船渦

營業中

休息中

冬天最啱食暖笠笠嘅蒸氣火鍋。八府巡按套餐 $328鮑魚、蟹、蝦、聖子皇、元貝、半隻龍蝦、貴妃蚌、白蜆、鮮魚片、黃金蚌、三寶丸、時蔬拼盤我揀咗了安格斯牛肉、雞腿肉，再揀配粥底。一嚟到，見到店員擺盤都好有心思，打卡最啱。枱面有張紙寫清楚咩食材要蒸幾耐，例如鮑魚蒸五分鐘。放咗食材上蒸氣火鍋，就可以自己較時間。店員都講解咗點操作。我食肉獸就梗係食雞肉牛肉先，雞肉嫩滑，但牛肉稍硬，可能時間耐咗少少。海鮮咁豐富，我就唔逐一介紹啦。最好食係蟹、龍蝦、聖子皇。蟹、龍蝦都係新鮮、味道好好，鮮甜爽口，蟹仲更加甜。最緊要唔難剝，啱哂我呢種懶人。聖子皇肉質鮮嫩、爽甜、好咬口。白蜆都冇乜沙，蝦就一般般，其餘海鮮都好高質素。三寶丸、時蔬拼盤不過不失，比我想像中多嘢食，一次過食到唔同嘅丸、菜。最後其實都有啲飽，但海鮮粥底喎，點都要試吓味道。粥底吸收哂所有食材嘅汁，本身店員落咗南瓜，再加上海鮮、雞肉牛肉、蔬菜，真係超級豐富、多層次，齋食粥都夠正。呢個午市套餐物有所值，勁肚餓就要食呢個餐，包你「飽肚」而歸，好多餸，超級滿足。

前排天氣開始轉涼，所以就諗住去食下蒸氣鍋，上網見到呢一間好似好吸引，所以就去咗試一試😎入到去見到嗰隔局係唔錯，對面位中間會有簾遮住，唔怕同對面唔識嘅人你眼望我眼，而且係一人一個鍋，係而家疫情底下都相對比較衛生同安全👍今次叫咗兩個餐，雖然價錢唔同，但係感覺上其實啲料係差唔多，海鮮方面都係有鮑魚，蜆，元貝，蟹，蝦等等，海鮮方面雖然都算新鮮，隻鮑魚上到嚟仍然識郁嘅，但係食落感覺普通，冇令人覺得有驚艷嘅感覺🙈肉䫶方面有牛肉，豬肉，仲有幾粒丸，相對起海鮮，我覺得肉類方面更加吸引，因為無論豬肉牛肉，肉味都幾重，唔會係冷藏嘅雪味，而且切落去都有咁上下大細，令到食落去有口感🌚🌚不過最後既粥就真係遜色，因為佢只係就咁倒一碗已經煮好左嘅粥入去再加埋啲芋頭搞埋一齊，完全冇乜煮過嘅感覺😓睇埋佢既價錢，會覺得有啲唔值

期待已久嘅蒸氣鍋終於食到啦! 今次約埋另一個朋友一齊去銅鑼灣好出名嘅一間蒸氣鍋餐廳試一試佢個晚市套餐🎊之前已經見到喺 社交平台有好多人專登book張枱慶祝生日或者搞party🤩我見好多人都推薦情侶甚至一家大細嚟船渦慶祝或者普通聚餐🤓所以未去我已經知道今次一定無揀錯😇我同我個朋友兩個人選擇坐喺二人吧枱👯‍♀️我覺得坐吧枱比起坐普通餐枱有更好嘅位置放食物同埋唔會焗食物時啲蒸氣吹晒落對面嘅朋友到🌫而且吧枱設計亦都好適合一個人嚟食唔使怕尷尬🙆🏻‍♀️最後係咁多個晚市套餐入面我哋揀咗八府巡按套餐($358)同埋南瓜粥，因為見佢有龍蝦又有鮑魚，非常吸引我哋呢啲鍾意食海鮮嘅朋友🦐🦑🦞🦀🐟餐廳仲好貼心整咗一張清單教你唔同海鮮，肉類，菜類應該要蒸幾耐會係最好食😋對我哋呢啲新手，從來都未食過蒸氣鍋嘅人嚟講，呢一張紙真係對我哋非常有用🥳之後每樣食物我都跟足佢寫嘅建議分鐘去焗，每樣食材都食得出佢最新鮮嘅黃金味道😚佢最先上枱嘅係我哋最期待亦都最打卡able嘅海鮮船🎊睇到都知道非常新鮮而且當時都聞到一陣海洋味，未食已經好興奮😂最突出同埋最有鮮味嘅一定係佢哋嘅龍蝦同埋蟹🦞🦀蒸完大概7分鐘嘅時間，龍蝦嘅肉好爽好彈牙，而蟹

近排天氣凍到震，限聚令之下想約一大班朋友打邊爐都唔得，咁我唯有自私食啦 🤣有日lunch時間去左呢間餐廳，嗌左個八府巡按套餐. 套餐好豐富呀🤩 海鮮肉類應有盡有. 海鮮分別有：半隻蟹🦀, 半隻龍蝦🦞, 蝦🦐, 鮮魚片,白蜆,鮑魚,貴妃蚌,元貝同蟶子皇. 肉類就3揀2, 我揀左安格斯牛肉🥩同豚肉片, 仲有蔬菜拼盤🥬同特色點心. 最後仲有得揀要粥底定麵, 我揀左米線🍜其實見到menu有咁多野食都怕自己食唔晒, 但我膽心都係多餘既,因為真係食唔晒. 講返食物先.... 蟹同龍蝦都有好多膏,好正! 😋 貝殼類全部都大大粒好多肉,鮑魚好爽口🤩😍 牛肉同豬肉肥瘦適中. 蔬菜拼盤都有好多種類,其中南瓜好鮮甜. 米線留返最後同D肉一齊食, 但我呢個大食妹都要投降啦, 食完咁多海鮮同肉真係食唔晒D米線... 🙈總扣黎講, 午餐有呢個份量,性價比都好高, 有機會都會試下其他套餐 

🍲粥底蒸氣火鍋近年好似愈開愈多，但一人一鍋嘅就比較少，今次推介呢間都幾正，海鮮夠新鮮，隻龍蝦蒸之前仲郁緊🤔🤔🤔。🍲其實佢有好多套餐，最平果款$200內有交易，但都食到好多嘢下！而我叫左比較貴嘅八府巡按套餐☺️加一後$394一位，但以質素計絕對算抵👍🏻龍蝦同蟹上枱時有手腳仲郁緊，已經證明到佢嘅新鮮程度～枱上有紙提示各款食材所需蒸煮時間，同埋有計時器比你😃食落都係龍蝦同蟹最正，多肉鮮嫰；另外比較推介係蜆，元貝同鮑魚😍。🍲另外丸類幾有驚喜，絕對唔係街市買到嘅貨，肉類就相對正路～最後可以揀食粥定食面，我今次分開一個試粥一個試面，大家都幾高質，係完滿嘅句號🙉。🍽八府巡按套餐：♦️龍蝦半隻、蟹半隻、黃金蚌、白蜆、元貝、聖子皇、鮑魚、蝦、鮮魚片 、 （時令海鮮）♦️雞腿肉／牛肉／豬肉　（三揀二）♦️牛丸、貢丸、墨魚丸♦️蔬菜拼盤

今日一個人去左吃火鍋男朋友本身約左我食飯，點知突然有事陪唔到我食晚餐，我唯有自己去搵野食啦一個人食咩好？上網搵左一間一人前蒸氣火鍋，每個人都有獨立座位和火鍋，唔怕一個人食會好悶和尷尬啊餐廳有多款套餐，我叫左$358套餐。食材非常新鮮價錢仲好抵食龍蝦、鮑魚、蟹、黃金蚌、聖子皇、元貝、白蜆、貴妃蚌、魚片，安格斯牛肉、豚肉⋯⋯⋯食物種類多又新鮮，仲有大量海鮮餐廳列埋每款海鮮蒸幾耐，完全唔怕蒸過時海鮮鮮味濃厚，食得出係新鮮貨，超鐘意爽口彈牙龍蝦肉，入口陣陣鮮味食到最後仲有海鮮粥

之前碌 社交平台成日見到有蒸氣海鮮火鍋嘅廣告，一直都好想試🤤將踏入冬天之際，終於有機會試🤩呢間「船渦」主打一人獨享蒸氣火鍋，讓你一個人都可以享受到最滋味嘅感覺♥️有三個套餐可以選擇，我同朋友就每人叫咗一個八府巡按套餐🤩雖然價錢係最貴，但係入邊嘅海鮮係最抵食！以差不多$400嘅價錢，就可以享受到蟹、龍蝦、各式各樣嘅時令海鮮例如蝦、蜆、蚌、元貝、聖子等等，仲可以喺雞腿肉、安格斯牛肉同埋豚肉片中揀兩樣，超抵食！今次都算係我第一次體驗呢一類蒸氣火鍋，店員會教我哋點樣去用個鍋，用QR code落單，隔離亦都有張表提醒蒸每樣食物所需時間👍🏻個人覺得蜆最有驚喜！食落去超鮮甜，隱約地見到隻蜆係仲識郁🥺由於唔捨得，所以特登將蟹&龍蝦留到最尾先食👻龍蝦仲有少少蝦膏添！可惜整得太耐，所以有少少”鞋”😢😢除咗海鮮同肉類外，個set仲可以配粥底。蒸海鮮蒸到差唔多，店員就過嚟幫我哋呢個南瓜粥底，將切好嘅南瓜、芋頭等加入白飯一齊攪爛，再煮多陣就食得🎃南瓜粥吸收晒海鮮同肉嘅精華，超入味超上癮！明明飽到一個點都忍唔住清晒😋😋超級推薦！我哋食得好慢，又用咗好多時間剝殼，最後都食咗成三個鐘先走😂😂

🍽八府巡按套餐　$358/位+1味道: 🟡🟡🟡🟡🟡賣相: 🟡🟡🟡🟡⚪️依加一人火鍋都有不少，但係一人海鮮蒸鍋真係第一次見。座位間有簾遮住，可以有返私人空間，亦唔怕老尷。🖋主要有幾款套餐，視乎想食啲咩，價錢不便宜但係高質，而我揀既八府巡按就有龍蝦、蟹等海鮮，另外仲有肉、菜、丸，最後仲有麵食選擇。🖋每款食物都跟佢既指示計時蒸熟，操作簡單，但要成日望住個計時器倒數，心有點累😂🖋海鮮整體算新鮮，特別龍蝦肉幾彈牙，隻蟹上檯時都仲識郁，有膏又鮮甜。少少美中不足，鮑魚不太新鮮，白蜆有1-2隻未吐哂沙，其他都覺得很滿意。🖋最後食烏冬用魚湯煮，飲左個魚湯覺得幾鮮甜，食埋個烏冬真係飽到上心口，食完覺得好滿足。🖋以後約唔到飯腳，一個人食飯又多個選擇。

細佬推薦 見有埋大閘蟹食 就去試吓啦 朋友就叫肉蟹餐 我就叫大閘蟹餐 個人覺得肉蟹正好多 佢仲有幾款唔同套餐價 都可以稱得上 豐儉由人 海鮮就普普通通 唔會覺得好特別反正其他牛肉 牛丸個d 仲正 😂😂 特別係個丸 不過佢個制setting 唔太好 好容易唔小心整熄左個爐 最尾一定係個精華粥底 好好味 🙊🙊 個人幾欣賞佢一人一煲 咁的時勢 安全d 好 加埋佢有啲自閉位 好似無咩朋友如我 想去食蒸氣火鍋 都唔怕尷尬同食唔哂 😂😂 我係有見到人 自己去食 😂😂

同我好閨蜜好耐冇見，今日約咗去銅鑼灣行街、想揀個特別啲嘅午餐，上網搵就見到呢間好多媒體報道過嘅「船渦」。即刻喺OpenRice睇吓呢間，見到有特別優惠，一試無妨，我哋購買左兩張$98。💰各位想去試吓嘅小可愛，記住買完張優惠券，有幾個條件先可以用㗎：一定係晏晝12點到五點（星期一至星期日都用得！記住要去使用呢張餐券用餐嘅「前一日」，要「打電話」去餐廳預約！！（📲一定要前一日打電話、打電話、打電話預約，重要嘅講三次）今日我哋約咗12點去到呢間餐廳。啱啱開門冇乜人。店員帶我哋去安排好嘅座位。落咗簾可以隔開對面，同隔離嘅食客，當然我同我好朋友一齊去，我哋之間嘅簾係拉起左。（就算唔係疫情，大家都可以自在咁享受一個人嘅午餐或晚餐）我幾鍾意呢個設計，令到成間餐廳都好有風格。食物方面，因為我哋係用餐券嘅，店員會幫我哋落單，我哋嘅QR code只用作額外加材料用途。如果唔係用餐券嘅， 就應該會用手機掃描QR code點餐。我哋order的「刑部尚書」一人套餐包括：一份時令海鮮，共有6款。1️⃣黃金蚌2️⃣鮮蝦（👱🏻‍♀️我朋友好驚喜算係大隻嘅鮮蝦）3️⃣白蜆（食落去冇沙，但係我同我朋友都出現有一兩隻蒸咗好耐都唔開蓋嘅

今日係男朋友媽媽生日，我地揀左請佢去船渦食晚飯慶祝。男朋友同佢爸爸食橫行無忌套餐，佢媽媽食九品芝麻套餐，我就食內務總管套餐。整體食物質素ok，但服務同衛生都有待改善。無人教你點用個蒸鍋，點按啲掣，加粥底時又唔睇你蒸左菜未就落，搞到勁多水。侍應亦都好似唔熟習甘，態度亦麻麻。食食下有隻小璋瑯係我枱面到爬過，兩次甘多。星期六第一輪限時食6:00-8:00，其實時間唔太充裕，因為係無人講解下，自己研究左勁耐先識用。橫行無忌套餐$398包括有2隻約重四兩半大閘蟹(1公1母)、白蜆、大蜆、蟶子皇、鮑魚、元貝、蝦、鮮魚片、時令海鮮(青口) 、特色三寶丸(墨魚丸、牛丸、貢丸)、揀左安格斯牛肉同豚肉片、蔬菜拼盤、時日甜品，佢地揀晒粥底。內務總管套餐$268包括有蟹半隻、黃金蚌、蝦、鮮魚片、白蜆、鮑魚、大蜆、元貝、時令海鮮(青口) 、我揀左雞腿肉同安格斯牛肉、墨魚丸、牛丸、貢丸、蔬菜拼盤、時日甜品，我揀左加魚湯落烏冬。海鮮都叫新鮮，蜆有啲鹹，雞腿肉有薑蓉味，其中一粒丸釀住薑蓉，唔係人人接受到。烏冬既魚湯有啲腥。甜品係雲尼拿或芒果糯米滋。好彩買左團購coupon平返少少，total食左$1222。唔會再黎。

朋友請客 帶我來吃銅鑼灣人氣 一人海鮮蒸氣鍋 - 船渦🥰地點在sogo附近 相當方便 易搵！船渦 以最新鮮食材，一人一鍋作賣點。餐廳有晒各種海鮮嘅建議蒸煮時間表而且店員亦有細心提示如何操作方便易明 ...有service 🥰 我鍾意！！工具齊全👍🏼👍🏼🍺 beer 我們食嘅係：八府巡按 套餐 $358蟹(半隻),黃金蚌,貴妃蚌,蝦,鮮魚片,白蜆,鮑魚,龍蝦(半隻),元貝,聖子皇肉類三選二：雞腿肉安格斯牛肉豚肉片*三色丸*蔬菜拼盤*粥或麵底海鮮類大部份都好新鮮 建議蒸煮既時間啱啱好 ... 鮮魚片十分好食 encore 了😝😝安格斯牛 亦不俗 有牛味雞俾肉啖啖肉夠嫩滑👍🏼👍🏼👍🏼👍🏼最後我揀咗粥底有南瓜芋頭配料吸收晒整餐海鮮嘅鮮味100分正！環境唔錯夠晒private 👍🏼👍🏼滿足了食埋雪糕糯米糍！整體來講這個價錢十分高質 ，材料夠新鮮一定會再黎！

之前一路都好想試，今次終於book到位一行三人8:30到達，一入座店員就提醒我哋要用手機點單，我點左$258，屋企人就點左$188，等咗唔使3分鐘已經上菜，所有海鮮要蒸幾耐枱面都有晒指示，每份套餐都有蔬菜，海鮮好鮮味基本上唔使用醬料都已經好好味👍🏻肉蟹好掂👍🏻啲蜆好鮮甜基本上所有海鮮都好掂👍🏻食到咁上下就會有店員幫手加魚湯如果叫粥底會有店員幫手加米同埋南瓜落水基本上我未食過米線已經好飽👏值得再去食😋😋😋

平時係港島區隨便打個邊爐都要200-300一位真係無諗過係銅鑼灣都可以用188$食到海鮮！一個套餐已經有唔同種類既海鮮雖然每樣野既份量唔多但食到最尾你會發現飽到上心口😂😂😂真係大滿足！價錢咁平 質素會唔會一般？本身無咩期望 但食落真係好有驚喜每樣野都幾鮮甜 特別係隻蟹！！真係CP值超高！！另外男朋友仲叫左個$398既set 包埋兩隻大閘蟹 超多膏😭😭😭💖連平時大胃王既男仔去食都話好滿足哈哈！！

星期五放工諗住同朋友食個飯輕鬆下因為想一人邊爐又想食海鮮 諗起聽個人話呢間餐廳唔錯就決定去試下友人嘅左手邊係路口位 我就坐佢右手邊點知點完餐開始食嘅時候 突然聽到友人叫咗聲 望過去 發現竟然有隻小強喺條枱隙到爬咗出嚟 幾秒後就爬番走因為太驚慌 所以淨係諗起要叫店員過嚟 佢嚟到望咗眼 噴咗兩下消毒藥水再問我哋要唔要換過啲食物之後就走咗 如是者成餐飯我哋就不時都會望住條枱隙 食得都唔係幾安樂阿小強之後又走咗出嚟一次 幾秒後又走左到最後我哋食到差唔多尾聲時 突然之間小強又再次走出嚟 (第三次！) 今次佢終於喺枱面留耐咗 所以我都決定影番幅相 (有圖有真相嘛～)先叫店員過嚟一位疑似老闆嘅店員走過嚟 用毛巾拍死佢再清理完屍體之後就走咗 連一句「唔好意思」都冇講過佢呢個態度完全令我不禁懷疑究竟喺餐廳見到小強其實係咪一件正常不過嘅事情🤔然之後仲若無其事叫我地埋單......繼續乜都冇 連「唔好意思」都唔講食物既味道係唔差 但如果可以有小強喺店入面周圍走 衛生情況應該都幾惡劣係 連一間餐廳既基本要求都做唔到所以 除非想再同小強共晉晚餐 否則我諗唔到有乜原因可以驅使我再光顧