老闆火鍋冰室

營業中

休息中

今日去左朗屏食朋友介紹的粥底火鍋！都幾抵食！不用加一，每位$198可以選五款海鮮，八款火鍋料我們兩個選了海鮮～蟹，鮑魚，象拔蚌，大尾魷，蟶子火鍋料～墨魚丸，黑豚梅肉，咸蛋豬肉丸，蟹籽墨魚攘魚肚，雪花牛，花膠仔，黑椒牛丸，牛柳粒我們又點大一人一杯特特特飲，點解是三個特，因為是特大～😂有1L,特別是果茶，特別好影相打卡🤣😂。一上來個鍋好大內面有粥水，店家好貼心有見意時間和計時器！海鮮和火鍋料真的好新鮮！佢地提供的醬好好味有一個好似xo 醬！香香辣辣，好野味！打完邊爐，加粥嘩好甜呀！老闆娘好好我地食完仲送左個雪燕的飲品！👍🏻👍🏻

住元朗朋友大力推介，昌盛徑18號元通樓地下9-10號舖，海鮮粥底火鍋超值低食，每人只$198，服務員親切介紹各類海鮮, 跟餐有鮮蟹和沙白，（海蝦、鮑魚、刀貝、聖子皇、象拔蚌、貴妃蚌、大尾魷，八選五種。）用粥的高溫銷住海鮮水份，保存海鮮既鮮甜味。另外可選八種火鍋配料，我推介自家制手打墨魚🦑丸、薑汁皮蛋貢丸、蟹籽墨魚釀魚肚、咸蛋豬肉丸..爽口彈牙.最正是XO醬，真材實料一定要試不太辣，老闆押水果茶$48，有多種新鮮水果，超大杯有一公升，清香甜，真超值抵食又美味，靚靚老闆娘真好人，送我們冰糖燉雪燕，清甜美味又滋潤。才明白朋友話一定要老闆火鍋冰室。

睇開我食評嘅人就知道我對海鮮係有極大嘅興趣所以基本上邊度有粥底火鍋蒸氣火鍋海鮮火鍋我都會去試好似就嚟到元朗呢一間老闆火鍋冰室。一入到去個裝潢係好有香港特色除咗有特色嘅餐廳之外呢重點梗係要講個火鍋啦有先來呢間嘅收費係198一位其中包左右六款海鮮其中有兩款係店家選擇而其他四款呢就可以係佢比嘅選擇之中揀啦當中我推薦一定要揀象拔蚌油貝同黃沙大蜆 不過可能每日都會因應海鮮而有一啲款式會唔同。食完啲海鮮之後呢你就可以揀八款嘅火鍋配料啦當中墨魚滑釀魚肚、手打墨魚丸同埋鹹蛋釀豬肉丸都10分推介俾大家 真係食過返尋味.品方面我推薦大家一定要嗌呢杯水果茶佢直情係一杯野大過我個頭除咗份量夠大之外佢嘅味道都唔差㗎解渴一流

要講元朗有咩好吃, 其實真係好多選擇, 但在火鍋方面, 比賽出名的火鍋店都在雞地個邊, 同埋個D火鍋店都好貴, 食一次就要成個星期食M記先底得返條數, 但今日我同朋友行過永年個頭, 見到新開既老闆火鍋冰室, 晚市係食粥底海鮮火鍋, 最重要係勁平, $198一位, 有成7款海鮮同8款火鍋料, 仲要最後食埋個粥底, 真心好正!!!!7款海鮮有兩款係指定的, 另外5款自己揀, 職員都會介紹一下有咩比較新鮮,但其實我覺得佢每樣海鮮都勁新鮮, 真心講咁既價位食隻蟹同沙白都已經回左本啦!!!!!另外, 火鍋方面, 都有好多特色食物, 我覺得好特別係個貢丸, 佢係薑汁皮蛋貢丸, 我都係第一次食, 完全冇諗過咁其特的內容, 會咁好味, 另外, 最後個粥底都唔可以錯過, 真心唔食會浪費哂之前海鮮的美味...

海鮮可以有好多食法, 我最鐘意食海鮮, 咩做法都咁鐘意,今次朋友介紹我去食元朗一間食粥底火鍋的店, 係食SET的, 兩位起, 間餐廳好有FEEL, 我感覺到老闆用左好多心思去做LEE間店, 佢地用左舊香港的特色野去裝修間店, 同埋座位上都好舒服, 服務又好好, 所以我會介紹更多朋友來食。講下食物, 我地個日既海鮮有鮮蟹、沙白、海蝦、鮑魚、刀貝、聖子皇、象拔蚌….7款海鮮, 用粥底去整, 仲可以帶出海鮮既鮮味, 好味到冇得彈。另外仲有火鍋料, 有幾樣特別的食物要介紹一下, 其他地方食唔到, 薑汁皮蛋貢丸、蟹籽墨魚釀魚肚、咸蛋豬肉丸…都好特別, 好好味, 去食的一定要試下

突然間好想食粥底火鍋,即刻打電話問吓朋友,元朗有邊間好推介，佢話有間新開嘅火鍋冰室，值得一試，我就即刻過去試下😊去到門口已經見到做緊特價，原價$248一位，現在$198一位，個套餐包括五款自選海鮮+八款火鍋配料，好抵食店員非常踴躍推介最右邊嘅自製XO醬，食落有少少辣，有好香嘅乾瑤柱同蝦米嘅味道，非常滋味啲蟹非常新鮮蟹仲有好多膏，又有蟹味蝦又好彈牙，聖子都非常大隻🥰真係新鮮到暈👩‍❤️‍💋‍👩又鮮甜，最重要係洗到好乾淨，令我哋食客食得放心飲品係最快到嘅😁夠晒凍冰冰🤣職員嘅招呼非常好👍🏻不停會幫我地清理食完嘅殻，仲好細心解釋比我知點樣食法，禮貌上我比他們一百分💯象拔蚌都好新鮮,食落又夠爽口,鮮甜海蝦非常生猛，員工放低時仲識跳😂所有海鮮都好新鮮，蟶子皇同黃沙大蜆都好大隻職員先會放下粥水，然後水滾後，再加入芋頭同南瓜粒，呢個豆卜魚腐好大粒，個腐皮墨魚卷都非常林身，小朋友最啱食👍🏻甜甜的食完啲海鮮後就會放過粥膽落去，再加埋啲乾瑤柱，南瓜，葱，芋頭，豬油渣嘅配料，令到個粥好鮮甜，每人平均都係$200非常抵食

元朗終於有粥底火煱, 又出邊望入去,仲要見到地方好闊落,好有懷舊嘅感覺🥰走懷舊嘅香港風門口餐牌見到海鮮粥新張八折$198，收費都比較平，非常吸引員工嘅態度又非常有禮，帶我和朋友入坐，一入到去店內就播放着懷舊的音樂地方非常闊落，卡位可以坐到六人揀咗海鮮之後，員工就會送上一個粥水，開始先放入海鮮然之後再煮其他配料火鍋完之後，員工就會將南瓜同埋芋頭粒放入去，令到粥底更加鮮甜,先品嚐海鮮，有非常新鮮嘅蟹，海蝦，鮑魚，貴妃蚌，象拔蚌，海鮮全部都非常新鮮又冇沙熱辣辣嘅天氣，當然要配一杯凍冰冰嘅飲品，呢杯$28凍柳丁蒟蒻，飲品甜甜的，但是味道好特別，近似雜果賓治貝殼類嘅海鮮都非常新鮮，洗到非常乾淨，入口完全冇沙，仲要好鮮甜爽口火鍋後，職員非常細心，check 下火鍋湯底入邊有沒有貝殼碎，之後就會放入乾瑤柱碎，到最尾混入粥膽，頭菜，冬菜，蔥粒鍋加豬油渣，令到粥底鮮甜到不得了，一定不可以錯過

喜歡海鮮的我，通上都會同朋友去一些未去過的地方食野，雖然元朗有些遠，但都阻礙不到我，找食的精神，這間晚餐得一張火鍋餐單，應該是所有人都叫這個套餐，開頭都怕唔夠食，其實食到最尾，食埋個粥就一定夠，粥底鮮甜，當然啦，咁多海鮮整成一定甜，而且我沒有叫魚，唔怕有骨，可以放心食粥，這間飲品是超大杯的，特別是水果茶，同啤酒杯一樣咁大，一個人飲都未必飲得哂，講返海鮮先，除左已包2款海鮮外，仲有可以選多5款唔同海鮮，新鮮，大隻，而且仲有計時器同教你計時，令海鮮唔會過火，另外仲有8款配料，推介肥牛，極上牛柳粒，因為我特別喜歡牛肉

朋友話好想食海鮮，見元朗呢間新開既冰室夜晚竟然有超值既海鮮粥底火鍋食，每位都係198就有七款海鮮，仲可以額外自選8款配料，於是就膽粗粗入去試下啦！本身都不抱期待架，因為冰室海鮮一聽就覺得唔似有新鮮貨食啦～點知食完完全喜出望外，海鮮超新鮮超甜啊！ 我地自選既五款海鮮係海蝦、鮑魚、貴妃蚌、北極貝、多寶魚。每一款都好新鮮，海蝦上台既時候仲會跳架。其中我最推薦係貴妃蚌同北極貝，入口鮮甜，超正。 除左五款自選海鮮，每人仲有蜆同半隻蟹，又係好新鮮！個蟹超大隻又多膏，平時買都要百幾蚊一隻。。 其實食完海鮮都飽得7788，仲要食埋自選8款配料，真係考驗大家既胃口啦！呢度既配料真係好足料，丸類每人都係2粒起，青菜係一大碟既，全部都幾好食。黑豚梅肉同美國雪花肥牛都係用靓貨，食落肉味濃郁，又嫩 用完粥水打邊爐之後，就會上粥底煮反個瑤柱南瓜芋頭粥。由於之前放左好多海鮮，所以呢個粥真係好濃郁好好食！就算我飽到死都忍唔住食左一碗。。。 我地仲叫左杯水果茶，一杯有成L咁多，係好飲既，好足料而且茶味果味都濃。 呢間冰室真係帶比我地好多驚喜！

喺元朗探完朋友，經朋友介紹話有一個粥底火鍋好正😋，難得入元朗，於是二話不說就梗係一齊去咗試吓啦👭。(而家新張優惠有八折呀🎉）行到去店舖門口，我哋已經比佢嘅懷舊裝修吸引住😁。可能嗰日比較早，我哋去到就有枱啦😁(不過聽其他朋友講，如果去之前最好就book定位，因為我哋好彩，其實平時都比較多人😅)。坐低左慢慢發現，牆上面有好多舊戲嘅poster，又有一啲懷舊嘅裝飾掛咗係牆上面，真係好特別👍🏼😁。一打開個Menu，就已經介紹食粥底火鍋嘅步驟，同埋教你每款海鮮應該煮幾耐，令到海鮮唔會煮過火，真係好細心❣️至於🍹飲品仲有好多唔同嘅選擇🤩二人份量👭粥底火鍋，包括有兩款特選嘅海鮮、有五款嘅自選海鮮、仲有八款自選配料(有成32款配料任你揀，真係花多眼亂樣樣都想食😋)兩款特選海鮮 ～ 🦀一隻蟹及沙白 蟹非常新鮮又鮮甜，而且仲有蟹膏添😋 沙白，非常鮮甜同脹卜卜五款自選海鮮 ～ 🦐海蝦(4隻)、鮑魚(2隻)、刀貝(2隻)、貴妃蚌(2隻)及北寄貝(2隻) 📣我想話樣樣都好鮮甜，又大又脹卜卜😁👍🏼八款自選配料 ～ 🐖穀飼黑豚梅肉(招牌)、🐂美國雪花肥牛、黑

今日又遊逛元朗, 一路都好喜歡在元朗周圍覓食, 因為到處都有良心又好食的小店。今次亦不例外, 遇到一間值得再來的火鍋店" 老闆火鍋冰室"門口的招牌及店內的裝潢足夠令我有意欲試一試佢,再看看餐牌, 簡單容易, 粥底火鍋有海鮮 有配料最後粥底。店內打裝飾有香港懷舊特色, 有電影poster, 有當鋪擺設, 細至裝骨的桶都有不同顏色。首先職員姐姐都好friendly 咁介紹下食物選項, 同埋醬料, 主推自家制XO 醬, 既然推介就即管試下啦.... 嘩, 一係唔試, 一試就上左癮,我可以講這個XO 醬係我食過最香 最足料的。係實實在在食到元貝粒, 蝦米, 銀魚仔 等等...很惹味, 不停一羹一羹咁筆黎食...,仲比老闆發現笑我添...忍唔住求佢賣一樽比我. 可惜未有得發售。講返D 材料, 絕對係簡單兩個字形容曬, 新鮮!海鮮鐵膽有鮮蟹和沙白, 再自選五款:蟹就絕對夠新鮮, 肉質實淨, 有膏。海蝦, 體積不大但食得出係海蝦麻蝦之類, 唔係養殖。大尾魷即係魷魚, 厚身, 輕輕一灼 有咬口有鮮味不過火。貴妃蚌, 蟶子同沙白完全一粒沙都沒有。這類貝類海鮮最適合煮粥底,一陣吸收曬鮮味。鮑魚新鮮不過本身

之前行過見到呢間鋪頭嘅裝修好有特色，咪八卦望下係咩黎，見到個名叫「老闆火鍋冰室」，原來係食粥底火鍋嘅，而且$198一位，又真係唔貴喎，所以今晚決定係試吓😎😎首先裝修真係好懷舊好特別，坐落亦都好舒服，環境又衛生，已經感覺良好。服務員姐姐好有心機咁話俾我哋聽係點樣點菜，原來係先揀五樣海鮮，再揀八樣配料，再之後湯底就會變粥，係好豐富嘅。所以我揀了蝦、鮑魚、刀貝、貴妃蚌、北寄貝。配料就揀了鹹蛋豬肉丸、肥牛、牛柳粒、粟米、蟹子墨魚釀魚肚、腐皮墨魚卷、黑豚梅肉、黑椒牛丸。講真，開頭見到個湯底只係粥水，以為會冇乜味，但係原來佢首先係叫我地先食海鮮，原來啲海鮮真係好新鮮好鮮味，連豉油都唔使點，而且餐牌上邊已經好仔細話俾我哋聽每款海鮮嘅煮熟時間，真係好細心包保唔會令海鮮熟過頭。有咗海鮮啲鮮味之後，就開始食配料，啲配料一樣好新鮮好有特色好好味，我真係食到高興。其實食到呢度都飽飽地，最後服務員姐姐過嚟幫我地煮埋個粥，個湯底已經有晒所有海鮮的鮮味，最後用嚟煮埋個粥，真係好味到不得了，不過最後因為太飽我只係食咗一碗，最後我仲將個粥打包拎返屋企宵夜，今餐邊爐真係大滿足。元朗真係好多嘢食，而呢一間老闆火鍋冰室，真係

有8款海鮮選擇，其中蟹同沙白已包所以一定有，仲有8款火鍋配料，海鮮好新鮮，而且蟹好大隻有膏，做粥底火鍋湯最好，蟶子有手掌咁大隻，蝦彈性好大，鮑魚鮮甜，配料有8款好多，粥底有瑤柱，美味更高

早排同朋友嚟咗元朗呢度食粥底火鍋🍲餐廳嘅裝修以舊式香港冰室為主題，幾特別既係餐廳播住80年代的歌曲💥入到黎好似真係時光倒流番左80年代甘 坐位亦幾舒適☁️😚首先店員會講解落單方式❣️精選海鮮包2款，另外自選5款、配料選8款、不夠可自行加錢追加😎_海鮮幾新鮮 我地就揀左蟹、沙白、海蝦、鮑魚、油貝、蟶子皇、象拔蚌😄海蝦🦐幾彈牙😝溫馨提示煮既時間可以比建議既減少少🤣_食完海鮮店員會上八款配菜我地就揀左黑豚梅肉、娃娃菜、美國雪花肥牛、蟹籽包心丸、自製鮮墨魚丸、腐皮墨魚卷、蟹籽墨魚釀魚肚、極上牛柳粒必叫蟹籽墨魚釀魚肚❣️囗感豐富之餘平時火鍋店比較少有得叫🤩🤩_打到差五多最後加入南瓜🎃芋頭同各種配料😚粥底因為海鮮夠多所以都幾入味😍分量剛剛好😄

餐廳嘅裝修係懷舊主題，見到佢地都搜羅左好多懷舊裝飾同畫滿舊物嘅壁畫去佈置餐廳，睇得出店主係裝修方面都落左唔少心思！我地今晚黎食海鮮粥底火鍋🍲每人$198已經包括左7款海鮮同8款配料！十分豐富，不過食海鮮最緊要係新鮮，唔新鮮嘅海鮮食落真係貼錢買難受😣呢道嘅海鮮我可以講每一款非常新鮮之餘仲要好肥美同鮮甜，唔係間間鋪頭都會有咁新鮮嘅海鮮供應！非常驚喜😍.落完單店員首先會送上粥水打底～用黎打邊爐✨老闆押水果茶 $48巨型神器，成1L咁大杯，又足料同埋好濃嘅水果味✨精選海鮮 🥢蟹身都幾大，同埋蟹鉗好厚肉！仲有膏～好鮮甜🥢沙白粒粒啲肉都脹卜卜，仲有海水鹹鮮味，新鮮到唔洗點調味料😂食原味就可以，重點係完全冇沙✨自選5款海鮮 -🥢多寶魚厚肉，非常滑！記得唔好淥太耐🥢北寄貝、鮑魚、貴妃蚌新唔新鮮睇到佢地嘅色澤就知道，食落更加知道唔係hea野！因為自己唔係好識買，所以如果自己想食都未必會買到咁肥美嘅海鮮，呢道絕對抵食✨配料🥢蟹子墨魚釀魚肚、自製鮮墨魚丸、鹹蛋豬肉丸、豆卜魚腐啲丸類都係自家製，全部好彈牙同新鮮，鹹蛋豬肉丸夠特別。🥢穀飼黑豚梅肉肥瘦好均勻，食落好腍同滑🥢美國雪花肥牛牛肉質地都好軟滑，火鍋必點！