老闆火鍋冰室

營業中

休息中

呢間位於元朗嘅火鍋冰室，裝修設計行懷舊風，好有6、70年代冰室嘅味道。可以打邊爐或者炒小菜，天氣咁凍，打邊爐就啱晒。我哋揀咗胡椒豬肚雞窩做湯底。豬肚爽口，雞肉爽滑，而且份量好足，仲有枝竹、酸菜等配料。湯底味道係偏淡嘅，可以試下師傅自製嘅XO醬，味道偏辣但好香好惹味。小食蟹籽墨魚炸油炸鬼，係油炸鬼上面鋪一層墨魚滑，墨魚滑上面鋪一層蟹籽。油炸鬼香脆，墨魚滑爽滑，加埋蟹籽係口裡面卜卜爆開嘅口感好特別。墨魚水上漂。上枱先知係豬皮包住墨魚滑，上面鋪一浸蟹籽。落鍋就知道點解叫水上漂，因為真係浮喺湯面上。豬皮索咗啲湯汁，加埋爽滑嘅墨魚滑一齊食好好味。海鮮菇同油麥菜都好新鮮，魔芋絲爽口。雪花肥牛大大盆，肉質肥瘦均勻，爽滑甘香有牛味。最後整番一榨老闆水果茶，有橙、蘋果、菠蘿、火龍果同青檸，清新解膩。

今日放工又去元朗搵食見到個招牌好光好搶眼就入去試吓啦天氣凍咗食火鍋就最啱喇佢火鍋湯底都有好多選擇我哋就揀咗蕃茄牛尾鍋因為得兩個人好驚太多所以只係嗌左五碟配料個鍋嚟到覺得好有份量啊起碼有超過10舊牛尾 有三舊豬骨 有粟米🌽 同超多蕃茄 仲有雞腳 豬牛雞都有齊啲牛尾好正😍 淋得黎入哂味 湯底鮮甜 明顯係煮咗好耐嘅湯底真係食咗個鍋都半飽喇好彩佢呢度啲食物可以叫半份 啱晒少人黎食 可以試多幾樣叫咗珊瑚蚌 牛筋丸 鹹蛋黃手打豬肉丸 蟹子蝦滑同埋脆鯇腩老實講真係樣樣都唔錯 珊瑚蚌好新鮮 半份但都好多啊牛筋丸咬落去有汁架👍🏼鹹蛋黃手打豬肉丸應該係佢哋自創嘅 幾特別味道唔錯蝦滑就彈牙多蝦肉脆鯇腩就好肥美 啲材料真係唔錯最後由於佢小菜都好似好吸引咁 其實已經好飽都忍唔住嗌左個薑蔥蠔煲如我所料 佢啲小菜都好好食😋個煲炸炸聲咁上檯 蠔先炸左再炒 脆口得黎又吸哂薑蔥味 唔好煮得太耐搞到啲脆漿淋哂 時間拿捏得好好 值得一讚！

呢期天氣又開始轉涼，朋友又鐘意打邊爐，呢日我地就一齊去左元朗食飯試新野。呢到有小菜，又有打邊爐，兩種選擇都好吸引。最終我地都係揀翻打邊爐，湯底勁多唔同既選擇，而我對花雕醉雞都情有獨鐘，所以就揀左呢款湯底。藥膳花雕醉雞窩雞件浸住酒分開上枱，窩入面就放左唔少藥材，一上枱已經聞到好重既花雕味同藥材味。雞件肉質幾滑身，新鮮彈牙，湯底亦有濃濃既香味，唔會有好咸味精味道，感覺真材實料。安格斯牛頸脊超推薦！睇油花都知口感一定唔會差。比較薄身，落湯淥一淥好快食得。牛味香濃，肉質算比較嫩滑，白色位帶少少脆身，超正！花膠仔佢係比較薄同滑身既花膠，相對可以發到好大好肥厚既花膠黎講，雖然唔索湯，但口感比較彈牙有咬口。皇帝菜/萵荀菜類可以選擇一份或半份，都比較新鮮。打邊爐餐廳有得叫既話，呢兩樣菜都係我必點既菜類～老闆水果茶有小杯大杯之分，大杯足夠最少兩三個人飲，睇清楚先好叫～入面有新鮮水果同罐頭水果，茶味足夠，唔會過甜。但建議搞勻先飲，因為糖水會沉底～另外想提一提既係，餐廳既抽風系統做得唔錯，雖然無一個獨立既抽油煙機對住每張枱既爐位，但我地打完邊爐出翻黎個身都無乜油煙味，抵讚！

天氣開始凍，最岩食火鍋。尼間餐廳好有懷舊feel，環境舒服樓底高，抽風系統做得好，可以好好享受打邊爐，晚市仲有其他小菜。岩哂一家大小/聚合食飯。叫左鮮鮑魚雞煲(半隻$228)，至尊牛三拼A($388)，手打四寶丸小拼盤8粒($52)，日本廣島蠔半份($40)，老闆押水果茶大($48)。雞煲好深好大，半隻雞好足料，用左八角、花椒、洋蔥等配料烹煮，一打開侍應就會幫手炒一炒，超級香辣味。雞件肉緻，而且吸哂d煮汁，愈食愈過癮，辣度仲可以隨意揀添。鮮鮑魚已除殼，有4隻，鮮甜冇被辣味蓋過。食到咁上下，侍應會幫手加湯變打邊爐。牛三拼必點，除左打卡一流好吸睛，更重要既係，質量非常好。每層肉既份量唔少，比起散叫更抵更可以食多幾款牛肉部位。牛利托較少見，每片都大大塊，碌一碌就熟，爽口滑，好有口感。安格斯牛頸脊紋理好靚，切得一d都唔薄，碌完厚厚一塊好滋味，肉味濃郁。A款在於有安格斯牛柳粒，3款肉比較，牛柳粒既牛味濃得多，其次係牛頸脊。粒狀關係，會咬得多幾下，所以個口好大陣牛肉味，好享受。手打丸有4款，墨魚丸蝦滑丸真材實材，打到起膠，彈牙。而豬牛肉丸煮熟後，見到粒粒圓狀，證明係全肉打成。生蠔飽滿，煮熟後siz

打邊爐係香港人嘅至愛，一年365日都要烚下烚下！今日黎到元朗依間火鍋店，走懷舊風，裝潢都好古色古香。日頭係做冰室生意，夜晚主打邊爐，都有提供其他小菜。鮮飽魚雞煲($228/半隻)，用咗花椒、八角、薑蒜、洋蔥等等嘅香料生炒爆香，令到雞肉充滿住香料嘅精華同醬香味~ 飽魚有4隻，飽滿得黎又鮮甜。雞煲食得七七八八後就可以加湯打邊爐，食材種類繁多，而且非常高質。至尊牛三拼($388)。上層係安格斯牛柳粒，肉味濃郁，好有口感；中層係牛利托，外面軟腍嫩口，裡面有少少肉筋帶出煙韌彈性嘅感覺；下層係牛頸脊，肉質鮮甜，好滿足~珊瑚蚌($50)，平時好少食，估唔到咁爽口，爽滑得黎soak埋啲醬汁就更惹味。美國殼飼黑豚肉($98)，肥瘦均勻，非常結實有口感，一啲都唔騷。

元朗一直都出名多好野食，但點食都食唔晒，同朋友行完商場，又唔想食d公式化嘅餐廳，就想食d懷舊有風味嘅野，朋友就唸起呢間冰室，雖然係冰室，但其實唔只茶記咁簡單🤭🤭🤭原本想食雞煲，但2條友仔，又食唔晒，店員好細心介紹招牌湯底，火鍋已經夠晒2個人食，唔會太浪費🥰🥰,只是火鍋湯底都十幾款，眼花撩亂，經店員了解我地喜好之後就決定左～沙爆💥魚肚豬骨湯，真心，試過好難返轉頭，而且食完唔口渴，唔係味精野🥰🥰,一定會回頭食🤗🤗餐牌好多都有半份點，所以岩晒2人嚟食，可以叫多幾款🤗🤗裝修以綠色為主，有鐵閘，吊風扇，舊式電話... ...,勁有特式，而且卡位比較多，唔會太迫咁沙爆魚肚豬骨湯～年紀開始大，已經唔太喜歡濃味野，店員介紹，用豬筒骨，大地魚，雞腳，沙爆魚肚，栗米蘿蔔🌽🥕... ...作沙底，清甜而且唔膩，滾耐左膠質極濃，本人喜歡食少辣，所以加左黑椒作調味，之後就當湯飲咁，豬筒骨有4大舊，要用手食，唔可以扮少女🤭🤭,雞腳都有近10隻，其實食個煲都飽8成喇🤣🤣,個沙爆魚肚係厚身嗰款，有咬口，滾耐左入晒味就勁正💯💯極品安格斯牛頸脊～店員極力推介，試過就知咁話，所以就叫左細碟，嚟到都唔細😅😅,紋路好靚，望落好

近日香港疫情反反覆覆，唔知會唔會好快有第四波嘅來臨，首當其衝一定係晚市堂食，趁住今日打邊爐條癮起，就搵同事去元朗食下雞煲同打邊爐，過一過條癮先。已經一段時間無嚟元朗呢邊，我地食呢間老闆火鍋冰室就喺大坑渠旁邊，位置算係幾方便易搵。一坐低無耐，已經有伙記拎咗呢個醬料架埋嚟問我地需唔需要用到。重慶鮮辣雞煲半隻($128)我地人少少，驚食唔晒一隻雞，只係嗌咗半隻雞。上到枱一睇，份量都算幾多，無呃秤。每隔幾分鐘就有姐姐埋嚟幫我地睇火同埋攪下啲雞件，等佢唔好「痴鑊」，呢樣唔係間間雞煲店做到，值得一讚！極品安格斯牛頸脊細份($198)食完雞煲就直落打邊爐環節，呢碟極品安格斯牛頸脊油花分佈得好靚仔，肉味好濃郁，對得住呢個價錢！蟹籽墨魚滑($68)我地開頭完全無諗到咁大份，份量的確有啲驚人，食落口啖啖肉，認真滿足！鮮蝦丸半份($28)自製鮮蝦丸，手打自製夠晒新鮮，下次可以encore !脆炸魚皮($46)呢碟咸蛋黃炸魚皮係餐前小食嚟，當然亦可以擺落火鍋湯底浸兩浸先食。本身炸魚皮已經係好香脆嘅小食，鋪埋啲咸蛋黃喺面，又食多一個層次！之後仲有啲菇、菜等等，仲有近月好hit嘅溫室豆苗，幾得意。老闆水果茶($4

和老公行完山，餓到不得了，行過這間老闆火鍋冰室，深深被menu吸引，二話不說決定在這吃晚飯 。疫情關係，進入前，店員先為我們量體溫，使食客吃得安心。餐廳走懷舊風，牆上有特色掛畫，很有feel，坐得亦很舒適。火鍋湯底很多，我們選擇了藥膳雞湯。湯底超有藥膳味，黨參大大支，很足料，我一口氣喝了兩碗藥膳湯！雞件很入味，很有酒香，每件都很嫩滑。份量也很多，把雞吃清後，我們幾乎半飽，超抵吃呢！點了一份生蠔，不錯，新鮮的，粒粒飽滿多汁，生蠔控的我大愛。手打黑墨丸超足料，口口都彈牙，鮮甜，有墨魚香，還完全沒有腥味。生菜翠綠又鮮甜，重點是清洗得十分乾淨，吃得安心。最緊要啤一啤！下次一定會再來！

今天與舊同事約起飯，她們介紹到這間位於元朗的冰室吃火鍋！不要以為冰室只有常餐和炒粉麵飯，驚訝地還有火鍋！！對於我這個火鍋愛好者，簡直是心心眼。餐廳的環境舒適，很有懷舊風，還有大量卡位，坐得很舒適。火鍋配料的選擇甚多，光是湯底也有十多款。店員推介魚標湯底，滿滿貴氣，滋陰養顏。椒鹽魷魚鬚火鍋配料未送上枱前，先來一客椒鹽魷魚鬚。超大碟的呢，有驚喜。魷魚鬚又粗又大條，而且十分彈牙，外面酥脆，椒鹽香十足。至尊牛三拼(A) 牛的選擇亦太多，我們花多眼亂，於是點了一個至尊牛三拼，最頂層是安格斯牛柳粒，中層是牛利托、最下層是安格斯牛頸脊，賣相滿分！牛的肉質嫩滑，而且超有牛香，肥瘦適中，牛柳粒最讚又高質，吃到停不了口。爽脆鯇魚鯇魚的肉厚和滑嫩，味道鮮甜，完全沒有腥味。菜類則點了唐茼唐茼很翠綠和新鮮，很香，喜歡唐茼的朋友必點。

元朗真係愈來愈多野食呀！琴日收工同男朋友諗住入元朗行下順便睇下有咩好食！經過左呢間「老闆火鍋冰室」，比佢地既懷舊設計同咁盞鬼嘅餐廳名吸引左入去試.餐廳裝修行懷舊風，空間感都算大坐得幾舒服！而且可以食風味小菜又可以打邊爐，真係一舉兩得！但見呢排天氣慢慢開始轉涼，我地最後都決定試吓佢哋嘅火鍋☺️！食物種類算好多而且大部份食物仲可以叫半份，真係兩個人去食都唔怕更加可以叫多幾款試多幾款配料，正呀！天氣開始轉涼所以叫咗個好養生既 藥膳花雕醉雞鍋做湯底😍 一黎到已經聞到好香濃既藥膳同當歸味，成個鍋底好足料👍🏻 店員亦都即刻幫忙放醉雞落湯底滾熟，時間拿捏得剛剛好，佢地話食得既時候，我地都立即試下雞件非常嫩滑超正，飲左啖湯好正真係飲完個身都暖哂呀！安格斯牛頸脊(細）打邊爐又點可以少得食牛呀！佢地既牛頸脊肥瘦適中，牛肉味都算濃，無筋，唔錯呀👍🏻美國穀飼黑豚肉（半份）黑豚肉好好食，唔係好多肥膏脂肪所以食落完全冇罪惡感！ 肉味好出而且唔會柴口，同出邊食到嘅唔同呀，正！手打鹹蛋豬肉丸 手打蝦丸 各半份手打鮮蝦丸，好彈牙，真係好足料，好鮮味好食！鹹蛋豬肉丸口感一樣彈牙，豬肉丸入邊包住鹹蛋黃，味道好特別真係唔錯！另

聽聞老闆火鍋冰室好多嘢食，連盆菜都有，今日中午兩個人去試吓先，裝修幾得意，有啲押鋪老香港情懷叫咗個鮮蝦蜆肉培根忌廉意粉，同埋咖喱厚切吉列豚肉，先送個例湯，有幾好飲喎，不是例水，真係有豬骨係入邊㗎嘢食到了，個意粉好creamy 👍🏼，忌廉味剛好，唔會太肥膩，又多料，重有係好大份到個咖哩吉列豚肉意粉，咖哩味偏向辣，厚豚肉好大份😆，炸得好靚，金黃色嘅，砌落仲Chok Chok聲，好香脆其實成個午餐嘅重點係最後，就係杯餐飲，杯熱檸茶不錯，但杯凍咖啡好好飲，係港式味道，香滑，有奶味，好甘醇，濃度又適中，睇返個餐牌，原來係幾隻唔同嘅靚咖啡豆合成，以茶餐廳凍咖啡黎計，可能係我飲過最好飲嘅，呢間冰室咁多元化，夜晚又做火鍋，杯凍啡有咁好飲，下次一定再嚟

難得限聚令同枱食飯放寛人數，一於約D朋友仔出黎聚下，我地鐘意食有鑊氣既小菜，所以去左朋友屋企附近哩間餐廳，一行入去餐廳裝潢帶濃厚的懷舊風格，店員安排我地坐寛落的卡位，睇下個meau,原來晚市哩度主打打邊爐，我地再睇下有咩小菜選擇時，發現都有好多款式，最後我地叫左三餸一湯兼要個炒飯，至於飲品方面，我地見隔離枱有Jar好大樽既飲品，於是估計係老闆水果茶，所以都叫左Jar。飲品好快就送到，好大jar,裡面有好多唔同既生果，分別有蘋果，鮮橙、百香果、青檸、波蘿、椰果等等，飲完仲可以食埋裡面既生果，超值。第一道菜: 沙薑豬手，白雪雪，有沙薑味兼五香麻辣味道夾雜當中，令味蕾提升，豬手凍凍地好爽脆，是唔錯的前菜。第二道菜: 辣肉金磚豆腐盒店員將佢一放係枱面，我地個個都嘩然，賣相好靚，做到似甜品一樣，親熱食個外皮好酥脆，表皮仲放左黑芝麻一起炸，增加口感之餘賣相更吸引，咬落豆腐超滑溜，無味的豆腐配上酸菜辣肉碎，真係好似個放著黃金的寶盒一樣精緻。第三道菜: 豆豉炒蜆，D蜆都好大粒，份量都算多，豉椒和辣椒的味道濃郁，夠哂野味。湯方面，我地叫左濃湯海味雜菜煲，貪佢有菜又有啖湯飲，但估唔到成個煲都係菜，重要唔止

元朗嘢食一向都好多，不時就會開啲新舖頭加上開始涼涼地，最好就打邊爐呢間餐廳朝頭早就主打茶餐廳食物，夜晚搖身一變，變咗火鍋同小炒嘅舖頭免裝修風格懷舊，幾有特色價錢來講亦都係非常之相宜198食到一隻雞嘅雞煲配菜價錢亦都好平落左單冇耐好快就上左個雞煲，同出面食法一樣先食雞煲，後加湯打邊爐雞件肉質鮮美嫩滑調味適中，唔會過咸啲洋蔥同雞煲汁煲埋一齊非常鮮甜係煮嘅過程中店員不時協助我地烹調雞煲服務好到位不得不讚係堂我哋食緊雞煲之後，喺店員加湯之前，店員好細心幫我地錨起晒煲入邊嘅香料同相對較細嘅雞件，依加湯亦都唔係純粹加清雞湯，而係落返辣味嘅湯底呢碟牛拼盤都相當出色388黎講份量超多配菜亦都相當新鮮，重點係一個咁平嘅價錢份量又咁多，所有嘅配菜都係叫咗半份打邊爐就梗係唔少得飲品叫咗一杯特大嘅水果茶睇到得人驚入邊亦都有滿滿嘅生果水果茶唔會太甜啱啱好中和到食火鍋嘅肥膩叫左咁多嘢食慢慢坐冇限時啱一大班朋友傾偈嘅時候食

放工後去左元朗同Friend打邊爐，本身諗住叫雞煲，點知見到呢度有胡椒豬肚雞窩，就二話不說揀咗呢個湯底😛餐廳行懷舊香港風格，打正旗號係一間冰室，不過有得打邊爐😆除咗打邊爐仲有好多小菜，唔知隔離枱係咪食鹹魚雞粒煲勁香！！Menu上的選擇超級多，13種火鍋湯底，5種雞煲味道，任君選擇。你諗到嘅配料呢度都有。餐廳可以俾我哋揀半份雞，好多配料都可以選擇要半分，即使兩個人黎食都唔驚份量太多。胡椒豬肚雞鍋 $138 半隻，上菜嗰陣已經聞到好香胡椒味。職員好貼心，提我地滾左之後可以飲碗湯先，個湯果然係好正！胡椒味夠重，唔算太鹹，調味適中😋雞件數量都好多，兩個人食極都仲有。豬肚都洗得幾乾淨。雞脾肉相當嫩滑！另外，仲有好多酸菜同埋支竹，兩個人食，份量相當足夠，食完呢一鍋都差唔多飽咗一半🤣打邊爐點可以唔叫牛，我哋揀咗最貴嗰款，一於要食就食最好！💯極品安格斯牛頸脊（小）$198 🐮牛肉色水同脂肪紋路都相當靚，細份都好大碟！牛肉食落口勁嫩，好腍，完全冇筋，勁重牛味🐮真係食幾多塊都唔會厭！呢個真心推薦😍👍🏻💯芝士手打牛肉丸$28 半份呢個都好好食😋牛肉丸中間有芝士，熟咗之後半溶嘅狀態，好似流心咁，鹹香味好出！蟹

今日約埋朋友食雞煲，就選左呢間老闆火鍋冰室。一入到門口，就有一陣好濃厚既復古味，，，牆身放既係一些陳年舊劇照。入返正題，我地先點左個重慶鮮辣雞煲。之後見d配料價錢都唔貴二十零蚊，海鮮四十蚊到半份。就另外order左豬潤，脆骨腩，珊瑚蚌，廣島蠔，什菜籃，萵筍，芝士手打墨魚丸，同埋至愛既牛，，，呢度有個牛三拼，有牛頸脊，牛利托，同安格斯牛柳粒，同埋一杯大既水果茶。味道個雞煲真不錯，雞又嫩又滑而且辣度適中，同埋當你食完雞煲之後，有職員幫你將所有材料撈起，再加入湯才打邊爐。而配料雖然叫了半份但份量比較多,中要好新鮮而且服務態度很不錯。中有一樣野就係飲啤酒應該都好抵48蚊3支呀，可惜我唔飲酒。同朋友食飯吹水就中抵玩。今次就打邊爐，，下次要試下d小菜，，賣相很不錯