影片
更多
2019-12-28
220 瀏覽
天氣涼涼地，最適合打邊爐，麻辣火鍋、港式邊爐我都鐘意，但不得不提，粥底火鍋都係我至愛之一。自從幾年前試過一次海鮮粥底鍋，就愛上了。雖然自己買到海鮮；但試過你就知，喺屋企打邊爐，要洗又要煮，人少少又難預份量，埋單又唔係真係平好多，最方便就梗係出街食啦老闆火鍋冰室新新地，位於元朗，我地收工入黎朗屏都算方便。一早訂左位，所以店員都好快安排好座位。餐廳位置不少，平日較鬆動，據店員講，週末人流都幾旺，記得訂位喔。呢度日頭係冰室，夜晚轉為食火鍋。裝潢走懷舊路線，牆上可見黑白相相啊、海報啊，色調鮮豔，光線充足，影相特別靚。座位分佈以卡位為主，基本上都好闊落舒適。晚市主打粥底火鍋，新張期內每位收費$198，免加一免醬油，包括2款精選海鮮、5款自選海鮮、8款自選配料、粥底同粥底料，比我食開嗰間仲要平啲，性價比高套餐包嘅2款精選海鮮係青蟹、沙白；自選海鮮可選海蝦/鮑魚/多寶魚/北寄貝/貴妃蚌/花甲/帶子/象拔蚌仔 (8選5)，海鮮都係每日新鮮來貨，質素不用懷疑至於自選配料選擇都好多，喺超過30款中自選8款，人頭份量，除左大部份粥底火鍋都會提供嘅肥牛、黑豚梅肉、蔬菜、菇菌類，仲有啲特別少少嘅食材例如蟹籽墨魚
老闆火鍋冰室新新地，位於元朗，我地收工入黎朗屏都算方便。一早訂左位，所以店員都好快安排好座位。餐廳位置不少，平日較鬆動，據店員講，週末人流都幾旺，記得訂位喔。
呢度日頭係冰室，夜晚轉為食火鍋。裝潢走懷舊路線，牆上可見黑白相相啊、海報啊，色調鮮豔，光線充足，影相特別靚。座位分佈以卡位為主，基本上都好闊落舒適。晚市主打粥底火鍋，新張期內每位收費$198，免加一免醬油，包括2款精選海鮮、5款自選海鮮、8款自選配料、粥底同粥底料，比我食開嗰間仲要平啲，性價比高
套餐包嘅2款精選海鮮係青蟹、沙白；自選海鮮可選海蝦/鮑魚/多寶魚/北寄貝/貴妃蚌/花甲/帶子/象拔蚌仔 (8選5)，海鮮都係每日新鮮來貨，質素不用懷疑
至於自選配料選擇都好多，喺超過30款中自選8款，人頭份量，除左大部份粥底火鍋都會提供嘅肥牛、黑豚梅肉、蔬菜、菇菌類，仲有啲特別少少嘅食材例如蟹籽墨魚釀魚肚、咸蛋豬肉丸、牛柳粒、三星蔥爆貢丸、薑汁皮蛋貢丸等。
第一次食粥底都唔緊要，餐牌上有介紹食法同各款海鮮烹調時間。
飲品方面比較特別啲，大部份係特飲，梳打、沙冰、水果茶咁。餐牌：
醬料：
點單後，店員送上粥水，待滾起就可以先落海鮮，食完海鮮，加入南瓜同芋頭粒，然後食埋自選配料，再煮粥底。
先黎精選海鮮，食粥底我都幾重視蟹嘅新鮮程度，呢度合格有餘，每人半隻，肉質結實，啖啖肉，仲有少量蟹膏，非常滿足蟹嘅烹調時間較長，約10-13分鐘，我地同一時間淥埋沙白。
沙白鮮味，可以食得出好新鮮，吐沙乾淨。
自選海鮮揀左海蝦、鮑魚、象拔蚌仔、北寄貝同貴妃蚌。海蝦好生猛，喺碗中彈跳，口感爽彈！
鮑魚大約需要5分鐘，上枱仲郁緊，食落就唔洗講，彈牙象拔蚌仔都好新鮮，貝殼類烹調時間較短，我地食到舔舔脷。
貴妃蚌同北寄貝都好爽脆呢最鐘意呢度可以唔洗固定選魚類，因為我地都唔係好鐘意。
食完海鮮加啲南瓜粒、芋頭粒，需時煲腍。
自選8款配料方面，我地有菜有肉有丸，粥底到時唔會太鹹，啱啱好呢！食完海鮮，就可以請店員上配料，美國雪花肥牛質素都唔錯，入口軟腍，唔係鞋恰恰嗰啲。
丸類揀左三星蔥爆貢丸、鹹蛋豬肉丸，兩隻都有內餡，前者幾過癮，貢丸中有蔥香；鹹蛋肉丸都好食架
蟹籽墨魚釀魚肚幾有趣，不過淥完之後，其實解體左，哈哈。魚肚吸汁，好入味，蟹籽墨魚都幾鬆軟。
另外點左萵筍、秀珍菇、娃娃菜、冬瓜片，全部都係索湯野。
最後可以請店員上埋粥底同粥底配料，好似瑤柱、豬油渣、菜脯、蔥粒等，煮起黎嘅粥好綿滑，味道唔會好濃(視乎食過咩配料)，每人食到兩碗有多，抵
點左兩杯飲料：青瓜梳打同柑枯檸檬。
人均二百零蚊，食完拍下籮柚走得，如果想食海鮮，肯定會再訪。
張貼
