老闆火鍋冰室

營業中

休息中

近年流行嘅粥底火鍋開咗好多，都試過唔少，但真正做到海鮮夠新鮮，配料又好食嘅就唔多，得兩三間，其他好多都不外如是。最近食咗元朗新開嘅老闆火鍋冰室幾有驚喜起碼做到以上嘅要求，平日晚上去到都有六七成滿座，聽老闆講星期五六日好多時都爆滿，最好預先訂位。呢度懷舊風裝修，好有童年回憶同親切感，粥底火鍋每位198，固定包括鮮蟹同沙白，另外仲可以自選五款海鮮加八款配料，食完肯定夠飽海鮮方面，我揀咗北寄貝、象拔蚌仔、貴妃蚌、鮑魚同埋海蝦。全部都新鮮美味，尤以海蝦同埋鮑魚，仲見到佢郁郁下，絕對生猛新鮮，食海鮮永遠最緊要新鮮就一定好味其他配料我地點左幾款特別嘅丸，有三星蔥爆貢丸，咬佢真係爆汁又香蔥味，幾特別，喺其他地方未食過。鹹蛋豬肉丸咬落去好有鹹蛋蒸肉餅嘅感覺，幾好食，又得意仲有一個蟹子墨魚滑釀魚肚值得推介，夠爽口配合魚肚食法幾新鮮味道唔錯，其他配料亦都正常水準。值得一題呢度嘅飲品全部大大杯，類似生啤杯嘅份量，有梳打、柑桔蜜或者朱古力等，老闆推介嘅水果茶有成一公升特大杯，兩三個人分享都得，都係四十幾蚊，抵到爆。呢度嘅招呼亦好周到、好貼心 臨尾會幫你安排埋個粥膽煮粥俾你食，將啲海鮮同配料嘅精華煮晒一個粥裏面

最近元朗開咗一間新嘅火鍋店😯裝修係行懷舊風格😁遠處都會留意到🌈入到去開左爐之後，店員會先提供兩款海鮮🦞海鮮每日都係有尊人去選購既，所以每日未必一樣今晚既就有大肉蟹同花甲喇👍🏻👍🏻隻肉蟹真係冇得頂，好重手，啲肉係甜嘅😚😚之後再自選五款海鮮，份量係按人數比既😋每種海鮮店員都好細心，會話比我知要煮幾多分鐘，務求每個客人都食到最好既味道👏🏻👏🏻👏🏻另外，食完海鮮就可以再選擇八款食物打邊爐🍲我就覺得老闆介紹依三種一定要試，好好味😋最後加埋哂啲配料落去，配合買海鮮底嘅精華，就变成一個好鮮味既粥喇👍🏻👍🏻👍🏻🥰依到每位198就可以食到咁新鮮既海鮮火鍋，真係好低食喎😍😍另外老闆介紹既水果茶都好好味，大家唔好錯過🤪🤪

喺元朗想食粥底火鍋就搵到一間新開嘅冰室，粥底火鍋除咗呢間都冇咩選擇，所以就決定試一試。 每人$198免加一，包五款海鮮同八款配料，最後可以食埋個粥。海鮮都算新鮮同埋大件，但其他配料份量就比較少，食埋個粥女仔黎講都係啱啱好。聖子鮑魚都新鮮爽口，蟹都好鮮味，多寶魚既肉都好嫩滑，海鮮質素唔錯炸魚皮兩個人嘅份量，明白我地得兩個人但係都真係有啲少。重點小嘅肥牛，真係啱啱好兩片人人一片.......手打墨魚丸，唔夠彈牙，但係份量黎講算係咁每人有兩粒🤪鹹蛋豬肉丸，有啲似食緊蒸肉餅嘅感覺，有啲蛋黃味算特別。最後侍應會幫手煮埋個粥，但係因為另外再到啲白粥落去煮一陣，所以我哋食嘅時候啲粥都冇熱，只係暖身，有好多配料，味道還可以。

天氣咁凍,同朋友約左食火鍋見到呢間開左一段時間既海鮮火鍋幾吸引,就同朋友去試!198一位,送2樣海鮮之外,再揀5樣海鮮,再揀8樣小菜打邊爐食,最後仲有粥底吸哂D精華,超抵食!先睇下海鮮!除左送既沙白蜆,蟹勁多膏同肉，無諗到可以咁好食！再揀左貴妃蚌,象拔蚌,鮑魚,馬刀貝同埋帶子全部都大件,同埋好新鮮,唔洗點醬汁都好有味!另外點既火鍋小菜都好高質,份量十分之合理,唔似出面好多D餐廳咁,幾十蚊得3至4舊肉類都好新鮮，唔會太肥太瘦，又有肉味，高質！飲品就點左杯草莓熱情果梳打,酸酸甜甜好開胃,甜度都適中,好新鮮,唔會淨係得糖水味,十分推介!粥底好易就住到綿一綿,口感一流,配上豬油粒,菜寶,食完一碗又一碗呀!

同屋企人一齊去食，見到佢懷舊嘅裝飾。非常之Instagramable，好值得打卡。從來都未試過用粥底打邊爐，所以一見到就好想試。二百幾一位有好多海鮮食，而且每碟都好新鮮，隻蝦仲識跳嘅添。餐廳嘅服務員非常之有禮貌，會細心講解如何烹調同食用而且都面帶笑容，所以服務係非常之加分。食晒所有海鮮例如蝦蟹鮑魚等等，最後侍應會加配料，將佢哋整成粥底。超級好食，最後仲有個燕窩糖水送。下次都會同朋友一齊嚟食超級推薦。

粥座火鍋食唔少，大部分都係九龍港島，難得見到元朗有得食，就約咗朋友去試下，地點方便，加上冰室格局，坐得好舒服。套餐包兩款固定海鮮，五款自選海鮮，同埋八款自選配料，最後就煮粥。非常豐富，食到我地好飽。海鮮有蟹、沙白、象拔蚌仔、蝦、蟶子、鮑魚等等，一個詞語形容就係新鮮。蜆肉係脹卜卜，食落冇沙有海水鹹鮮又有口感，唔會乾扁嘅口感，好好食。象拔蚌仔好甜，彈牙但係咬落又爽脆，同佢一樣嘅就係蟶子，唔係大隻，但勝在新鮮。佢海鮮全部都十分高質量，我地已經幻想到個粥可以有幾甜。之後嘅配料都唔差，花膠仔都有口感，墨魚滑非常爽彈，加上魚肚夾埋一齊係個新嘗試。朋友中意個薑汁皮蛋貢丸，彈牙又特別。另外嘅菇類同菜類都甘甜，配嘅生菜加埋粥到就更開心。佢比咗南瓜同芋頭份量非常的多，最尾嘅粥香甜可口。

呢間火鍋店嘅座位同環境都比起傳統火鍋店舒適同闊落！對我黎講，打邊爐坐得舒服真係好緊要，因為咁樣先可以真正歎住咁食架嘛~😋呢度嘅海鮮全部都好新鮮，海鮮味道亦好鮮甜，真係值得一讚👍牛同豬就相對較普通，我地食之前店員都會提供幾種醬料比我地揀~全程店員都好nice好主動咁幫我地收野同介紹啲食材個粥底好綿好香口，加咗啲芋頭粒同蘿蔔粒，令到粥底更it有口感🤤杯柑桔沙冰真係好大杯好有誠意，用黎影相一流，味道亦一絕絕對會再黎~

元朗好多嘢食 只要你識搵食🤣太耐無入元朗 今晚就入去搵個friend打邊爐 食個粥底火鍋海鮮火鍋重點一定係海鮮佢啲海鮮新鮮得黎又大隻 仲要洗得好乾淨唔會有沙 有沙白 鮑魚 油貝 聖子皇 黃沙大蜆 象拔蚌 我就最鍾意象拔蚌 太耐無食好懷念個味道 又夠爽口而火鍋配料就揀咗5款 有墨丸 黑豚梅肉 雪花肥牛蟹籽墨魚釀魚肚 未試過咁嘅食法 好特別而且好彈牙 鹹蛋豬肉丸🍡都好正 無唸過可以將呢兩個食物擺埋一齊 除此之外點少得午餐肉 炸魚皮同粟米🌽😋飲品我地就揀咗老闆押水果茶同草莓熱情果梳打水果茶清清地 打邊爐最啱飲 最後食曬啲海鮮🦞精華黎喇❗️個粥煲到好綿 😋😋 食埋個粥真係好full 好滿足

想嘆海鮮火鍋，發現左個新地方。就係元朗呢度，呢度火鍋種勁多，鮮蝦，沙白，貴妃蚌，鮮蟹，刀背，聖子皇應有盡有，而且新鮮程度高。呢度除左海鮮，呢度仲有d好特別的食物，包括蟹籽墨魚釀魚肚，咸蛋肉丸，腐皮墨魚卷等，我都無係其他地方有見過。特別一提，最後仲有好好味的粥底。呢度仲有貼心的指南教你每種海鮮煮熟所需時間。值得特別一提，呢度有既野飲勁太杯，係您想像唔到咁大，足夠一個人食足會餐飲。最後值得一提是，呢度的設計十分有香港風味，有香港經典電影海報，十分有親切感。

今日同daddy媽咪食飯，特登搵咗屋企樓下呢一間咁特別嘅餐廳，餐廳嘅裝橫剛剛好就設定喺daddy媽咪成長嗰個年代，佢哋見到餐廳個裝橫就已經好開心。蟹肉爽口彈牙，明顯用上新鮮貨色，令人十分滿足。 蟶子，蟶子夠哂大隻，肉身鮮甜。美國雪花肥牛，肥牛雪花均勻，每塊牛肉嘅厚薄均等，落水拖一拖就食得，牛味充足。蟹子墨魚釀魚肚，釀魚肚面鋪滿密麻麻嘅蟹子，魚肚索盡先前落過嘅海鮮嘅精華，加埋滑一滑嘅墨魚滑，有夠好食。鹹蛋豬肉丸，一咬開粒豬肉丸鹹蛋黃嘅香味即刻充斥住成個口腔，香味縈繞久久不散。

餐廳做緊promotion，198蚊就有海鮮粥底火鍋，包括廚師挑選嘅兩款時令海鮮，自選五款時令海鮮以及八款配料，認真抵食。刀貝，刀貝肉身非常飽滿，爽口鮮甜。 新鮮鮑魚，鮑魚放上枱嘅時候仲喺度扭動緊，新鮮嘅鮑魚肉質果然零舍彈牙。薑汁皮蛋貢丸，見到餐牌有呢一樣咁特別嘅丸即刻二話不說嗌嚟試下，貢丸入面包住嘅係薑汁同埋皮蛋，一口咬開薑汁爆漿而出，估唔到薑味同貢丸係咁夾。極上牛柳粒，牛柳粒牛味香濃，將佢淥到七成熟，咬開裏面個心重係微微嘅粉紅色，就最好食喇。炸魚皮，炸魚皮極度香脆，就咁食又得，放落去淥幾秒索盡鮮味先食亦得。鮮萵筍，特登揀咗呢一個唔係咁多地方有得嗌嘅鮮萵筍， 我鍾意將佢錄到半熟，外面夠腍，但係裏面依然保持住爽脆。

呢一間位於元朗嘅老闆火鍋冰室裝修非常之獨特懷舊甚有五六十年代嘅特色鐵閘 瓦仔磁磚 霓虹光管每件裝飾都令人彷如返咗去蕭芳芳同呂奇嘅年代今次同父母一齊去幫襯年長一輩見到都非常懷念好似呢張80年代潮語卡相信年輕嘅一輩都應該未聽過（包括我自己）哈哈呢度嘅火鍋以海鮮為主打廚師會挑選最新鮮嘅海鮮先品嚐海鮮 然後再加入粥底最後品嚐最鮮甜嘅海鮮粥今次海鮮選擇有成十款之多其中肉蟹 象拔蚌仔 蟶子 刀貝都令人非常難忘肉蟹大大隻 肉質結實一梳梳嘅蟹肉無比鮮甜象拔蚌仔 鮮嫩蟶子又唔會韌刀背帶有海水嘅鹹味 最重要唔會食到成口沙每款嘅海鮮都非常之新鮮食完海鮮仲可以揀八款火鍋配料嚟打邊爐呢一款薑汁皮蛋貢丸真係第一次食帶有微微薑嘅辛辣又食到皮蛋嘅香 非常之特別美國雪花肥牛質素亦唔錯肥瘦平均 牛味亦尚算香濃呢一款蟹籽墨魚釀魚肚用料相當豐富墨魚夠曬彈牙魚肚又夠索汁另一樣非常有特色嘅火鍋配料就係鹹蛋豬肉丸豬肉丸裏面加入鹹香嘅鹹蛋黃食出一番風味喺打好邊爐之後再加入粥膽去烹調就成為一碗鮮甜味十足嘅海鮮粥啦呢一餐非常之滿足 大家捧住個肚走呢間冰室仲有好多款唔同嘅特色飲料好似呢一杯柑桔檸檬沙冰插滿咗柑桔 飲落酸酸的 非常開胃整體嚟

最近發現開左間新嘅海鮮火鍋店，裡面嘅裝修好復古，見幾特別，就唸住入去試下。其實本來唸住都係同平時食開果d差唔多，點知食物品質真係喜出望外，特別係d海鮮，好新鮮，物超所值！而且依間開價格係同類型餐廳嚟講算親民，所以非常推薦大家嚟試。佢個套餐入面已經有兩款精選海鮮 — 蟹同白沙蜆。除左依兩款，你仲可以係佢個list到揀多5款海鮮，同8款配料，完全夠食。本來以為佢嘅海鮮夠鮮甜已經好好，其實佢嘅配料都整得好有心，會同平時果d唔一樣。我印象最深刻嘅就係佢嘅蔥爆貢丸，好似平時食芝心丸咁，但入面變左薑蔥，好香好野味。而比較特別嘅就係佢嘅蟹籽墨魚攘魚肚，顧名思義，有齊蟹籽，墨魚，同魚肚，依個搭配都幾適合打邊爐㗎！最後要提下佢個粥底，經過咁多海鮮嘅炮製當然係好香，再加埋瑤柱等配料，我食左成三碗，好滿足！如果你要叫嘢飲，一定要試下佢個水果茶，勁大杯，正！

本身住元朗，這個店舖的舊址我也來過，是一間比較普通的食店，現在煥然一新，經朋友介紹下嚟咗元朗呢間新開嘅老闆火鍋。入到去好多懷舊嘅佈置，有好多廣東話嘅俚語，懷舊風味很有味道。再看看價錢，抵到不得了， $200唔使就食到2款特選海鮮， 加5款自選海鮮，8款火鍋配料，同埋最後嘅鮮味粥！堅扺。食落去第一味餸已經拍晒手掌，係沙白，鮮甜到不得之了，好好味！比一般的花甲同埋蜆都好味得多，呢碟就算要加錢都想食多一碟。之後就係肉蟹，由於我本人鍾意食肉蟹多個膏蟹，所以食得津津有味，而且好新鮮，唔似出邊嗰啲咁細隻，食落真係啖啖肉！之後叫咗幾個貝殼類，有鮑魚，象拔蚌，貴妃蚌，蟶子，整體來講一食落去就知道係好新鮮，真係呃唔到人，嗰種肉質彈牙程度一咬就分到高下，呢一間嘅食材肯定係高於水準！ 最後嚟咗個好少食嘅多寶魚，肉質滑脫脫，比起出邊普遍龍躉嘅選擇一啲都唔輸蝕，反而食得多貝殼類呢條魚顯得更加突出！不得不提呢間鋪頭會比客人一個自己嘅計時鐘，菜單上亦都會寫明所需蒸煮時間，然後就任憑客人發揮，我覺得咁樣反而仲好，出邊嗰啲太多招呼反而覺得阻住晒😂😂最後叫咗鎮店之寶嘅飲品犀非利，水果茶，超級大杯，笑死我，又唔貴，希望店舖

經常經過這間老闆火鍋冰室，都好想試下，今日放假特登和老婆過嚟試，入到店內感覺好像六，七十年代裝修，好有懷舊感覺好有特色入到店內，店員好有禮貎招呼我們座低這裡地方潔浄，空間寬敞細看一下餐牌有很多選擇，我最喜歡他的調味料，就是他自製的XO醬，XO醬他用了很多材料製造，乾瑤柱，蝦米，魚仔用料十足，帶辣，非常嘢味，我覺得好食過市面上大多數品牌火鍋湯底是選用白粥煲的純粥水青蟹非常新鮮，切開可以見到裏面的蟹膏，金黃色，放落粥水打邊爐大約20分鐘後就可以進食，一食落口蟹膏甘香，蟹肉一疏疏很鮮甜，青蟹非常肥美，很新鮮聖子非常大隻，放落粥水只需大約2分鐘就可以，一食落口帶子爽口鮮甜十分新鮮海蝦亦非常新鮮每一隻都扎扎跳，十分生猛，因為海鮮非常新鮮，一食落口蝦肉爽口蝦膏非常鮮甜油貝新鮮爽甜雪花肥牛相當不錯，紋理清晰肥瘦均勻，一食落口牛味濃郁，香醇蟹子墨魚攘魚肚值得一讚，魚肚吸收湯汁鮮美，墨魚彈牙爽口，好味又有特色最後粥水吸收所有海鮮精華，當然不能錯過，留來㷛粥不得了，你話甜到呢，D粥鮮甜又棉食到停唔到口，本人覺得是元朗區其中一間有實力水準的店