝦等等，可以喺蟹，鮑魚，元貝同埋聖子四揀一，我就揀咗蟹，都幾新鮮同埋Size都ok架粥底好多，而且都吸收左啲海鮮汁，差唔多有兩碗半，食完已經飽飽，仲會有甜品雪糕可以揀🍮，$100都唔使可以食到咁多嘢真係超值

🥘刑部尚書一人套餐 $130✨-自從疫情之後，已經好耐都冇食過火鍋了🤫今次見到呢個一人蒸氣火鍋，感覺比較衛生😍就約埋朋友一齊試試😋-呢個套餐都包左幾款海鮮e.g. 蝦、蜆、蟶子等等..d海鮮都幾新鮮🤤🤤蒸完之後即食好鮮甜❤️❤️個餐仲包左一份肉，客人自選～我就揀左肥牛🥩🥩不過就有點韌～-另外，開始蒸之前要先揀粥底或者麵底🍲我揀左烏冬～朋友就揀左粥底🤤食完蒸鍋之後，店員就會過黎幫手直接加入粥底～等一陣之後，就會變成海鮮南瓜芋頭粥😋😋雖然味道比較淡，不過好香幾好食👍🏻👍🏻-揀麵底的話，就要揀埋湯底～我揀左原味魚湯🐟估唔到個魚湯好好飲！！好有鮮甜味🤤🤤🤤食完烏冬，之後飲埋個湯～好飽🤣-我覺得呢間餐廳性價比幾高！食完之後好飽好滿足😋枱上面仲會有蒸每樣海鮮的計時參考～唔洗驚唔知要蒸幾耐啦🤣🤣有得玩有得食，好正👍🏻❤️-P.S. 訂枱前建議係openrice買定餐飲卷💸會比較抵食😏