美中·鴨子 (將軍澳中心)

營業中

休息中

烤北京田鴨半隻，份量不多，二人吃還好，如多人吃，每人應該只有一，二片，炒菜沒有味道，正正常常家庭炒還淡。炒飯出色，好味!胡椒餅很油，皮超油， 餡料過分乾 ，吃半口已不想再吃，枱也細少，等候時間也長。如少人排隊可再試。環境比較迫，枱子細，燈光也照住頭部，吃得不舒適。

來試一試吃鴨🦆的地方。這裏無訂位，需要半數到齊方可入席，而且還要限時，最不喜歡限時的食肆。這間店子主要提供小方枱，不是酒樓格局，餐牌、環境及裝修都好，給人舒適感。來這裏少不了要吃北京填鴨，同行朋友已說這裏的片皮鴨質素麻麻，今次又再試試，的確能保持水準，非常麻麻。提供包涵的皮，無麵粉香，是癡笠笠黏手的🙀，而且每張中間沒有紙張分開，難搞。青瓜及葱獲配給不多，要慳住慳住客氣食😫。鴨無鴨香、非脆身、切得細、不多肉帶著、不肥膩，各人吃片皮鴨的要求不同，這裏就是這樣的style。蘿蔔絲海蜇皮感覺清新😊，調味可口，酸酸的，不像中菜，有新鮮感，但海蜇🤔⋯⋯難找到。小黃魚擺盤靚靚，炸得香口肉滑，不會太乾，附上檸檬🍋，確實需要，吃出腥味🙊。水煮牛不太麻辣🌶，小辣人可以應付，🌶🌶🌶好辣的會覺不盡興，勝在有不少唐芹，大為生色。說到主角，牛肉～失望。又是過分保鮮，被乸得變了茶餐廳沙嗲牛肉的爽口感。雞米叉子，附叉子兩個，放枱已經是這樣，🤨um～不可以放得整齊點嗎？味道是可以的，少少辣調味，盡情塞料入叉子也有剩，吃到底也不會水汪汪。另外叫了沒有甚麼好壞的蟲草花翡翠苗及僅供四人每人一碗的鮮魚羹。以美心♥️集團財雄勢大，

而家有得online拎籌本來係方便大家嘅但變相好多人會拎完就算搞到競爭好激烈唔係網上取籌根本無辦法食5點幾拎到60號但到晚上9點先到60號等位期間見到有個阿嬸拎到張300號嘅籌但當時只係100號真係聽晚先食到😥😥😥未入座已經揀定食乜半隻片皮鴨蒜泥白肉小籠包牛肉饀餅胡椒餅馬蘭頭蜜汁火方大多都好味比較印象深刻嘅係牛肉餅，小籠包真係充滿肉汁！好好味！胡椒餅都好香酥，但不夠椒香片皮鴨都對辦，但未見好驚喜蜜汁火方好香甜，有一片脆，一片軟的包皮，口感特別！不過下次都未必有咁好心機再拎籌排隊了

上次母親節唔夠早出去排隊，今次家人四點左右就到左排隊食美中鴨子第一次黎食，本來期望唔太高，叫左8碟餸菜，當然必叫嘅係扁皮鴨好好食，皮好脆，肉唔會太瘦或太肥，d皮夠薄得黎又唔會痴埋一齊，好易分得開，本身見鴨咁多，怕d皮唔夠食，原來都有成20塊左右叫左小籠包，好夠熱又多湯，d湯好好味粉絲好好味，夠足料牛肉包正常，好味但冇乜驚喜咸蛋炸蝦球，我超鍾意佢d咸蛋，好好送飯，但蝦球麻麻芋頭飯，一上枱似普遍白汁焗飯，都係正常，但唔特別，咁啱我地用咸蛋黃黎送飯就好好味菜苗算ok, 我本身唔太鍾意食菜但都食到，冇苦味蒜泥白肉，普通冇特別總括黎講，今日最有驚喜嘅係扁皮鴨(其實如果招牌都唔好就。。。), 小籠包，仲有粉絲煲夜晚五點準時入坐，食個半鐘，d餸菜都上得好快(快到唔夠位放), 所以都夠時間食，走果陣門口已經大排長龍

印象中已開業了一段時間，人龍還是一直長長的，每日下午5點幾就開始排，日日如是，相信品質有一定吸引力吧！今晚透過用app取票，到剩下10張飛才開始在門外守候，等等下原來都成個鐘，真係想試都要付出不少等候的耐力先得雖然沒有叫半隻鴨，反而被「桂花糕凍伴鴨件」吸引，很精緻喔，鴨皮+青瓜+沙律醬+薯片，層次很豐富，是得意之作吧唯一是鴨皮太薄了，鴨味不夠出另外推介是「帶子龍蝦湯伴蔥油餅」，中菜飲龍蝦湯，很fusion吧，蔥油餅雖然不太好吃，但龍蝦湯是很多香港人的喜愛吧，還是值得一試其他的上海菜式味道都可以的，有時芸芸餐廳中，可以吸引到人大排長龍，可能是它的環境同器皿，真的一絲不苟，每道菜上檯時，都令人「相機先食」，這個是長勝之道吧

由禁飛等位到埋單已經覺得服務員態度差首先 我地係有8個人黎食,有四個人未到於是嘗試向服務員講比下一枱人入先(因為有限用膳時間一個半小時)個黑色短髮服務員十問九唔應,對客人語氣有待改善,還顯得不耐煩,(請留意自己的職責)終於人到齊,我地下一張枱都入得去,點好餐,準備進食 食物質素尚算可以,由於點得太多食物,另外一隻扁皮鴨要打包,於是叫服務員打包,她已告知我們要收外賣餐盒費用,但餐盒拿到是叫我地自己包好,(錢識收而沒有服務?)就算我去打冷,員工都會幫我包起來,我以為這間受歡迎餐廳服務也不算例外,但出於我所料,這餐飯合共二千三百多元,到了要攞停車場泊車優惠,更不知所謂地要碌兩張visa卡才可有兩張泊車優惠,這間餐廳令我整餐生日飯都不太開心,不會再有下次光顧。

之前行開尖沙咀見到美中鴨子已經好想食，今日行開呢邊見到呢到開左就一定要試下。之前8點幾見到d人排隊排到外面滿哂人，今次我就一早到就等佢一開晚市就入去，點知都已經好多人，不過我都係第一round入去。早入去果然好，有得坐近窗位。一坐低侍應就問我地要唔要鴨，黎到呢到就緊係要食鴨，所以我地就食左一個鴨。一黎到，好吸睛，擺得好靚。食落個皮好脆，再配埋醬料真係無得頂。呢個鴨既份量好多，真係夠哂我地四個人食有餘。再叫多個雲吞鴨湯，真係全鴨宴，呢個湯好濃上湯味，又有淡淡既鴨味，好滿足。

前前後後我都來了四次，第一次寫食評。美中鴨子食物質量都幾參差，有d好好食，每人不斷回頭（包括我啦）有d普通到自己煮都好食過佢睇睇原因啦～我至愛呢度係一隻，我地9個人食每人都有幾片，鴨片好薄好香好脆，下面既肉都勁多，後面既皮（用黎包住鴨食既）有二十幾塊，好夠食！食到lam lam脷我每次都必食，都係因為佢我先翻頭食～果然係美中「鴨」子！另一個我既至愛係四川大盤雞，超級超級大盆！好辣好惹味無影到相！！！食左兩次都無影～可能掛住食🙈🙈第三樣我覺得值得推薦既～上菜超熱！小心熱！皮薄！夠多汁！入面肉又唔肥又無雪味！我地encore多左一籠其他食物呢個係逐件叫既，叫左件試味，好好汁又係，小心熱～不過熱氣左少少🙈又膩口～太重芝士味，中菜估唔到佢芝味咁重，飯好硬，食到要飲水吞😒😒😒好彩我地有一兩個食到咁硬既飯。多肉夠嫩，唔辣，好香，細細兜咁～不錯👌🏻雲吞既湯清淡，雲吞本身幾好食～岩曬老人小朋友食～津白普通到不得了，金華火腿幾香～樣子精緻，見到幾多人叫，鴨皮同沙拉醬同桂花糕味道相算夾到，唔難食，唔會再叫。呢個豆「是」魚炒菜真係自己都炒到，普通不得了～呢個甜品做得好差，無咩人肯食，咬左一口都唔願食痾仔餅既

這次是第二次來到美中鴨子了，懂得用foodgulu 拿票，可以自己控制取票時間，省了不少時間。大約7點多就入座了，我們被安排到卡位，其實也挺舒適的。我們三個人一共點了六個菜，包括片皮鴨。炒蒿苣絲$70：個人很喜歡這個蔬菜，清甜又清爽，但略嫌有略乏味，如果加點蒜會更好吃。蒜泥白肉：跟外面的不一樣，外面的用紅油，這個汁比較稠濃， 甜甜的，白肉切的很薄，配青瓜吃很搭配，很好吃。炸蟹鉗$58/隻：不便宜的蟹鉗啊，很大一隻，最有驚喜的是裏面真的有松葉蟹腳，再加上厚厚的蝦膠，炸得很香口，重點是那個甜酸醬，是蟹鉗的靈魂，每一口都要沾厚厚的。可是蟹鉗真的很大，一個人吃一隻都已經有點飽，建議跟家人吃可以兩人分享一隻，始終不便宜。火鴨雲吞湯$50/位：每位有兩粒雲吞，雲吞很普通，但湯底很濃，很香的金華火腿和火鴨味，很不錯。牛肉餅：這個也很好吃，一咬開外皮裏面得汁就洗出來，外皮酥酥的，裏面的牛肉有芫荽調味，調得恰度好處，連我不喜歡芫荽都能接受。片皮鴨（半隻）：是每一檯的重頭戲，但老實說有點失望，麼麼皮太厚了，質感有點奇怪而且不香，鴨皮跟鴨肉不太熱，有點冷，不太滿足的感覺。

美中鴨子唔係第一次食， 但之前幾次都係去尖沙咀店， 今次第一次試將軍澳店，都會係最後一次！母親節慶祝， 由於唔想去太遠， 又知將軍澳開左美中鴨子， 心諗野食唔錯就打算帶母上大人黎開飯入座後限時九十分鐘...比食放題仲趕， 不過屋企人本身食野都快， 一個鐘多d 綽綽有餘， 都諗住快d 食完讓個位出黎比其他人。一行六大一細， 座位有少少迫， 但好多地方都係咁， 所以都正常。野食叫左好快上， 第一位上菜既店員好有禮貌， 同我地講"招呼唔到呀， 今日人比較多， 唔好意思呀"呢個服務態度超好， 我地都有同佢講唔緊要，明白既。下？人地咁好態度做咩仲要打篇咁既野？ 睇埋下文先啦...野食上到黎， 張枱唔大所以開始放唔落...我地枱有個bb, 但其中一個侍應見有同事係我同屋企人中間上緊菜無位比佢上菜，竟然行過兩個位係bb 隔離上菜...(bb 已經唔係坐近走廊位）唔可以等一陣嘛...我地已經食得好快， 但d 野食黎得仲快...基本上...十五分鐘由落單到上齊d 菜...呢個效率...嗯...比個讚你但...我地食唔到咁快呀...食左七八個個字， 野食都食左一半既時候...就有侍應拎左個餐牌黎問我地洗唔

星期五一行六人一早就去拎定位，唔使等就入得坐，不過限時個半鐘，又唔係食放題.....限時唔係問題，不過兩個鐘會好d，時間太趕，叫左咩食唔多講，認真有點失望既，小籠包黎個時反左兩舊，叫距換過都肯換，只不過出菜時應該要留意下、食物要好食，賣相都應該要有。野食黎講真係有點失望，同尖沙咀黎講又差好多，如果唔係方便既話，真係建議去尖沙咀好點。同埋真係太迫，六人台放兩樣菜已經無位。飲品個方面就真係保持到水準既

平時絕對吾會入將軍澳搵嘢食，係姊妹介紹下去食，不過無得訂位，我地夜晚6點半入座，等左半個幾鐘，好多人排隊再遲d去應該有排等。每枱有一個半鐘時間食，我地叫左七樣餸，個片皮鴨好正。咸蛋蝦球係姊妹話好食，不過我覺得太大舊，食完片皮鴨飲番個玫瑰花茶解油膩岩岩好。其他野食都吾錯，價錢都唔算貴，服務都ok，絕對會番轉頭再食

美中．鴨子，美心中菜，主打烤鴨，走年輕新派路線，有北京樓做後盾，烤鴨功夫應有一定水準。海港城店日日排隊，近期於將軍澳開了新店，店子不設訂位服務，而且須到齊一半人數方可入座。烤鴨即點即烤，需預30－45分鐘準備時間，一坐下立即點半隻後慢慢再看餐牌。店子中央設半開放式處理片皮鴨，眼見三位師傅密密做到無停手。 前菜先來一客川味蒜泥白肉，近年喜歡麻多於辣，這蒜泥白肉少許麻香醒醒味蕾。帶子龍蝦湯，濃稠帶蝦香味道，伴鬆脆蔥油餅。蒜頭胡椒瓦礃雞鍋惹味非常。主角北京填鴨終於準備好，連醬汁大蔥絲、青瓜條及一籠餅皮一起送上。賣相擺放得精緻，師傅片鴨皮肉分開，已去掉大部份皮下脂肪，鴨皮香脆，鴨肉鬆化，脂香豐腴，尤其欣賞餅皮帶韌性，包著鴨皮鴨肉加點醬一起吃特別有口感。最後的香芋海鮮鍋飯，啖啖芋香，炒飯底粒粒分明，白汁海鮮份量剛好不糊口。基本上服務及食物水評都滿意，提議早一點來食第一輪，眼見不到7點已有不少食客排隊了。 美中．鴨子將軍澳唐德街9號將軍澳中心商場地下G105-106號 注:鄰近港鐵將軍澳站，將軍澳中心提供時租車位 #hkfoodblogger#hkfoodies

朋友生日飯想食中餐，人少少，看到餐牌餸菜選擇多，價錢也不算貴，所以拍板來這裏一試。服務生態度不錯，枱椅夠大，坐得舒服。食品質素不俗，蘆筍及雞肉炒得鮮嫩，炸蟹鉗大大個啖啖肉，銀雪魚也煮得夠滑。是將軍奧中菜的一個不錯的選擇。

本身今日訂咗尖沙咀某餐廳食片皮鴨，點知餐廳朝早打嚟話大廈停電，所以做唔到生意！一心想食片皮鴨，於是就搵附近有片皮鴨嘅餐廳食，其中一個成員提議去美中鴨子，於是就一家人去試一試！因為我哋去得夠早，一去到就唔使等位有得直入，可惜嘅係我哋一行九人，佢得一張大圓枱已經俾人坐咗，於是我哋只可以坐長枱。其實成餐嚟㗎係，成間餐廳嘅服務態度都非常之好；嘢食方面，片皮鴨幾好味，唔會太肥太油，其他嘢食都不過不失，最令我驚喜嘅係個柚子沙律，我真係估唔到佢咁好味，所以大家去到嘅話真係要試一試呢一個餸！