美中·鴨子 (將軍澳中心)

營業中

休息中

早幾日約左朋友一齊食飯，但我同佢都係咁岩遲收工，所以都係決定係屋企附近食，係popcorn行下諗下，一於就試美中鴨子，因為平日好多人等位都食唔到，今日晏左反而有機會食。雖然係八點幾，但都要等一陣位，入到去睇一睇個menu就即刻點野食了，因為都好肚餓。第一樣梗係要點片皮鴨，兩個人就叫左半隻就夠。之後就叫左火鴨豆腐羮，雖然係3－4人位，但因為想食D 流質食物所以都叫左，最後叫左一籠小籠包。最先黎既係火鴨豆腐羮，份量係幾多，都幾足料。之後就到小籠包，皮薄餡都幾好，熱辣辣幾好味。主角梗係最遲先出場，我估應該好多人都叫，所以最遲先到。皮好脆，但又唔會太多肥油，鴨燒到岩岩好。佢皮同肉都有分開上，岩哂鍾意食皮既我。

一行10人於星期六中午食飯，過半人數後，等執檯都等了半小時才能入座。當中比較好味的是小排骨，擺碟好像山水畫一般，酸甜的醬汁令它非常惹味！小籠包都非常出色，充滿鮮甜的湯汁！但它的招牌菜填鴨比較失色，鴨皮及肥瘦ok，但鴨肉沒味道，即使加了醬汁，鴨味感覺不太特出！

五點幾已經用app手機拎位但七點多先有位(可能我地人數比較多有八位) 北京填鴨皮脆肉嫩 我地叫左一隻都尚算幾多 每人都至少食左4塊 係門口仲會見到有職員即場做添小籠包生煎包都好味！我地今次食飯係為朋友慶生 當然要問問切餅費啦～打電話去問話指定餅舖唔洗切餅費大家記得打去問

我今天推薦的不是他們的王牌烤鴨（雖然烤鴨也不錯）偶然的機遇點到了讓我和男友好吃到飛起的就是下面這個混沌，內陷多肉，帶點台灣風味的甜。湯頭感覺是用鴨架熬成的湯頭，帶點鹹香。讓人欲罷不能的組合！

(將軍澳) 當我們去到門口，有好多人。我問 門口侍應幾點鐘入得？ 佢話「五點半開始」(由於我已經喺網上攞咗飛，所以好放心咁等待😔)等到接近六點，都冇聽到嗌位？再去問門口侍應 佢話：「已經入座，坐滿啦！」 我問佢 點解頭先冇聽到嗌位嘅？🤔 佢話 啲人喺門口排隊。( 咁咪即係 雙重製度 )問題一： 點解要喺網度攞飛丶 又有現場排隊！？ 點解：冇寫明喺門口？ 點解：門口侍應 冇解釋清楚解釋畀客人知道！問題二：《更離譜嘅事！》 由於兩次查詢 門口侍應。 叫位時，她刻意『跳過 我的號碼😒』(她期間，她問過我幾號。) 當我發現時，她逃避我的眼神。 門口侍應的行為，令人對 貴店 大失所望！！

終於等到啦～～「鴨子」規定晚市要 5 點半開始，冇得訂枱，齊一半人數先可進入。記得上次，5點9黎拎位，預計要等兩小時或以上，結果放棄。今次，5點3黎拎位，誇張到，已經排晒隊。不過好好彩，今次唔洗再等，準時5點半入去。落單時，除左「北京填鴨」、「蔥油餅」 之外，完全冇概念要叫啲咩，所以決定叫過4人餐。 4人餐份量好足： 清新柚子沙律 （好fresh, 夠沙律）青蔥麻香雞（又夠辣，又夠麻，正！）上海大碗雲吞鴨湯（唔油，係雲吞普通咗啲）北京宮爆大蝦球心（好味，啲蝦足料既）烤北京填鴨(半隻）（啲肉夠味，塊皮好味過同公司既北X樓。）茶樹菇小豆苗（好欣賞，除左小豆苗同茶樹菇外，仲加咗啲芽菜，中和咗小豆苗既苦味）蔥油餅（好味，完全唔油，不過好易散）哈哈哈哈～～ 個小籠包係佢比錯咗。

平時美中鴨子都好多人等位，屋企人提早嚟霸位先至唔使等位。 片皮鴨，完整一份 $298黎美中鴨子，一定要食片皮鴨，鴨皮好香脆，鴨皮連少少肉，唔會太溜，而且有好多塊粉皮，7個人，每人食到3至4件，粉皮好薄，粉皮+鴨+青瓜+蔥，點埋醬食，非常好味所以片皮鴨係必要嘅！水煮魚片$198水煮魚本身都係辣嘅，不過佢唔算好辣，雖然睇落去好多辣椒，但係個辣度我都接受到！味道都唔錯，而且魚片下面有粉麵，食落唔會太寡，好入味乾燒蝦球炒拉麵$138我都推介大家食，佢個味有少少似客家菜嘅糖醋排骨，佢嘅醬汁酸酸甜甜，蝦球都好爽，好味蛋蛋麵$38呢個我都覺得唔錯，佢嘅水準同翡翠拉麵小籠包嘅擔擔麵差唔多，有少少辣，好多肉碎，湯底夠味，好味！雖然佢唔係特別特別好味個種，但係$38 ，咁嘅味道，對得住個價錢。孜然羊肋排 $108本身孜然粉整嘅嘢食都好食，佢個羊排又夠林，又唔會太酥，所以幾好味！不過可以再多啲孜然粉，咁就更加濃味啦。小籠包六隻$60味到正正常常，上到枱都仲係熱嘅，皮都算薄，味道尚可。金腿先菌炒飯$78蟲草花炒翡翠苗$88炒飯同埋菜味道偏淡，可能因為最後先黎，之前食啲嘢都比較濃味，所以呢兩味相對冇咁吸引，鍾意

好鐘意食鴨鴨鴨既我食開燒鴨同北京烤鴨呢D成日有既終於可以一試D特別D既鴨肉料理!成日係TST路過都會經過呢間終於去TKO試試佢!紙巾上面都印左鋪頭LOGO同名~係鴨鴨鴨~~~見到咁多辣椒我果下都D怕怕地會食唔到不過又唔會WOR!依個就不過不失 麻辣味唔算重 自己唔係食太辣都食到個份量都夠4-5個人食叫左大既扁皮鴨本身望落以為都係得好少  但原來下面有好多鴨肉比埋既!扁皮鴨食落唔會覺得肥 鴨肉都好滑鴨皮同鴨肉一齊食好滋味~~~同埋冇骨啖啖肉感覺好爽皮!重頭戲黎啦!本身其實我對桂花榚唔係太大興趣 但係知道依味餸係間鋪既特點 所以就試下!食落去之後個口入面即刻浮現左好多層味道有桂花榚既甜味 ~扁皮鴨既鴨油味仲有薯片同沙津醬既味!!!依種感覺非常新鮮 而且味道亦道好夾食完一件會想食多一件一定要成舊一齊食 先食到依個特別既味道架!

今天是妹妹的生日翌日，我們一家到將軍澳品嚐美中鴨子，遺憾多年前並未能夠在尖沙咀快活一番，今天一於來個與民同樂。坦白說，我認為這家店的食物與質素成正比，因為這家店的食物沒有令人驚嘆的價錢，質素卻可以維持在一定的水準上，令人看見美心的敬業精神。這晚的亮點是北京填鴨，令我最驚喜的是那塊薄薄的皮，雖然很薄，但並沒有因此而很容易被戳穿，反而堅韌有感，令人越嚼越有感覺。不過，大家緊記這間餐廳不設預訂服務，大家在繁忙時間中大概要等候30分鐘才能入座～入座時人數必須過一半～～

星期六晚上就揀左黎美中鴨子慶祝家人生日，walk in入去就有位啦!將軍澳呢閒環境好闊落，餐桌上的筷子擺設很有心思，都是鴨子形狀來。我地叫8個人叫左七個餸，當然少不了叫一隻片皮鴨啦，這裡的鴨皮和肉是分離的，肉質好嫩滑，小蒸籠裡有些包鴨的皮，保持熱哄哄的，還有些醬汁、京葱和青瓜，簡直是星級片皮鴨，整體上都好滿意啊。

自從老媽幾年前食過尖沙咀的美中鴨子店之後, 一直念念不忘, 只可惜每晚大排長龍。她說比起甚麼鹿鳴春, 或者同系美心中菜的北京樓更好味。而且雖然是美心中菜, AE 卡並沒有折。近來鴨子店開到入黎將軍澳, 每晚同樣人龍不絕。這晚帶老媽來試下, 同樣要排一個鐘!上菜很快, 先來清炸深海銀鱈魚! 少少的一件, 十分矜貴! 3 個人只可以分到少少一塊, 味道不錯! 小籠包是不錯的, 內滿滿的湯, 新鮮熱辣。蔥油餅出奇地超鬆化, 我家姐非常欣賞, 一咬就散了, 鬆化又香口!窩貼也熱辣辣, 很好味。再來宮保雞丁 ~ 平時我媽不吃出面的雞, 很怕又鞋又乾又有雪味的。但呢個佢食唔停口, 大讚雖然辣但香口又好味, 雞肉也嫰滑。最後才來半隻北京烤鴨, 因為每枱也 order, 製作需時, 一坐低第一時間即刻已經 order 了 ~ 仍然最後才到。正是老媽至愛! 皮脆肉嫩, 鴨肉很滑, 皮下脂肪已經被片走, 很細心的做法。另外, 夾肉的薄餅不像其他店吃的又乾又厚又硬, 而是又薄又, 帶點煙韌。最後還有生煎包, 可惜 3 人已吃得飽飽, 老媽成碟打包了。雖然每晚爆場但平日夜晚早一些來應該不用等位的,

有朋友生日，想食鴨。咁岩樓下就開左新餐廳，就去試試。每日經過都好多人，但好快就有位。第一個上既小食係雞絲粉皮，估唔到呢個雞絲粉皮咁好食。麻醬好足，我地朋友仔一行6個，要搶黎食咁濟。下次黎食都會叫番呢個。小籠包。不過不失，食果陣唔小心整穿左，汁漏哂出黎。不過鍾意食既都可以叫。南瓜餅，我本身唔係咁鍾意南瓜既口感。而呢個就冇呢方面既問題，又冇南瓜既甜味。荷蘭豆普普通通，不過份量好夠，如果配埋白飯食就一流啦。炆魚，呢個係辣既。不過佢就唔係話好辣好辣，連我唔係幾食得辣都可以接受。而且佢底下有類似粉絲既面條，配埋辣湯加魚，好好食！餃子都係不過不失，冇咩特別，但想食都可以叫。食左咁耐，終於到主菜扁皮鴨啦！！果然好好食，皮好薄，而且皮係熱辣辣既。鴨D肉好嫩，夾埋配料蔥甜醬果D，好好食。果日可能太多人，鴨有少少凍，不過都係好食。呢兩個真係送飯一流，菠蘿骨酸酸甜甜，好值得食。而芹菜雞柳都好好味。配埋下個飯，好開胃。推薦呢兩個！我地仲叫左一個飯一個粗抄，兩個都好好食，由其是個飯。上面既白汁好多，飯一D都唔dry。今餐真係食得好飽，不過最可惜係冇叫白飯！下次黎一定會叫番個飯～～

將軍澳中心裝修之後只喺上年去過一次，同事話呢度開咗間京菜，午巿唔多人可以試吓。避開午飯人潮時間，大概兩點客人唔多，我幾鐘意個環境同埋餐具，靜靜哋，食物方面味道唔錯，份量正常，配料少咗啲。有一樣唔係咁好係飲品比較貴，只有汽水同茶選擇，茶係一壺，我哋三個人其中一個食可樂，其餘兩個每人一壺茶，如果天氣熱都幾難受。職員話可以坐到四點半，如果放假嚟食坐低食完嘢傾計飲晒一壺茶我覺得都係唔錯嘅選擇。午餐選擇唔多。飲品要加$12。環境舒適，特別窗邊位，大玻璃透入光線。筷子托，碟，盛載菜嘅餐具都好別緻。紫甘藍雞絲粉皮，我哋都傾咗一陣先起筷，粉皮入口仍然有透心涼感覺，唔錯。三娘春卷，熱辣辣，脆卜卜，吸收咗調味嘅津白做餡減少油膩感，亦唔會過清淡。土雞湯小雲呑，呢個無特別。香芋海鮮鍋飯，雖然海鮮好少，但焗得香噴噴，上面嘅汁唔漏又好味。上海粗炒麵味道普通，只有一至兩條肉絲。響米海鮮泡飯，海鮮又係好少，泡飯加入脆米，口感特別，味道亦唔錯。茶茶及中國茶有個熱茶座令茶保溫，不過諗到趕時時飲晒，影完相即時比我吹熄，茶係唔錯，清清哋，幫助消化。一個飲中國茶 : 茉莉綠茶。一個飲花茶 : 粉紅玫瑰。一個飲可樂，係杯裝。

真的蠻熱的，很多人排隊！北京填鴨蠻好吃的，兩個人要半隻再加一份小籠包，食量就剛剛好！我比較喜愛吃片皮鴨，一片片的鴨子皮，脆脆的，口感不錯，吃下去又不油膩。另外無錫灌湯小籠包也不錯，配上半隻背景片皮鴨就正好。

平時媽咪會就我地食放題 火鍋今日佢鐘意食片皮鴨 所以生日就帶左佢黎美中。鴨子🦆大概6點30左右到 平時見好多人排隊 可能平日關係比較小人 而且閒日都吾限時 不過就要過半數先可以入座入面既枱同通道都比較大所以比人感覺好舒服我地其實糾結左好耐叫餐定單點好 叫餐吾洗諗又平 不過最後睇完個餐牌有好多野都想食 但個餐係無既 我地叫左一個炒飯 一個水煮牛肉 沙律 小籠包 片皮鴨同埋一個湯 水煮牛肉煮幾足料 不過嫌佢吾夠辣 如果再辣d就好啦 另外再加左自飯 加埋d汁一齊食真係好好食😋😋片皮鴨叫左半隻因為有人吾食 皮都算簿 而且吾會好粉 鴨都吾會好肥 好油不過美中不足既係沙律 🥗食曬所有野都未黎 吹左三四次先黎 😡另外叫左紅棗桂圓茶 不過有d吾夠味 濃多少少會好d📢📢東海堂同美心蛋糕都吾收切餅費嫁