美中·鴨子 (將軍澳中心)

營業中

休息中

去到美中鴨子，必定要叫招牌北京填鴨一隻或半隻，最好一坐低先落單，因為製作填鴨係即叫即整，包皮夠薄，鴨都算滑，份量兩個人可叫半隻，個醬好好味 我自己就鍾意落好多，再夾配菜。另外，仲可叫牛肉包但係要兩個起，好好食！放筷子嘅器皿仲係鴨子托，好可愛呢仲有翡翠苗，甜甜地幾好食！水煮魚 真係好足辣椒，因為太辣撈起左d辣椒，成仔大碗滿呀，魚好滑，又叫鴨又叫魚會食唔曬不過等枱真係要等好耐，如果預先係food GULU 拎定飛就易等好多！

今次吾系第一次黎架啦！由於每次等候時間都比較長，所以建議大家可以系網長先攞飛，系屋企等下，差吾多先出發，因為餐廳門口都好多人，一黎又吾洗同人迫，二黎可以預鬆小小時間。用餐時間系90分鐘，可以睇下食咩先，有枱後即刻用餐餐桌既擺設，好靚幾有心思我地一共兩個人，嗌左三碟餸菜，上面個碟系浸菜苗，湯底清甜，鐘意食菜既朋友可以試下。依一碟系絕對推介，叫做浙江高郵鹹蛋蝦球，價錢168 個人覺得有d貴，不過系絕對值得一試，因為真系好好味，用黎送白飯系一流最後系扁皮鴨，今次既扁皮鴨比系我上兩次食就有d失望，個皮有d厚，不過隻鴨幾好味，系脆既，肥瘦岩岩好值得一叫整體來說，食物質素幾好，價錢都算抵食，服務一般般，反而傳菜個個姐姐服務就好好啦！哈哈😄 推介各位黎試

昨晚家人一行十人跟我提早慶祝生日，我選了這裏是因為之前一直都很想試，但每次都要等很久很久，這次都等了一個半小時，好累😅 終於可以入座了，一坐下，服務員就端來幾個杯子走到我的對面(我坐沙發)，剛好那邊家人放了嬰兒車，服務員說她要在這邊上菜，感覺說嬰兒車妨礙到她的意思，說話態度不是太好，我們就問“你這樣是什麼服務態度？“ 接著跟她說其實可以到另一邊上菜呀～ 然後她走到另一邊站著看著我們什麼都沒說，到我們問她什麼事的時候，好才說要問我們點什麼茶試，態度一樣不好。這時我們已經忍不住跟她說“你站著什麼都不說，誰知道你想怎樣？“接著把我們的感覺告訴她，還讓她把負責人叫過來，那時候她手上還端著盤子，誰知道她一轉身，整個盤子飛到隔壁桌上，把上面的杯子給打破了，幸好那時候桌上沒有其他人，但把旁邊的客人給嚇到了。過後我們有找負責人說過事情，服務態度是很重要的，希望下次會有改善。《前菜》這碟前菜都好豐富，味道帶點微辣。我們點了香片，我很喜歡喝茶的。《清新柚子沙律》加了柚子味道的沙律確是令人有清新的感覺，上面的脆脆有微甜的，小朋友會喜歡，還有我很愛吃的火箭菜👍🏻《上海大碗雲吞鴨湯》這個本來是一大碗的，但是服務

美中鴨子成日聽人講食物質素好唔錯，好值得試果然係普通既上海小菜，呢到都可以煮得好出色———-今日我地食左午市時段既套餐$88 一位，包一個主食，有粉麵選擇，同小菜一份。前菜，茶介同服務費加一。——————-呢到既裝潢設計非常傳統，木製擺設同寬闊既座位都比人舒適典雅既感覺。 呢到比起上茶樓多一分寧靜，多份舒適。甚為喜歡這兒的鴨子擺設，超趣緻————-前菜是色香味俱全既拍青瓜豆卜和豆，有點四川風味，又有甜甜的醃料味。———————-小菜點了一份酸辣湯，份量十足，不算太辣，夠暖身的小辣。香香的菇味，爽口既荀絲和雞絲在口中溶為一體，給味蕾一點刺激——————-簡單一碟上海粗炒，沒有太多材料，只有點兒香菇絲，但醬汁非常香口，麵條好滑，有點像讚歧烏冬既口感。 但嫌有點油膩，睇相都可見。——————-散叫了一份小籠湯包，一籠六隻。 $68/6 似小貴，但物超所值，皮薄肉汁多，小心夾著包頂既摺口位，沾一沾薑絲醋，一咬開薄皮，湯汁在口裡會爆發，小心燙嘴，吸一吸湯汁，再食埋食夠小籠包。 精緻小巧，必食之選。——————美中鴨子將簡單普通既上海菜用廚師一絲不苟，精益求精既烹調方式演繹出上海菜的不平凡。值得推

美中鴨子響將軍澳中心已經開左好一段時間但係作為tko居民既我都係尋日先第一次食七點鐘左右去到拎飛排左大約15~20分鐘到入座三個人獲派一張圓枱餐具擺設頗有心思 隻筷子拓真係一隻鴨仔黎幾得意😂侍應問我地要咩茶 有普洱 香片 烏龍三款我地揀左烏龍茶 茶係幾香唔錯有碟前菜係送既 有d辣青瓜mix埋炸豆腐乾同花生order野食既時候 侍應話轉頭會過黎 但係等左勁耐佢都冇門面完全唔夠人手 見佢地忙到根本唔得閒理d客人😯 要叫成三四次先應門口既白衫侍應小姐仲要扮睇唔到我地舉手 服務態度都幾差下😕我地首先叫左半隻片皮鴨 @$168 有12片鴨薄餅皮應該有10片左右 價錢方面算係中上價位 填鴨既質素都有番咁上下既 肥瘦適中 入口唔油膩👌 算係對得住個價啦無錫上湯小籠包有六隻 @$68 都幾細隻下 不過皮薄餡靚好juicy幾好食👍值得推介😃紫甘藍雞絲粉皮 涼拌黎 份量真係超級少囉😐即使佢有落麻醬 味道都係偏淡 冇咩特別咁松露蘆筍三色椒炒雞丁 同樣係好普通既一道家常小菜 不過佢勝在雞肉幾鮮嫩 蘆筍都幾爽口廚師仲加左d百合一齊去炒 鑊氣都係有既 只係略為多左d油如果拎黎送白飯食的確係唔錯既我地仲叫左個香芋海

由於星期五至日係不設訂座的所以假日時餐廳門口總係好多人聚集等位今日難得爸爸經過商場時順便拎菲 我地等左半個鐘頭左右就可以入座筷子架好可愛🥢蟲草花炒翡翠苗 搭配1齊食 有層次感 味道唔錯麻香牛肉麵 牛肉好腍 麻辣味岩岩好再加芝麻同莞茜好香片皮鴨(1隻)根本上每檯客都有點餅皮厚薄適中 有約20塊左右鴨皮香脆連同鴨肉食 無得彈

今日夜晚我終於去左將軍澳呢間專食北京填鴨嘅餐廳~美中鴨子，原本只係抱住去試下嘅心態去食，又估唔到佢嘅味道同價錢都真係幾唔錯招牌嘅烤北京填鴨，鴨皮香脆，配埋鴨肉青瓜醬汁同麵皮，真係好好食，好滿足，仲要食極都唔膩添😍😍仲有擔擔麵，麵條軟硬適中，配埋啲配菜同湯底，真係又香又辣🤗仲有就係佢嘅生煎包，估唔到佢入邊同小籠包一樣咁充滿湯汁，真係夠曬驚喜，而且咁味道仲真係唔錯唔錯😄總括黎講，呢間餐廳嘅野食真係唔錯，價錢又合理 烤北京填鴨，擔擔麵，生煎包，有機會我一定會再去食一次😋😋

將軍澳友人帶路食美中鴨子，事關大家都鍾意食片皮鴨。六點一到即刻用app拎飛，約六點半就入得。我地叫左個四人餐。每枱都有碟小食，酸酸的，帶青瓜粒、豆腐乾、花生同豆，幾好食。四人餐有個沙律前菜。幾搞笑，一間中式餐廳會有西式沙律做前菜，應該係食fusion 野。口水雞辣得幾入味，不過雞胸肉有啲鞋。豆苗炒菇，由於我唔食豆苗，冇試到。呢個炸蝦好高質，外脆內彈牙，而且蝦都好大隻。酸酸辣辣的，好鍾意。主角出場，鴨子外皮燒得香脆，捲住青瓜同醬一齊食真係一大享受。每人食到約三舊，份量算多。冇叫到白飯，叫左擔擔麵，微辣，麵質煙韌。

食物環境好, 快餐店式服務情人節都係平時menu不過等太耐, 615pm拎飛, 730pm先入得1)烤北京填鴨(半隻)~$168: 皮入口鬆脆, 肉同簿餅皮份量夠. 唔會包到唔夠皮2)鹹蛋蝦球~$168: 太厚粉, 雖然蝦大隻, 但冇味! 仲要唔夠熱, 可能擺喺出菜位太耐. 索價亦太貴, 唔值.3)小籠包~$68: 夠熱, 多汁, 好味服務一般: 1)落單唔係行到你身邊落, 而喺就佢方便行到某個位置落單, 你要大嗌先落到單. 2)送菜有時會撞到你, 但佢會講唔好意思 3)等食物太耐, 第一樣餸要15-20mins 後先到 4)冇人執枱!! 眼見裏面有好多吉枱, 但出面有好多人等緊位. 無論你食完定係走左都唔會執枱小插曲: 是日情人節, 商場送一枝玫瑰花總結: 唔洗等位都可以食多一次既

將軍澳，輪候系統絕對白痴，員工按章辦事，毫不講理。5分鐘前，網上輪候仲係講緊48，落到去同我去到88，仲話我輪候時間已過15分鐘? 要人從新排過? 仲要態度趕頭趕命勁唔耐煩。多生意做都唔係咁做係嘛？

年初三帶咗屋企人過嚟將軍澳嘅美中鴨子其實都預咗好多人架喇所以五點鐘就黎到點知門口已經有一條龍排緊隊入場店員安排五點半鐘開始入客大約六點鐘爆場我就攞咗三至四位枱嘅第二張飛都要等到七點鐘先有得食—-鋪頭入面有個全開放式嘅廚房行過你可以見到廚師響入面準備食材同工作而廚房嘅整齊乾淨令我都幾意外😮絕對增加左我對本店嘅信心—-今次我哋點左以下五樣:片皮鴨一隻份量多(夠4人食)皮薄絕對會Encore ！冬蟲草炒蘿蔔苗，不過不失啦小籠包，一客6粒，皮薄有汁雞絲粉皮，份量太少了！松子魚，炸得脆口甜甜酸酸很不錯💜總括而言今次食嘅幾樣菜式最欣賞嘅係片皮鴨絕對會再有下一次其他都係可試可不試—到最後埋單大約$800可能因為人手唔係好夠啦我隔離嘅兩張大枱都離座成15分鐘之後先有店員開始執。希望店舖可以增加人手，令到鋪頭同事冇咁辛苦之餘客人又食得開心

一次坐錯車。來到將軍澳這個不熟悉的商場。聽朋友說過尖沙咀這間店不錯。在截單前進入晚膳。點了兩菜一湯。龍蝦湯味道不錯，還有粒粒蝦，是否龍蝦切粒不得而知。跟著便是我家鄉菜煎黃魚。脆是脆，但不夠香。最後是松葉蟹鉗。炸得剛好，除了多了少少油外，很彈牙，不滯。好味。裝修走中檔路線。不過不失。價錢還算合理。服務也不錯。有機會走錯路還會再來的。

今年男朋友要番鄉下過年🧧陪唔到我，所以提早帶我去食我最愛既北京烤鴨🥰當係補償下，提早一齊食團年飯😛本身每次都會單點d餸，但今日無咩諗頭，就簡左個2人套餐❗️2人套餐每位$250+10%服務費，有一道頭盤+四道主菜。一坐底就會問你飲咩茶，我地簡左烏龍茶，幫助消滯。之後好快就試頭盤，送到黎我地都覺得好驚喜，擺拼好精緻🥰有2份紅菜頭海蜇，2份糖醋排骨同一份花雕醉雞。我略嫌花雕味比較濃，唔鍾意酒味嘅朋友應該覺得麻麻。侍應見我哋食完好快手就想一個豆腐羹俾我地，清清地唔錯。之後就到我既大愛🥰北京烤鴨，食左咁多次水準都保持到❗️每次都燒到d皮好脆🥰而d鴨肉又唔會鞋恰恰👍🏻之後就上咗呢個乾燒大蝦🍤同黑松露醬蘆筍百合。個菜就麻麻地，睇相都見到好油😢但百合炒得幾好味。因為男朋友係蝦痴，我拆密肉就比埋佢食，佢表示d肉都好夠味同彈牙。呢個2人套餐食完真係好飽😂

噚晚專程入將軍澳同老爺奶奶食個生日飯五大一小諗住個4人餐都唔會太多得半隻鴨咋，可加168就變成一隻最終只係加個咕嚕肉比小朋友加個上海炒粗定白飯四人餐先黎前菜: 柚子沙律-啲柚子苦嘅no good麻醬雞: 少少麻少少辣送飯一流雲吞濃湯: 夠熱，唔算太味精，飲完無渴喉宮堡大蝦球: 超大粒蝦球，爽口彈牙，同樣微微辣，好食呀，啪咗2粒，飽飽片皮鴨半隻: 粉皮一塊皮一塊紙隔開，好細心，皮夠薄夠熱。 片皮鴨啲皮堅無拖肉，好刀功。 上碟會連埋幾舊純鴨肉，都好襟食我地加咗碟炒粗，味道普通，略嫌太油。咕嚕肉就認真麻麻地，啲肉仲細舊過啲配菜，全部薄切切無黎肉感。服務嘛，用咁嘅價錢，只能比平均值以下啦。幾位大嬸都唔主動，就連叫埋單，應完就行咗去🤦‍♀️ 閒日咋，假日咪甩晒轆😑

將軍澳中心的美中●鴨子一直很受家庭客人歡迎，地方既大，裝修亦很精緻舒服。菜色選擇很多，是此點了1)烤北京填鴨 (半份) - 肉質細嫩卻有嚼頭，配搭爽脆青瓜，並以甜汁入味，妙不可言;2)蟲草花炒翡翠苗 - 果然翠綠可口，惜略油膩3)四川擔擔麵 - 面條細滑，微辣，卻嫌配料諸如肉碎等不多，麻醬亦不夠濃香;4)響米海鮮泡飯 - 中規中距;5)小籠包 - 皮薄嫩滑，湯汁飽滿，期待能增加肉餡份量。整體而已，價格略高，但值得偶然一試😋