老闆火鍋冰室

營業中

休息中

老闆火鍋冰室📍元朗昌盛徑18號元通樓地下9-10號舖椰汁花膠雞窩，這款湯底用來火鍋，椰汁的香氣濃厚，帶有一種自然的甜味，雞選用新鮮雞，雞肉鮮嫩多汁，與椰汁的甜味相互融合，花膠的口感滑嫩，彈性十足，材料豐富，而且雞是可以無限添食。鮑汁炆鵝掌花菇鮑魚，鵝掌經過長時間的燉煮，變得軟嫩，彈性十足，入口即化。鮑汁的鮮味和鹹香滲透每一寸鵝掌，讓人食指大動。花菇的香氣濃郁，肉質厚實，嚼勁十足，與鵝掌形成絕妙的對比，鮑魚的滑嫩口感豐富，令人回味無窮美國安格斯牛頸脊，頸脊肉的脂肪分布均勻，濃厚豐富肉香。相當嫩滑，肉質有豐富的纖維，口感醇厚，咬下去肉質緊實和彈性炸芋頭相當好味好粉，入口有甜味，芋頭經過炸之後放入火鍋，不容易鬆散，廚師相當細心豚肉片脂肪分布均勻，肉質爽口，口感鮮嫩豬生腸，粉腸，大腸，每一種腸口感都不一樣，生腸入口爽脆，粉腸煙煙韌韌，大腸有口感，樣樣都新鮮好味鮮雞子肉質細膩，鮮味，咬下去時汁液豐富，口感滑嫩鮮雲吞大大粒，而且皮薄，內餡鮮嫩多汁，鮮蝦肉大大隻，材料豐富，口感順滑蔬菜也有很多款選擇，菜心苗，生菜，皇帝菜，娃娃菜，蘿蔔，萵筍，通菜，今日揀咗皇帝菜，蔬菜呈鮮綠色，夠晒新鮮，又洗得乾淨飲

今日朋友帶我嚟到元朗 食呢間港式火鍋 老闆火鍋冰室 一嚟到就覺得好有港式風味😗 坐低睇睇餐牌 晚市有放題😋 我哋揀咗美國安格斯牛頸脊套餐～ 我哋唔揀雞煲 直接揀埋火鍋湯底 揀咗椰汁花膠雞鍋～ 揀咗套餐同埋湯底之後 就直接出去拎嘢飲同埋調味料飲品選擇都有唔少😌 拎咗嘢飲就返去用QR code落火鍋材料啦😬 椰汁花膠雞鍋湯底好快就嚟咗～ 好香椰汁味 有好多花膠😍 店員仲好細心幫我哋教細啲個火 提我哋食咗啲雞先等啲湯滾咗 二話不說 即刻飲返碗湯先😍 好清甜嘅椰子香味😋 雞肉好滑 花膠軟腍腍有膠質 好味🤤 兩位以上入座 送星級海鮮拼盤 同埋即炸響鈴一份 估唔到係送大閘蟹😀 大閘蟹熱辣辣拎拎上枱 拆開勁多膏 新鮮又好味😗 即炸響鈴真係啱啱炸起就拎俾我哋 上枱嘅時候勁香脆 淥一淥就食得😌 美國安格斯牛頸脊呢個真係必點👍🏻 油脂分布平均 肉有牛味 淥幾秒就食得 更加厲害嘅係 淥耐左都唔會覺得柴 大推！ 炸芋頭呢個都係必點！炸完嘅芋頭外脆內軟 淥返熱 吸咗啲湯底 好入味😋 整體嚟講 呢間 老闆火鍋冰室 食物質素不錯 店員服務態度良好 食物種類有好多 喺元朗打邊爐都係一個唔錯嘅選擇😌

行過見到呢間餐廳裝修頗有特色而且300蚊都唔使有齊海陸空放題120分鐘都夠同朋友吹埋水！呢度嘅裝修係行懷舊風格好少放題餐廳會咁有主題！而且環境夠闊落 多卡位！揀咗安格斯牛頸脊套餐因為今日主要想食牛，就冇揀到雞煲否則任食雞煲其實都好抵！鍋底一上就送上海鮮拼盤份量按人頭計有貴妃蚌，蜆，鮑魚，蝦，魚多就唔算好多，但勝在樣樣都夠新鮮而且蜆同蚌都冇沙十分鮮甜嗌咗唔同種類嘅牛肉都試晒！最推介嘅就緊係安格斯牛頸脊油脂分布平均，淥幾下就食得！重牛味！encore 咗幾次每台都會送即炸嘅響鈴冇諗過原來即炸分別咁大十分脆口而且唔係嗰種好薄嘅感覺特別吸湯底！欣賞其他嘅大路打邊爐配料都有晒主要食海鮮都牛都飽飽哋靚牛自己買都幾百蚊300蚊都唔洗實在物超所值！

元朗有超抵食嘅火鍋雞煲/小菜館，老闆娘超有禮貌，而且好有心服務客人，所以六點已經開始有人流，超級抵食$178二人餐，2小菜2燉湯2白飯2汽水！菜款式有好多有海鮮、雞、蒸餸、炒菜等等，幾十款👍🏻我哋都係鍾意食啲香口嘢味就試咗老闆麻辣雞煲，份量非常之足大大份熱辣辣，超重麻香，用嚟送白飯就一流，雞嘅熟度剛剛好，夠嫩滑。另外就食咗薑蔥雜菌廣島蠔，呢個真係性價比高入邊有八隻蠔，大大隻。佢哋嘅蠔特別好食，係因為佢哋會炸過嚟，先至再拎去抆，會比平時嘅餸更加香口，側邊仲有大量蒜頭同洋蔥伴碟，超級惹味用嚟送飯都係好正嘅！湯品方面，主要都係雞嘅燉湯，推薦特濃花膠雞湯入邊真係有花膠😍

老闆火鍋冰室二人自選菜套餐$178醬皇啫啫雞煲：味道香濃，雞肉嫩滑，而且吸收了醬料的精華，雞肉鮮嫩多汁，煲中的特製醬汁濃郁，帶有微微的甜味與鹹香，啫啫雞肉外焦內嫩，口感獨特惹味金銀蛋肉碎浸時菜：味道清新，娃娃菜鮮嫩脆爽，入口有自然甜味，肉碎帶有香醇的肉香，搭配金蛋和銀蛋，濃郁的口感，金、銀蛋的細膩，浸泡在醬汁中的娃娃菜吸收了所有的精華，味道更加美味可口特濃花膠雞湯：真材實料用了很多材料製作，花膠雞湯味道醇厚而滋補，湯底清澈明亮，散發濃郁的雞肉香氣，花膠嫩而富有彈性，雞湯鮮甜，入口味道濃厚姬松茸赤肉燉雞湯：味道鮮美而濃郁，湯底清澈透亮，姬松茸與雞肉燉煮至軟嫩，湯底鮮美香醇可口，可見到他用了很多材料來熬製的白米飯軟硬適中，白飯粒粒分明，有米香最後加上可樂，今餐很滿足

原本諗住天氣開始熱之前食多一轉打邊爐 去到餐廳先知冇咗轉左小菜🥺 不過好彩都冇令我失望🤭之前係俾呢間餐廳門口嘅裝修吸引咗上嚟試打邊爐 估唔到除咗出邊嘅裝修 入面都好特別好有特色 懷舊風👍🏻🤩🤩 餐廳嘅位置都算多 我哋揀咗個卡位 😌😌😌2個人食 叫咗自選兩道菜😶‍🌫️ $178 包咗 燉湯 白飯 嘢飲 價錢都算幾抵 份量嚟講都算幾足～ 不過真係要讚吓個燉湯😍足料又好飲啱晒我呢個湯怪小菜嚟講 我覺得味道係幾好 而且性價比高 價錢唔貴 份量比到足 差唔多價錢 絕對係勝過一般嘅茶餐廳🧐特濃花膠雞湯 奶白色嘅燉雞湯 😍飲落唔油膩好濃郁 藥材花雕燉竹絲雞藥材味好香 呢款湯相對清地 如果唔鍾意藥材味嘅 就未必啱飲醬王啫啫雞煲 一上枱聞到超香 雞肉都比較嫩滑 醬汁味道濃郁 送飯一流!! 我隔籬嗰個食唔停口🤣金銀蛋肉碎浸時菜 極多皮蛋鹹蛋 好鮮呀 有時有啲餐廳煮得唔好嘅話會有腥味 但係呢個冇腥味😛正雖然飲咗個湯都已經飽咗幾成 但係因為啲餸好味 所以都忍唔住食晒成碗白飯😙呢啲簡單健康嘅中菜 絕對係會encore嘅餐廳下次會試埋其他小菜..

呢間餐廳主打雞煲放題，食足120分鐘，任飲任食，絕對係雞煲愛好者嘅天堂，仲可以揀湯底一款，無限追加雞肉，雞件大大件，煲耐咗仲入味，好啖啖肉，性價比爆棚！🐔牛肉選擇豐富，其中美國PRIME GRADE牛肩胛絕對係重點推介，肉味濃郁，油花適中，略帶嚼勁，適合鍾意食牛味濃嘅人；美國進口牛相對較瘦，但肉質軟腍，煮耐啲都唔會韌；牛板腱帶少少筋位，咬落有層次感，適合鍾意口感多變嘅朋友；特級牛舌口感彈牙爽滑，牛肉控一定要試！如果加$60可以升級美國安格斯牛頸脊。🐮西班牙黑毛豬肥瘦均勻，煮完唔會變韌，仲保持嫩滑口感，配埋麻辣湯底吸滿香料，令人回味無窮！🐷羊肉方面，紐西蘭羊肉片絕對係良心之選，冇一般羊肉嗰陣羶味，肉質軟腍，油脂適中。🐑

呢幾日天氣凍，食返個雞煲打返個邊爐就最適合啦！店舖位於元朗昌盛徑18號，都好近巴士站，交通方便！餐廳裝潢係走懷舊香江格調。平日夜晚七點入座都唔洗等好耐。二百零蚊價錢雞煲任食牛都係任食，元朗區夜晚嚟講都算抵！先講吓個雞煲，辣到可以自己揀，有辣有唔辣。件件大大嚿，即叫即炒，好欣賞個雞汁好惹味，另外啲雞好入味！配埋啤酒就真係prefect 😊我哋兩個人食咗一隻雞其實都已經好飽。牛係安格斯牛頸脊，牛味好香濃。雖然好飽，但係都叫咗五至六碟牛，真係食夠本！除咗牛同埋雞煲，其他火鍋配料都有好多選擇，大家可以掃枱上嘅QR code落單，職員就會好快送到！

老闆火鍋冰室今日同朋友有幸品嚐到美味刺身、雞煲連埋靚湯、打邊爐嘅配料、自製嘅飲品，這間餐廳叫老闆火鍋冰室，店內裝修得好有懷舊嘅特色，地方寬敞整潔，枱凳整齊令人坐得舒服，店員有禮貌，服務態度又好，來這裏食真不錯。雞煲嘅款式都有六款咁多嘅選擇，我哋就選咗椰汁花膠雞煲，食完之後就打邊爐，雞煲上枱時已經聞到好香嘅椰汁味，跟住前菜都來，前菜是刺身，有三文魚、北寄貝、希靈魚、帶子，三文魚入口即化，魚肉的嫩滑新鮮，北寄貝味道清新，搭配埋醬汁，回味無窮，希靈魚的烹製得當，魚肉的鮮味和嫩度完美結合，非常正，而帶子的口感彈牙，味道濃郁，與其他刺身打造豐富開胃序幕。椰汁花膠雞煲啲湯好好飲，這道椰汁花膠雞煲嘅材料有椰汁、紅棗、淮山、花膠、杞子等多種中藥材與半隻鮮雞完美融合，湯汁濃郁而不膩，雞肉嫩滑多汁，令人垂涎欲滴，這道菜不僅味道出色，還具有養顏美容的功效，讓人在享受美食的同時，也感受到健康的滋潤。飲品嘅馬蹄芫荽紅蘿蔔水是餐廳自製的，這款飲品清爽解渴，口感特別，為整個晚餐增添了清新的一筆。火鍋配料都有好多款式，我哋都選咗超過10款來食，尤其是最正嘅美國安格斯牛頸脊，牛頸脊的嫩度和口感無可挑剔，入口即化，肉質細

今日朋友帶我去元朗食火鍋放題，呢間位於朗屏站附近既老闆火鍋冰室，裝修好有懷舊特色，牆壁貼左紙皮石、仲用左好多紅色膠吊燈和霓虹燈，好似置身七、八十年代既冰室。我哋揀左美國安格斯牛頸脊套餐，任食任飲120分鐘都係$298，可以無限追加超過60款火鍋配料，而家推廣有9折，仲免加一和免醬料費，非常抵食。湯底揀左椰汁花膠雞鍋，呈奶白色，加左好多紅棗、雞件，味道鮮甜，用料十足。未食火鍋，先嚟鮑汁炆鴨掌鮑魚花菇，鴨掌含豐富骨膠原，鮑魚肉質軟嫩帶嚼勁，花菇爽滑厚肉。肉類方面：美國安格斯牛頸脊、美國Prime Grade牛肩胛、封門柳、牛板腱、特級牛舌，牛味突出，鮮嫩可口。總結，餐廳食物新鮮好味，座位寬敞，店員會定時幫你加湯、收碟，重點係價格合理，抵食火鍋放題推介。

Wanna have hotpot in such a cold weather. Finished work near Yuen long so we just decided to have hotpot at this restaurant. We order a chicken pot and have hotpot afterwards. We were there around 21:25 but surprisingly almost all hotpot ingredients are still available!!!I love how tender was the beef sliced and the beef meatballs were very juicy. The veggies were really fresh Super nice staff. They are really politeThis restaurant also provides different drinks. I love the Thai soda water!! Ver

喺元朗想食高質港式火鍋，就要去呢間老闆火鍋冰室。裝修以港式風格，室內有霓虹燈牌，好有特色。一個價錢有雞煲，仲包任食任飲。我同朋友揀咗，美國安格斯牛頸脊。自選雞煲，仲有六個口味可以選擇，都算選擇豐富，無論你食唔食得辣都可以有啱食嘅選擇。火鍋料選擇偏向正宗港式火鍋，因為牛豬內臟類都好多可以任食，一個惹味嘅湯底真係好夾。另外可以任叫牛肉真係真材實料，唔會將貨就價。牛肉無論外觀，味道同口感都係上等靚牛，真係唔好以為任食就無好嘢。另外服務真係唔錯，侍應個個都好有禮貌，好多時都主動睇下有咩要幫手。無論加雞定食完雞煲轉湯底，全部都好快手，唔會浪費你任食時間。

晚上和朋友相約在老闆火鍋冰室打邊爐，兩小時放題任飲任食，牛頸脊套餐有九折，每位$268。醬料區和飲品自助，衛生企理。每人先來一份佛跳牆，感覺貴氣，儀式感滿滿。鵝掌炆得入味，鮑魚口感爽嫩。鍋底選了老闆招牌香辣雞煲，可選辣度，小辣對於不太吃辣的朋友來說也可接受，醬汁惹味非常，辣中帶麻，芫荽和洋蔥增添了香氣。店長說每天限量十個無骨雞煲，想吃的話可試試訂枱時先預留。雞肉嫩滑，無骨啖啖肉就是吃得夠盡興！吃過雞煲就可以加湯打邊爐牛肉質素以放題來說頗有驚喜，性格比甚高。一口氣試了幾款牛肉，牛頸脊，牛板腱，牛肩胛和牛舌，雪花均勻，牛味濃郁，肉質也軟腍。打邊爐配料有不少選擇，滑牛鬆軟，牛丸和牛柏葉爽口彈牙，粟米清甜，豆腐帶濃濃豆香。重點是任叫，保證吃到飽。兩小時$268就可以吃得如此盡興，捧腹而回，一定再有下次。

今日去元朗食港式火鍋，雖然有雞煲可以揀，不過都係揀返普通火鍋湯底試一試佢，今次就叫咗個沙嗲鍋，花生味濃，唔似其他店嘅湯底得隻色咁，微辣、。話說佢個餐桌嘅設計都唔錯，個煲位陷落去，唔使吊高隻手就夾到嘢食，係一個暖心位。安格斯牛頸脊牛味十足，一咬落去濃濃嘅牛奶香，絕對可以歸功於分佈均勻嘅牛脂。牛舌十分爽口，大大塊，淥完都唔會話縮哂水咁，肉味都十分足夠。其他嘅食材選擇亦都唔少，一份菜都好足料，包仔豆腐同蜂巢豆腐吸引哂沙嗲湯嘅精華。值得一提嘅係一入座就上咗每人一塊嘅吉列蠔、一塊炸蝦餅、一隻炸蝦。吉列蠔新鮮多汁，濃濃嘅海水香喺咬落去嘅瞬間爆發開嚟，非常之唔錯；蝦餅就夠哂彈牙、大蝦就炸得夠脆，連殼都可以食埋。

依家冰室午餐份量size夠大，今次食咗咖喱牛腩飯，牛腩大大嚿都幾入味，份量都多一定食到飽飽咖喱普普通通，正常味道，唔會話難食，價錢正常，午餐諗唔到食咩可以再嚟食呢個