翠園 (星光行)

營業中

休息中

星期日在長洲欣賞完日落乘船回中環再轉船返尖咀天星碼頭, 有點轉折但現在已經無離島船在尖咀上落好耐了, 舊時(又講以前)雖說班次唔密但有總比無的方便! 其實小輪公司點解唔諗下某些班次來回程時經一經尖咀方便下乘客呢?反正搭得船嘅趕極時間都有限啦!言歸正傳, 貪方便一落船直入星光行, 此地乃美心大本營, 三層皆是美心食肆, 看了一轉後, 始終選了來”翠園”! 套餐雖然抵食但梗有些食物不是自己杯茶, 一於散叫, 前菜是涼菜- 鹽水浸去骨鵝掌$48, 鵝掌骨頭已經去了但在掌內一片小軟骨始終去不了亦很難咬碎, 除了那小骨頭之外這鵝掌的咬口是幾好食的, 而鹽水浸醃這手法似乎這裡做了起碼半年, 只是醃製的食材因應時令稍為不同而已, 但個人感覺味覺上有點寡始終是只有鹽嘅咸味, 雖說我們廣東人(客家人)一般都食得咸魚…熱食前菜威士忌燴牛尾$48, 威士忌汁做得較原味沒有加什麼味粉之類的東西所以是有色但味道平和一點, 牛尾部份也是剛剛夠身, 吃肉是有少少咬口但關節位的膠質部份則須要用上刀了, 難免會製造一點聲響了, 這晚的牛尾是比較近上面位置的部份所以相當好肉!原隻葡汁焗釀響螺$48, 呢個係好多高級中菜食

今晚上跟客戶吃飯，一行六人，維港景色不錯，但食品味道一般，可惜冬瓜盅沒拍，最好吃是西蘭花，芋頭炆鵝有味，只吃了幾塊咕嚕肉還不錯，冬瓜盅材料很足，叉燒也不錯，魚蠻新鮮，服務員少，總帳很慢⋯

好耐無黎食飯，裝修都係舊舊地，menu仲轉埋vintage設計，但正正係呢個原因，星光行嘅翠園同北京樓比起其他新分店好似多左一份味道😂 大部分菜式賣相都好精緻，重點係幾大份，方便share，個人覺得食中菜都係大大份一大家一齊夾開心點😋 叫左1) 鐵板叉燒，有點瘦，但仍然好"冧"，2)手搣豆腐，好香！3)鮑魚粉絲煲，原來用蒜容炒，個人不太喜歡，用鮑魚汁或蠔油應該會更好。

六月~正是小妹的生日月~家人問生日想食咩~一番討論之後~決定了食片皮鴨~時間地點由家人決定~最後決定左黎到翠園試下~(因為某信用卡有優惠) lol~冰豆腐魚頭鍋~個湯底係沙嗲味~冰豆腐完成吸哂個湯底，好食~但個魚就有D 腥，食左幾啖就放棄了~軟殼蟹~唔太油~大大件~好脆~如果唔落沙律醬會好食D~牛仔肉~好有鑊氣~牛肉唔會煮到好老~配埋一個好似餅既野食~岩岩好~片皮鴨~~隻鴨都幾大隻~仲好肥美~食左幾件已經有飽飽地的感覺~除左皮之外，仲會俾埋肉我地食~唔記得左+幾多$, 可以有2食~但就無+到，就咁叫切開上檯~D 肉唔會好"鞋"，好夠味~唔錯唔錯~但刀工有待改善~~

每年一到四月，就到好朋友的生日，今年就選定了這間食店。這裡是一般老酒樓的裝修，樓底比較矮，柱位又比較多，對我們這些老餅來說，就增加了一份親切感。看過餐牌，原來用某信用咭會有些優惠，而食物都幾吸引，大家討論後決定一試。泉州菠蘿海蜇球 ～ 外貌非常吸引，貌似迷你菠蘿，配以鹽水葱花一起食用。它的質地非常爽脆，可惜爽得來帶硬，少了柔韌度；且亦不吸味，雖然不是雞脾，但也足以令人牙骹軟了。瑤柱響螺燉海中寶 ～ 味道濃郁，因加入很多雞腳，很重膠質，雖然每人可分到兩碗，但仍覺唔多夠喉😋油浸紐西蘭藍鱈魚 ～ 泡油的時間控制得宜，魚肉經反覆㓎泡顯得外脆內軟，加上甜甜的醬油及青嫩幼細的葱絲、薑絲同吃；是非常下飯的一道菜。鮑汁扣原隻花膠皇 ～ 大而厚身的花膠扣得很入味，切起來仲有些少「啜」刀㖭，入口軟糯，加上了鮑汁提鮮；認真大滿足啊！鮑魚銀絲煲 ～ 鮑魚有六件之多，size也不會太小，煮得又淋又入味，但想不到，放在㡳下的粉絲才是主角，粉絲完全吸收了鮑魚的鮮味；你一口我一口，很快便把它吃光光了。福建海帶魚丸肉燕餃 ～ 大大粒的魚丸倒是沒有什麼特別，魚肉味也不是太濃，倒是肉燕餃卻頗不錯；餃皮煙韌，內裡的絞肉也鮮。

參加老公表弟孖 B 百日宴，海景晚飯，加上歡樂氣氛，如果 srrvice 加出品配合，就 very good la. 百日宴必備的紅雞蛋，酸首先出埸，親友一致大讚红雞蛋染色好靚，可惜酸羌完全不酸。上菜 la, 乳🐷皮翠肉嫩，調味不太咸，也不算太肥，加埋双閃下閃下 👀, 食得大家 happy. 上湯焗龍蝦伊麵，龍蝦肉質 ok, 份量也 ok, 不過不失。條魚蒸得岩岩好，肉滑. 炸子雞皮翠，肉嫩。個人喜歡個遥柱花膠扒菜苗，花膠雖然碎，調味麻麻，勝在 多菜苗，滿足到個人喜歡吃菜。鮑魚不银夠林。糯米飯好好味，軟硬適中。炖湯好濃，足料，份量夠，碗踠有翅有花膠，可惜 d 花膠好硬，明顯未發夠和煮好，真的笑左，失敗之作，浪費食材。夏果炒花姿蚌，蚌肉银左 d. 甜品完全失敗上作，笑口棗明顯炸左好耐，完全不翠。椰汁糕無味。椰汁糖水，得個甜字。價錢和出品不成正比。酒樓食材本身不错，可惜廚藝，浪費食材。service 無勿，好似不夠人咁。

翠園比較容易穩到，出咗地鐵口無幾遠就到了，覺得呢度比較靜，無其他飲茶嘅地方咁吵生曬，個個都睇報嘅睇報，食嘢嘅食嘢，真係難得嘅一份寧靜之處，我八點幾都等位等咗十幾分鐘喇，都算正常。豉汁鳳爪不錯，豉汁濃郁很軟很入味，骨頭都差D就比我吞曬落去，就係骨都無得剩吖。流沙包真係正，奶味蛋味十足，軟軟滑滑嘅，好香好香啊、不過好熱吖，要小心D食！蝦餃皮薄餡大，晶瑩剔透，蝦仁都係成隻嘅，蝦餃一啖一隻，皮嘅Q彈，蝦仁嘅爽脆，口感一流吖，口水～仲有腸粉都好正，好薄好透明好有韌性的皮，可惜我只食咗一塊就比搶光了、果真是手快有手慢無吖～

週末約朋友來喝茶，中午十點左右來的，餐廳比較老舊的裝修，點了幾樣點心，準備跟朋友飲茶，還算比較清靜，但系服務非常慢叫買單就花了十分鐘。點的流沙包、鳳爪和牛肉腸粉。流沙包還好，表皮鬆軟，蛋黃香甜的味道也非常濃郁。鳳爪和腸粉就真的很失望了，鳳爪雖然入味但是不夠酥爛，沒有那種軟儒的口感，只不過勝在量比較足。牛肉腸粉就幾乎要浪費掉了，吃起來沒有Q的感覺，餡料也沒有什麼味道。

相約在附近工作的朋友見面，順道飲茶。只有二人，叫了好些點心已然足夠。蘿蔔糕粉多較挺身，入面只吃到細細粒臘腸，都是犯了太甜的禁忌，需蘸點豉油同吃。愛香口的話一定選擇芋頭糕，糕內除了找到臘味還有粒粒芋頭，較之蘿蔔糕更有口感。蝦餃、燒賣、牛肉、义燒包等「大路」點心無甚感覺，不過同時也無甚可取。蛋散黏乎乎是意料中事; 可是痴牙痴得黏得實在太利害，每咬一口都要跟它角力一番，甜漏漏欠蛋香，小人很快便放棄。印象最深的還是蛋散如何痴牙，若然以此作為標準，這兒的點心便算不合格了。

小妹已有好幾年冇寫食評。今次因為同日同飲食集團之逆向服務水平而需要反影一下是日下午去左海洋中心八月居，個侍應亞姐串爆到無朋友! 我同事正在台上夾送，佢要取茶壺去加水，我同事同佢講叫佢等埋佢夾送先Link....佢居然答:吾得WOR, 我要JUMP水...我同事問:遲D吾得咩...佢串爆答:吾得個WOR....請問, 邊個係客呢? 又邊個有份出糧忽你既呢?! 咩世界...是晚與家人到星光行翠園食 做節飯。點解要黎呢度呢？咪因為大時大節 容易book位囉 呢道既服務, 簡直差天共地首先講訂台服務：一個星期內先決定訂呢間。因平日飲茶d 食品質素👌。我星期二早上打電話訂台都有位（雖然接聽既亞姐語氣麻麻）尋日下午又冇收過reconfirm booking來電。為免冇台，自己打電話去reconfirm!食品質素：由於母親大人極不接受咸既食品，所以每次落單，例要求小咸小油。因大時大節，只供應節日餐牌，所以冇太多選擇。前菜：煎墨魚餅(餐牌正確名不明)，落單亞姐寸我「佢係煎過wor! 點小油？」我答：盡量啦！出來外觀好白淨，煎得好靚。味道吾錯，好彈牙。不過做吾到小咸(可能係預製左，冇得減咸)蒜片牛柳粒

本月15日星期六晚上，是小弟一家人和親戚的愉快時光，因為當晚我們一伙7人前往位於中環，已經久違多時的荔園遊玩一番，晚上八時玩畢後，再乘船過海到尖沙咀的翠園吃晚飯。當小弟得知我們將會到翠園晚膳時，便心想既然翠園是大集團名下食肆，食物質素也不會差到哪裡。該頓晚飯是由小弟的阿妹叫的，是某大銀行信用卡用戶方可享用的"圓桌歡聚宴"。經過那頓的晚飯後，才發現它的個別菜式的實際水準，與小弟當初想像的，有一點差距。該宴的個別菜式，食評如下：雲耳小瓜炒花枝崧－整體味道較淡，不算太入味。但是小瓜相當清新怡人，雲耳頗爽口，花枝崧也相當鬆軟。上湯焗加拿大龍蝦伊麵－龍蝦的汁液，滲透到伊麵底內，相當香濃入味，加上伊麵夠彈牙，更令小弟回味無窮。不過龍蝦的肉不夠多，加上甲殼偏多，以致小弟要多用一點力，才能吃到內裡的肉。襌衣脆魚卷－脆皮夠香脆，餡料夠鬆化。北京片皮鴨－不包括在"圓桌歡聚宴"內，是阿妹另外叫的。用荷葉餅包著片皮鴨一起吃，口感十分煙韌，但不"黐牙"。海皇冬茸羮－味道較清淡，在炎炎夏日吃，甚為合適。蠔皇鮑螺片－蘸以醬汁一起吃，既煙韌，又入味。清蒸花尾躉－水準一般，無甚大驚喜。蝦乾肉鬆浸娃娃菜－在清湯泡浸之下，

係我地屋企有一個傳統，就係不論六日，只要你無約人，都一定要陪媽咪飲茶。無錯，係呢個媽咪大晒嘅屋企，連老豆都無得反抗架！哈哈哈由於媽媽以前係開九龍做野，所以對呢邊情有獨鍾，搬左屋之後，山長水遠都要過海黎飲茶。最近，我地屋企由佐敦金皇朝轉戰到尖東翠園。就係貪佢呢到截單時間晏，風景好，環境又夠舒適。我最愛佢呢到嘅馬蹄糕，同出面好唔同。顏色上，翠園的馬蹄糕唔係傳統的金黃色，因為佢地一上碟我以為上錯左紅棗糕—＿—　佢地嘅馬蹄糕入口後有淡淡的馬蹄香而有大大粒的馬蹄肉，馬蹄糕的軟腍腍且入口即化的口感與爽脆的馬蹄肉形成強烈對比。連平日不好煎炸物的媽媽也大讚好味，所以我地每次黎食都必點。然後，今個星期六比較特別的係以下呢個菜式。好似係翠園新的主打菜式，感覺似係湛江嘅農家菜咁。由於家人都好細胃，此煲一上枱，我地大家都嚇左一跳，個煲實在太大啦，108一煲好抵食。飯是一粒一粒的，呢種飯我最鍾意，飯入面會有一粒粒的鵝毑肉同好多花生。飯是幾好食的，但實在太多花生了，食到我口都攰埋。煲飯係我地一家4口食完兩碗之後仲有得剩，最後仲要帶番屋企。

那有一天不想你的就是點心，我們的家庭日就是和甜宝宝一起吃點心! 小寶貝是點心的粉絲，他從小到大最嗜吃的就是點心了，所以我們的家庭日就是點心日!今天我們選了翠園，因為這裏的甜心水準平均，而且有甜宝宝最爱的奶皇包，也有我最愛的荷葉飯 !爸爸最愛蝦餃，嘏餃的蝦很大很新鮮，真的很鮮!妹妹也很愛菲林，就是至此一家的芝蔴卷，是有着一種小時候的情懷!媽媽也很愛雙肚，就是魚肚炆牛肚，味汁鮮味，魚肚不欺場，厚厚的!我祇能夠說一句那有一天不想你!

小時候上茶樓，由一卡卡點心蒸籠開始。點心車分三種，第一種是陳列性的，安放著漂亮的啫厘糖拼小紙傘。第二種是功能性的，有一個小火爐，點心阿姐即席焯菜心芥蘭，放菜剪水草放蠔油，一板一眼的，好像耍把戲似的。至於第三類則是人車合一的，點心阿姐的肩膀上掛上沉甸甸的點心托盤，一邊叫賣，口水隨地心吸力向托盤上的點心飛濺，似水花又似。小時候上茶樓，父親總是不發一言默默閱報，家母性格偏執活躍，她喜歡把點心車上的點點通通翻看，紅的，白的，鹹甜美點，通通看個清楚，才挑上最新鮮大件的一籠，放在好像洗過又未洗過的酒樓桌布上。我們幾雙小眼睛，一眨一眨的，看著家父放下報紙拿箸，才緊隨其後搶先吃點心。大時代重播了，那時候我還是受精卵對吧；今時今日港股已升穿二萬八，我和家父家母呷茶，地點已經變成翠園，一人手執一部智能電話，大時代又降臨了。翠園都沒有點心車，只能用點心紙。始於1971年的翠園是美心集團首間創辦的粵菜酒家，遠近馳名，現時共有六間分店。翠園環境雅致清幽，讓你於鬧市中都能置身脫俗琉園，品嚐粵菜精萃。翠園特別之處正是匯聚了傳統，懷舊，新穎摩登的菜式，一應俱全。創新的菜式，最新奇有趣的應該是這個雜菌蘑菇海龍皇，看菜名

每逢新春、美心集團𣄃下的酒家、必定會推出一些新春點心，今日去尖沙咀翠園飲茶、順便點了一些意頭點心應吓節！竹報平安，其實係豆腐魚茸米網脆卷。賣相好似爆竹一樣、外皮非常鬆脆、餡料是老少平安再加入了臘腸。三星拱照，即是鮑魚、蝦及發菜燒賣。傳統點心加入了新春元素。雖然燒賣餡料有豬肉、蝦、肥肉，都十分足料、唔知點解燒賣比較乾。不過味道是其次、最重要是有心思！